جيب اسكيب

[muhajer]

السلام عليكم ورحمة الله وبركاتة

عندي استفسار عن جيب اسمه Escape من وكالة فورد

هل يباع في السعودية او الخليج؟ واذا موجود كم اسعارة؟ وهل هو عملي؟

جزاكم الله خير جميعاً.
file:///C:/Users/ABONAS%7E1/AppData/Local/Temp/moz-screenshot.pnghttp://www.autospectator.com/cars/files/images/09ESCAPE_01.jpg

[ولد حرب04]

ايه انا رايح وكالة الفورد يوم الثلاثاء وشايفه
وسعره فوق 115الف
وشكله موب حق بر لانه طايح مرة

[شورت]

ممكن يكون حق بحر بر خفيف اما تطعيس ما اعتقد

[YOU1]

والله حنا عندنا واحد موديل 2001 او 2002 والله ما ادري بالظبط بس تراة دفع امامي مهوب خلفي.... وبالنسبة لللاستعمال اشوفة زين للديرة.. بس اكرر ( تراة دفع امافي).

[muhajer]

بيٌض الله وجيهكم جميعاً.

مع اني مستغرب ان ما عليه شعبية, يعني ما احد قد كتب عنه بالمنتدى.

بالنسبه لدفع الكفرات , اعتقد يجي منه دفع رباعي.

شاكرا لكم مشاركتم يا اخوان.

[moooj]

سألت عنه قبل سنتين كانت قيمته بحدود ال 70 الى ال 80 على ما اعتقد
وهو دفع امامي بالأساس ومنه دفع رباعي
صغير من الداخل وما فيه شيء مميز
والشباب يقولون هنا انه فوق ال 100 الف اشوفه سعر مبالغ فيه وما له داعي
استخدامه ما اعرف عنه اي شيء
مر الوكالة واذا لقيته اطلب قيادة تجريبية
وفقك الله

[muhajer]

اخوي moooj

وانت الصادق ان كان الستاندر فوق ال80 فهي واجده عليه, بس داخليه وحجمه جايز لي

مشكور على مداخلتك

[بدوي جنوبي]

سياره مثل هذى وتكون دفع امامى
تكون افضل من ناحية الاستخدام
واخف فى المشي واقل اعطال

وشكلها جميل ومقبول
وترا فيه ناس تحب تستخدم سيارات على شكل جيب
وتكون بدون دبل ،،، وتخيل تكون ايضا دفع امامى

والدفع الامامى ما يعيب السياره للاستخدام داخل المدينه .

بالتوفيق

[muhajer]

شرفني مرورك مشرفنا الفاضل .

كلامك سليم ومقنع بخصوص افضلية استخدامها داخل المدينة,حقيقة انا مؤمن ان شوارع مدننا الحبيبة وارصفتها العالية تحتاج سيارات مرتفعة, واذا جاك مطر بعد الله يستر.

شكراً لك. ×