شورو علي ياجماعة.. معي 76000 ؟؟

[المجد]

السلام عليكم اعضاء مكشات الكرام ..
ابغى اشتري موتر جيب وكل المبلغ اللي معي 76000 ريال لو اضطريت تسلفت فوقهن عشرين الف .. لكن محتار وش اشتري ؟ ووش الجيب اللي سعره حول المبلغ اللي عندي؟ شورو علي جزاكم الله خير .

[الربذي]

اي نوع تويوتا
او نيسان
اذا تويوتا يجيبلك 2000 وممكن تحصل 2001 لكن لك علية يعني المسمكر تحصلة حواري هالقيمة
واذا نيسان يجيبلك الفين وواحد ويمكن تحصل 2002

[ناصح]

لا تشتري إلى جيوب يابانية

وبالاخص تايوتا ونيسان

نصيحة مجرب

[القماري]

بهذا المبلغ تستطيع شراء جيب باترول ستاندرد (سلقه) ربع (جديد وآخر موديل) أفضل من المستعمل وسيارة معروفة. بشرط أن لا تكون صاحب عائلة كبيرة وأن تكون راعي برور وطعوس

[قصرصالح البديوي]

وعليكم السلام ورحمة الله وبركاته
المجد أنا الـــمـــجـــد وشلون مايصير تاخذاسمي !... حصل خير تستاهل

أشور عليك وانا أخوك تشري لك سياره لاندكروزر صالون مديل 95 تلاقي النظيف بـ 50000 الى 55000 أو باترول صالون مديل 97 ( وتخليه للبر والسفريات وللعائله) والباقي تشريلك كامري أو كورلا لمشاوير الرياض ... شوري عليك ,
أخــــــوك الـــمـــجـــد
والله ولي التوفيق

[أبو يوسف]

لا تعدا النيسان ولا التويوتا

ورا ما تشتري باث فاندر 2003

تراه بهالمحاري


مع التحية

[المجد]

الله يبارك بكل من رد علي ... بس ترى ياجماعة انا اقصد جديد مو مستعمل اخر سيارة شريتها مستعملة بهذلتني وخسرت فيها 25000 الف الله يخلف ..

[المجد]

اخوي المجــد حياك الله ياسليل المجد ..انت المجد الحالي وانا المجد القادم..
ولا تزعل .

[شاص]

دور لك gx أو g قطري (هدد)

[غضنفر]

باثفايندر 2004 سياحي اذا حصلته جديد راح يكون حول 75 الف
وبعتقادي انه افضل موتر بالنسبة لقروشك وراح اعطيك بعض مواصفاته
مكينة 3500 سي سي تنتج 250 حصان للقير العادي و 240 حصان للتماتيك
6 سلندر ودبل ارضي
طبلون ليزر من 2004 وطالع
يشيل 5 اشخاص بالراحة + شنطة مساحتها معقولة
لا تنسى انه نيسان (ونيسان على كل لسان)
مطلوب في السوق
وانت أبوها وسمها

[الطعس الذهبي]

الباترول أو الباثفيندر لاتتعداهن مشكلة اللاندكروزر غالي

[الكونترولCONTROL]

نصيحة زودها 15 بس و تلقى لك 2000 في اكس آر اوتوماتيك و غيره ترى فلوسك ضايعة انا يا ما جربت يا ما يا ما جربت
نصيحة يا اخي نصيحة و ان ما لقيت خذ لو موديل 98 نظيف و لا تاخذ نيسان او امريكي
لو كان 2005 ترى ال VXR جيب و غيره خرابيط مجمعة

لا تنس اقول لك للمرة الأخيرة نصيجة اخ ....... غير ال في اكس آر لا تشتري و تضيع فلوسك ترى ال 75 الف ما هيب بسيطة تشتري نيسان او امريكي و بعد سنتين تبيعه بنص قيمته ... الفي اكس آر شريت قبل 14 شهر و صدقني لو يسام براس مال ما ايعه ما ابيعه ما ابيعه و مستعد احط به كل شهر الف ريال غير البنزين و لا ابيعه ولا ابيعه ما بيعه .... اسمعني زييييييييييييييييييين و نا اخوك !!!

[سعدسعود]

center]السلام عليكم
حط عقلك براسك ولا تدور غير اللاند كروزر
والعاقل من اتعظ بغيره لا من اتعظ به الناس[/size]

[saag]

اسمع راي اخوك المجرب وانا اخوك
كان عندي صالون امريكي ثمان سنين وبعته حج عام 1424
وشريت بعده باث فندر وبعته بعد 3 اشهر وشريت باترول سفاري وافكر ابيعه
ورايي :
اذا تبي موتر يمسك قيمة عليك بالاند كروزر
واذا تبي موتر قوي عليك بالباترول
بس الله يعينك على البنزين من الاثنين
واذا تبي سعة للعفش والركاب وراحة بالاسفلت والصحرا عليك بالصالون GM دفرنسين
وانحش عن الباث فندر ( يصرف بنزين وسعته صغيرة مرة )
وكان عايلتك كبيرة مالك الا الجمس الدفرنسين بشرط مقاس ( 1500 )
هذا رايي والله يوفقك

[2500HD]

انتبه انتبه انتبه انتبه انتبه انتبه من شركة عبداللطيف جميل انا عندي منهم لاند كروزر والله اغلبه قطع تقليد
وطقطقة في الجنوط الخلفيه وصواميل الكفرات تكسر بعضها , وهو موديل 2004 ومامشى 40000
نصيحه لوجه الله لا تقرب عبداللطيف جميل الا اذا كنت بتشتري في اكس ار
وانا انصحك باللاند كروزر الهدد------------------------قطري

[المطلق]

اللاندكروزر وبس

خذلك موديل قديم ونظيف وصدقني ما راح تخسر

وإذا تبي السيارة الصغيرة القوية

خذلك باترول ربع

بس اللاندكروزر لاتظيع الفلوس بغيره

[الدبل الثقيل]

ترى المبلغ ماهو سهل ماشاء الله نصيحة لاتحطه في غير التويوتا وارد الخليج

[محب الشمال]

بهذا المبلغ تستطيع شراء جيب باترول ستاندرد (سلقه) ربع (جديد وآخر موديل) أفضل من المستعمل وسيارة معروفة. بشرط أن لا تكون صاحب عائلة كبيرة وأن تكون راعي برور وطعوس

نفس كلام اخوي القماري جديد ومضمون بأذن الله واسمه جديد والله يحفظك ويرعاك

[داب الرمث]

صدقني تلقى 97 لاند كروزر بخاخ نظيييييييييييف جدا ابيض بعد مكيفين فتحة وونش خليجي مامثلة موتر ولاراح يصير 00000

[الكونترولCONTROL]

ليش 97 ؟؟؟؟
===========
تلقى موتر 98 Vxr نظيف جدا جدا
=============================
و بين 70 و 75 ألف
=============================================
و الله يحفظك

[داب الرمث]

اخوي انا اتكلم عن جي اكس 97 هدد بخاخ خليجي مكيفين ومكرة وفتحة وثلاجة هو ابو الجيوب

[الوديع]

نصيحه سفاري

مديل 2002s G L

وبس


ولك تحياتي

[القناص]

اضووا تصحوا

:j

http://www.classyauto.com/image.php?image_id=61877

http://images.cobaltgroup.com/3/6/0/45391063.jpg

http://carad.ebayimg.com/i10/01/a/04/0f/e8/84_4.JPG

http://carad.ebayimg.com/i5/01/a/04/10/99/03_4.JPG

حركات

[عاشق الحماد]

اسمع وانا اخوك \انت لاتحتار ولا تبلش

انت بس ارسل لي الفليسات وانا ان شاء اللة اشتري لك سيارة مامثلها بنوب

وش رايك

[الشوق]

أخي الكريم
كانك بتشتري مستعمل

ترا دراهمك تجيب لك سفاري Sgl Vtc مويل 2003 بالراحه وبتحصل أخو الجديد بهالقيمه

أما اللاندكروزر فأنا أشوف انه مايصلح وبدأ يتحول لسيارة مدينه حتى نظام التعليق الامامي صار مخصص للراحه في المدينه

طل تحت لاندكروزر وش فيه دفرنس قدام او لا؟

بتحصل عمود مثل الكامري

وبالبر لو تغرز أوتزر على الموتر يحتر على طول

اما كانك ناوي جديد

فبصراحه الباثفيندر ممتاز وطاحت فيه العالم

أو خذ سفاري ربع جديد

واسف على الاطاله

[حرباش]

اخوي الشوق
76 الف تجيبلك باترول ربع جديد من الوكاله
وان كان الربع ضيق عليك انا اشوف انك تكملها الا 105 او 109 وتاخذ باترول كامل 4 ابواب ايضا وكاله وسنه موديله

اما اذا لك بالمستعمل فزي ماقالو لك الشباب مسبقا خذلك كروزر ونا انصحك بالخليجي
اما السعودي لا تقرب منه :) ولك تحياتي

[محب الشمال]

بهذا المبلغ تستطيع شراء جيب باترول ستاندرد (سلقه) ربع (جديد وآخر موديل) أفضل من المستعمل وسيارة معروفة. بشرط أن لا تكون صاحب عائلة كبيرة وأن تكون راعي برور وطعوس



ما شاءا لله تبارك الله عليه الجيب الربع
الجيب الربع ان اشهد ان غير يطربك ان شاء الله
يعني لو عندك مثلاً طفلين او ثلاث الله يخليهم لك ما فيه مشكله ان شاءا لله


وعندي لك نصيحه ثانيه اذا تبي شوف لك في هذا المبلغ قطعه ارض رخيصه وخلبها فتره كم شهر وباذن الله تبيعها بربح طيب واشتر غيرها وهكذا او افتح لك مغسله ملابس في مكان ممتاز وباذن الله ما تخسر

وفي رايي الشخصي ان الربع اي كان نوعه ما يصلح للي عنده عيله ويسافر كثير فيهم يعني بعد فترة يصير بلشه عليه وان بغيت طلع لك باترول اربع ابواب ممكن يصير عائلي وممكن شبابي واصرف لك في كثير من الامور
الا اذا عندك سياره ثانيه فلا مانع الربع ان شاء الله

هذا والله اعلم

والله يعطيك خير السيارات ويكفيك شرها والله يحفظك ويرعاك

[المجد]

الله يعطيكم العافية جميع ومشكورين ... شريت باث فايندر 2004 جديد فل اوبشين ب 90000 باركولي يالربع ...

[أبرق الشقيقة]

قل امين الله يطعمك خيره ويكفيك شره الله يوفقك الله يوفقك الله يوفقك ويستر عليك

[غضنفر]

مبروك عليك السيارة والله يطعمك من خيرها ويكفيك شرها
ومرحبا بانضمامك الى ملاك سيارات نيسان
وبها المناسبة السعيدة اهديك الرابط ذا
http://www.nissan-arabia.com/vb/index.php