المساعد الشخصي الرقمي

مشاهدة النسخة كاملة : وين ألقى قفل الاستبنة


ابوقيان
03/05/2010, 10:33 AM
السلام عليكم ورحمه الله وبركاته

كيف حالكم جميعاً

اليوم ابشركم ولله الحمد ركبت جنوط وكفرات للباترول

بس توهقت بالاستبنه (الاسبير )
درت محلات الكفرات ابي قفل لها كلهم قالوا بتلقاه عن ( السليماني )

رحت السليماني قال والله عليه طلب كثير مهوب موجود عندنا خلص
شف يمكن تلقاه عند الي قدامه ( العوبثاني )

مريت الي قدامه قال لا والله مهوب موجود

طيب الحين يا شباب تعرفون لي محل ثاني غيرهم ابي قفل ضروري اكشخ بالاستبنة ما ابي ادخلها معي
خخخخخخ
najazy
03/05/2010, 10:44 AM
تلقاه عند العليان اللي على خريص حي الريان
أنا شاريه قبل 6 شهور تقريبا
هوايتي مكشات
03/05/2010, 01:02 PM
رح للغرابي يمكن تحصل
ابوقيان
03/05/2010, 10:27 PM
اخوي najazy
كم شريته ؟؟؟
_____________

اخوي هوايتي مكشات
الي بالغرابي كلهم قالوا نفس الكلام السليماني او العوبثاني
ولا واحد لقيته عندهم

_____________

مريت اليوم محلات قطع الغيار ( صناعية الشفا )
قالوا تلقاه عند محل الوكالة رحت لهم قال موجود بس في فرع الملز
وسعره 450 ريال قلت اجل السلام عليكم يازين الاستبنه وهي راكبة جوى معي

بالصدفة قلت خلني امر على محلات الزينة الي بالمعارض
حصلت عندهم بس مو القفل الي انا ابيه حصلت ( الصواميل ) الي ما يفتحها الا مفتاحها
4 صواميل + صامولة خاصة تركب في مفتاح العجل وتفتحها سعرها 25 ريال

بس ولا وحده دخلت في المسمار الي بالاستبنه
b.l.z 2007
04/05/2010, 12:06 AM
هلا بك اخوي (ابوقيان) ....

بالنسبه للقفل حق الاستبنه انا مثلك قاعد ادوره لي اسبوعين ومالقيته الا قبل امس محل يبيعه عندنا بالشرقيه
واذا بغيته انا حاظر راسلني علا الخاص ...
ابوقيان
04/05/2010, 10:01 PM
b.l.z 2007 وانا اخوك مقدر ارسل شي على الخاص المشاركات ما تسمح

بس خلاص بشتري ( الصواميل ) الي سعره 25 ريال
وبروح للمخرطه يصلح لي مسمار
سألت واحد من الشباب قال لي ان كثر كثر المخرطة بتسوي لك المسمار بـ 10 ريال

الله يعطيكم العافية ما تقصرون على ردودكم
إيه ده
04/05/2010, 10:30 PM
السلام عليكم

تلقا عند العليان نوعين

نوع بـ25
ونوع بـ200
الثاني اصلي حق الوكالة .. والأول يزبن انا شاريه قبل اسبوع...
سراب النصر
07/05/2010, 01:40 PM
رح للوكاله واشتر القفل ,, واترك عنك الغرابي

انا كنت احوس بالغرابي ,, ولا لقيت ,, لكن بالاخير طلع ينباع بالوكاله ,,
القناص4800
07/05/2010, 03:21 PM
رح لأقرب محل ادوات بناء واشتر سلسله

وقفل وما عليك