اذا ركبت كفرات البالون لاتنسى هذه التوصيات...للاستخدام السليم """""""

[النادرتو]

لاحظت في الاونه الاخيره كثره استدام الناس للبالون (الكفرات) فحبيت انقل تجربتي حولها وكذلك معلوماتي


وقسمت الموضوع الى قسمين الاول: عن انواع الكفرات
الثاني:عن بعض المعلومات عنها التي تساعد على استخدام الكفر الاستخدام السليم


*** افضل الكفرات يعتبر(اسيام تاير) وهذا يستخدمه اهل (الصقور) موسمين وغيره عمره موسم واحد فقط
< من عيوبه ... الصلابه الزائده بنقل البطناج شوي....لكنه يتحمل الرقع


**الماكسس جيد ورخيص
** فيه واحد اصغر من هذه قليلا مكتوب عليه(90) اظنه دنلوب ( اللي عنده المعلومه لايبخل علينا) هذا خفيف مره ويمشي الموتر فيه صح وقليله الرجه فيه بحكم انه اصغر منهن سوي


************************************



الثاني: بعض المعلومات التى اتمنى ان تكون مفيده في التعامل مع البالون وهي :


1/ اذا عجز العامل عن تركيب الكفر(لانه يجي منضغط ..لانه بدون سيم ) يضع فيه لصتك وينفخه ويتركه وقت ثم تلاحظ ان الكفر ينفتح يصير مثل الكفرات العاديه
2/ اذا شغلت الموتر لازم تقدم 40 سم او ترجع علشان تروح العرجه اللي في الكفر
3/ الكفر اذا ذاد الهواء فيه فانه يستهلك من الوسط ....واذا نقص الهواء يستهلك الكفر من الاطراف
4/ البالون كفر حساس تلاحظ فيه وزنه للهواؤ اذا كان عليها تقل اوتنعدم الرجه
5/ اذا كان الموتر باترول موديل 97م وتحت يلزمك تركيب (عمود توازن)قدام اساسي هو في الباترول 98م وفوق اذا ركبته يمسك الموتر الطريق صح ..كان مافيه بالون
6/ اخذ الحذر عند نزول المطر ...وان كان عام في كل الكفرات والسيارات لكن هذا بزياده(ويطلع جيل جديد مايعرف ان القياده عند نزول المطر اول مره اول الوسم خطيره لوجود الاوساخ بالطريق كان فيه صابون.... اللي مايدري يروح للرياض عند اول مطر يمشي الشوارع خفيف ويشوف العجايب)
http://www.shpap.net/vb/shabab/misc/progress.gif

اخوكم النادرتو

http://dc03.arabsh.com/i/01416/o78jm0zy6qzg.bmp (http://arabsh.com/o78jm0zy6qzg.html)

[بدوي جنوبي]

تسلك يا النادر على التوصيات

بارك الله فيك
http://www.mekshat.com/vb/images/rating/rating_5.gif

تم تقييم الموضوع

[مجنون باترول4800]

مشكور يالغالي

[ابوتركي qaz]

مساء الخير اخوي انا مركب كفرات اسمها مالون لها خد يعني بروز من الامارات تايوانية وش رايك فيها

[النادرتو]

هلا والله ابو تركي ان شاء الله انه كويسه

اخوك النادرتو

http://dc03.arabsh.com/i/01416/o78jm0zy6qzg.bmp (http://arabsh.com/o78jm0zy6qzg.html)

[مقلع الرمث]

مشكووور وماقصرت لكن كم نحط هواء بالبالون عشان مايتواكل مع الاطراف ولا مع الوسط وبالتوفيق

[النادرتو]

احسن شي هو 25 لان البلون نايلن كويس مع الحجر

اخوك النادرتو

http://dc03.arabsh.com/i/01416/o78jm0zy6qzg.bmp (http://arabsh.com/o78jm0zy6qzg.html)

[الخِيال]

مشكور وبارك الله فيك

[مضاد]

الله يعطيك العافيه كفيت ووفيت

[عاشقsgl-v]

مشكور اخوي النادرتو

ما قصرت على هالمعلومات

لكن وانا اخوك عندك معلومه غلطان فيها الا وهي انك تقول عب الهواء فيه 25 الصراحه اول مره

اسمع احد يقول عب البالون 25 ,, لان اول شي بتزيد الرجه ثاني شي بينتهي الكفر

شف يا طول العمر والسلاامه انا الى الحين مغير 3 اطقم بالون وحتى اخوياااي بعد

ما عمري نفخت البالون اقل من 50 الرجه تروح من عندي والكفر يطول ولا ينمسح والكفر يمشيني

تقريبا سنتين ومرات سنه ونص على حسب االاستخدام ,, وازيدك من الشعر البيت انا عندي اخوياء

في الامارات وعاد ما يحتاج اقولك ولا تقولي هم اهل البالون من قبلنا يستخدمونه تدري انهم

ينفخونه 60 وماشي معاهم زي الحلاوه

اسف على الاطاله بس حبيت اوضح لك هالنقطه

[VIP-503]

طيب لو سمحتو هل يوجد بالون 700

ومشكوووور يا صاحب الموضوع

تقبلو مروري

[اميرالصمت]

يعطيك العافيه
واذا نزلت للبر عبه 20 ومع الخط 40 يعيش معك اكثر

[ابوتركي qaz]

مشكور اخوي النادر وموضوع حلو

[ابوتركي qaz]

مشكور اخوي النادرتو

ما قصرت على هالمعلومات

لكن وانا اخوك عندك معلومه غلطان فيها الا وهي انك تقول عب الهواء فيه 25 الصراحه اول مره

اسمع احد يقول عب البالون 25 ,, لان اول شي بتزيد الرجه ثاني شي بينتهي الكفر

شف يا طول العمر والسلاامه انا الى الحين مغير 3 اطقم بالون وحتى اخوياااي بعد

ما عمري نفخت البالون اقل من 50 الرجه تروح من عندي والكفر يطول ولا ينمسح والكفر يمشيني

تقريبا سنتين ومرات سنه ونص على حسب االاستخدام ,, وازيدك من الشعر البيت انا عندي اخوياء

في الامارات وعاد ما يحتاج اقولك ولا تقولي هم اهل البالون من قبلنا يستخدمونه تدري انهم

ينفخونه 60 وماشي معاهم زي الحلاوه

اسف على الاطاله بس حبيت اوضح لك هالنقطه
اخوي عاشق v انا بصراحة كل فترة اروح بنفسي علشان كفرات المالون للامارات لانها غير متوفرة عندنا ممكن طلب اذا لك علاقات وربع ممكن اكلف عليهم ؟؟

[beerh]

ما انصح بالكفرات الجبليه

شبيهه باالبالون

والان الشباب طايحين فيها

والسبب تعدم لك الدفرنس الخلفي لانها ثقيله

مغير دفرنس مرتين

[لهايب نجد]

لي تعليق بخصوص البالون الدانلوب بحكم اني مجربه بصراحة كفر خفيف جدا وفي الخط حلو مرة بس عيبه ما يتحمل حصى يتقطع بسرعة وينسم مع الشفة امر طبيعي يبيلك تعبيه كل اسبوعين

[أبو عامر 2002]

مشكووووووووووووور

[الباثفندر 3.5]

مشكور يالغالي

[راعي النياسين]

ماقصرت يالغالي

[مواسي الطعوس]

ما شاء الله عليك. معلومات حلوه .

[المعرقب]

مشكور اخوي النادرتو

ما قصرت على هالمعلومات
بس عندي استفسار البالون مقاسات صح ونا عندي باترول ربع مديل 97 اي مقاااس يركب عليه ولا يحك في ارفرف مقاس 900 نحك اولا مع المطبات
ونت ذكرت ان الي يركبه لازم يركب عمود توازن مافهمت 97 مايجيله عمود توازن اذ صار ماله اي عمود يركبله
وشكرا

[ملهاب]

بصراح انا جربت حجم 825 بالون حجم ممتاز وأخف من 900 لكن غير متوفره وتأتي من هانكوك وسموتمو وسعرها غالي

فيه دانلوب يعادل نفس مقاس 825 وهو مقاس 255

لكن بصراح الماكسس يتحمل أكثر من غيره

الف شكر على الموضوع الجميل والمفيد

[ABSS]

مشكور على النصائح

[مرقب]

شاكر لك أخي الفاضل على نصائحك الرائعة

بوركت

[كيري ميري]

هذا الموضوع مكررررررررررررررررر. ومسرررررررررررررروق من اخونا ((مواسي الطعوس))




حتى العنوان نفسه ماتغيرررررررررر.

[كيري ميري]

http://www.mekshat.com/vb/showthread.php?t=142176

هذا رابط الموضوع الاصلي والاساسي

من عام 2008

وياليت يانادر تو تنسب المواضيع لاصحابها

اتمنى من مشرفنا بدوي جنوبي حذف المواضيع المكرره ونسبه الموضوع الى صاحبه ×