شباب تعبت وانا ادور ماطور هواء قوي وصبور

[أبوكلبشة]

ياليت ياشباب تبدون ارائكم بشأن المواطير
طبعا انا عندي ابو جمل لاصلي بس مو عاجبني
ابي ماطور اقوى منه والسعر مايهم

[ابوطاقية]

ماطور شركة Arb صناعه استراليه قوى وقيمته بحدود 900 ريال وموجود عند العليان
والا ماطور الرمايه راس كبير صيني بس جيد

[أبوكلبشة]

ماطور شركة Arb صناعه استراليه قوى وقيمته بحدود 900 ريال وموجود عند العليان
والا ماطور الرمايه راس كبير صيني بس جيد
طيب وين القا ماطورarb بالقصيم
وماطور الرماية كم سعره
وهل جودته وقوته نفس الماطور الاسترالي

[هلي--2007--]

ماطور ابوجمل عندي من سنتين وماشي تمام

[ذيب زلفاوي]

ابو جمل يمدحونه

[1231]

والله يافلان .

اكثر شي يكرهك بالتطعيس هو نفخ التواير عقب التنسيم.


عندي ماطور ابو جمل شاريه بـ150 ريال تقريبا.

وشغال ماعليه بس بطيئ يعني يبي لك نص ساعه عشان تعبي هواء.



وان كانك حصلت شي زين لاتنسى اعضاء مشكات.

مع الشكر.

[الفتكي]

السلام عليكم
انا عندي ماطور ايطالي شركة فيني 600 وات عندي اكثر من 6سنوات شاريه من محل التويجري للعدد في الرياض شارع الريل بـ1200ريال ويستاهل واستخدامي له كثير في الطلعات واعبي في اكثر من سيارتين بنفس الوقت ولا يحتمي لأن فيه مروحه تبريد وسبق اني استعملت اكثر من ماطور الصينيات لكن مايجلس معي سنه واذا تبي تجرب الماطور هو يصلح او لا جربه على كفرات بالون ويبين لك العلم وسبق ان طرحه اخوي Nissan1991 في المنتدى بس عيبه انك لازم ترفعه عن التراب لأن البستم حقه مكشوف واذا انت في القصيم او بتجي للقصيم انا مستعد اخليك تجربه من عيوني بس انت تامر ياخوي

[أبوكلبشة]

ابو جمل زين مافية شي بس انه بطيئ ويحتمي
مايامر عليك ظالم يالفتكي
بس ياخوي كم سعره بالوقت الحالي وهل يتحمل الكرف الشنيع لاني راعي تنسيم كفرات
ووين القاه بالقصيم

[monsixnet]

-

انا عندى ابوجمل و Arb.

لكن لايوجد مقارنه

ابو جمل زين وسريع لكن Arb بطئ وغالى

[الفتكي]

هلا اخو ابو كلبشه
في القصيم غير موجود في الرياض فقط والسعر الى الان 1200ريال انا مريت على المحل من سنه تقريبا وحصلت عنده 4 حبات لاكن لا تشتريه الا انت مجربه اولا وفي واحد ثاني بالقصيم عند محلات العدد على ما اظن عند دار السالم او محل ثاني في محلات مجمع ابالخيل ايطالي 850ريال تقريبا لكن ما ادري هل هو قوي ام لا واذا بتشوف اللي عندي ابشر

[البقيشي]

هلا وغلا اخي الكريم أبوكلبشة

انا بعطيك نصيحه من واقع تجربه

لا تشتري ابداً الماطور اللي يجي ليه طويل دائماً

مثل هذا

http://www.safety-devices.com/air-compressor/graphics/hornet-air-compressor-500.jpg



والسبب هو ان طول اللي يقلل من قوة الضخ وبالتالي يحتر الماطور

ومع كثرة الحرارة تخرب الجلده و الوجه اللي على البستم

وانا يا طويل العمر شريته اكثر من مره ( بستمين ) واذا جيت اعبي الكفرات يطول معي



ومره كنت اتمشى في الغرابي ولقيت محل عنده ماطور ليه قصير وسلك الكهرباء طويل

وكان ماطوري هذاك الوقت خربان فقلت خل اجرب هذا ( طبعاً صيني )

وخذته قيمته 190 ريال

وأول ما وصلت البيت نسمت الكفرات الاربع حطيت فيها 10 وعباها لي الى 40 في 5 دقائق وكم ثانيه

وكشت في النفود وشافه معي واحد من الشباب وخذه مني ورحت اشتري مثله ولقيت نوعيه نفسه بس ابو جمل

قلت جابك الله وقيمته 240 ريال

والى يومك معي وعلى احسن حااااال اعبي الأربع كفرات كلها وهو ما يحتر


وشكله قريب من هذا

http://www.mekshat.com/pix/upload03/images135/mk136312_011220091424.jpg



اتمنى اني افدتك

واي استفسار عطني خبر على الخاص اخاف اضيع الموضوع :D

[لمع السحاب]

بصراحة انا استخدم ماطور سيارات تويوتا اللي يجي مع السيارة الجديدة من 2004 وهو معي شغال ممتاز ماشاء الله ولا فيه خلاف ابدا وما يحتمي فيه مروحة تبريد وحجمه صغير
ارجو اني افدتك

[ابو خالد 1992]

هلا وغلا اخي الكريم أبوكلبشة



انا بعطيك نصيحه من واقع تجربه


لا تشتري ابداً الماطور اللي يجي ليه طويل دائماً


مثل هذا


http://www.safety-devices.com/air-compressor/graphics/hornet-air-compressor-500.jpg




والسبب هو ان طول اللي يقلل من قوة الضخ وبالتالي يحتر الماطور


ومع كثرة الحرارة تخرب الجلده و الوجه اللي على البستم


وانا يا طويل العمر شريته اكثر من مره ( بستمين ) واذا جيت اعبي الكفرات يطول معي




ومره كنت اتمشى في الغرابي ولقيت محل عنده ماطور ليه قصير وسلك الكهرباء طويل


وكان ماطوري هذاك الوقت خربان فقلت خل اجرب هذا ( طبعاً صيني )


وخذته قيمته 190 ريال


وأول ما وصلت البيت نسمت الكفرات الاربع حطيت فيها 10 وعباها لي الى 40 في 5 دقائق وكم ثانيه


وكشت في النفود وشافه معي واحد من الشباب وخذه مني ورحت اشتري مثله ولقيت نوعيه نفسه بس ابو جمل


قلت جابك الله وقيمته 240 ريال


والى يومك معي وعلى احسن حااااال اعبي الأربع كفرات كلها وهو ما يحتر



وشكله قريب من هذا


http://www.mekshat.com/pix/upload03/images135/mk136312_011220091424.jpg




اتمنى اني افدتك



واي استفسار عطني خبر على الخاص اخاف اضيع الموضوع :D


اخوي وصَف المحل بضبط لو تكرمت

[moooj]

بصراحة انا استخدم ماطور سيارات تويوتا اللي يجي مع السيارة الجديدة من 2004 وهو معي شغال ممتاز ماشاء الله ولا فيه خلاف ابدا وما يحتمي فيه مروحة تبريد وحجمه صغير
ارجو اني افدتك


اي والله وانا اشهد
معي من خمس سنوات كرفته كرف على كيف كيفك على بليزرات كفرات حجرية مقاسات 33 والتنسيم 8 واعبي الى 30 ما يحتر ولا يطفي واسدحه على الرمل ما عنده مشكلة
لكن لا يزال بطيء شوي

[أبوكلبشة]

اشكركم على تفاعلكم ونصائحكم القيمة

[حرة عويرض]

ماقصرو الشباب

انا معاي ابو جمل راسين

شاريه ب 260 ريال

من محل زينه قوي يعني ماعند تفاهم ماشاء الله حتى لو كان الكفر منفصخ ماعليك الا تفك الابره وتدهر لكنه يحتمي

وبالنسبه للصبر له معاي يمكن 4 اشهر ماتكفي بالتجربة

خرب مره وحده الكتاوت او الفيوز وغيرتها ب 20 ريال

لكن نصيحه اللي يبعد بالبر يحاول يكون معه ماطورين دمتم بخير

[حبل الوريد]

عليك بأبو جمل

ازين المواطير

والاصلي عليه ختمين ختم على الكرتون وختم على الماطور نفسه

[سوبر VTC]

ادخل الرابط التالي




ماطور الهواء هذا وش هو من لحيه ؟؟؟ - من (http://www.mekshat.com/vb/showthread.php?t=248578)تديات مكشات

[سوبر VTC]

[quote]



لا تشتري ابداً الماطور اللي يجي ليه طويل




والسبب هو ان طول اللي يقلل من قوة الضخ وبالتالي يحتر الماطور


ومع كثرة الحرارة تخرب الجلده و الوجه اللي على البستم


وانا يا طويل العمر شريته اكثر من مره ( بستمين ) واذا جيت اعبي الكفرات يطول معي



اعكس كلامك
كل مايطول اللي فهو ابرد للبستم :good:



اذا كان طول اللي نفرض نص متر
و كان سلك الكهرب 5متر
فان البستم يحتر بزيادة و السبب ان اللي قصير
و ضغط الكفر يذبح البستم
و بالتالي يعدم شنبر البستم خصوصا عند تعبئة موترين2

[القماري]

السلام عليكم
إذا ودك بكلام نهائي وحسب تجربة
أفضل أنواع ماطور الهواء الموجود عندنا بالسوق وبسعر معقول وعملي .. هو منفاخ (ماطور) ابو جمل الأصلي
ويجي منه عدة أنواع
أفضلهم بحسب التجربة مع السعر من يأتي بلي قصير وسلك طويل وسعره ب 250 ريال
بالتوفيق

[عبدالعزيز-1]

انا معي ماطور هواء تايغر اللي وكيله العليان

الماطور جيد وينافس ابو جمل وله معي الان خمس سنوات تقريبا

[ساري 111]

شف ابو جمل ابو لي قصير وسلك طويل .. لايرخص عليك

بس حاول تجربه قبل تشريه يمكن مايعجبك .. معي له كم سنه عال العال

[NOYEB]

http://www.mekshat.com/pix/upload03/images138/mk34212_25487.jpg
هذا هو ابو جمل الاصلي عليك به

[بو خليفه]

الماطور الاسترالي عند الرماية

[أبوكلبشة]

مشكورين وماقصرتو
تم شراء ماطور عن طريق احد الاصدقاء المبتعثين

[راعي الصطحه]

الف شكر على الصوووووووور
بالتوفيق

[سهم قيادي]

انا معي ماطور هواء تايغر اللي وكيله العليان

الماطور جيد وينافس ابو جمل وله معي الان خمس سنوات تقريبا
صحيح كلامك معي من تقريبا 4 سنوات :good2: وهو من نفس مصنع ابوجمل ونفس الشكل بس هذا اسمه تايغر والثاني ابوجمل يعني بس الفرق الاسم

[aah911]

اخوي اذا تبي النصيحه اللي ما بعدها نصيحه اذا تعرف احد يقدر يجيب لك هذا المنفاخ من امريكا
http://i.ebayimg.com/13/!BjpVoK!!Wk~$(KGrHqQOKjYEslvmdE-gBLUevw8+D!~~_12.JPG


تقريبا يكلف 1500 او اكثر ونظامي مركزي في السياره وسريع جدا وله عدة استخدامات وهذا فيديو يوضح فيه كل المعلومات

http://www.youtube.com/watch?v=Y6jK-ldMk6s

وهذا رابط في الموقع الشهير ebay

http://cgi.ebay.com/ebaymotors/ws/eBayISAPI.dll?ViewItem&item=200428879983&viewitem=&sspagename=STRK%3AMEWAX%3AIT

ان شاء الله افدتك

ولا تنساني من الدعوة الطيبه

[موتر بر]

يا اخوان في احد جرب منفاخ الرماية . قوته 45 واط . مقارنة مع اكبر ماطور لأبوجمل وهو 45 واط .. واقل سعر منه بحدود 340 و ابوجمل 380 ..


وش رايكم فيه هل ينفع منفاخ الرماية ؟!!!

[درب الصحراء]

يب فيه احد جرب هذا الماطور

http://www.parksoffroad.com/prodreview/inflatortest/truckair300/DSCF6905.JPG


ومن مواصفاته
-مروحة تبريد ضخمة-تعمل بتبريد أكثر 30%
-قوة مزدوجة -نفخ أسرع
-قدرة على العمل 8 ساعات دون توقف
-12 فولط تيار مباشر
-300 ضغط/بوصة مربعة =12 بار
-مفتاح تشغيل / إغلاق
- ومقاس ضغط ، 12 فولط

وهو مجود في ساكو وعلي عرض وسعرة 149

[علي عليوه]

إذا أنت راعي تنسيم شبه يومي ركب كمبريسور مكيف على السير

لو يصف 30 جيب ما ياخذون معك خدرة براد كل اللي عليك اقرص ععلى الدعسة وراح يكلف عليك مع شغله كامل بحدود 800 ريال

[ابوصالح77]

أبو جمل أنواع :
أقواهن الجديد أبو مواصير بالجنب بستم واحد ضمان سنة
تحصله من (350 إلى 400) ريال .
تحصله عند وكيله مؤسسة الشراع للزينة بـ 350ريال كانك بالرياض(الغرابي)
او الشرقية(شارع الملك سعود) والميزة تأخذ فاتورة بالضمان من الوكيل .
وكانك بالقصيم تحصله عندالسنيدي بـ 375 ريال

[موتر بر]

أبو جمل أنواع :
أقواهن الجديد أبو مواصير بالجنب بستم واحد ضمان سنة
تحصله من (350 إلى 400) ريال .
تحصله عند وكيله مؤسسة الشراع للزينة بـ 350ريال كانك بالرياض(الغرابي)
او الشرقية(شارع الملك سعود) والميزة تأخذ فاتورة بالضمان من الوكيل .
وكانك بالقصيم تحصله عندالسنيدي بـ 375 ريال


اخوي ابو صالح .. انت مجرب هالكمبروسر .. انا اسمع انها يحتمي بسرعه ..

وشفت مثل هالجهاز من الرماية وارخص بحدود 320 . والامبير اعلى من جهاز الشراع . الجهاز الي تقول عليه 40 امبير. وجهاز الرماية 45 امبير ..

[VTC وبس]

انا اعارض الي يقول ان حق تايوتا ممتاز انا عندي اثنين وخربو علي واحد حق كورلا والثاني جيب لاند كروزر مايبنفع احترق معي ولا هو تمام بالنفخ

[سوبر VTC]

اسال مجرب و لا تسال طبيب
ابو جمل و اهم شي عليه استكر الشراع الوكيل ===> 18 (http://www.mekshat.com/vb/showpost.php?p=4547921&postcount=18)

[قطب 999]

أبو جمل أنواع :
أقواهن الجديد أبو مواصير بالجنب بستم واحد ضمان سنة
تحصله من (350 إلى 400) ريال .
تحصله عند وكيله مؤسسة الشراع للزينة بـ 350ريال كانك بالرياض(الغرابي)
او الشرقية(شارع الملك سعود) والميزة تأخذ فاتورة بالضمان من الوكيل .
وكانك بالقصيم تحصله عندالسنيدي بـ 375 ريال
:good: :good: :good:

[رومل]

حبيت اضيف الى موضوعك معلومه فيه واحد من الزملاء مركب ماطور بالسياره
حسب ماشفت لايوجد له ماركه معروفه وسألته وقال هذا ماطور يجي في سيارة بيوك القديمه
للهيدروليك وحجمه صغير وسريع لنفخ التواير معلومه جديده حبيت اضيفها لمعلوماتكم اتمنى لكم
التوفيق

[فيصل التميمي]

افضل لك ابو جبل عند السنيدي 235 ريال

[البناوي1]

اخي درب الصحرااء . انا معي واحد نفس الصورة اللي انت عرضتها ولكن صناعة امريكي شريته قبل 15 سنة ووالله ما زال شغال زي الفل الى الان وقد نفخ كفرات كثيره مختلف المقاسات فمثلا ياخذ في كفر الكراسيدا خمس دقائق وهذا يعتبر قليل مقارنة مع ماطور تويوتا . ولكن اصلي يعني اصلي ووالله لو احصل واحد مثله وصناعة امريكية لاشترية ولو ب 600 ريال . فاذا كان امريكي فخذه واذا ما ناسبك انا شاريه بالقيمة اللي تبغاها .

[محمد الهديب]

أبو جمل أنواع :
أقواهن الجديد أبو مواصير بالجنب بستم واحد ضمان سنة
تحصله من (350 إلى 400) ريال .
تحصله عند وكيله مؤسسة الشراع للزينة بـ 350ريال كانك بالرياض(الغرابي)
او الشرقية(شارع الملك سعود) والميزة تأخذ فاتورة بالضمان من الوكيل .
وكانك بالقصيم تحصله عندالسنيدي بـ 375 ريال


يا حبّّيبّّي سعره 280 الاصلي ابو ختوم . وكيله الشراع في الغرابي انا شاريه في هالفايت .. و عليه ضمان سنه ..

[التنديل1]

ابوجمل بستمين عند واحد من الشباب يقول انه ممتاز اذا انت با الاحساء تحصله عند الصياد على دوار خط قطر على يدك اليسار كنك رايح قطر