رايكم يهمني وماخاب من استشار

[ابن علوان]

السلام عليكم ورحمة الله وبركاته
جمعة مباركه على الجميع
وما طرحت الموضوع الا من ثقتي في خبرتكم ورايكم
والموضوع هو هل اشتري باترول سوبر سفاري 2009 (شبه جديد) او باترول الجديد فئة LE الفل يعني اللي اقل من VVIP
وسعره جديد 241000 الف
مو مهم السعر بس اني يوم ركبت الجديد حسيته فخم بزياده ولا اقوى ادخل به بر او استخدمه شبه يوميا مع اني ولله الحمد عندي سياره 2008 اقدر اتنقل بها
فكرت بكون الباترول الجديد غير مجرب وخايف من اسعار قطع غياره او ظهور عيوب وللعلم اني انوي ان شاء الله ابقاء السياره التي سوف اشتريها لايقل عن 8 سنوات بذن الله
شوركم يالربع

[حزوبر]

طالما ما يهمك السعر أعتقد إنه ما يختلف إثنان على الباترول الجديد 2010
كتكلوولجيا ومواصفات، ومديل جديد

[guns]

دام عندك سيارة موديل 2008

ومتخوف من الموديل الجديد للباترول اصبر حتى موديل 2011

وكل مطرود ملحوق

[خيال العرجا]

حياك الله أخوي

إذا كنت مقتدر وميسور ماديّا لا والله إلا طرّب عمرك وعليك بالجديد 2010 الواحد مايعيش مرتين

هذا رأيي

[ابن علوان]

طالما ما يهمك السعر أعتقد إنه ما يختلف إثنان على الباترول الجديد 2010
كتكلوولجيا ومواصفات، ومديل جديد
اولا اسأل الله في هذه الجمعة المباركة وهذه الساعة المباركة ان يشفي الله لك طفلك يزيد ويلبسه ثوب الصحة والعافية انه هو القادر على ذلك وحده تعالى

ورجوعا الى موضوعنا اخاف يصير مثل ماصار مع بداية طرح موديل 98 وشوف كيف عدلوا في شكله في 2005 صار الفرق في الشكل ممتاز ولااخفي عليك تشابه 2010 قليلا مع 98 في شكل الانوار واستدارة الصدامات ونعومة الزوايا (بدون زوايا حاده او معتدله) وحتى الداخليه وانا ابي الموتر 8 سنوات قدام

[ابن علوان]

دام عندك سيارة موديل 2008

ومتخوف من الموديل الجديد للباترول اصبر حتى موديل 2011

وكل مطرود ملحوق
مابه صبر ومحتاج سياره للعائله 3 صفوف مقاعد
اليوم قبل بكره

[ابن علوان]

حياك الله أخوي

إذا كنت مقتدر وميسور ماديّا لا والله إلا طرّب عمرك وعليك بالجديد 2010 الواحد مايعيش مرتين

هذا رأيي
الحمد لله الحاله الماديه جيده بس مو لدرجة اني مااتاثر لو طلع به عيوب اقلها نفسيا وباكون كاره الموتر ولا له سعر بالسوق لو بعته هذا اللي مخوفني

وتراك تعجبني يوم تقول طرب عمرك وفعلا الواحد مايعيش مرتين

اشكر جميع من ابدى رايه وانتظر آرائكم السديده

[نفود حائل]

اخوي باقي على الباترول 2011 اقل من 7 شهور

يعني اصبر وخذلك بطل الدروب 2011

[ابن علوان]

اخوي باقي على الباترول 2011 اقل من 7 شهور

يعني اصبر وخذلك بطل الدروب 2011
بس مااظن انهم بيعدلون شي ومكسبي انه بيكون موديل جديد يعني الحق الموديل من بداية السنه
طيب وش رايكم لو خذيت 2009 حتى ينزل موديل 2011 هل بيطيح سعره واجد


ومشكورين على المشوره انتظر اراء الباقين

[ذيب زلفاوي]

انا اقول اشتر لك اي موتر يصبرك الى نزول 2011 وخاصه اننا بالصيف يعني مافيه طلعات بر ولا شي يعني تكون سياره صغيره ورخيصه ومن يطلع بطل الدروب 2011 وقفها بالمعرض واشتره وترا 2010 يمكن يطلع فيه عيوب صناعيه مهوب معقوله بينقزون هالنقزه بدون عيوب وهذا شي طبيعي ومو عيب في الشركة المصنه وبيمديهم يكتشفونها ويعدلونها
وانكانك مستعجل خذ 2010 والقلب داعيلك ولا تتعدا الون الؤلؤي

[ابن علوان]

انا اقول اشتر لك اي موتر يصبرك الى نزول 2011 وخاصه اننا بالصيف يعني مافيه طلعات بر ولا شي يعني تكون سياره صغيره ورخيصه ومن يطلع بطل الدروب 2011 وقفها بالمعرض واشتره وترا 2010 يمكن يطلع فيه عيوب صناعيه مهوب معقوله بينقزون هالنقزه بدون عيوب وهذا شي طبيعي ومو عيب في الشركة المصنه وبيمديهم يكتشفونها ويعدلونها
وانكانك مستعجل خذ 2010 والقلب داعيلك ولا تتعدا الون الؤلؤي
سلمت يالذيب وشاكر لك ردك على موضوعي الله يوفقك والجميع ان شاء الله وبالنسبه للون ماشوف غير اللؤلؤي ابدا

ارجوا سماع اراء بقية الاخوان ارجوا من كل من يقرأ الموضوع الا يبخل بمشورته تروها ببلاش
;) ;) ;) ;) ;) :D :D :D
احترامي لكل من اعطاني رأيه ومن سيعطيني ومن قرأ موضوعي من الوجوه الطيبه اللي مالي غنا عنم بعد الله

[مآإآإآجد]

نصيحتي لك يالغلا

اشتر لك 2009 واطلع واستااانس وكسره واذا نزل 2011 اذا اعجبك اشتره والا ارجع واشتر 2010 استعمال حشمه


ودي لك

[جلمود الحره]

ابن علوان ياعالم بكره من يعيش

فل الحجاج وخل عنك التردد واركب جديد وعش سعيد

نيساننا بطل الطعوس والدروب والجبال والخطوط وكل شي

والله يوفقك
ولاتنسى الاستخـــــــــــــاره...

[سفاري959]

نصيحه اخو خذ 2010 والله لو املك قيمته لا اشتريه من بكره والله ان واحد من اخوياي من المتعصبين لتايوتا ويكره نيسان ومع هذا معجب بالشكل الجديد وناوي يشتريه عشان مواصفاته وفخامته اتمنى لك التوفيق ولا يفوتك الزين ومبروك اقولها لك من الحين ان شاء الله

[ابن علوان]

نصيحتي لك يالغلا

اشتر لك 2009 واطلع واستااانس وكسره واذا نزل 2011 اذا اعجبك اشتره والا ارجع واشتر 2010 استعمال حشمه


ودي لك
نفس الفكره اللي تدور براسي اني اخذ 2009 وان شفت انه عجبني مره خليته سنتين وبعدها
اخذ الشكل الجديد يكون مضى عليه سنتين وقد عدلوا وتلافوا الاخطاء ان وجدت في الاصدار الاول
ويكون جربت الاثنين وباقل الخسائر

اشكرك شكر خاص على رأيك ومشورتك

[ابن علوان]

ابن علوان ياعالم بكره من يعيش

فل الحجاج وخل عنك التردد واركب جديد وعش سعيد

نيساننا بطل الطعوس والدروب والجبال والخطوط وكل شي

والله يوفقك
ولاتنسى الاستخـــــــــــــاره...

فاءلتني الله يجعل فالك الخير دائما وماحد يكره الفله لكن بيقهروني اذا نزل شي جديد في 2011
تخيل بس حجم الاحباط ولا انا اللي بيقدر يغير لل2011 بسرعه المبلغ ماهوب بسيط

تدري الله يحلها على خير ونبشركم قريب

[ابو99]

خذلك جيب لكزز مع اغلب الناس ولا تكون تجربه لغيرك

[ابن علوان]

نصيحه اخو خذ 2010 والله لو املك قيمته لا اشتريه من بكره والله ان واحد من اخوياي من المتعصبين لتايوتا ويكره نيسان ومع هذا معجب بالشكل الجديد وناوي يشتريه عشان مواصفاته وفخامته اتمنى لك التوفيق ولا يفوتك الزين ومبروك اقولها لك من الحين ان شاء الله

الجديد زين بس خايف اقل شي لو يغيرون الصدام الامامي اللي هو مخليني متردد :no:

اباسالك هو موترك ذا اللي في التوقيع واذا كان هو ايش شعورك يوم عدلوا الشكل في 2005 وطالع
هذا اللي اقصده انهم في اول شكل الموديل مايظبطونه 100% عشان يلعبون في شغلات في شكله الخارجي مثل صدامات او انوار او شبك وحتى الداخليه يعدلون فيها والله احترنا لكن لازم اقرر وخلص

[الرفاعي0555]

الله يوفقلك في البع والشراء

[ابن علوان]

خذلك جيب لكزز مع اغلب الناس ولا تكون تجربه لغيرك
المشكله في لكزس انك تدفع اضعاف مضاعفه ونص القطع تايوان وتايلندي وجنوط صيني
عشان كذا انا مبتعد عن تويوتا مااغش نفسي ابد

وشاكر لك دخولك لموضوعي

[سفاري959]

الجديد زين بس خايف اقل شي لو يغيرون الصدام الامامي اللي هو مخليني متردد :no:

اباسالك هو موترك ذا اللي في التوقيع واذا كان هو ايش شعورك يوم عدلوا الشكل في 2005 وطالع
هذا اللي اقصده انهم في اول شكل الموديل مايظبطونه 100% عشان يلعبون في شغلات في شكله الخارجي مثل صدامات او انوار او شبك وحتى الداخليه يعدلون فيها والله احترنا لكن لازم اقرر وخلص
اخوي اول شي الموتر جديد انا حسب المعلومات اللي اخذتها من موقع نيسان اريبيا ان 2011 راح ينزل نوع قير عادي وونش واسبير علاق اما الشكل مستحيل يتغير وانا ما همني يوم غيروا 2005 انا انقهرت يوم نزل 2002 عشان المحرك تغير وهذي انسها في الشكل الجديد اتمنى لك التوفيق

[الادعج]

ماتبي نشده مطوع هاذي الله يسلمك ...
طق لك بطل الدروب وفلها وخل عنك الهواجيس .....كــــلـــن يمــوت وحــاجــته ماقــضـاهــ
ا:j
ومن وجهه نظري اذا جربت الــ 2009 وجربت الــ2010 مستحيييل يعجبك الــ 2009 أكثر ...منطقيا يالغالي وبالعقل (1+1=2):D .....
هذا شي ...والشي الثاني ليش يالغالي ماتاخذ LE-1 بــ 216 الف ..وانا الصراحه مادري وش الفرق بينه وبين الــ LE-3 بالظبط ..لكن ارخص طبعا ...
واذا كنت متخوف من نظام التعليق الهيروليكي (المساعدات الهيدروليكيه) بــ LE كون انه الطرح الاول عالميا بمجال الدفع الرباعي ....فليش ماتاخذ SE-3 بــ 200 الف >>>>>وهي الفئه الوحيده من الــ SE اللي تجي بنظام نفقيشن وشاشه مثل الــ LE الا اذا كان موضوع الــ 400 حصان يهمك ..فهنا عاد شي ثاني .....والله يسهل امرك

[ام صتمه 87]

رايي أنك تصبر إلى 2011

لإن دايم إذا تغير يصير فيه عيوب ففرأيي أنط تاخذلك سياره تمشي الحال إلى 2011

[ابن علوان]

ماتبي نشده مطوع هاذي الله يسلمك ...

طق لك بطل الدروب وفلها وخل عنك الهواجيس .....كــــلـــن يمــوت وحــاجــته ماقــضـاهــ
ا:j
ومن وجهه نظري اذا جربت الــ 2009 وجربت الــ2010 مستحيييل يعجبك الــ 2009 أكثر ...منطقيا يالغالي وبالعقل (1+1=2):D .....
هذا شي ...والشي الثاني ليش يالغالي ماتاخذ LE-1 بــ 216 الف ..وانا الصراحه مادري وش الفرق بينه وبين الــ LE-3 بالظبط ..لكن ارخص طبعا ...

واذا كنت متخوف من نظام التعليق الهيروليكي (المساعدات الهيدروليكيه) بــ LE كون انه الطرح الاول عالميا بمجال الدفع الرباعي ....فليش ماتاخذ SE-3 بــ 200 الف >>>>>وهي الفئه الوحيده من الــ SE اللي تجي بنظام نفقيشن وشاشه مثل الــ LE الا اذا كان موضوع الــ 400 حصان يهمك ..فهنا عاد شي ثاني .....والله يسهل امرك

النقطة الاولى
تقول لي اذا جربت الاثنين ماراح يعجبك ال2009 رغم قوته وسمعته الطيبه فلهذا نفسي اول اجرب الفتك لاني باقدر اطامر به في البر والطعوس لانه مجرب ومعروف بالبر وسعره معووووول الى حد ما

النقطة الثانية
قالت العرب قديما اذا ضربت فأوجع واذا اخذت الباترول 2010 فما بأخذ الا LE كامل المواصفات
عشان مايجي بعدين واتسف واقول ياليتني خذيت الفل اوبشن والفتحه تهمني
اما بخصوص مكينة 400 حصان فهذي مايبيلها كلام خلني احس اني راكب 8 سلندر مو زي بعض المواتر اليابانيه المنافسه 8 سلندر بالاسم والا القوه ماتعرفها

وترا نبهتني لنظام التعليق الهيدروليكي خلني ابحث عن مزاياه وعيوبه واشكر لك اهتمامك ومعلومات جديده ماسبق عرفتها عن الباترول الجديد 2010

[ابو حسان الجنوبي]

اخي ابن علوان

ورا ماتحول دراهمك لي استثمرها لك حتى نزول 2011وبعدها تقدر تشتري لك 3من 2011
تراني ناصح لك لا وبشغلها لك في الحلال

[ابن علوان]

اخي ابن علوان



ورا ماتحول دراهمك لي استثمرها لك حتى نزول 2011وبعدها تقدر تشتري لك 3من 2011

تراني ناصح لك لا وبشغلها لك في الحلال


يكفي ماسوت الاسهم صرت اكره كلمة استثمار وترا راحة البال مافي احسن منها اخاف مااطول بعدين حتى موديل 1000 خلني امتع نفسي بموتر ترا راحت فلوس هباء اضعاف قيمة الباترول والله يرزقنا من الحلال

[أبو محمد2010]

توكل على الله باترول 2010 LE3 فل كامل...


لا تنسى الإستخارة...

نتمنى لك التوفيق...

[صلفان.نجد]

ان كانك راعي مقناص ومطاريد لاتاخذه , واذا الدعوى (الصمان)وحراويها ومكشات لوك على (لمبرغيني)مايضرها توكل على الله واشتره.

[ابن علوان]

نبشركم تم شراء سوير سفاري 2008 جديد مخزن كامل المواصفات
والحمد لله

[حبل الوريد]

انا اقول اشتر لك اي موتر يصبرك الى نزول 2011 وخاصه اننا بالصيف يعني مافيه طلعات بر ولا شي يعني تكون سياره صغيره ورخيصه ومن يطلع بطل الدروب 2011 وقفها بالمعرض واشتره وترا 2010 يمكن يطلع فيه عيوب صناعيه مهوب معقوله بينقزون هالنقزه بدون عيوب وهذا شي طبيعي ومو عيب في الشركة المصنه وبيمديهم يكتشفونها ويعدلونها
وانكانك مستعجل خذ 2010 والقلب داعيلك ولا تتعدا الون الؤلؤي


اوافق اخوي بكلامه عين الصواب

واذا انت تبي شيء للعائله

طق لك جمس 99 تعبربوه لين يطلع بطل الدروب 2011