المساعد الشخصي الرقمي

مشاهدة النسخة كاملة : اللغز السادس والعشرون...................الحصانه الدبلوماسيه....حله:الناريز


المجًفل
02/07/2002, 10:58 PM
مساكم الله بالخير

بعد اذن اخوي الهيثم ابي اعطيكم اللغز السادس والعشرون نيابةً عنه

انشدك عن بنتاً عريباً نسبهـا.... بنت الرجال اهل الذكاء والسياسه

بنتاً كريمه ومكرمينن عربها.... ولا تلتفت لأهل الغباء والتعاســــه

بنتاً لها ميقاف ساعة ندبهــا.... ماياقفه ميقــــافها راع الفراســـــه

من رافقت تحميه لامن طلبها.... وشجاعته تفزع رجال الحماســــه
تعرض
02/07/2002, 11:15 PM
الله يمسيك بالخير اخوي المجفل وعندي ـ طال عمرك ـ رمعتين وشرايك تكون البندق او الفرس ؟؟؟؟؟؟؟؟
السمح
02/07/2002, 11:21 PM
معليش أخوي المجفّل .. بس حسب علمي إن اللغز عند الهيثم !!

إلا إذا كان تم الاتفاق بينكما ..
المجًفل
02/07/2002, 11:42 PM
هلابك يامسا الورد اخوي تعرض وحياك ربي معنا في الالغاز

ومالك لوى حاول مره اخرى

--------------------------------------------------------------------------------------------------------------------------------------------------------------------------------------------------------------------------------

هلاااا اخوي السمح بالنسبه للغز هو عند الهيثم زي ماتفضلت بس اني رديت عليه اليوم الظهر ولا شفته رد قلت ياولد ماني مخلي صفحة الألغاز فاضيه وتخبر اخوك حامي حامي
وان كان غلطنا منكم السموحه واللي تامرونبه المجفل مستعد
للجميع تحياتي
صالح2
03/07/2002, 02:04 PM
اخوي المجفل هل هي البوصلة ؟؟؟؟
الهيثم
03/07/2002, 02:23 PM
أخي العزيز المجفل صح ألسانك على اللغز ! وتمون أنت والاعضاء كلكم اخوان ومقصدنا واحد , والأخ الفاضل السمح ماقال غير الصواب ومقصده الانتظام في طرح الالغاز وهو راعي الاوله والاخيره عليه الامر وعلينا التنفيذ . وبالنسبة للتأخير معليش تعرف ظروف الموظفين ومثلكم يعذرنا .
ولكم تحياتي ,,,,,,
الناريز
03/07/2002, 02:56 PM
صح لسانك يالمجفل على اللغز الحلو هذا وشرايك < بالشهاده الدراسيه > والرمعه الثانيه ( الفـتـوى ) .
ويعطيك العافيه :)
وبعدين فيه إقتراح وشرايكم تكون فيه خيمه للألغاز الشعبيه فقط يعني تكون خاصه للألغاز.
المجًفل
03/07/2002, 06:52 PM
مساكم الله بالخير جميع ويامرحبابكم
----------------------------------------

اولاً: اخوي صالح2 ياهلابك ومالك لوى ماهي البوصله
-------------------------------------------------------------
ثانياً :هلا والله بالهيثم ويامرحبا واشكرك على كلامك الحلو
وانا طرحت اللغز ماقصدي الا جعل الالغاز مستمره ؟؟؟؟؟واشوف السمح شكله زعلان ماعطانا رمعه ولا شارك وانت يالهيثم مارمعة اشوفك وش عندك صعب اللغز؟؟؟؟؟؟؟
----------------------------------------------------------------------------------------------------------------ثالثاً: هلا اخوي الناريز ومرحبا بالنسبه للغز مالك لوى

واقتراحك ممتاز واروع من الروعه نبي لنا غرفه خاصه بالالغاز
السمح
03/07/2002, 07:11 PM
هلا بك مرة ثانية أخوي المجفل ..
غير صحيح والله ما نيب زعلان ولا هم يحزنون .. وكل ما في الأمر أني أريد أن تمشي العملية بانتظام وما دام الأمر يمشي بسلاسة فالحمد لله والله يديم الألفة .. ومثلك عارف يالمجفل ما نقدر نكيل بمكيالين .. أرجو أن تقدر أنت وجميع الإخوان الموقف اللي أنا فيه ..
أما بالنسبة للمشاركة وعدمها فليس بالضرورة أن أضع لي رمعة لأدل على إني غير زعلان .. صح ؟؟ ولكن ببساطة لأني ما عندي رمعة مناسبة .. ويكفيني إني أتفرج على الإخوان وأستفيد من مشاركاتهم ..
الهيثم
03/07/2002, 09:24 PM
الاخ الفاضل المجفل وش رايك في رخصة القيادة , لاتقول خطأ جامل على الاقل .
ولك تحياتي ,,,,
صالح2
04/07/2002, 01:08 AM
اخوي المجفل وش رايك بـ ( الجاهه ) بين العرب .
الناريز
04/07/2002, 01:44 AM
طيب ياطيب
وشرايك < برمعة اللغز نفسه > :)
ابو نجود
04/07/2002, 02:48 AM
حياك الله ياالمجفل وعندي رمعة....النية ..هاه وش قلت؟
مع تحيات اخوك ابو نجود
المجًفل
04/07/2002, 03:39 AM
هلاااااا والله بأخواني الهيثم وصالح2 والناريز وابو نجود والف شكر على محاولاتكم

لاكن للأسف والله مالكم لوى وبعيدين كل البعد
((( الحر)))
04/07/2002, 05:30 AM
صبحكم الله بالخير عندي انشالله وانا راعيها وعساي مانيب غلطان ....

الله العالم انها (( الصلاة )) او (( الزكاة ))

وعسى مرماعي مايصير مثل مراميع الربع الي قبلي وسلامتكم،،،،،.
المجًفل
04/07/2002, 05:40 AM
ياهلاااااا بالحر وصباح الورد ياورد

انت راعيها بس رمعتك مالك لوى:D
الناريز
04/07/2002, 09:45 AM
طيب طيب وشرايك برمعتي ورمعت واحد سير علي .
اقول انا < بطاقة عدم التعرض > او < الدوريه >.
ويقول هو < شريحة الجوال > وسلامتك انت والربع .
تعرض
04/07/2002, 11:46 AM
حياك الله يالمجفل وشرايك تكون ــ البطاقه ــ
المجًفل
04/07/2002, 01:53 PM
هلابك اخوي الناريز وانت حول الحروه بس اقولك مالك لوى
---------------------------------------------------------------------------------------------------------------
الله يحييك اخوي تعرض ومالك لوى
صالح2
04/07/2002, 02:42 PM
اخوي اتعبنا لغزك لكن وش رايك بالواسطة .
ابو زياد
04/07/2002, 05:35 PM
الرخصه
السمح
04/07/2002, 05:53 PM
شكل اللغز ولله مهوب سهل اللي عجزوا عنه كل النشامى ..

وأنا كل هالايام أفكر وش يصير .. وش يمكن يكون الحل .. وش الرمعة المناسبة ..

وجا على بالي عدة أشياء ، وش رايك يالمجفل بـ الساعة الخراشة لعلها تكون رمعة صحيحة ..
المجًفل
04/07/2002, 08:28 PM
مساكم الله بالخير وياهلااا

اخوي صالح مالك لوى

اخوي ابو زياد مالك لوى

اخوي السمح مالك لوى
الناريز
05/07/2002, 12:36 AM
طيب يا طيب وشرايك < بالحصانه الدبلوماسيه >
المجًفل
05/07/2002, 12:45 AM
:good: يسعدك ربي يالناريز ويسعد اللي جابوك ياشيخ

صح لسانك وتسلم هي الحصانه الدبلوماسيه

واللغز عندك ولاتتأخر علينا باللغز تكفى
توما هوك
12/11/2006, 01:00 PM
السلام عليكم

لغز رائع والرمعه اروع ...

وبارك الله بالجميع ..:good:
ابو هبايب
18/11/2006, 12:00 AM
أخوي صاحب اللغز عندي رمعه (الشجاعة)
النداوي HZ2AF
18/11/2006, 12:22 AM
ابي ارمع الحصانة الدبلماسية
المرقاب
19/11/2006, 03:27 PM
مبروك لو أني مأقتعت بالحل