ربوع بلادي ..... راس الزور

[عبدالله العمير]

بسم الله الرحمن الرحيم


http://www.alazrag.org/get.php?filename=1111113292.jpg

السلام عليكم اخواني المشاهدين

من المناطق التي منيت بربيع وافر في هذه السنه هي المناطق الواقعة شمال شرق المملكة

وهي الجبيل والنعيرية والحفر وماجاورها

طبعا بعد موضوعي حق الفقع, لفو لمي زكرت(ن)شرواك.. بدون سابق إنذار . يبون البر والفقع والربيع

طبعا طقيت لهم صدري وقلت لهم هذي أبرك الحزات <الضيوف واحد من شرورا +اثنين من الرس+واحد من الخبر


حركنا لم محل يقال له راس الزور شرق النعيرية بحوالي عشرين كلم

الربيع طيب والخيام وافرة والحلا واجد

http://www.alazrag.org/get.php?filename=1111115324.jpg

http://www.alazrag.org/get.php?filename=1111115499.jpg


طبعا مذكور الرقروق فيها وقلنا نبي ندور الفقع لغدي الله يعقلة ان شالله

واخذنا لنا فترة ندور الرقروق ونبعد عن الحلال لانه داق(ن) الارض دق

وبعد فتره عقلة الله

وهذولي ازبنهن

http://www.alazrag.org/get.php?filename=1111115711.jpg


هذي الصراحة اطيبهن زبيديت(ن) تملا اليد وزيادة . قعدت اقلب عنده عشر قلبات

http://www.alazrag.org/get.php?filename=1111115892.jpg



وحنى نتمشى مرينا من عند طائر محبب للقلوب

الآ وهو السمان لكن لان معنى لحمتنى وماهنا حاجت(ن) لنا بصيدة اعتقناه لوجة الله

بشرط ناخذ له صورة واشوا تمت الموافقه




http://www.alazrag.org/get.php?filename=1111116096.jpg


نواصل

[عبدالله العمير]

نعم

قعدنا نتمشى وندور الفقع

http://www.alazrag.org/get.php?filename=1111116360.jpg

وكان الجو اكثر من رائع السحب تنصك علينا مرة وتنفتح مرة وعلينا من الله رش(ن) خفيف

http://www.alazrag.org/get.php?filename=1111116632.jpg


طقينا خيمتنى بدري عن مطرن او هوا سبحان الله

وشبينا نارنا وشبينا على قدرنا

http://www.alazrag.org/get.php?filename=1111116783.jpg

جمعنا الحصيلة يالله لك حمد رزق(ن) طيب يسدنا للغداء

http://www.alazrag.org/get.php?filename=1111116926.jpg


الحمد لله النواسة ولقينها والربيع وشفناه والجو الطيب وريحت الربيع ترد الروح

وهذي والله كل غايتنا ومقصدنا

طبعا زي العادة بغيت اجيب الطاعة بالرحلة كله قلولي وشلون <وسلون

كبست الفقع مع اللحمة وهن مقطعات صغار ويم جيت ابكبس الرز عليهن نهشتلي وحيده واثرة خالص ماتبي طبخ ابد

وقلت اشو اني ماكمل علية ولا تسان مايصفالنا الا الريحة :bounce:

عزلناهن على طرف ويم جهز الرز نكسناهن يصخن(ن)

وكان هذا الطبق الفاخر الي يجيب العافية








http://www.alazrag.org/get.php?filename=1111117049.jpg




ونهزناه يالله لك الحمد وعدنا ادراجنا مسرورين


وقفات

* اذا بغيت الفقع ابعد عن الغنم قدر المستطاع لانهن يبن يجيبن لك الصداع

* حافض على نظافة مكانك بالحرق او الدفن ايا كان مكشاتك

* ليس ضروريا ان كل ماتراه من صيد لابد ان تصيدة

* تم تجاهل بقصد عدم وضع خريطة للموقع لانه واضح جدا لمن يقصدة.

* اذا كانو ربعك اكاله لهم بالبساكيت والتمر والطحينة ,مثلي علشان تندع بالفقع وانت مرتاح الضمير

واخيرا اتمنى ان موضوعي قد نال استحسانكم

وانتظروني بتقرير قادم وقريب من ربوع بلادي

والسلام عليكم ورحمة الله وبركاته

[صقر]

مشكور يالازرق على هذا التقرير والصور الرائعة.

ومبروك عليكم الفقع والخير... والله يجعل ايامك كلها صحة وسعادة.

وبارك الله فيك.

[المسفهل]

ما شاء الله رزق طيب .. ويكفي الإنسان متعة البحث
والتنقيب وإلا الخير واجد والحمد لله
صور جميلة وتعليق أجمل .

[ABU-AL-3eeS]

يالله حيهم اجل ورا ماسيرتوا علينا...

تسلم يالازرق موضوع اكثر من رائع وشيق.

وسالفة الفقع صدقت فيها والله انه في الجبيل عندنا ماتبعد عن الديرة حولك حواليك يالله لك الحمد..

اخوك/عاطل

[اسيزو 4x4]

مشاء الله عليكم خير الله يديمه علكم مشكور أخوي الازرق موضوعك رائع

[عبدالله العمير]

صقر

الله يجزاك خير

ويسدن فخر انه اول من رد علي هو انت

وعقبالك ان شالله

-----------------------------------------

المسفهل

كلامن صحيح زاد الموضوع اكتمالا

وجزاك الله الف خير وشكرا على مرورك

[عبدالله العمير]

عاطل

حيا الله ولد جيراننا وتولم ابسير عليك بس عاد اضبط لنا الاحداثي حق الفقع

حياك ربي وهذي ابرك الحزات يوم ميلت لمي

------------------------------------------------------------------

هلا وغلا بايسوزو دبل

والله لايحرمنى من حجاجك

--------------------------------------------------------------------

وهذا اقل شي اقدمة لاعضاء مكشات وزواره لما له فضلا عظيم من كما هائل للمواضيع والصور الرائعة والمفيدة

[ابو شكاع]

الأزرقني

ماشاء الله عليكم

كم جلستوا تنصبون بيت هالشعر

غديكم بس حطيتوا فوق عامودها لمبة حمرا عن الطيارات :)

يامال العويفية صور جميلة ورحلة انا متأكد مليون بالمية انكم استانستوا لأنك من اعضائها

وشكرا لك

[عبدالله العمير]

هاهاهاهاهاهاهاا

تمكر يابوصالح

الي يعطيكم بالكريك يعطينا بالملعقة

وبعدين علا قدنا ياخي لاننا صغنونين

واللمبه محطوطة بس ماهب للطيارات محطوطة لهالجعوله الي دبلن تسبدي

وتمنيت اني جايب معي مضراب تنس علشان الخلخهن ههههههههههههه

[الوهاج]

الازرق صور جميلة وتقرير اجمل

العاطل الصورة الي في توقيعك معبرة والله لايهينك ممكن تخبرنا وينها فيه وش احداثياتها ان كان ممكن

تحياتي للجميع

[مجحود]

افاا والله ماضهرت لي الصور وش فيها؟؟
<<<<<حظه ردي

لاهنت ياكحيلان على الموضوع وكان ودي اشوف راس الزور بس مالي بالطيب نصيب