مـواتـر الـقـنـص .. قـصـهـا وتـرهـيـمـهـا بالــصــوور . ياهـل الـطـيـور ويالـبـوارديه

[منصور بن محمد]

السلام عليكم ورحمة الله وبركاته


كيف حالكم يالربع ؟


في أول النقاش


ناظروا هالصووور

http://sub3.rofof.com/img5/04jkipw24.jpg



http://sub3.rofof.com/img5/04orwmc24.jpg






سؤالي يالنشاما


اولاً هالورشه في الرياض والعلم انه غالي :)


ابي اقص الموتر مثل اللي شفتوه بالصور


ابيكم تدلوني على ورشه جيده في منطقة المدينة المنورة او القصيم او حائل ( لأنها قريبات من سكني )


وانتم ابخص بقص المواتر .


وسلامتكم
منصور بن محمد

[ابوطاقية]

حي الله ابوعقاب
بالنسبه للشغل ما اشوف فيه شي صعب لانه مجرد قص ومن ثم ترهيم كراسي

[ولد وايل..]

تبي تعدل موتر كم مديله ..؟

فيه واحد مديل 94 لاند كروزر

لواحد من الوشسمه ان كان لك خاطر ارسل لي خاص...

[مقلع الرمث]

بالتوفيق فيه ورشات التعديل بمنطقه القصيم عندك لكن دائما اللي يشتغلون بالاشياء هذي

يكون غالي لذالك دور اللي شغله مضبوط وتوكل على الله

[السرحان502]

النويصر في الرياض

[السرحان502]

888888888888
دعــــــــــــــــــواتك

[حامل المسك 1]

بالتوفيق ان شاء الله

[منصور بن محمد]

بيض الله وجيهكم كلكم

اخوي ابو طقيه

تسلم يمناك وصدقت كلامك صحيح

.....

ولد وايل

هلابك

لك رساله على الخاص والله يكتب اللي فيه الخير


.....


مقلع الرمث

حياك الله

تسلم ياغناتي


.....


السرحان ياخوي

اللي تشوفه بالصوره شغل النويصر

ولكنه غالي واسعاره مبالغ فيها

والله ان يوفقك وين ماتلقي وجهك


.....


حامل المسك

تسلم يمناك


.....

بإنتظار باقي الربع ....

[راعي جيوب]

إذا كان الموتر جديد أنا من رأي النويصر مفيه غيره هو غالي صحيح بس ثمنه فيه والسبب أنه قديم في هالشغله وكل سيارات المقانيص أللي تشوفها من شغل ورشته ,,,,,, والله أعلم

[عيون الغلا]

إذا أنت تبي تقص موتر
فأنت ماهوب هامك زود10,000 أو 15,000
ويصير شكل وكاله ولاتنقد عليه فنصيحه لوجه الله ياإشتغل صح والا بلاشي
خاصه إن كان الموتر جديد أو موديل حديث
وأنا أنصحك الصراحه تشتغل عند النويصر أو أبن مرضاح
والنويصر أنا أشتغلت عنده بعدة مواتر الصراحه مايختلف عليه أثنين وشغله مايحتاج
ولاتنسى المشاكل اللي تبي تصير بعد القص يعني لو صار الشغل لك عليه ترا البدي يبي يبداء يتشعر فأنتبه
والله يكتب اللي فيه الخير لنا ولك

[منصور بن محمد]

راعي جيوب

حياك الله يابعد حيي

ان الله راد قصينا موترنا عنده

ولكن كود ان فيه بديل عن النويصر واقل سعر منه دلني

..........

عيون الغلا

ياغناتي

كلامك سليم ميه بالميه

ولكن الزود ماجت على 15 الف بس

الزود 40 الف يابعدي

ويش رايك بالكلام اللي سمعته ؟