اقرب طريق للدهناء

[مطيع لوالديه]

السلام عليكم
ابي فزعتكم اقرب طريق الى الدهناء:confused:
علما باني في الرياض

[عاشق السيل]

وعليكم السلام ورحمة الله وبركاته ،،،

الدهناء طويلة عريضة وممكن تجيها من عدة جهات ،،

الأقرب : طريق الدمام وبعد مفرق سعد يجيك مخرج أعتقد إن رقمه ( 9 ) واطلع معاه ورح يسار أو يمين ،،

الأفضل : طريق الطوقي وإذا جاك دوار حفر العتش اللي قبل التنهاة رح يمين وتجيك عروق الدهناء يمين ويسار ...

أتمنى أن أكون أفدتك وتقبل مروري يالغالي .....

[رياض الصمان]

أخوي ( مطيع لوالديه )

في الحقيقة اعجبني اسمك وأسال الله جلا وعلا ان تكون من البارين بوالديك

وكما قال صلى الله عليه وسلم(بروآبائكم تبركم أبنائكم ) .

الوصف

1- طريق محطة خزام .

2- بعد المحطة بـ34 كيلوا يجيك مفرق الطوقي .

3- لف يمين وروح على طول يجيك خطيين واحد يروح يمين
وهذا يوديك لشلالات الطوقي .
والخط الثاني يتجه بك لليسار وهذا يوديك للتنهاة والدهناء والصمان

4- بعد ما تلف يسار روح على طول حتى يجيك دوار الحفنة برضو روح طوالي

حوالي 40 كيلوا يجيك دوار التنهاة اطلع يمين وعلى طول وتجيك عروق الدهناء على يمينك ويسراك وله عدة طرق ولكن عطيناك

لك تحياتي واي استفسار انا حاضر اخوك رياض الصمان

[حلو الذكريات]

ما قصرو الربع

اهم شي يكون معك جهاز الملاحه ورواق لو هب عليكم هوا

وانصح عند المبيت يوكن مكانكوم في نقره علشان ما يلعب بكم الهوا وادفا لكم

[مطيع لوالديه]

مشكورين على المعلومات القيمه والنافعه واقوال هل من مزين