اريد البس الجيب الاندكروزر طربال في الخلف وش احسن شئ

[sfr]

يا خواني اريد تركيب التلبيسة ( الطربال ) الي يركب في الخلف لسيارات الجيب الاندكروزر يكون مخيط له ارضية وله مخابي على الجنوب الي منكم جرب هذا النوع يخبرنا عنه وين احسن محل يركب هذه الأنواع من الطرابيل بحثت في المنتدى لكن لم اجد شيئا .وجزاكم الله خيراُ .

[الجارح7]

اخوى سفر تلقى طابك فى الغرابى تسانك بالرياض ويجى منه نوعين واحد قماش والثانى قماش ملبس سفنج والاثنين
بصراحه يحافضون علي نضافه الموتر

[sfr]

مشكور اخوي الجارح 7 وما قصرت

[نمر بن حثلين]

ماعرف محلات الرياض ياخوي

لكن احرص يكون الشراع تنزاني لانه ضد الماء ويحافض على موترك لو انكب ماء او سوائل بالخلف

واحرص يحط لك مخباة كبيره بظهر المرتبه الخلفيه عشان تحط فيها اغراضك الكبيره مثل الواير والمسحاة وغيره
وعلى الجنوب حط مخباتين بكل جهه ويكون مقاسهم متوسط

واحرص يحط لك سحابات من النوع الكبير والقوي

[ناصح]

لا تتعدى الغرابي فهو احسن مكان وفيه خيارات كثيرة

[sfr]

مشكور اخوي نمر بن حثلين وما قصرت على هذي النصائح الحلوه يقول المثل اسأل مجرب و بارك الله فيك اخوي ناصح على هذي النصيحة وفعلا اظاهر ما فيه احسن من الغرابي لشغلات هذي .

[الجيب الربع]

لا تتعدى الغرابي فهو احسن مكان وفيه خيارات كثيرة

وعليك بالطربال التنزاني مع الاسفنج ويكون فية مع الجوانب علاقات تمسكه من فوق

تحياتي

[sfr]

مشكور اخوي الجيب الربع على مرورك ومشورتك

[غضنفر]

وعليك بالطربال التنزاني مع الاسفنج ويكون فية مع الجوانب علاقات تمسكه من فوق

تحياتي

كلامك مضبوط يا الجيب الربع :good: انا توني مركب تلبيسة زي الي قلت والصراحة رهيييييييبة :cool: وتحافظ على
نظافة الموتر والمقاعد من الخلف

[الاحداثي]

فعلا الشراع التنزاني والتبطين بالأسفنج هو الأفضل ومجرب وكثير من المحلات تقوم بالخياطة ولكن احرص على من يكون اخراجه وتفصيله جيد ... وهناك المرباع بعنيزة لديهم متخصصين بهذا العمل وعندهم الإستعداد للتوصيل لأنحاء المملكة .. واليك أخي هذه الصور لهذا النوع من الأشرعة ..http://www.mekshat.com/pix/upload/images7/mk4434_path-a.jpg[/img[img]http://www.mekshat.com/pix/upload/images7/mk4434_path-bb.jpghttp://www.mekshat.com/pix/upload/images7/mk4434_path-cc.jpg

[sfr]

مشا الله يا الاحداثي صورة حلوه تفصيل ممتاز . بارك الله لك

[ســيــف نجد]

فعلا الشراع التنزاني والتبطين بالأسفنج هو الأفضل ومجرب وكثير من المحلات تقوم بالخياطة ولكن احرص على من يكون اخراجه وتفصيله جيد ...
صدق اخوي الاحداثي
واحرص انك تفصله انت علشان تتحكم في مواقع المخابي وتشوف كيف الحجم......

[أبو يحيى]

تكفى يالإحداثي حط رقم تليفونهم إذا إنهم يوصلون ..... الله يجزاك خير.

[الاحداثي]

ابشر اخوي ابو يحي رقم المرباع للرحلات بعنيزة 3646555 = 3649555 وبالتوفيق اخي الفاضل ابويحي ....

[أبو يحيى]

الله يجزاك الجنة ......... قل آمين.

[الطعس الذهبي]

خذالجلد لاانه بياحذ عفش وإذا انكب شي ماتتوهق

[الاحداثي]

آمين أخي الفاضل أبو يحي وجميع اخواننا المسلمين ..........

[السمحاق]

السلام عليكم
في الحقيقة اخوي الاحداثي كفى وفى جزاه الله خير لكن حبيت النصيحه اخوي sfr أحرص ان يكون الاسفنج من انوع القوي الواقف علشان يتحمل اكثر وهناك ايضا محلات في القصيم متخصصه في هذا الشأن
ولك تحياتي اخوك السمحاق

[sfr]

كفيتوا ووفيتوا خواني اعضاء مكشات الصراحة الواحد مايدري وش يقول عندما يرى حرص وصدق اخوانه في منديات مكشات لكن هذه علوم وعوايد الرجاجيل .وما قصرتوا وجزاكم الله خير .

[الربذي]

انا مركب مثل الي عند اخوي الاحداثي بس هو اروع تراه ممتاز ورائع وسهل فكه
ماعرفت فضله الا يوم حركت السياره اشوي عشان البرد واثر الله يجيرك بالمكان الي ورا المرتبه جركن حق البرادات 18 لتر وطاح ومادريت الا يوم قام الماء يقوطر المهم جيت الا اغراضي تسبح وافك الطربال بشويش واكب الماء ولا نقطه قعدت بالسياره واحط الطربال براء لين مشينا تخيل لو مافيه هالطربال سان حوسه وريحة واكيد يتكدر خاطرك ولازم تخلي سيارتك مفتوحه اسبوععععععععععععع عششششان يجف الماء وتختفي الريحة