فزعتكم يا اهل الجيوب للعليمي

[الطارش]

اخواني السلام عليكم ورحمة الله وبركات
اخوكم شراله جيب لاند كروزر في اكس ار مديل 2003 من هاك اليوم الي شريت فيه الجيب وانا احبرش فيه عسى ولعلا اعرف لشغلات فيه معني قريت الكتلوج عدة مرات ما فهت افزعولي علشان ابي اتميلح به بالبر مع بنياتي واوسع صدورهن واستفساراتي هي:
اولا - زر الي على يسار القير ومكتوب عليه 2ND (سكند) وش شغلته ومتا استعمله
ثانيا : زر PWR وش شغلته ومتا استعمله
ثالثا : الدف لوك وش شغلته ومتا استعمله
وفي الختام امل تجاوب الشقرديه اصحاب الخبره وتحملو اخوكم العليمي اغديكم الى علمتون يكشت مع الشقرديه بعيد مهوب جنب الخط
وشكرا لكم سلف

[طارق الحربي]

زر سكند هذا يخليه يعشق من الثاني يعني بالطعوس بدال مايعشق بالاول عقبين الثاني لا يعشق الثاني على طول

بور هذا يعطي قوه اضافيه يعني دعسه اضافيه يفضل استعماله بعد سرعه ال 100 كيلو متر

الدف لوك وظيفته يقفل الكفرات يعني اذا سيف الموتر وصار يمشي على كفر واحد ورا تشغله يقفل الكفرات بس لا تمشي فيه اكثر من 5 كيلو ولا يخرب

[الابهق]

عندي إضافة ( للدف لوك ) إذا تخوبرت بعد التميلح مع بنياتك وغرزت وتعلق الموتر وثولث يعني قامت بعض كفراته تدور بوش وهو مايتحرك ( يعني غاطس في الرمل ) في الحاله هذي شغل الدف لوك وهو يحرك الكفرات اللي ما تتحرك
ولك تحياتي ودعواتي انك ماتتخوبر في البر ومعك اهلك
وفقك الله وعز الله انك اخترت السياره الصح
الله يعطيك خيرها ويكفيك شرها :dance:

[الطعس الذهبي]

أنا عندي جيب وبه نفس الي قلتة ومجربهن


واطول مثل ما قال اخوي طارق الحربي