ياسلام عليك يالباترول ... فديووو

[اليكي]

يوجد موسيقى


http://www.youtube.com/watch?v=MaDXyIV1FQM&feature=player_embedded




فيه موتر مغرز وطلعه الباترول والربع التويوتا واقف بس يتأكد اذا الجميع بخير

[أبوحمد 505]

الله يعطيك العافية

المشكلة في السواق وليس في الموتر

وثانيا كل واحد يضغط على الرابط سوف تأخذ أثمة

[مجنون باترول4800]

ههههههههههههههههههههههه
والله يا انت نكتة اجل فضيحة
يارجال مافية موتر مايغرز
والكلام على السواق موب على السيارة اجل بالله وش رايك باللي معهم سيارات صغار مع ذالك
يلعب بالنفود لعب
وتبي تدري ان سواق الموتر ماعندك احد شف وش لون كاسر الطارة يسار والرجال يسحب!!!!!
مايعرف النفود الا اهل النفود
مشكوررررررررررررررررررررررر
يالغالي

[اليكي]

تم التحذير بالنسبة للموسيقى .... واحذرررر مرة اخررررى للي مايشوووووف

فيييييييييييييييه موسسسسسيقى فيه اغانننني انتبه قصر الصوووووووووووووووت

:director:

انا كان اعجابي بالموووووتر الي سحب الي مغررررررز وماهمني الغشيم الي مغرز
هع

:p

[لاتكب البيالة]

السلام عليكم
كما قال الاخوان المشكلة بالسواق لكن طيحة اللوحة هل من السواق بعد وايضا يوم قعدوا يناظرون الصدام لاتصير تطلقت كلبساته هل هي من السواق:d
الباترول خرب ولا يستاهل قيمته الا اذا ابيه للديره والخطوط

[ابوناصر426]

البلا من السواق، السواق غشيم

[ابوناصر426]

السواق اللي يسوق الباترول مسوي رد على المقطع باليوتوب شوفو رده






تم حذف المقطع
بواسطة المشرف
بدوي جنوبي

[اليكي]

السواق اللي يسوق الباترول مسوي رد على المقطع باليوتوب شوفو رده



:good2: :good2: :good2:
:good2:

[اليكي]

ياشباب ممكن احد يفيدنا ويقول الباترول 2010 اي نووع ؟؟

[ذيب زلفاوي]

هذا اضاهر الي تجي مكينته مكينة ارمادا لان جنوطه صغار

[نفود حائل]

ماقصرت يابو ناصر
بصراحه رد قوي ومقنع
والباترول اصلا هوسيارة النفود
والخيل من خيالها

[محسن اليامي]

على السواااااق

[حبل الوريد]

اللهم لك الحمد كل هالمناقر على كوم حديد



للمعلوميه الباترول هذا مهوب ابو 400 حصان

[مكسر الشوك]

يبقى الباترون شيخ واذا كان هناك مشكلة فهي تعود للسواق

[المساجدي]

[quote=ابوناصر426;4430351]السواق اللي يسوق الباترول مسوي رد على المقطع باليوتوب شوفو رده

/quote]


هذا وهو 320 حصان اجل لو 400 ماشاء الله تبارك الله
ويسعدني في هذا المقام ان اهدي عشاق الباترول بطل الدروب هذه الابيات ^_^


يالباترول ياموتري يا طيّـب الفـال
صحَبتك من ضمن الودايع وداعـه
شامخ ويبقى منزلك خيـر منـزال
بضاعـةً ياطيبهـا مـن بضاعـه
تشرا ويدفع لآجلها جـزل الامـوال
نوماس عز وطيـب كنـز القناعـه
والشمس مايحَجب سناهـا بغربـال
والنور نور الحق في كـل ساعـه

[عاشق السيل]

ياعمري ياسيارتي طلعتي الباترول الجديد هههههههههههههه

والله الباترول الجديد معروف بقوته لكن المشكلة إن السواق كرتون والدليل بآخر المقطع ماعرف يرقى !!!

لكن الرد أثبت قوة الباترول وخاصة إن السواق تغير !!!!!

عافاك الله على المقطع الحلو وتقبل مروري يالغالي ....

[- النشمي -]

السواق اللي يسوق الباترول مسوي رد على المقطع باليوتوب شوفو رده






بيض الله وجهك يابو ناصر


هذا رد كافي ووافي



وبالنسبه للمقطع الاول مايسما تغريز لان الموتر صادم بالطعس مهوب مغرز

[الادعج]

والله ياغالي ..العتب مهوب على الموتر ...
العتب على الثور الادرع اللي مصفط وراء الدركسون:mad: ...وبخصوص اللقطه الاولى.....ماخبرت يالربع الطعوس ترقى نطح مناطح تقل يبي يهده ...الطعوس ترقى مسايف ومسايس:good2: ...ولا هوب اي طعس يرقى..;) ..والله لو معك بدال الــ 320 حصان ..مليون حصان
وانا ماقلت انه ثور ادرع ...الا وانا متاكد من هالشيء وخصوصاً يوم سحبه راعي الــ 98 وهو كاسر الدركسون لاخر شي والموتر مدحدر:confused:
..
..
مع بالغي احترامي لهذا المنتدى ...بمشرفيه واعضائه وزواره...بس قهرن يالربع وهو وبدلته السماويه اللي لابسه هالزَلمه وش عرفه للنفود خله حول الكباب والتبوله

[سيف الظفير]

النفد يبيله قرم شلي ما هوب واحد حدة اكسنت ولا عمره وطى على الرمل

[مجنون باترول4800]

السلام عليكم
كما قال الاخوان المشكلة بالسواق لكن طيحة اللوحة هل من السواق بعد وايضا يوم قعدوا يناظرون الصدام لاتصير تطلقت كلبساته هل هي من السواق:d
الباترول خرب ولا يستاهل قيمته الا اذا ابيه للديره والخطوط

حلوة يابعدي
اجل الصدام من السواق
ههههههههه
لا الا فيبر كسرة كل شوي يبي يربط
ما ادري وش هالااعجاب بالباترول الجديد
مع انه مع احترام
خجمة زي الاند الجديد
سلام بس للفتك

[سفاري959]

الباترول معروف في النفود والتايوتا ما صف مع القديم والفتك بيصف مع 400 حصان واللي في المقطع ابو 320 حصان خلهم يوكلوني على الطاره واللي يبي يقاوم يجي هههههههههههههههههه يمكن يحنون علي ويعطوني واحد هديه

[رويشم]

السلام عليكم
شباب لو يكون ما يكون لند كروزر او لكزس ما يصف يم باترول نيسان بكل جداره انت شوف تعليق باترول و لند كروزر ونت الحكم

[- النشمي -]

الباترول معروف في النفود والتايوتا ما صف مع القديم والفتك بيصف مع 400 حصان واللي في المقطع ابو 320 حصان خلهم يوكلوني على الطاره واللي يبي يقاوم يجي هههههههههههههههههه يمكن يحنون علي ويعطوني واحد هديه


كفوووووو


والله ان ودي يستلم طارته واحد منكم يارجال مكشات نبي نشوف الموتر كيف يشق النفود شق




السواق داخل يطعس والكفرات ضغطها 35 وباين ان ماعمره طب رمله

والدليل يوم السفاري يسحبه الغشيم كاسر الطاره يسار للاخير والكفرات ضغطها عالي ومع ذلك

طلع الموتر بكل سهوله



اقسم بالله اني انقهرت الموتر مهوب للاشكال هذي هذا موتر طوالت الشوارب

هذا العلم وسلامتكم

[مدور الخيرة]

يجيبه الله مع رجال القنص والطرد ونقدر بعدها نحكم على السيارة

أما القوة فلا مجال للمقارنة رقمياً مع اللاند أو مع اللكزس

لكن الواقع يبين لنا تماسك السيارة في البر والوعر والرمل والطين

وبعدها نحكم على السيارة

[اليكي]

الباترول معروف في النفود والتايوتا ما صف مع القديم والفتك بيصف مع 400 حصان واللي في المقطع ابو 320 حصان خلهم يوكلوني على الطاره واللي يبي يقاوم يجي هههههههههههههههههه يمكن يحنون علي ويعطوني واحد هديه


تعجبني ثقتك
:good2:

[.أبوعبدالرحمن]

يا اخواني المقطع الثاني كأن المقطع الاول منزله في أمه والا ابوه يا أخي وش ذا الكلام البذيء والوسخ

يا ناس اتقوا الله تراها سيارات لا راحت ولا جات انتوا قيموا الرجال ولا تققيمون المواتر انا اشوف ان هذا المقطع كأن اللي في المقاطع مذاهب ما عاد هيب سيارات

أسأل الله أن يعفوا عنا وعنكم

[سفاري959]

كفوووووو



والله ان ودي يستلم طارته واحد منكم يارجال مكشات نبي نشوف الموتر كيف يشق النفود شق





السواق داخل يطعس والكفرات ضغطها 35 وباين ان ماعمره طب رمله


والدليل يوم السفاري يسحبه الغشيم كاسر الطاره يسار للاخير والكفرات ضغطها عالي ومع ذلك


طلع الموتر بكل سهوله




اقسم بالله اني انقهرت الموتر مهوب للاشكال هذي هذا موتر طوالت الشوارب



هذا العلم وسلامتكم

ما عليك زود اخوي النشمي اذا الله اراد مثل ما قطعنا الفتك اجار او ما نزل نبي نقطع النفود ان شاء الله في ابو 400 حصان وعلى اليمنى شرواك يالنشمي ولا يهون من يقرى تقبل تحياتي وتقديري لشخصك الكريم

[سفاري959]

تعجبني ثقتك
:good2:
الحمد لله اني سواق رمل لأني من عشاق التطعيس اول بس اعتزلت هالحين بخلي حفل الأعتزال على ابو 400 حصان اذا الله اراد وبتوصلك دعوه للحضور هههههههههههههههههههههههههه مشكور ولاهنت يالقرم

[مقدم الطيب]

االسلام عليكم ياجماعه المشكله في السواق ماهي في الموتر الي بيطلع الطعوس لازم ينزل الهوا وعارف بالبر بالحبل لكن المفروض ان السواق مايبعدونه عن الكرنيش وبخلي الطعوس لهلها ولوه سواق كان طلع حتى لو معه كامري تحياتي

[التعـ King ـديل]

بنفس هالمكان لو كان فكسار 2011 بيصير له نفس الشي

لان السواق واحد

بالنسبه للباترول الجديد احب اقولكم انا سايقه وموتر لايشق له غبار ونصيحه اللي ماساق الموتر لايهرج

لانه راح يغير كلامه بس مايسوقه

[المتميز999]

يبقى بطل الدروب بلا منافس
انا اشهد انه موتر (قوه وشكل):good:

[الادعج]

يبقى بطل الدروب بلا منافس


انا اشهد انه موتر (قوه وشكل):good:


وانا اشهد ,,,,:good:

[aboeyade]

يا إخوان الفضيحه مو إنه ما طلع الطعس .
ولكن الفضيحه عدم خروجه من التغريز مع إنها تغريزه مو ذاك الزود

أنا معجب بالباترول الجديد , لكن لابد نقول للمحسن أحسنت وللمخطيء أخطأت

وسبحان الله فيه مقطع لتغريز باترول الموديل القديم , مشابه تماماً لتغريزة الباترول الجديد على الرابط التالي
http://www.youtube.com/watch?v=nyZlvFlBfig

[اليكي]

يا إخوان الفضيحه مو إنه ما طلع الطعس .
ولكن الفضيحه عدم خروجه من التغريز مع إنها تغريزه مو ذاك الزود

أنا معجب بالباترول الجديد , لكن لابد نقول للمحسن أحسنت وللمخطيء أخطأت

وسبحان الله فيه مقطع لتغريز باترول الموديل القديم , مشابه تماماً لتغريزة الباترول الجديد على الرابط التالي
http://www.youtube.com/watch?v=nyZlvFlBfig




:eek: :eek: :eek: :eek:

[- النشمي -]

يا إخوان الفضيحه مو إنه ما طلع الطعس .
ولكن الفضيحه عدم خروجه من التغريز مع إنها تغريزه مو ذاك الزود

أنا معجب بالباترول الجديد , لكن لابد نقول للمحسن أحسنت وللمخطيء أخطأت

وسبحان الله فيه مقطع لتغريز باترول الموديل القديم , مشابه تماماً لتغريزة الباترول الجديد على الرابط التالي
http://www.youtube.com/watch?v=nyZlvFlBfig


اخوي الموتر بيد سواق اكيد بيطلع


لكن انت اقرا وش كاتب راعي الباترول الجديد بالرد ضغط الكفرات 35 والرجل عليمي

وحتى يوم يسحبه السفاري كاسر الطاره يسار للاخير بالله هذا تبيه يطلع بلحاله !!!!!


اترك لك الرد :D

[- النشمي -]

واشوا ان اللي سحبه باترول يعني ابناخيه والا كان سوادت وجه


والشرهه والله مهيب عليه الا على الخبل الوكيل اللي معطي موظفينه عطي الله

يدوجون به في البران وهم حدهم حواري جده والرياض

[ابو مكازي2002]

مشكور علي المقطع بس يبقى الباترول بطل الدروب بلا منافس
تحياتي للجميع

[الاستراتيجي09]

والله ياغالي ..العتب مهوب على الموتر ...

العتب على الثور الادرع اللي مصفط وراء الدركسون:mad: ...وبخصوص اللقطه الاولى.....ماخبرت يالربع الطعوس ترقى نطح مناطح تقل يبي يهده ...الطعوس ترقى مسايف ومسايس:good2: ...ولا هوب اي طعس يرقى..;) ..والله لو معك بدال الــ 320 حصان ..مليون حصان
وانا ماقلت انه ثور ادرع ...الا وانا متاكد من هالشيء وخصوصاً يوم سحبه راعي الــ 98 وهو كاسر الدركسون لاخر شي والموتر مدحدر:confused:
..
..

مع بالغي احترامي لهذا المنتدى ...بمشرفيه واعضائه وزواره...بس قهرن يالربع وهو وبدلته السماويه اللي لابسه هالزَلمه وش عرفه للنفود خله حول الكباب والتبوله


عزالله انك مازليت

[ابو ريان العمراني]

يعطيك العافيه