لازم تدخل انت مهم!!!!

[ابو زنه]

السلام عليكم ورحمة الله وبركاته


حيا الله ادرايين ومشرفين وأعضاء وزوار هاذا الصرح((منتدى مكشات))


انا حاب اشتري موتر لي ولزمن وش الافضل من ناحية واحد على قد حاله


باترول من91 إلى 94 ربع


أو


شروكي من 97 الى 2001 باب واحد
وجزاكم الله خير


مع التفصيل بالرد

[4800 VTC]

تم التصويت للباترول

على اني معي قراند شروكي2001

بس تبي العلم والله ما قصر على اني ما خليتبه محل لامن جنوب ولا شمال ولا غرب ولا شرق الا رحتبه واللهم لك الحمد

بس فيه عذروب واحد هو قطع غياره يالله تلقاها وغاليه

بس الباترول مع اخوياي6مواتر وسالكه معهم وقطع متوفره وبسعر معقول

[لاتكب البيالة]

السلام عليكم
انا افضل الشيروكي اوسع وبيكون اجدد موديل لكن دور اللي محركاته نضيفه
اما اذا انت حار على السيارة وتكسر فخذ باترول
المشكلة سعر الباترول 91 قريب من الشيروكي 2001 والفرق 10 موديلات

[حزوبر]

باترول يالحبيب
والمثل يقول (إشتر تبيع) والشروكي لا شريته ، تبحل ببيعه، مهو مثل عطي الله كلن يبيه

[سوبر VTC]

كم دراهمك طيب ؟

[سوبر152]

باترول يالحبيب

[ابو زنه]

15 الف
ويعطيكم العافيه على الرد

[كوير بن راشد]

تم التصويت لصالح الباترول

[ابن علوان]

بااااااااااااااااااااااااااااااااااااترول قدها وقدود

[سفاري959]

الباترول افضل استخدام وقطع غيار وصبر وعند البيع مطلوب واحد من الربع قبل سنتين اشترى باترول ربع 90 ب 16 استخدمه ست شهور وقت الامطار والربيع وراح باعه ب 17 الله يكتب لك اللي فيه صالح وخيره

[الادعج]

15 الف
ويعطيكم العافيه على الرد

والله ماظنتي يالغالي 15 الف تجيب لك باترول (نظيف) بهالمودلايت ...انا يامحاتسيك بايع ربع نيسان 92 مقلوب 97 والموتر والله كان مالي خاطر به لكن اخذته رضاوه لراعيه محتاج دراهمه أخذته بــ 22500 واستخدمته شهر وهو قد انتسفى ومرشوش كامل لكن كانن المحركات الحق نظيفه وبعته بــ 22 الف;) بس مو معناته انك تاخذ شيروكي لا الشيروكي لايقربك ابد ابد لاهو بقرش ..لو تركب سيكل ولا تركب شيروكي

[عشق الشمال]

باترول :good2:

[شاص99]

باترول

لأن موديلات التسعينات من أفضل البواترل الي نزلت حتى الان

[s1s1]

عليك بالباترول وانحش عن الشروكي تكفى والله ماوراه الا الغرابيل
الله لا يبلانا

[العريني1]

تم التصويت

[الكيان]

الباترول


تلقى قطع غياره متوفرة بكل منطقة

[صوت الجزر]

الباترول


تلقى قطع غياره متوفرة بكل منطقة



:good2::good: :good2: :good:
هذا الكلام

[أزحف سعودي]

إذا تبي الشروكي ,, خذوهـ إيجاار :D :D

ولا كلن يعرف لوهـ
الشروكي لوهـ ناسوهـ

[عاااابر سبيل]

الباترول دق سلف ورح للي تبي وماعليك خوف انشاء الله

واما الصروقي قصدي الشروكي
والله لو تازنن ذهب ماطلعت علية صح انة خفيف ونشيط
بس مايقارن بالباترول مع احترامي لمالكي الشروكي

بعدين عندك الشروكي حرارة واذا خرب دور احد يصلحة ويزبطة
واما الباترول
تحوفة بالبيت ومشاكلة معروفة
من ناحيتي مافكرت بالشروكي ابد لو اقعد بدون سيارة

وجهة نظر

[moooj]

تم التصويت للباترول
الشيروكي ما يقناه الا واحد فاااااهم بالمكانيكا والكهربة واهلها يعرفونها زين
الباترول وش حليلة ان دورت النظيف حتى لو تصبر شوي ولا تستعجل وتزود دراهمك شوي وتلقى شي زين ونظيف تراه خوي درب
وفقك الله

[عاشق السفاري1]

:l الباترووووول اكيد من 88-97 اقوى الموديلات في الحديد و الرمل


انا معاي 93 صالون

[ابو زنه]

يعطيكم العافيه جميع
وماقصرتو جعلو والديك بالجنه

[مخاوي القنص]

الباترووووول بالتأكيـــــــــد قطع غيار معقوله ومطلوب ومرغوب وسعره معقووول

[alanaziB52]

بااااااااااااااااااااااااااااااترول وبس

[الخزاعي2010]

ولله يا شباب انا اختلف معكم مافية مثل تويوتا
وتبي العلم كمل درهمك لحد 20 الف بتلقا ربع تويوتا

[سفاري959]

ولله يا شباب انا اختلف معكم مافية مثل تويوتا
وتبي العلم كمل درهمك لحد 20 الف بتلقا ربع تويوتا

وش جاب طاري التايوتا الرجال يقول شروكي والا باترول التايوتا الربع ما ينفع بريال مع احترامي لا رساوه ولا راحه والقديم ما فيه نشاط ابد حنه على غير فايده وجه نظر الباترول الربع بالذات 97 وتحت موتر لكل شي

[ابو زنه]

يعطيكم العافيه على الردود

ماتقصرون

يابعدهم