افضل سيارة للبر والعائله

[عبادييي]

السلام عليكم

هذا اول موضوع لي في هذا المنتدى الرائع

وهو طلب راي من اهل الخبرة

طبعا

انا ناوي اشتري سيارة عائليه لاتقل عن 9 اشخاص

فأنا راعي بر درجه اولى

واسافر كثير

فما ادري ايش السيارة المناسبه ايش رايكم

فارجو من الاعضاء الكرام التكرم بوضع ارائهم ونصائحهم

[ابوهتان2007]

السلام عليكم ورحمة الله وبركاته

اليوكن

مناسب جدآ جدآ لك
والله أعلم

والأخوان ان شاءالله يفدوك اكثر

[نفود حائل]

اخوي اذا انت راعي بر انتبه واحذرك قبل فوات الآوان

===== لاتشتري امريكي ======

ولا تغرك الرفاهيه فيه

عليك بأي سياره يابانيه

[مزن الصيف]

الفوتشنر وبس فهوموتر للعائله والبر

[أرمادا]

أنت تبي سيارة بر ،، والجيب هو سيارة البر لكن ما يشيل 9 أشخاص ..

اذا لك الخيار بالسيارات التاليه من رأيي ..

الجمس ما يتحمل أبد بالبر وأهل الخبره يبينون اذا كنت مخطئ .

اذا احتاملين .:

* فورد اكسبدشن

أو

* أرمادا


أنا أرى انها افضل سيارتين للعائله وللاستخدام للبر ولك الخيار ..

انا سيارتي ارمادا 2009 لكن ما استخدمتها للبر ،

[بو خليفه]

اليوكون جيد لكن عيبه حساس الدبل يخترب

الافضل ارمادا أو الاكسبدشن وسيع و مريح

[بو خليفه]

اذا البيع عليك بسفاري او كروزر

[ولد وايل..]

^^ دامك ما استخدمتها بالبر أجل وفرها بالبيت ولا تحتسي عن موتر ماتعرفه...

لاتقول جربت ولا عندي ولا ولا كل هذي سوالف قديمه...ماعندك الا يقووولوووون...

ياعمي تحلمووووووووووون...

عزيزي انا موجود بالرياض عندي تاهو 2007 ملعون ابوثواه...

اطامر به البر واتردد للشرقيه اسبوعيا ...
وراعي فر كرف خطوط...

تعال شف الموتر ماشي 190 ماشاء الله زي اللوزه وشهاده اسأل عنها يوم القيامه ان كنت باغشك بالنصيحه...

اهم شي خل عندك ثقه بقرارك ولاتشاور من لم يجرب ...

واللي يتكلم بالامريكي يقول ما يصلح يخلي مواتر الشيوخ للشيخ ويجلس على السلق...

متى عرفنا الياباني ...؟؟

أنا صغير بالعمر ومع هذا ما اذكر الياباني الا من 90 وطالع.... بدا ينتشر ويستخدم....

الأمريكي يوم ان بعضكم ببطون امهاتهم وهو ينقل ويجيب ويعتمد عليه....

على شان واحد ماعرف يصلحه ولا ودى الموتر ع من لا يعرف بالجموس تبي تعمم ..؟؟

الجمس من افضل السيارات من الجيل الجديد...

واقولها أفضل من الاندكرزر ومن غيره ومن كثير من المواتر اللي بدأت تستخدم التقنيه الجديده
لأن الأمريكي خلاص فترة من زمان وهو يستعمل ها التقنيه وأبحت الان متحكم بها....

البلاء انه يقول لاتاخذ أمريكي ولا جمس وخذ اكسبلورر..؟؟

طيب وش الفرق بينهم ياحظي.؟

ولا وش الزين بالبقرة ارمادا ..؟

الله يمليك بركته بس....


عزيزي توكل على الله وانت اللي تبي خذ انا ما احدد لك موتر لكن النصيحه امانه ان تتكلم بدون ما تعرف ما يصلح هيك حتسي...

انا اشوف انسب شي لك الإكسبدشن أو اليوكن والتاهو

الأرمادا والسيكويا كبهم ولا عليك منهم....

بالتوفيق...

[ولد وايل..]

اليوكون جيد لكن عيبه حساس الدبل يخترب

الافضل ارمادا أو الاكسبدشن وسيع و مريح






كم يوكن جربته وخرب عليك ياعزيزي ..؟

انا احس من كثر ردودك عن حساس اليوكن ان قد واحد صفقك على خشيشتك بدقمه دبل حقت يوكن ومن عقبه وانت تهذري....

[وشو ذا]

انا ضد الامريكي على طول الخط
اشتر اي سياره جاباني وان شاء الله تتوفق
وركز على التيوتا :good2: :good2:

[سليمان 10]

الحل سيارتين من تويوتا وعليك الاختيار 0اسأل مجرب 000

[أخوالعيال]

أرمادا وبس

سياره واسعه ومريحه وعائليه

توكل على الله واشتر ارماداء

ماشاء الله تبارك الله ,,

[أبوعذااب707]

وجهة نظري لاندكروزر
لكن دامها 9 اشخاص ارمادا

[عبادييي]

اخخخخخخخخخخخخخخخخ يا راسي

كل واحد يقول عكس الثاني وش اسوي اخخخخخخخخخخخ

[النادرتو]

هلا اخوي فتك 2009 او ارماداء

http://dc03.arabsh.com/i/01416/o78jm0zy6qzg.bmp (http://arabsh.com/o78jm0zy6qzg.html)

[عبادييي]

كأني ملاحظ ان الاغلبيه لا تميل للسيارات الامريكيه باستثناء الاكسبيدشن ؟ليش

[إبن عوف]

اخوي عليك باليوكن او التاهو عن تجربه اول شي مافيه سياره ماتخرب وثاني شي الامريكي افضل من الياباني من حيث الراحه في السفر والوسع وثالث امر انا مجرب اليوكن والتاهو ولافيه اي عيوب تذكر الحمدلله معي يوكن له حوالي ثلاث سنوات كل خميس بر تقريبا مابه الا العافيه الحمدلله

[بن سليمان]

بعيدا عن القيل والقال وبعض ردود الشباب بأثر رجعي خلى اسعار الياباني ترتفع بحجة صرف الين والتي استمرت اكثر من عشر سنوات والياباني كل سنة في زيادة حتى اصبح اغلى من الالماني وفي الاخير سياراتهم تسحب من الاسواق لوجود عيوب مصنعية ولنا في تويوتا مثال
وصدقني بعض الردود ينطبق عليها المثل اللي يقول الانسان عدو ما يجهل

الخيارات عندك كثيرة لكن ارشح لك وبقوة فورد اكسبدشن يكفي سعره 119 الف ريال واحد من الزملاء اخذه بالسعر هذا طبعا كان عليه عرض ويكفي فيه دبل ومثبت سرعة ومكينه قوية واقتصادية وأمان عالي ورخيص مقارنة بغيره

http://www.krugerarmor.com/armoring/armored-vehicles/armored-truck-luxury-SUV/Armored-Ford-Expedition/Armored-Ford-Expedition-e1.jpg

[عاشق مكشات]

لاند كروزر قوة و صبر و تحمل

http://www.mekshat.com/vb/showthread.php?t=292134

[- النشمي -]

تبي نصيحتي ابعد عن تويوتا شركة المشاكل والعيوب المصنعيه

الا اذا انت ساكن قريب من مراكز الصيانه وماراح تسافر فيه خذ التويوتا

وانا بصراحه فقدت الثقه بشركة تويوتا عقب مشاكلها الاخيره واللي تسببت في

حدوث وفيات تويوتا في الامان صفر مثلها مثل الشركات الصينيه

والشركه الى الان تسحب مواترها وكل يوم تطلع مشكله الين وصل

عدد سيارات تويوتا السحوبه من السوق 12 مليون سياره والرقم قابل للزياده






اخوي انت تبي موتر للعايله وللبر والسفر

عندك ثلاث مواتر مزين منهن

اليوكن - والتاهو - والاكسبديشن

لو كان العدد اقل من 9 اشخاص كان قلت لك خذ عطي الله الباترول الجديد



وانت استخير والله يكتب لك اللي فيه الخير

[.أبوعبدالرحمن]

أشوف لك الخيارات محدودة بحكم أن العائلة كبيرة شوي الله يخليكم لبعض ويحفضكم


الاكسبدشن الطويل او التاهو الطويل او اليوكن الطويل

ومن ناحية هذي السيارات قوية في مكاينها وتحملها ولكن تحتاج الى المحافظة عليها من ناحية الصيانات الدورية أكثر من أي سيارة غيرها


والله يرزقك باللي يرضيه ويرضيك

[أبوحمد 505]

عندك اليوكن لا تبعد عنة أو تاهو
وإذا فلوسك واجد باترول الشكل الجديد
خلاص طاح كرت الكروزر
وولت أيامة

[محمد الصرير]

ما قصروا الشباب كلا نصح حسب معرفته وتجربته
وأنت عليك بالسوق وأختر اللي يناسبك ويناسب ربعك المرافقين
والكورة الان في ملعبك
وأنا شوري عليك ارمادا والله من وراء القصد




وصل اللهم على سيدنا محمد وعلى آله وصحبه وسلم أجمعين . ودمتم سالمين

[محمد المساعد]

اسمع ونا اخوك بالعلم الى مافيه تعصب
جيب ياباني موديله 77ولا امريكي عامه موديل السنه

خذ العلم الوكاد ويكفيك المثل الى يقول يدلك على الخيل أثمانها؟؟؟؟؟؟؟؟؟؟

[بو خليفه]

كم يوكن جربته وخرب عليك ياعزيزي ..؟

انا احس من كثر ردودك عن حساس اليوكن ان قد واحد صفقك على خشيشتك بدقمه دبل حقت يوكن ومن عقبه وانت تهذري....


مجرب عدة مواتر وليس واحد من موديل القديم الى الجديد والعيب في حساس الدبل من 94 الى 2008م تجربتي وفي البيع يجيب سعر ما يطيح قيمته

لكن الاكسبدشن افضل منه اقل صيانة و اوسع يبغى عيب الامريكي عند الوقوف المكيف عليك به

[نفود حائل]

للاخ بن وايل

خذ العلم = طلعنا للبر انا وواحد بعد المطر والسياره يوكن 2009 ونحن بالطريق قمزنا جرف صغير

وسمعنا ضربه خفيفة ببطن الموتر وبعدها تغير تعشيق القير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ووصلنا الديره بنمره وحده

تدري ليششششش = يقول المهندس حق الوكالة ان الضربة خفيفة بس صارت على فلتر القير ودخل على القير ومن المشي عليه خربن التروس وتطلب تغير القير وجاس بالوكالة اكثر من شهر ونص
وسعره 32 الف ريال بس التأمين لعب دوره

للمعلومية فقط

[ذيب زلفاوي]

البارول 2010

[مدمن فتك]

ولد وايل: كان الموتر للراحه جمس ولاتقنعني ان الجموس تسوي سواة الياباني والله لو يبصم بعشره..
للبر الفتك وبس ولا ياولد وايل...

[ولد وايل..]

^^^
وش خليت عاد ما احد يتكلم عن الكنق ....

انا كلامي واضح الرجل على استخدامه يبي موتر...

اليوكن والإكسبدشن افضل له بكثير من غيره حتى من البترول خاصه عقب مارفعوا سعره خله يخيس بالوكاله...

[ولد وايل..]

للاخ بن وايل

خذ العلم = طلعنا للبر انا وواحد بعد المطر والسياره يوكن 2009 ونحن بالطريق قمزنا جرف صغير

وسمعنا ضربه خفيفة ببطن الموتر وبعدها تغير تعشيق القير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ووصلنا الديره بنمره وحده

تدري ليششششش = يقول المهندس حق الوكالة ان الضربة خفيفة بس صارت على فلتر القير ودخل على القير ومن المشي عليه خربن التروس وتطلب تغير القير وجاس بالوكالة اكثر من شهر ونص
وسعره 32 الف ريال بس التأمين لعب دوره

للمعلومية فقط



عزيزي انا ماخذن العلم بدون شي الحمد لله من فتحت على الدنيا وانا بيدي سلف موتر....

حبيبي المشكله اللي حصلت تصير في أطلق العوائل وليست مقتصره على اليوكن...

مير خويك الله بلاه وصارت الضربه بمحل معين ولعلمك الفلتر مغطية الكارتر من تحته
يعني ضربه وصلت للفلتر !!

تأكد بارك الله فيه ان الضربه مهيب بسيطه مثل ماذكرت...


انا موتري ماضرب ببطنة وبس الا الشكمان والقزوز عندي متعفطة من البطانيج والصدوم

الكرونه بها عفج لو تشوفه تقول ماتمشي التروس وهي تمشي ولابها لا شي ولا يحزنون

ولا به الا العافية الحمد لله مير قبل فترة طلع به صوت وصارت من الرانات والسبب زيت مغشووووووووووش... حسبي الله على قلف لخدمة السيارات غيروا لي زيت مغشوش ولا طلع الصوت الا عقب 50 الف عقب استهلاك الزيت طلعت علومه


نرجع للموضوع...

قالوا وش دراك انها تسبه قال من كببببببرة....

ياخووي انت مصدق الوكاله ..؟

تسووووبيييييييييين
32 الف على قير ..؟ ياعمي لايفلووونها واااجد


الموتر تاثر من ضربه الفلتر والبايق ياخ جزاه...خخخخخ

الدقه بتصليحه وانا اخوك....

يعني لو تضرب بالتاتوتا ماراح يجيه شي..؟

رح شف مشاكل الدوده وتهريب البارور ومشاكل تنقيص الزيت والخربطه...

كل موتر وله عيووووووووب

وفي النهايه السيارة على حسب استخداااااامك

بالتوفيييييييق

[ولد وايل..]

اسمع ونا اخوك بالعلم الى مافيه تعصب
جيب ياباني موديله 77ولا امريكي عامه موديل السنه

خذ العلم الوكاد ويكفيك المثل الى يقول يدلك على الخيل أثمانها؟؟؟؟؟؟؟؟؟؟



هههههههههههههههههههههه

عز الله مابه تعصب ابدا....
قل أمين..

الله يرزقك جيب 77 تويوتا

[بو خليفه]

للاخ بن وايل

خذ العلم = طلعنا للبر انا وواحد بعد المطر والسياره يوكن 2009 ونحن بالطريق قمزنا جرف صغير

وسمعنا ضربه خفيفة ببطن الموتر وبعدها تغير تعشيق القير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ووصلنا الديره بنمره وحده

تدري ليششششش = يقول المهندس حق الوكالة ان الضربة خفيفة بس صارت على فلتر القير ودخل على القير ومن المشي عليه خربن التروس وتطلب تغير القير وجاس بالوكالة اكثر من شهر ونص
وسعره 32 الف ريال بس التأمين لعب دوره

للمعلومية فقط


الله يعينك و يسهل امورك عساك منتضم بالصيانة حتى يعوضوك البديل

[ولد وايل..]

^^

ابشرك الا لو منتظم بالصيانة مهوب حقت خمس الأف الا 2500 مايعطووونك بديل

وكااااله فااااااشة....

ومستوى عام

لكن اخفها ضرر العيسى والتوكيلات

من ناحية الوكيل لامقااارن للجزيرة...

[ابوسعد931]

اليوكن او التاهو وترى انا مجرب تراها مواتر خط وبر وعائليه ومريحه او السياره القريبه منها وهي يمكن اقل منها في الحموله النيسان بترول

[راعي البحري]

بعض الأخوان الله يهديه تقل الوكالة حلال أبوه
المهم انه يمدح سلعته وبس
الرجال طلب نصيحة ماطلب وش سيارتك
وبالنسبة لرأيي
رح لسيارات التأجير واستأجر سيارة تنوي شرائها معليش اخسر 1000 ريال ولا تخسر ندم بعد الشراء
ونصيحتي أنا تقف عليك أنت
إذا كنت راعي خطوط طويلة باستمرار مع بر خفيف يعني طعوس قريبة أو شعيب على قده
عندك هاالسيارات بالترتيب
1- يوكون XL
2- سوبربان
3- اكسبديشن
4- أرمادا
5- سكويا
وإذا كنت راعي بر أكثر من الخطوط الطويلة
تاهو Z71
باترول
لاند كروزر
وإذا كنت راعي خطوط وبر وتشخيص
عندك
اللكزس
رانج روفر
الدينالي
الكدلك سكاليد
وترى على فكرة كل الوكلاء فيهم حقهم ماحد مميز عن غيره
وكل السيارات بعد فيها حقها من العيوب

[نفود حائل]

الرجال ماخذه من بنك الاهلي

ولو ماجبنا تقرير من المرور

كان راح فيها الرجل

وفعلا الجميح وكيل استغلالي

[قنااااص]

عليك والله بطير شلوى ياباني

بر وديره وراحة بالخط....

[حمود مبارك]

اسمع اخوي لا تقرب الفورشنر تراة فية عيب واحد مع السفر الي هو المرايات يصفرن مع الهوا لوتطردللك صيدة ان تمل وتخليها من الازعاج هوكويس وذف في نفس الحظة بس بة هالعيب الوحيد المرايات

[فلر]

ودي ابدي رايي بس فيه ناس اذا تكلمت عن سيارته كأنك متكلم عن عرضه
لذلك قررت الصمت

[عبادييي]

عندك اليوكن لا تبعد عنة أو تاهو
وإذا فلوسك واجد باترول الشكل الجديد
خلاص طاح كرت الكروزر
وولت أيامة

بصراحه انا ما ني قادر شلون اشكركم على التفاعل الرائع جداً

نصائح من ذهب

لكن سؤال لابو محمد وش قصدك طاح كرته
ترا السعوديين موب زي العالم بيتركون اللاندكروزر عشان الخراب الشعب ماهمه وحتى لو تركوة بيتركوة مده بسيطه وبيرجعون مره ثانيه ............مثلا حمله خلوها تصدي تركوها مده بسيطه ورجعو مره ثانيه

وشكرا لك

وفي سؤال

الحين الكل يقول مالك الا الامريكيه ...كلامكم صح بس انا البر الي اقصده اكثرة أو كله تغاريز والي اسمعه ان الامريكي فاشل في مثل هذي الاشياء اما الباقي ممتاز الا البر الصعب والتغاريز


طيب ممكن تقولون اسعار السيارات الي تقولونها

وتحياتي لكم

[عبادييي]

ابوالتمائم

قل اخوي ولا تهتم الحياة تجارب وكل واحد حر في رايه

[ABU_ASER]

ford - Explorer

واتوكل على الله

[مشحن 2009]

ليش ما تفكر بالباثفندر الجديد روعة سيارة حلوة كثير واسعة رحبة اوسع من الفوتنشر

[عبادييي]

ليش ما تفكر بالباثفندر الجديد روعة سيارة حلوة كثير واسعة رحبة اوسع من الفوتنشر

الشباب مامدحوه كثير

بس ممكن صور الله لا يهينك

[خطر]

عليك بالفتك ( الباترول )
ولا الاند كروزر

غيرهن لاتدور للبر والعايله

[dodge-ram]

السلام عليكم

والله يا اخوي انا انصحك بالسيكويا و الحين نزل دفع رباعي و كبيير يصلح للعايله

[عبادييي]

السلام عليكم

والله يا اخوي انا انصحك بالسيكويا و الحين نزل دفع رباعي و كبيير يصلح للعايله

والله السيكويا نااار بدون دفع رباعي

اجل والدفع كم بيجي سعره

[ولد وايل..]

السلام عليكم

والله يا اخوي انا انصحك بالسيكويا و الحين نزل دفع رباعي و كبيير يصلح للعايله




ع شان تستخدمة كم اسبوع ويسحبووونه منك خلل تصنيييعي....

[الفنطاس]

جيب تويوتا افضل سيارة للعائلة والبر

[عاشق الحوض99]

اذا البيع عليك بسفاري او كروزر
هذا الكلام الي يجمد على الشارب

باترول أو لاند كروزر علك علك وراحة راحة
والليه يوفقك

ولانتس الاستخارة!

[ابوعمر م]

اخى عبادييي تكد فى شباب يردون عليك اعمارهم من18 ال22
انت تقول ابى سيارة 9 اشخاص
واحد يقول فورتشنر وثانى يقول اكسبلور يعنى يبونك تربط بعض افراد العائلة فى شبك؟
ياشباب يقول 9اشخاص
مالك الى الامريكي
اكسبديشن
يوكن
تاهو
او يابانى مصنع للسوق الامريكي
سكويا
ارماد
وانتبه لايجيك واحد يقولك خذ ربع تايوتا يبو
لا احسن ياخذ دباب
والله لو يحطون على اليوكون علامه تويوتا شفت مطامر ها الشعب الغريب
اليابانى منعدم الامان
واذا تبي تصدق كلامى شفلك سيارة يابانية مصنعه لسوق الامريكي وشف الموصفات كيف ليه لانها للعمة امريكا

[- النشمي -]

السلام عليكم

والله يا اخوي انا انصحك بالسيكويا و الحين نزل دفع رباعي و كبيير يصلح للعايله

السيكويا موتر فيه مشاكل واكثر عيوب تويوتا المصنعيه طلعت في السيكويا والافالون

واللكزس برادو والبرادو هذي الموتر اللي صار عليها سحب من الشركه الام

والحين توقف انتاج اللكزس برادو الى الولايات المتحده والخافي اعظم

[ابن علوان]

بعض الأخوان الله يهديه تقل الوكالة حلال أبوه

المهم انه يمدح سلعته وبس
الرجال طلب نصيحة ماطلب وش سيارتك
وبالنسبة لرأيي
رح لسيارات التأجير واستأجر سيارة تنوي شرائها معليش اخسر 1000 ريال ولا تخسر ندم بعد الشراء
ونصيحتي أنا تقف عليك أنت
إذا كنت راعي خطوط طويلة باستمرار مع بر خفيف يعني طعوس قريبة أو شعيب على قده
عندك هاالسيارات بالترتيب
1- يوكون XL
2- سوبربان
3- اكسبديشن
4- أرمادا
5- سكويا
وإذا كنت راعي بر أكثر من الخطوط الطويلة
تاهو Z71
باترول
لاند كروزر
وإذا كنت راعي خطوط وبر وتشخيص
عندك
اللكزس
رانج روفر
الدينالي
الكدلك سكاليد
وترى على فكرة كل الوكلاء فيهم حقهم ماحد مميز عن غيره

وكل السيارات بعد فيها حقها من العيوب

يعجبني اللي يتكلم وهو فااااااهم والله انت بتتكلم صح ولو ينعرض كلامك على خبير مايعيبه بكلمه صح لسانك :good2:

[ابن علوان]

بعض الأخوان الله يهديه تقل الوكالة حلال أبوه



المهم انه يمدح سلعته وبس
الرجال طلب نصيحة ماطلب وش سيارتك
وبالنسبة لرأيي
رح لسيارات التأجير واستأجر سيارة تنوي شرائها معليش اخسر 1000 ريال ولا تخسر ندم بعد الشراء
ونصيحتي أنا تقف عليك أنت
إذا كنت راعي خطوط طويلة باستمرار مع بر خفيف يعني طعوس قريبة أو شعيب على قده
عندك هاالسيارات بالترتيب
1- يوكون XL
2- سوبربان
3- اكسبديشن
4- أرمادا
5- سكويا
وإذا كنت راعي بر أكثر من الخطوط الطويلة
تاهو Z71
باترول
لاند كروزر
وإذا كنت راعي خطوط وبر وتشخيص
عندك
اللكزس
رانج روفر
الدينالي
الكدلك سكاليد
وترى على فكرة كل الوكلاء فيهم حقهم ماحد مميز عن غيره


وكل السيارات بعد فيها حقها من العيوب

يعجبني اللي يتكلم وهو فااااااهم والله انت بتتكلم صح ولو ينعرض كلامك على خبير مايعيبه بكلمه صح لسانك :good2:

[9393]

خذلك باص من تايوتا اسم الباص. هااااس الظاهر خخخخخاي

[النتاوي]

خذلك باص من تايوتا اسم الباص. هااااس الظاهر خخخخخاي

كلمة مالها داعي .. :confused:

ــــــــــــــــــــــــــــــــــــــــــــــــ
بشر أخوي ويش أخذت الله يباركلك ..

نريد أن تعرض تجربتك .. لأن استخدامك شامل للبر والخط

الله يحفظك .. ودنا نستفيد ..

[مغلي]

والله السيكويا نااار بدون دفع رباعي

اجل والدفع كم بيجي سعره



سكويا دبل
2010
السعر يبدا من 138 الف ريال
http://www.toyota.com.sa/modelsprices.asp?model_id=12




عيبه الوحيد = باب الشنطه غبي + قزازته ما تنفتح مثل الفكسار واليوكن للأعلى ... بل تنزل داخل الباب


واهم مميزاته = محرك جبااااااااااااار وقير 6 نمر ومقاعد واسعه والدخول والخروج للصف الثالث سهل جدا

[بعيد الارماس]

طق يا جي اكس ار او فتك

[ALBDRANE]

فيه سيارة ثلاث أبواب وصندوق تاخذ 9 أشخاص أعتقد أسمها تاتا أو حول ذا الاسم هل فيه أحد جربها

[Mohammed99]

:good2::good2::good2::good2::good2::good2::good2:
يعجبني اللي يتكلم وهو فااااااهم والله انت بتتكلم صح ولو ينعرض كلامك على خبير مايعيبه بكلمه صح لسانك :good2: