أهلا بــــــســـــــــــــــــاهــــر ولـــــــــــــــــــــــــــكن

[وادي النوم]

أخواني الاعزاء
أهلا بكم وسهلا

لاشك أننا أمام مصيبة عظيمة إلا وهي نظام ساهر

فنحن معاشر السعوديون تعودنا على السرعة والفوضى منذ نشأتنا

وهذا النظام يكسر الروتين الذي تعودنا عليه طيلة أعمارنا .

صراحة أحيانا أقول بنفسي لعل هذا النظام يقضي على السرعة الجنونية لدى شبابنا الاغرار

الذين ما إن يمتطوا صهوة سياراتهم إلا وكأنهم يقودون السيارة لوحدهم لايبالون بالآخرين
لكن السؤال

هل السيارة باسم هذا الشـــــــــــــــــــــاب !!

وتارة أقول هذا النظام سيء جدا للمبالغة بأسعار المخالفات فلو وضعوا

فترة معينة للتجربة ولكي يتعود الشعب على هذا النظام .


ختاما اقترح اقتراحا ارجو أن يصل إالى المسئوولين ألا وهو

أن توضع اللوحات الارشادية بشكل كبير حتى نعلم كم السرعة المحددة بالطريق

أما أن توضع لوحات صغيرة لاتشاهد بالعين المجردة فهذا عين الظلم ومما يسبب حوادث

لأننا سننشغل من أول الطريق بابحث عن السرعة المحددة بالطريق

ثم إنه في أحد المواقع وهو الدائري الشرقي عندما تفرق لطريق الملك فهد تختلف السرعة

أول ماتفرق 40 ثم 50 فقد تتحصل على مخالفتين بزمن قياسي

فأرجو مراعاة هذا الجانب توضيح اللوحات الارشادية

[نفود حائل]

الحمد لله ماطبق بحائل

الله يعينكم

ويبعده عنا

[وادي النوم]

أهلا براعي حائل

ابشربه كلها كم شهر ويجيكم الدور

[بواردي الدلم]

فعلا لايوجد لوحات إرشاديه تبين السرعه القصوى

بعدين ليش مايلتفتون لراعين التريلات على الخطوط السريعه

وليش مايلزمونهم بنظام مثل نظام الإمارات ( دبي )

وفيه نقطه مهمه الوقوف الخاطيء أتمنى أن القسائم توضع على المساحه وبدون قيد أو شرط

[ملقاط بن جمر]

للأسف النظام همه جباية المال بأكبر قدر ..

أنا مع النظام وبقوة في رصد قطع الإشارة ..
بس قبل تنفيذه ينقصةالكثير من الحملات التوعوية ؟؟ ماهوب تحط لي جنود عند الاشارات يخالفون العالم على ربط الحزام وتقول حنا مسوين حملة اسمها السلامة ومدري وش؟؟
وين اللوحات الواضحة ؟؟

بعدين المفروض إنهم يحلون كل المشاكل اللي في الطرق ومن أهمها الزحمة في الطرق السريعة اللي صارت السلحفاة تمشي فيها أسرع من السيارات وبعدين يفكرون في ضبط المخالفات ..

ما اقول الا حسبي الله على من حط النظام ..

[هبــ حريملاااء ـبوب]

يا اخوي انت من تحاااكي .. نظام سرقه عيني عينك .. سررررررررررررقه بالفم المليان

سرقوا مشاريع الدوله والمواطن .. ملياراااااااااااااات تش فش

ادارة المرور وغيرها مثل العنز مستوره بشعر وفيدها ظاهر ..!!

والله ما عندهم الا قهر المواطن وسرقته ..

حشفاا وسوووء كيلاااا

حسبنا الله ونعم الوكيل

البلد غرقان بشوية مطر وهذولا يسرقون !!

لا حول ولا قوة الا بالله

لكن الامل بالله كبير ..

اللهم ادفع عنا كيدهم واشغلهم في انفسهم يا عزيز سبحانك

[راعي الطلعات]

ما اقول الا حسبي الله على من حط النظام ..

[االكريزي]

الله يعين

شكرن على الطرح

[طحنون]

النظام ممتاز لاكن هل يستمربالشكل الصحيح خلهم يحدون من الحوادث اللي كلت الناس اكل

اجل عاجبك اللي صاير نساء ترملت واطفال تيتمو كل يوم تسمع فلان راح ضحيه حادث انا مو قاهرني ألا نظام التأمين تلقى الاجنبي اوعامل مؤسسه او شركه وعنده تأمين ويصدم العالم مايهمه شي لانه عنده تأمين وواحد تلقى سيارته بـــ 5000 الاف ويصدم واحد سياره 200الف ومافكر فيه لان عنده تأمين
نرجع لنظام ساهر ألا زين خله يوسوس بالعالم علشان تركد شوي اجل داخل الاحياء يمشون 90 او80
بين الحواري

[بيت طين]

يا اخوي انت من تحاااكي .. نظام سرقه عيني عينك .. سررررررررررررقه بالفم المليان



سرقوا مشاريع الدوله والمواطن .. ملياراااااااااااااات تش فش


ادارة المرور وغيرها مثل العنز مستوره بشعر وفيدها ظاهر ..!!


والله ما عندهم الا قهر المواطن وسرقته ..


حشفاا وسوووء كيلاااا


حسبنا الله ونعم الوكيل


البلد غرقان بشوية مطر وهذولا يسرقون !!


لا حول ولا قوة الا بالله


لكن الامل بالله كبير ..



اللهم ادفع عنا كيدهم واشغلهم في انفسهم يا عزيز سبحانك
الله يهديك والجنايز اللى امتلت منها المقابر والثلاجات غير اللي مصابين باعاقات دائمه ماعرف متي بتعلمون وتفكون الناس من النوايا السيئه ياخي يقولون لك لا تسرع ولا يخالفونك وش ذنب الاسر اللي تيتموا بسبب رعونة هالي يسوقون تحت تاثير البلاوي لا ويتشرهون على الدوله لا تسرع ولا تخاف

[راعي النياسين]

نظااااام ساهر نظاام رائع ومتطور جدا

لــــــكــــن المشكله العظيمه انهم حاطين باص في طريق التخصصي

وطريق التخصصي يعنبر طريق سريع

وانا امشي مالي ولا علي كاف شري وخيري

امشي يااخوان في حدود 90 مادريت الا هالفلاش الي قابع في وجهي انا انصدمت صراحه امشي 90 واخذ مخالفه علشاني امشي 90 شي عجيب غريب

المفترض يشدون حيلهم في الي يطيرون بين السماوات والارض الي يمشون 120 داخل المدينه مهوب الي يمشون 90 حسبي الله ونعم الوكيل

[التعـ King ـديل]

حسبي الله ونعم الوكيل

نشوف بنار جهنم هل تنفعه الرتبه اللي حصلها من ورا نظام ساهر

المقبل اساس الفساد ابتدا من تدبيل المخالفات الى نظام ساهر والقادم احلا

[هبــ حريملاااء ـبوب]

الله يهديك والجنايز اللى امتلت منها المقابر والثلاجات غير اللي مصابين باعاقات دائمه ماعرف متي بتعلمون وتفكون الناس من النوايا السيئه ياخي يقولون لك لا تسرع ولا يخالفونك وش ذنب الاسر اللي تيتموا بسبب رعونة هالي يسوقون تحت تاثير البلاوي لا ويتشرهون على الدوله لا تسرع ولا تخاف

ويهديك ومن يقراا .. والنوايا السيئه ماهي عند المواطن ابد .. الا انك تبي تشذ شي راجعلك
اما ادارة المرور كلامك ينبطق عليها من سنين ..

الموت بارقاب العباد .. تهولها بالجنايز .. عندنا علم باسباب الجنايز يالطيب ونعرف الاسباب
لكن نتركها للخالق سبحانه .. جرجرة الحكي ما تفيد ونا اخوك .. لا يؤمن احدكم حتى يحب لأخيه ما يحب لنفسه
طيب هل نظام ساهر واللي قبله وغيره من الانظمه مطبق على الكل .. سؤال صريح
والساكت عن الحق شيطاااااااااااااااااااااااان اخرس .. نعم

ابي احصر وفيات المرور .. اما الوفيات اللي ملت الثلاجه على قولتك فهذي موضوعها قضية واجرام
بتعدد الاسباب والاساليب غير المغتفره نهائي ..

الخطوط السيد واحد يا ما اكلت من المواطنين وحتى الآن .. وين المرور عنها

التفحيط والمسخره اللي كل يوم حوادث وين المرور عنها ..

حالات الدهس اليومي امام المدارس وين المرور عنها ..

سيارات تفتقر الى الحد الادنى من السلامه وتباع على المواطن بأغلااا الاسعااار .. وين المرور عنها

سيارات بدون شاصي خطيره وفقيره وبمحركات اجراميه .. وين المرور عنها ..

حالات تعثر وصول المرضي والمصابين الى المستشفيات باسرع وقت وين المرور عنها ..
بعد ما يموت المريض !!!

الحفر الفجائية وانهيارات الطرق وين المرور عنها ..

سيارات العماله الساااااااااائبه التي لا تتوفر بها ادني شروط المركبه الصالحه وين المرور عنها ..

مشااااااريع التأمين الكاذبه .. وتنذل وتنهااااااان كرامتك عشان تاخذ حق التصليح وتاخذه ناقص

وين المرووووووووووووور عنها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حبيبي انا ضد التهور والسرعه وما صنعة السياره من اجله .. والغايه منها

لكن هناك تدرج بالانشاء .. انت تجيب سيارات ومطبعة المخالفات محضره الدفاتر ..

المفروض بدال ما يربون كروش المرور .. يوقفونهم على كل اشاره عسكري
وهنا ينتهي تخطي خط المشاة لو كان فيه وقطع الاشاره !!

المفروض المرور يتواجد حالا عند الحادث بوجود دباب يقيه الزحمه ..

المفروض المرور يتواجد عند المدارس للحد من الوقوف العشوائي والحد من حالات الدهس ..

المفروض من المرور مصادرة المركبة المسرعه جنونيا وتدبيل قيمة التأمين وسحب الرخصه ..

المفروض فيه نقاط ايجابيه وسلبيه تحسب للمواطن .. حتى يتفاعل ..

المفروض فيه شوراع صح قبل كل شي ..

المفروض ان النظام عام ..

المفروض
المفروض
المفروض
المفروض
المفروض

ادري ما بالحمض احد
ولكن هي كلمة حق
والله عالم السر والعلن
سبحانه ..

الخلاصه نظامك قاهر وليس بساهر
نظامك ظاهره المنفعه وباطنه السرقه المغلفه بعذر الحرص على المواطن ..

عطني حسنه وحده للمرور .. ماااااااااااااااا فيه ..

انت تدفع مرتين للفحص .. والاجنبي يلصق الاستكر بالمعرفه والبوق
والمرور مهوب نايم يدري لكن غاض الطرف ..!!

لو ابي احكي ما خلصت .. الوضع عام داااااااااااااااااااااج
وبعدين ملينا من اكل الجبن يا اخي !!!!

[أرمادا]

^^^

قل لا اله الا الله ... هدي نفسك والامور تساهيل ان شاء الله ..


أنا احب ابين لك نقطه : موضوع الطرق والحفر اللي بالشوارع والطرق السيد واحد هذي تحد مسؤولية البلديه ووزارة النقل والمواصلات .

مهمة المرور تنظيم المرور فقط لا غير ، بمعنا انه غير مسؤول عن الطرق ولا الحفريات ..

انا مقتنع بنظام ساهر ومأمل فيه خير ان شاء الله واستبشرت فيه الصراحه ، هو جديد على منطقتنا وسوف يغير ويفرض حدود للسرعات وأنظمة مروريه لم نعتد عليها ،

لكن المشكله بالنظام انه المخالفه على السياره لانه احتمال يكون الشخص قائد المركبه ليس صاحب السياره هنا الاشكاليه فقط من وجهة نظري ..

ولا انسى اللوحات الارشاديه المحدده للسرعات في كل شارع ..

اما عامة النظام باذن الله سوف يريحنا ويحد من التهور والحوادث ان شاء الله ..

[4*4]

ربنا لاتسلط علينا بذنوبنا من لايخافك فينا ولا يرحمنا
سرعة نظاميه ما اختلفنا لكن لما تكون السرعه النظاميه120 وتمشي 121 تاخذ مخالفه
المكان لايتسع للنقاش
حسبي الله عدد ما اخذو من المسلمين قروش
حسبي الله عدد ماسنو من قوانين كاذبه
حسبي الله على كل من تولا منصبا وليس اهل له وقام بارهاق جيوب المسلمين واستنزافهم
ياخي الناس ماتو جوع اجارات وفواتير ومصاريف وغلا معيشه ويجي الفاجر يدبل المخالفات
ما اقول الا اني كل ماسجدت دعيت عليه وموصي اميمتي انها تدعي عليه وحتى لو هو نيته زينه باذن الله مايصيد خير من دعوات المسلمين
ويبلاه الله في نفسه مثل مابلا الناس في حلالهم
والله يافي خاطري شي مايعلم به الا الله ماودي استلم دعوات كني عجوز
مير خلونا ساكتين بس

[هبــ حريملاااء ـبوب]

^^^





قل لا اله الا الله ... هدي نفسك والامور تساهيل ان شاء الله ..




أنا احب ابين لك نقطه : موضوع الطرق والحفر اللي بالشوارع والطرق السيد واحد هذي تحد مسؤولية البلديه ووزارة النقل والمواصلات .




مهمة المرور تنظيم المرور فقط لا غير ، بمعنا انه غير مسؤول عن الطرق ولا الحفريات ..




..






لا اله الا الله .. انا هاادي اخوي ارمادا .. لكن الحق يقال ..



لكن كلامك فيه تشويش اسمح لي لا هنت ..




وزارة النقل والمواصلات جهة تنفيذيه .. تحاسب على مواصفات مشاريع الشوارع .. وهي خايبه كذلك




لكن المرور له الحق بالوقوف على كامل مواصفات المشروع من والى .. وكيفية تخطيطه




وهذي مسؤوليه معروفه ما بها مجال ..




وعلى افتراض جدلا ان المرور نايم .. ولاهو حول مواصفات ..




المفروض قبل الغرامات .. لابد من وجود مواصفات تجاري الغرامه المرصوده !!!




انت تغرمني ونا بيتي يبعد عن عملي 30 كم وبدون شوارع صح وسليمه ؟!!!!




هذا حكي فاضي بصراحه !!




طيب انت تقول المرور ينظم !!! وينه ما اشوفه الا وقت الغرامه بس .. وعلى السعودي ولا الاجنبي معصي




ليه ما ينظم دخول الشاحنات ؟؟؟




ليه ما ينظم دخول المواكب ؟؟؟




ليه ما ينظم دخول جماهير المباريات ؟؟




ليه ما ينظم اشارات المرور وقت الذروه ؟؟




ليه يوافق على مشاريع الانفاق .. هذي جريمه والله العظيم خاصه بلدنا

ايام الكباري لم نرى عرقله للمرور ولا غرق مع ان الشوارع قليله ومسارين !!!!!






ليه ما تشوفه من الصبح يمسك هالعماله بسيارات بدون لوحه والله العظيم شوف عيني ..

ما فيه اصطبات ولا اشارات ودخاخين تثعور ... والعجيب مفحووووووصه كيف تجي ؟؟

وين المرور .. ليه ناشب للسعودي بس .. ليه ؟؟؟؟؟؟؟؟؟؟







انا عزيزي معك اي نظام فعال وايجابي .. لكن لااااااااااااااااابد من تمهيد الطرق له ..

لازم خطوه خطوه .. الاولى فالاولى .. الاهم ثم المهم ..






ولكن ربعنا يبون درااااهم .. ما همه كيف .. حلال حرام مو مشكله ..




المهم يشفط هالمواطن المسكين ..




الله يخارجنا بس ..

[الجفالي]

السلام عليكم
للمعلوميه القصوا
سوف تكون كارثة بعد ستة اشهر
اذا استمر هذا النظام على هذه الحال
والله ان تشوفون المتسولين من السعوديين بكل شارع
وان الطلاب ما يقدر يتوظفون بسبب الربط بين المرور والبنوك
لوجود كميه هائله من المخالفات بقيمه مبالغ خياليه لا يستطيع تسديدها
وللمعلوميه الاربعه الايام الاولى التي بدء النظام فيه
تم حصر عدد المخالفات للرياض والقصيم
وبلغ عدد المخالفات 11،000،000 مليون مخالفه
اضربها في متين ريال هذا متوسط احتساب المخالفه
علما بانهم يحسبون المخالفه في اعلى حد
اسأل الله ان يصل هذا الامر ابو متعب
ويزيله عنا امين يارب العالمين

[NOYEB]

اذكروا الله يااخوان الموضوع نقاش اخذ وعطاء ولايستهال هذا التعصب والمنقاشات الحاده والخروج عن صلب الموضوع....
موضوع ساهر يجب ان نحسن الضن به...وهو للأصلاح وتعديل الاعوجاج الحاصل من بعض السائقين المتهورين.
شكرا

[rigidman]

رجاء خاص للاخوة ددسن 2008 و ياوجودي الى هنا وقفوا المشاركة في هذا الموضوع.

[أبو درويش]

مساله حسابية : :D اذا كانت المسافه بين المنزل ومقر العمل 60 كم .. فكم هناك كمره ساهر
اذا كانت السرعه 120 كم في الساعه وسيارتك لا يوجد بها مثبت سرعه وانت في نزله وتعدت السرعه المحدده واصبحت السرعه 121 كم .. طبعاً ستحصل على مخالفة بقيمة 500 ريال و تدبل وانت ماتدري لتصبح بقيمة 1000 ريال اخر الشهر هذا رصد كمره وحده إذا رصدت من قبل اربع كمرات يومياً فكم سيبقى من راتبك اذا كان 4000 ريال .... ؟ يعني اجلس في البيت احسن من الوظيفه :eek:

والله اننا شعب مساكين مالنا كلمه ... :good:

واكثر الشعب السعودي مسكين راتبه 4000 ريال

وين يروح لعياله والا لمخالفات دبوله

نظام ساهر على هذه الفئه من الضعوف

والا مقترح النظام ما عليه يقدر ينزل المخالفات عنه وعن معارفه اقرب مثال

صدق قاهر ماهو ساهر الله يعين بس

[بدوي جنوبي]

رجاء خاص للاخوة ددسن 2008 و ياوجودي الى هنا وقفوا المشاركة في هذا الموضوع.


تم حذف ردودهم
الرجاء الرجاء الالتزام بشروط القسم

[ابونبيل]

النظام ممتاز لاكن هل يستمربالشكل الصحيح خلهم يحدون من الحوادث اللي كلت الناس اكل

اجل عاجبك اللي صاير نساء ترملت واطفال تيتمو كل يوم تسمع فلان راح ضحيه حادث انا مو قاهرني ألا نظام التأمين تلقى الاجنبي اوعامل مؤسسه او شركه وعنده تأمين ويصدم العالم مايهمه شي لانه عنده تأمين وواحد تلقى سيارته بـــ 5000 الاف ويصدم واحد سياره 200الف ومافكر فيه لان عنده تأمين
نرجع لنظام ساهر ألا زين خله يوسوس بالعالم علشان تركد شوي اجل داخل الاحياء يمشون 90 او80
بين الحواري

اضف الى كلامك ورجال فلسو ’وناس تشحذو وناس تدينو وانت ماشي...:mad:

[ابونبيل]

ياليت على سنع تقول بيضبطون شوارعنا وبيخلونا ماتغرق ولا تسير جنه مثل ماهو حاصل بشوارع الشركات مثل ارامكو تدخل ماودك الاشاره تفتح مناظر خلابه

[ابونبيل]

ربنا لاتسلط علينا بذنوبنا من لايخافك فينا ولا يرحمنا
سرعة نظاميه ما اختلفنا لكن لما تكون السرعه النظاميه120 وتمشي 121 تاخذ مخالفه
المكان لايتسع للنقاش
حسبي الله عدد ما اخذو من المسلمين قروش
حسبي الله عدد ماسنو من قوانين كاذبه
حسبي الله على كل من تولا منصبا وليس اهل له وقام بارهاق جيوب المسلمين واستنزافهم
ياخي الناس ماتو جوع اجارات وفواتير ومصاريف وغلا معيشه ويجي الفاجر يدبل المخالفات
ما اقول الا اني كل ماسجدت دعيت عليه وموصي اميمتي انها تدعي عليه وحتى لو هو نيته زينه باذن الله مايصيد خير من دعوات المسلمين
ويبلاه الله في نفسه مثل مابلا الناس في حلالهم
والله يافي خاطري شي مايعلم به الا الله ماودي استلم دعوات كني عجوز
مير خلونا ساكتين بس
ابو نبيل يعجبه هذا:good2:

[مصلح بن بيئي]

مساكم الله بالخير جميع

يالربع نبي نقاش هادف وبدون دعاااااااوي على المسلمين والاختلاف تراه بسيط كل الموضوع نقاش

وبدون زعل

النظام موجه للسرعة وقطع الاشارة فقط في المرحلة الاولية وجميع الاحصائيات تقول ان هالسببين هن اكثر اسباب وفيات الحوادث

يالربع النظام والله فوائده اكثر من مضاره ان كان له مضار
يا اخوان صراحة صرنا نعرف نمشي بالخطوط الكل منضبط وافتكينا من اهل تكشيح الانوار والسرعة

بعدين انتظروا على هالنظام شوي وخلونا نحكم بعد شهرين او اكثر قياسا بعدد الحوادث والوفيات والحوادث!!!

وارجوا الهدووووء يالغالين خلووووونا نتناقش لاكن بهدوووووء وفالكم الطيب ياهل الطيب

[ابومشخص]

السعوديين ما فيهم قصور بس تجي الانظمه وتمشيهم وانتها الوضع الناس من اول لا توعيه ولا شي ولا انظمه

قدامك السعوديين بارامكو اول ما يدخل بدوي ما يعرف السواقه ولا يعرف شي

والحين تلقاه داخل شوارع ومرفقات الشركه يمشي صح ويوقف عند قف ويربط حزام الامان وينتبه

السبب ليه؟

لأن فيه نظام صارم ولا يجامل


في انتظار تطور مستوى السواقه في السعوديه والنزول من المركز الاول الغير مشرف في عدد الحوادث العالميه وعدد الوفيات الله يرحم المسلمين

[مصلح بن بيئي]

السعوديين ما فيهم قصور بس تجي الانظمه وتمشيهم وانتها الوضع الناس من اول لا توعيه ولا شي ولا انظمه

قدامك السعوديين بارامكو اول ما يدخل بدوي ما يعرف السواقه ولا يعرف شي

والحين تلقاه داخل شوارع ومرفقات الشركه يمشي صح ويوقف عند قف ويربط حزام الامان وينتبه

السبب ليه؟

لأن فيه نظام صارم ولا يجامل


في انتظار تطور مستوى السواقه في السعوديه والنزول من المركز الاول الغير مشرف في عدد الحوادث العالميه وعدد الوفيات الله يرحم المسلمين

بيض الله وجهك اتفق معك كلامك سلييييييييييييم