مغباش
07/03/2005, 05:29 PM
اثناء رحلتنا السابقة حدث معي هذا الموقف الطريف والمتعب في نفس الوقت والي حبيت اشارك فيه معكم
في يوم الجمعة الموافق 25/2/2005 قررت انا والي معاي نروح نتمشى الى احد الفياض القريبة من موقعنا في الصمان
وكانت خطة الرحلة ان نخيم قرب احد الفياض ونشتري طلي ونتغدى عليه
وصلنا الى الموقع المطلوب وقلت اشرايكم انزلكم تبنون الخيمة واروح انا ورفيقي ندور على راعي غنم نشتري منه الطلي
وبعد بحث مضني وجدنا راعي غنم ودار هذا الحوار
انا : بكم الطليان
الراعي : كلش مادري
انا : يعني ما وصاك راعي الحلال تبيع
والله هو ما قال الي لكن انا شفته امس باع اشي 300 او 350
انا : طيب بيع لنا بهذا السعر
الراعي : كلش ما اقدر بس ما عندكم تلفون اكلم اهلي
انا : يا اخي خلصنا ربعنا راح ينزل عليهم المطر وانت ما خلصت
الراعي :والله كلموا الراعي الثاني الهندي يمكن معزبي موصيه يبيع .. طيب ما عندكم بيبسي
رحنا لموقع الراعي الثاني و بس قلتله الطليان للبيع ما اشوف الا وهو راكب معانا السيارة وقال يلا روح مكان غنم
رحت لمكان الغنم وهنا بدأ المطر بالهطول وزاد قلقي على ربعنا الي قاعدين يبنون الخيمة
قلت للهندي يلا استعجل وهات ذاك الطلي طبعا بعد ما اتفقت معاه على 260
وهنا المفاجأة فقد كان الهندي اعرج (لاحول ولا قوة الا بالله ) الله يشفيه لكن الحين الوضع مستعجل والهندي يناقز مكانه ولا صاد شي والراعي الثاني وصاحبي بعيد عنا ويتفرجون
وهنا قررت ان اتدخل ويا ليتني من لقافتي سالم
ركزت على الطلي الي ابيه وفجأه (قبل لا اكمل على فكره انا صارلي فترة طويلة ما ركضت فكانت البرمجة عندي موقفه عند اخر نشاط أي 15 سنة سابقة) وفجأة طرت على طلي والله يمكن المسافة اقل من مترين لكن الزقت رجلي بين الصخور وبحركة سريعة خاطفة ما وعيت الا راسي بين الصخور المدببة ...ضربة بالصدر و على الكف وعلى الكوع
قمت اشوف الغنم اشكالها غير ولاول مرة اكتشف معالمها من اسفل البطن (الله لايرويك) طبعا انا في لحضتها حسيت ان كبدي على رئتي مختلطة وما اقدر اتنفس لكن ...ويا ويلي من لكن لان صاحبي والرعيان يشاهدون المنظر تحاملت على نفسي وحاولت اوقف (يعني عادي وما فيني شي) ولا واسوي نفسي ادور الطلي وينه وينه
وهنا حضر راعي الحلال بسيارته وقام يعطيني نصيحة في كيفية التعامل مع الغنم وانك لا تجفلهم ...الخ (يا اخي انت وين وانا وين) ولا وبدى يعايرنا في ربعي الي خيموا داخل الفيضة (اهل الغنم ما عندهم شغل لا فضائيات ولا منتزهات والشي الوحيد الي يتسلى فيه المعاير اي الطنازه والي زاد الطين بله انه رفع علينا السعر الى 400 (عناد بس)
لكن بسبب ضروفي والامي الجسدية والنفسية والانحراجيه وقلقي على زملائي وافقت على كل شئ واخذت الطلي وانتقمت منه عند مخيمنا شر انتقام وهذه بعض لقطات الانتقام
الي قلبه ضعيف لا يشاهد :heart:
لحضة الانتقام (بسم الله)طبعا الي جنبي يبتسم وما جاني الا للتصوير فقط
http://www.mekshat.com/pix/upload/images7/mk13608_Copy-of-P1010037.jpg
المنتقم به على النار
http://www.mekshat.com/pix/upload/images7/mk13608_P1010044.jpg
الخدمات المرافقة للشوي (يعني صلصة باربكيو)
http://www.mekshat.com/pix/upload/images7/mk13608_P1010041.jpg
لقطة تأمل بعد ما شبعنا من الغداء
http://www.mekshat.com/pix/upload/images7/mk13608_P1010051.jpg
اسف جدا على الاطالة
في يوم الجمعة الموافق 25/2/2005 قررت انا والي معاي نروح نتمشى الى احد الفياض القريبة من موقعنا في الصمان
وكانت خطة الرحلة ان نخيم قرب احد الفياض ونشتري طلي ونتغدى عليه
وصلنا الى الموقع المطلوب وقلت اشرايكم انزلكم تبنون الخيمة واروح انا ورفيقي ندور على راعي غنم نشتري منه الطلي
وبعد بحث مضني وجدنا راعي غنم ودار هذا الحوار
انا : بكم الطليان
الراعي : كلش مادري
انا : يعني ما وصاك راعي الحلال تبيع
والله هو ما قال الي لكن انا شفته امس باع اشي 300 او 350
انا : طيب بيع لنا بهذا السعر
الراعي : كلش ما اقدر بس ما عندكم تلفون اكلم اهلي
انا : يا اخي خلصنا ربعنا راح ينزل عليهم المطر وانت ما خلصت
الراعي :والله كلموا الراعي الثاني الهندي يمكن معزبي موصيه يبيع .. طيب ما عندكم بيبسي
رحنا لموقع الراعي الثاني و بس قلتله الطليان للبيع ما اشوف الا وهو راكب معانا السيارة وقال يلا روح مكان غنم
رحت لمكان الغنم وهنا بدأ المطر بالهطول وزاد قلقي على ربعنا الي قاعدين يبنون الخيمة
قلت للهندي يلا استعجل وهات ذاك الطلي طبعا بعد ما اتفقت معاه على 260
وهنا المفاجأة فقد كان الهندي اعرج (لاحول ولا قوة الا بالله ) الله يشفيه لكن الحين الوضع مستعجل والهندي يناقز مكانه ولا صاد شي والراعي الثاني وصاحبي بعيد عنا ويتفرجون
وهنا قررت ان اتدخل ويا ليتني من لقافتي سالم
ركزت على الطلي الي ابيه وفجأه (قبل لا اكمل على فكره انا صارلي فترة طويلة ما ركضت فكانت البرمجة عندي موقفه عند اخر نشاط أي 15 سنة سابقة) وفجأة طرت على طلي والله يمكن المسافة اقل من مترين لكن الزقت رجلي بين الصخور وبحركة سريعة خاطفة ما وعيت الا راسي بين الصخور المدببة ...ضربة بالصدر و على الكف وعلى الكوع
قمت اشوف الغنم اشكالها غير ولاول مرة اكتشف معالمها من اسفل البطن (الله لايرويك) طبعا انا في لحضتها حسيت ان كبدي على رئتي مختلطة وما اقدر اتنفس لكن ...ويا ويلي من لكن لان صاحبي والرعيان يشاهدون المنظر تحاملت على نفسي وحاولت اوقف (يعني عادي وما فيني شي) ولا واسوي نفسي ادور الطلي وينه وينه
وهنا حضر راعي الحلال بسيارته وقام يعطيني نصيحة في كيفية التعامل مع الغنم وانك لا تجفلهم ...الخ (يا اخي انت وين وانا وين) ولا وبدى يعايرنا في ربعي الي خيموا داخل الفيضة (اهل الغنم ما عندهم شغل لا فضائيات ولا منتزهات والشي الوحيد الي يتسلى فيه المعاير اي الطنازه والي زاد الطين بله انه رفع علينا السعر الى 400 (عناد بس)
لكن بسبب ضروفي والامي الجسدية والنفسية والانحراجيه وقلقي على زملائي وافقت على كل شئ واخذت الطلي وانتقمت منه عند مخيمنا شر انتقام وهذه بعض لقطات الانتقام
الي قلبه ضعيف لا يشاهد :heart:
لحضة الانتقام (بسم الله)طبعا الي جنبي يبتسم وما جاني الا للتصوير فقط
http://www.mekshat.com/pix/upload/images7/mk13608_Copy-of-P1010037.jpg
المنتقم به على النار
http://www.mekshat.com/pix/upload/images7/mk13608_P1010044.jpg
الخدمات المرافقة للشوي (يعني صلصة باربكيو)
http://www.mekshat.com/pix/upload/images7/mk13608_P1010041.jpg
لقطة تأمل بعد ما شبعنا من الغداء
http://www.mekshat.com/pix/upload/images7/mk13608_P1010051.jpg
اسف جدا على الاطالة