* ضب * يحييكم ويعرض شروطة

[* ضب *]

يا اهل البيت .. يا اهل الحوي . ما فيه احد.. يا رجال ادخل ما عنك اغطى انت راعي محل
وين الجماعة وين الربع .. هذا هم... هذا هم
السلام عليكم
ما شاء الله جالسين ومبسطين .. الله يزودكم بسطة

ما شاء الله وش هالتطور وش هالزين..

الصراحه المنتدى طالع غير.. سرعة زي البرق واعضاء زي الضب قصدي زي السكر .. يا حلاوتهم
77
77

اخواني بعد التحية
السلام عليكم ورحمة الله وبركاته
يقول الشاعر وما الحب الا للحبيب الاول
ابتعد عن المنتدي لبعض الوقت لكن يشدني الحنين بين الفينة والاخري (الفترة الماضية كنت في دورة لغة ادبية) :pوما سبب عودتي الا كما هو معلوم قرب موعد الحرب الازلية بين بني الانسان و بني الضبان والتي الخاسر فيها دوماً معروف .. ولا حيلة له .. وبما انني المندوب السامي عن مجلسهم الاعلى فقد فوضوني لخوض مباحثات السلام .. وتحديد خارطة الشروط وبحكم تعودي على المرمطة هنا من سبٍ وتعليقٍ وقتلٍ في بعض الاحيان ، الا ان ذلك لا يمنعني من بذل قصارى الجهد لحماية ما تبقى من الضبان الذين انهكتهم الحروب ..
والمباحثات تستند لعدة شروط لاتبداء الابالموافقة عليها
الشروط هي:
1 -يمنع منعاً باتاً صيد الضب .. وان كان ولا بد ينظر لشرط الثاني.
2 - يمنع التبذير ويكون الصيد بقدرالجاجة .. وان كان ولا بد ينظر لشرط الثالث.
3 - يكتفي بصيد الذكور لما تسببة من مشاكل من معاكسات و وتفحيط . ويمنع صيد الاناث وخصوصاً المكون
وان كان ولا بد ينظر الشرط الرابع .
4 - لا يكثر من صيد المكون والا ترى نقوم بعمل ربط رحم لجميع الاناث .. واقعد دور البيض بعدين :D
5- يكون الصيد عن طريق الطرد فقط
6 - يمنع استخدام السلاح .. خصوصاً الخرازة .. نعنبوها ما توفر (يا انا حاقد عليها) :mad:
7 - قد اعذر من انذر في النهاية انتم الخاسرين .. يمكن نلحق الغزلان والارانت وانتم بكيفكم..
8 - ارجوكم .. ارجوكم.. تكفون ارحمونا :(

اخيراً
ياويل من قتل نفس ماله حاجة فيها ..

تحياتي للجميع

[المترو]

السلام عليكم ورحة الله وبركاته

الحمد لله على السلامه وعوداً حميداً عسى المانع خير ان شاالله ولا يكون السبب لك من اسمك نصيب هالايام الضبان بدت تنهي سباتها الشتوي ونشوفها
عموما الحمدلله على السلامه بين اخوانك بمكشات ونورت مكشات مره اخرى

اخوك الرحال2003 ابو ناصر

[اسيزو 4x4]

حياك الله أخوي الضب وين الغيبات :D

لا تقول أتودع الضبان الحين موسمهم قل عليهم السلام :D :alarm:

حياك الله والمنتدى نورر :alarm: :butt3: :BUTT1: :row:

[خشم الحصان]

الاخ الغالي
ضب
السلام عليكم
الحمد الله علي السلامه الله يغفر لنا ولك وين دنياك يابعدهم الله يثيبك مشتاقين والله
اقول اترك عنك هالكلام نوينك ناوينك بخرازه او بالشكمان ولا جركل ازرق ولي ناتق ناتق الله لايعوقها بشر
وبعدين الشرط الثالث سايده بالله وشلون نعرف الذكر من الحرمه الا اذا هن يلبسن دراريع وكعب عالي
يمكن ان حنا نميز بس كلهن شبه بعض يعني من دقة عبد الغني شربت (كواريه)
اقول بالحبيب الله يانت منطلق مره والدليل الشرط(6) لونك مختصره علي او كلام الشرط ولا كملت البازي :no2:
عموم الله مير محييك يابعدهم هذي الساعه الخراش يوم رجعة لنا سالم غانم يالغالي
اخوك
خشم الحصان

[أبو تركي القطامي]

أخوي الغالي
ضب العزيز
تو مانور المنتدي بطلتك الحلوه
والله محييك أنت وشروطك وأنت تامر أمر وحن نطامر
والحمدلله علىالسلامه ومن طول الغيبات جاب الغنائم
ومرحباً ألف بك

[شايب الصمان]

السلام عليكم ورحمه الله وبركاته

أخي الغالي / ضب
أنت كتبت :::: :good:
وبما انني المندوب السامي عن مجلسهم الاعلى فقد فوضوني لخوض مباحثات السلام .. وتحديد خارطة الشروط وبحكم تعودي على المرمطة هنا من سبٍ وتعليقٍ وقتلٍ في بعض الاحيان ، الا ان ذلك لا يمنعني من بذل قصارى الجهد لحماية ما تبقى من الضبان الذين انهكتهم الحروب ..
------------------------
وعطفا على المذكور أعلاه نقترح عليكم الاتي : : :director:
1- عمل نوذج يوضح به العدد المطلوب للصيد والغرض منه .
2- تحديد أعمار الصيد .
3- وتتحديد المنطقه الجغرافيه للصيد.
4- يكون عدد الصيد على الاشخاص المضافين في دفتر العائله .
5- من يضبط مخالف الشروط المذكوره في حالة الموافقه عليها
يطبق بحقه غرامه وقدره ؟؟؟؟؟؟ تحدد حسب المخالفه .
====================================
...... والله الموفق.......

[صقر]

ضب

الحمد لله على السلامة

طولت الغيبة ... والله اننا فاقدينك ... لكن هذي عوايدكم بالمربعانية مالكم ظهور.

حياك الله مرة أخرى .... وترى يقولون من طول الغيبات ... جاب الغنايم.

[الطعس الذهبي]

فعلا ان المنتدى صار اسرع كثير وانا على ذالك من الشاهدين

[* ضب *]

اخواني لا داعي للتكلف تراني راعي محل .. واعزم بعد

اخوي الرحال2003 ابو ناصر
الله يسلمك من كل شر.. ولا تخاف على اخوك لا يغرك اسمة الدعوة تطابق اسامي لا غير ...

7
اخوي ايسوزو 4 4x
انا داخل على الله ثم عليك ارجوك لا توثم فيهم :no2: عليك بالركاد
حياك الله وشكرا لمرورك
7
هلا باخوي خشم الحصان
وين الغيبات معاد لك حس.الله من قل الهذر .... انا اقول غبت لي كم يوم يمكن الرجال يتغير ويودني .. لكن الله يهديك متلقيني بالخرازة .. ما ذي بظنتي فيك .. تسوي اكثر يالمخذرف اما سؤالك شلون تعرف الذكر من الانثي فهذي ما تجي منك .. لكن معليش هالمرة لك انا اعلمك وشلون تعرف اذا مسكت الضب وشقيت بطنه وطلع فيه بيض فهذي انثي اتركها وشف غيرها.. اما الذكر فامرة هين تلقاه دايم يمشي على جنب من وجع ظهره من كثر تركيب الخشب
اما الشرط رقم 6 فانت تامر امر ولا يكون خشمك الا طيب
ابرقنا للجهات العليا وما قصروا معنا
تحياتي وتقديري لك


7
اخوي ابو هنا القطامي
نور الله دربك.. وانت معفى من الشروط نظير مطامرك :bounce:
وتقبل شكري الفائق لك

7

اخوي شايب الصمان
شكلك متاثر بالاكتتاب في بنك البلاد .. لكن هذا ما يمنع من النظر في الشروط المظافة وعرضها على الجيل القادم ودراستها ثم تطبيقها بعد موافقتكم انتم
اما الغرامة فهي صعبة ..تدفع لمن ؟؟ ما علينا ناقص سرق يكفي الي انتم فيه

الا على طاري دفتر العائلة قل لي كم طلع لك من سهم :row: وشف خراجك وتراي شراي

7

اخوي صقر
شكرا لتجاوبك
ما تفقد عزيز ان شاء الله .. وشكل المربعانية رجعت هاليومين بعد ما توهقت وطويت العفش.. والغنايم واجد ابشروا ان شاء الله بس انتم زودا حجم الصور يجي 2 ميجا وبتشوفون العجايب ..
تحياتي لك

7
اخوي الطعس الذهبي
حياك الله .. وتكفي دلني على موقعك ترا اخوك مفلس .. واعتقد ما يضرك لو نقصت كم كيلوا ..
اما السرعة فهي فعلاً ممتازة ..والبطء السابق هو احد اسباب ترك المنتدى

شكراً لمرورك

[الطبيب]

هلا والله بأبو العكاري

يا مرحبا وعودا حميدا

متى ارميك ......... اقصد اشوفك

والله افتقدتك لفترة ليست بالقصيره

ولكن موضوع في الصميم وضربة معلم
هذا والله اعلم

والسلام ختام

[هبوب]

الله يشفيك

[المسفهل]

الحمد لله على السلامة ..
عودتك إلينا بعد هذه الغيبة من دواعي سرورنا
كم نحن مشتاقون لدعاباتك اللطيفة وروحك المرحة .

[تركي@@]

شباب من اللي يبي ضبان
صغار (سهيلي)
بس حول الخرج
ابو عبدالله في الخدمة

[* ضب *]

اخوي الطبيب
حياك الله اخوي زامل

قريب نراك ان شاء الله
وتحياتي لك
ولك شكر خاص

7
اللي بعده

وإياااااك :no2:

7
اخوي المسفهل
الله يسلمك
وانا مسرور اكثر لمرورك

وتقبل فائق تقديري

7

اخوي تركي@@
لا توجع قلبي
والوعد جمعية الرفق بالحيوان :D

تحياتي لك

[سنتافي]

انا بصراحه تأثرت بهذه القضيه جدا

وبصراحه انا بدأت اعيد التفكير في الموضوع صح اني كنت آكلها لكن انشاء الله من هذا اليوم ببدأ بتغير هذا التصرف لأنه بصراحه مايصير يعني كلام الشيخ ضب . . . ما بقى يعني وشلون يطيب لي اكله وانا افكر بهال كلام
انشاء الله انا اول مااحط ايدي على ضب اوعدكم انه يبي يعيش مرتاح وباخذه لعزبتي وافلته على الثيل واربيه ايه خلاص انا بخلي الضب حيواني الاليف المفضل تكفيرا عن الي اكلته

انا ما امزح

[عزيزو]

الله يعطيك العافية وتسلم.................

[العبارتين]

هلا والله بالضب
مظهرينك مظهرينك بالخرازة بالماء بالمسحاة
طالع طالع الله لا يعوق بشر

[د.الكاشت]

الحمد لله على السلامه

[مغباش]

يا اخي تنكر وريح عمرك وانا عندي لك وسائل تنكر مبتكرة واساليب ملتوية
1- ركب لعيونك عدسات خضر
2- اذا شفت احد جايك سوى نفسك دايخ وقوله الله "يخليك مالي نفس راسي يعورني "
3 اذا لحقك احد ضيعه ودش جحر داب ( وبعدها حل مشكلتك مع الداب)
4- لاتمشي بروحك امش مع شلة ابو جعل (يعني مشرف نظافة)

[* ضب *]

اخوي سنتافي
شكراً لتأثرك
وتوبة مقبولة ان شاء الله
وشف العزبة ان كان ما فيها الا ثيل تراها ما تصلح يمديك تزرع عرفج وحمض عشان الجماعة ينبسطون صح في ظل ضيافتكم الكريمة

افااا .. اثرك تمزح وانا متحمس ...الله يجزاك خير

7

اخوي عزيزو
الله يعافيك ويسلمك

[* ضب *]

اخواني العبارتين

الله يكافينا شرك .. وزين اللي ما ذكرت العبارتين اعوذ بالله حتي ما هيب وحدة
شف من نا حية المسحاة معليش... اما الخرازة فارجوك بلاش منها.. وخلنا كذا متفاهمين ..
وان جت لتحدى تراك منت قد التحدي والوعد قدام ونشوف .

7
اخوي د.الكاشت
الله يسلمك
يا دكتور جابك الله ..نبيك تفزع الاصابات واجد .. والموسم قرب ومقبلين عل شر ..خلك حولنا لا تبعد

7

اخوي مغباش

المشكل ماهييب في العيون
المشكل في العكرة اللي ما لقينا لها حل
وجربنا كل المضدات عقارب ودواب وفزعات لكن ما فاد ..


7

تحياتي للجميع

[أبومناحي]

ياضب شروطك على العين والراس

وعيني ذي قبل ذي

وعلى خشمي.

أن شاء الله.

[* ضب *]

نظراً لاننا في الموسم المشؤوم يرفع .. للتذكير بالمعاناة ...!!

[أبوسليمان السهر]

حياك الله ضبنا العزيز
ماشاء الله باين عليك من فترة مادخلت للمنتدى
شكلك تتغلى علينا ولا أنا غلطان
لاتبخل علينا الله يجزاك خير بالفائدة،
أو نستخدم الشووووزن أم خمس.

[البعير المغوار]

يالبى يالضبان.