ماهي عيوب السله الخلفيه

[t3ban]

مراااحب بالجميع
ابي رايكم في السله ألي تركب خلف السياره لها عيوب
انا سمعت انها تأثر على الدفرانس والرمان بلي
مادري صحيح الكلام ولا لا؟

[ولد وايل..]

مافيها عيوب ان كان عفشك كثير وله حجم ممتاااازة جدا لكن أحرص انه مايكوون ثقيل الثقل تخليه داخل احسن من باب المواااازنه فقط......


انا استخدمته وأحملها الى حد التنده بس أهم شي اني اوازن بين الحموله الداخليه والسله ما نزل من ورى نزوله يكون متواسي...

ودووس ياسنايدي والله ماتدري ان معك سله


اما ان كان للمكاشيت وأغراض ثقيله خيام سلندرات وخرابيط ما انصح فيها لانها مصممه لعفش سفر فقط....


أشوف فيه من يستخدمها مكاشيت لكن ما تصلح ....


أول شي تسبب بغراز الموتر لانه تخليه يحك بالطلوع والنزول...

وبعدين اغراض الكشتات دايم ثقيله عزب سلندرات وما الى ذلك


وبعد تسوي لك زحمه وصعوووبه فك الباب الخلفي خاص ان كان نظاام ابواب جانبيه بدون قزازه خلفيه...


الزبده انه للسفر ممتاااااااااااز أهم شي يكون موازن الثققققققل

بالتووووووووووفيق...

[t3ban]

يسلم قلبك ولد وايل

[فلاجكو]

هى جيده اذا كانت ماترفع وجه الموتر واذا كان عفشك زايد وثقيل فيمكنك تركيب بوالين وبعد التركيب لو تحمل جمل مايضر وسلامتك ...

[مسير عليهم]

بالعكس تضر الشاص اكثر ويسبب ميلان في اخره


في الامارات سيارات تفشل في الفحص بسبب تركيب السله وضررها على الشاص

[عاشق السيل]

السلة ممكن تكون ضارة وممكن تكون نافعة حسب استخدامك لها !!

أولا لا تحط فيها عفش ثقيل أبدا ،، ولا تركب سلة بقاعدة وحدة لازم اللي بقاعدتين ،، عند المطبات ترفق بزيادة !!

ومن عيوبها إنها تزيد من طول السيارة وخاصة بالمواقف الضيقة !!

احرص على الألمونيوم لأنه أخف وزن من الحديد ،،

الله يوفقك لكل خير وتقبل مروري يالغالي ....

[MماونشيM]

اخوي السله تضر الان الحمل اخر السيارة اقوى الكارونه بذات المسافات الطويله يدلي يطلع صوت للكارونة
حتى

[أبوياسر1]

والله يالغالي ماليبهن علم..
لكن الجمعة الي راح كنت بخط القصيم..
وعجت علينا..الله يكفينا الشر..
المراد إن به واحدن قادمي ما دريت إلا أبو الشباب جنح يمين ووقف ..
أثر سلته الخلفية مع قوة العج طاحت على تحت..بس ما انفك اللحام

فيبدولي انهن مايتحملن مثل الشبك الي يركب بالتنده..

[مكشاتي النماص]

ارى انها عمليه وممتازة والاخوة اللي يقولون انها تضر بالشاص ومن هالكلام انا ضدهم لأنها مثل ماقلنا للسفر والشنط واغراض بسيطه ولا تأثير لها على السيارة الا ان كانت تحمل حموله ثقيلة واما العفش والشنط بإذن الله لا تضرها بس يفضل الجودة بحيث ماتنكسر في المطبات وايضاً للحيطة حتى وان كانت جيدة لاتسرع بالمطبات للأمان والله يوفقك

[نفود حائل]

انا اعتقد ان سلة الشيبان اللي فوق السيارة ابرك منها

لانها تجعل السواقه صعبة ودائما تكون حذر بزياده

وحتى لو تنزل عن السفلت مسافه صغيره راح تتعبك

[t3ban]

الله يعطيكم العافيه على مروركم جميعا
لاكن سألت صاحب ورشه متخصص بهن وقال لاتحمل عليها اكثر من 100 كيلو
لانها تأثر على الدفرنس خاصة مع المسافات الطويله
مادري وش رايكم فيه احد مجربهن

[عآشق الحره]

وكاله تايوتا لاتنصح بتركيب الشبك الي فوق فما بالك بالخلفي <<
السياره موازنينها وتعبانين عليها الشركه واجي اخرب الوزنيه ؟؟
اتوقع لو ماشي 120 وتبنشر ..والله تروح فيها ..وبعدين انت بس طالع بالسياره غلط بغلط شكلها مع السله وواضح انها تأثر