عاااااااااااااااااااااااااااااااااااااااااااااااجل

[www5555]

السلام عليكم ورحمة الله وبركاته

يا خوان وش رايكم بالاكسبدشن الدبل من جربه رحت ابشتري جيب ولقيتها نار وقالوا الاكسبدشن فيه دبل كيف بالرمال والطلعات ابي رايكم ردوا علي يقولون ماخاب من استشار

[حزوبر]

وعليكم السلام
مالك غير الباترول، والتايوتا....................وبس
هذي مواتر الرمال والخطوط، وتمسك سعرها عند البيع، لأنها سياره مطلوبه

[حزوبر]

اعتذر عن تكرار المشاركة

[الربذي]

اللهم ياربي اشف ابن اخونا حزوبر يزيد ومتعه بالصحة والعافيه واقر عين والديه بشفاءه يااللودود الرحيم الشافي سبحانك يالعظيم المتعال

اخونا صاحب الموضوع انا مثلك ويارجل اذا ماانت راعي بر وسفر وممشاك بالسنه من 30 الف واقل ترا زين قوي ووسيع وخذ مستعمل ارخص لك لان سعره يطيح
اسف عقب ماطلعت تذكرت رد السلام وعليكم السلام

[بدوي جنوبي]

رابطة ملاك اسد الصحراء ( الاكسبدشن4×4 / 2×4) (http://www.mekshat.com/vb/showthread.php?t=179090)

[ابو سلطان1234]

سيارة صراحة لا يعلى عليها راحة لابعد حدود لكن عيبها سعرها يطيح شوي مو زي التويوتا وبالرمل لا تفكر انه يغرز ابد اهم شي تكون سواق صح

[بن سليمان]

وعليكم السلام ورحمة الله وبركاته
ونعم الاختيار سيارة تمتع بقوة المكينة والامان العالي وسعر منخفض زميل لي اخذه بسعر 119 الف كان عليه عرض ومن مواصفاته طبعا دبل فيه دفلوك الكتروني مثبت سرعه ايربقات لجميع الركاب وكثير من المواصفات
طلعنا فيه للمزاين في أم رقيبة وبعدين رحنا لعروق قبة شمال القصيم ومعروفة العروق بصعوبتها لكن ما شاء الله الموتر ما رده شيء بس بصراحة كنا منسمين الكفرات وهذا هو المفروض لأنه اريح للسيارة

http://alsahra.org/wp-content/uploads/2008/04/2008-04-13-215432-thumb.jpg (http://alsahra.org/wp-content/uploads/2008/04/2008-04-13-215432.jpg)

وما اتوقع فيه موتر بالمواصفات هاذي يكون بمثل السعر واللي يقول خسارة وما خسارة شف سعر الفورد وشف سعر غيره وصدقني اللي تبي تخسره بالفورد تبي تخسره بغيره او حول خسارته أهم شيء وفر فلوسك وحطها في شيء ينفعك

[www5555]

السلام عليكم ورحمة الله وبركاته


يا خوان وش رايكم بالاكسبدشن الدبل من جربه رحت ابشتري جيب ولقيتها نار وقالوا الاكسبدشن فيه دبل كيف بالرمال والطلعات ابي رايكم ردوا علي يقولون ماخاب من استشار............................