ألا تتفقون معي بخصوص هذه الملاحظه في نظام ساهر يأهل الرياض ؟؟

[ريان2002]

بسم الله الرحمن الرحيم
السلام عليكم ورحمة الله وبركاته
قبل أن يبدأ نظام ساهر بالعمل في الرياض شاهدت لقاء مع مدير مرور الرياض على قناة الإخباريه ( على ماأظن ) يشرح فيه آليه عمل النظام وأنواع المخالفات التي مبرمج على رصدها
ولا أرغب بطرح ملاحظات قد يطول فيها النقاش والبعض من الإخوه الأعضاء كتب موضوع أو رد في موضوع حول نظام ساهر ولكن هناك ملاحظه لم يتحث أحد عنها لا في موضوع ولا في رد وهي
( مسألة الوقوف قبل خط المشاه لمن يرغب الإتجاه يميناً من عند الإشارة لمدة ثانيتين على الأقل )
صحيح أن الأولويه للمشاه إذا كانت الإشارة حمراء وهذا هو الهدف من التوقف قبل الخط لإعطاء الأولويه لمن كان يعبر الطريق ( هذا إن وجد من يقطع الشارع على رجليه من عند الإشارة أصلاً )
سؤالي / ألا تجدون أن هذا الأمر مزعج الوقوف ثم التحرك ؟
فلو إفترضنا أن أمامك 12 سيارة كلها ترغب بالإلتفاف لليمين من عند الإشارة وأنت خلف هؤلاء وترغب الإلتفاف معهم فستقف 13 مرة وستتحرك 13 مره وبعد كل 5 متر تقريباً ستضطر للوقوف ثم التحرك وهكذا حتى ينتهي الأمر
فماهو شعور من جرب ذلك الأمر ؟؟؟؟
كنت أتمنى أن يبرمج النظام بخصوص من يرغب بالتوجه لليمين من عند الإشارة بحيث لايقف إلا إن وجد هناك من يقطع الطريق من المشاه وإذا لم يقف يعطى مخالفه عدم إحترام قواعد السير
وختاماً أنا لست من أهل الرياض وربنا يعين أهلها على هذا النظام وأنتظر تعليقاتكم

[سمو الصقر]

ملاحظة في محلها خصوصاً مع الزحمة اللي كل يوم تزيد وبالتالي تزيد الطين بله .

[نفود حائل]

النظام هذا مطبق بالدول اللي جوهم يساعد على المشي وتلقى الناس كلها تمشي من زين الجو عندهم

ومأظن ان في كائن حي بيمشي بعز القايلة بالرياض

وهذا اكبر دليل على ان صاحب القرار غشيم بطبيعة البلد ووين الدراسات والخصوصية اللي عندنا

بس اعتقد انهم نسخو النظام نسخ من احد الدول المتقدمة والضحية نحن المواطنون

[ريان2002]

الأخ الكريم سمو الصقر
الأخ الكريم نفود حائل
شاكر لكم تشريفكم ومروكم العطر

[ابوتركي1431]

الله يعين أهل الرياض على ساااااااااااهر

[ريان2002]

آمين يارب العالمين وحياك الله أخوي أبو تركي 1431

[مقلع الرمث]

انا معك قلب وقالبا نعم الكلام الله يعين اللي معه كلتش ثقيل

[NOYEB]

يجب على نظام ساهر ان يركز على نقطتين مهمتين الا وهما السرعه + قطع الاشار اضافة الى التفحيط فتلك النقطتين تتسببان في حوادث وخسائر كبيره بالارواح والممتلكات ...اما مسألة الوقف لثانيتن عند الاشار لكي يعببروا المشاة فلا ارى اهميتها .
شكرا اخوي ريان

[ابوطاقية]

ياجماعه الاجانب الي يسوقون بالرياض اكثر من السعوديين والاجنبي الحين يضرب الف حساب يشترى خرده ويسوقها بالرياض وكذلك الحوادث حصدت الارواح
والنظام زين وخلونا نتعلم على النظام لو بالسواقه
لاكن فيه ملاحظات مثل قيمة الغرامه اشوف انها مبالغ فيها بالحيل وكذلك اللوحات الارشاديه اغلبها طايحه

[ريان2002]

الأخ مقلع الرمث شاكر لك مرورك الكريم

[ريان2002]

ياجماعه الاجانب الي يسوقون بالرياض اكثر من السعوديين والاجنبي الحين يضرب الف حساب يشترى خرده ويسوقها بالرياض وكذلك الحوادث حصدت الارواح
والنظام زين وخلونا نتعلم على النظام لو بالسواقه
لاكن فيه ملاحظات مثل قيمة الغرامه اشوف انها مبالغ فيها بالحيل وكذلك اللوحات الارشاديه اغلبها طايحه
كلامك سليم نحتاج نتعلم النظام ولكن في كل نظام ثغرات أو عيوب وبصراحة ذكرتني بزحمة الفول والتميس برمضان

[ملقاط بن جمر]

صاحب النظام همه الأول والأخير المخالفات ..

لا تقول لي سرعة والا نظام ..

[زعفراني]

التوقف فقط اذا ماكان قدامك سيارات
يعني بعباره اخرى التوقف يكون للسياره الاولى

[ذيب زلفاوي]

الله لا يحلل من اخترعه
ولا الدوله الله يعزها وش تبدي عليه

[سعد777]

ضباط تسحب كروشها
ولا تدري وش اللي يصير وشغلتها انسخ والصق
طيب هل الشي اللي انت شفته هناك ينفع عندنا هنا ومن ثم بعده قرر يصلح اولا

مشكووور اخوي
ملاحظه في محلها من جد

[ام صتمه 87]

ملاحظه في محلها ..

الله يعينكم يا أهل الرياض ..

[بن سليمان]

خلاص راحت عليهم الله يخلف مع بخاخ مكافحة ساهر وكل تكنولوجيا ولها حل


http://i35.tinypic.com/1040weu.jpg (http://i35.tinypic.com/1040weu.jpg)

http://up3.m5zn.com/photo/2009/5/17/04/ryvcsc26v.gif/gif (http://up3.m5zn.com/)
http://up3.m5zn.com/photo/2009/5/17/04/osjdo6khy.gif/gif (http://up3.m5zn.com/)
http://members.abunawaf.com/abufaisal/2006/12/1/plate.jpg

[النجم 1435]

البخاخ يعمل مع الكمرات الى فيها فلاش فقط انظر الصورة رقم 3

[sameer_1798]

أعتقد ان الهدف من الوقوف للمشاه وللطريق اللي راح تدخل عليه .

[سهم قيادي]

المشكله انهم يعاقبون الكل بجريره المستهتر الي يمشي 160 وما فوق :mad: المفروض يكون ساهر لهولاء المرصاد ثم التدرج الى ان يعتاد الناس على السرعة المحددة :(


هناك ايضا ملاحظة انت تمشي على طريق سريع السرعة 120 ثم بتحول الى طريق سريع اخر ايضا السرعة عليه 120 لكن الملف الذي سوف تسلكه الى الطريق الاخر السرعة المحددة عليها هي في الغالب 60 وفيه كمرة في الملف يعني لازم تنزل السرعة قبل وقت كافي من الدخول الى الملف واعني بالملف ليس الدوار بلا منعطف يمين والا بتصيدك كمرة ساهر او يخبطك الي وراك ايهم اقرب !!!

[ريان2002]

التوقف فقط اذا ماكان قدامك سيارات
يعني بعباره اخرى التوقف يكون للسياره الاولى

إن كان هذا صحيح فمعناه أن ملاحظتي خاطئه وشكرا لك والشكر موصول لكل من أدلى بتعليق من الإخوه الأعضاء

[الايام]

الشغل الصح 0000هو وجود الكمره بعد التقاطع لترصد من قطع الاشاره فعلا

وليس هذا الهبل والتعسف الغير مستغرب من المرور 0000الذي يتقدم ولو شيء قليل لأي ظرف يساوى بالمستهتر الذي يقطع الاشاره بكل عجرفه !!!!!!!

((من يحاسب المرورمن000 قبل محاسبه هذا المستهتر!!!))ام هو الخصم والحكم

كل اللقاءات التلفزيونيه عندنا مع رجال المرور سلبيه ما ينقدونهم ولا يتسالون عن الربكات المروريه اللي يتسبب فيها رجل مرور


احد ابنائي وهو صغير (طفل) بكل براءه الطفوله كان يسالني مره من المرات وكان فيه زحمه سير ليش الشارع واقف يا يبه0000 يقول اكيد فيه مرور صح

انا اقترح على المسؤلين الكرام انهم يتعاقدون مع مدير مرور لندن او نيو يورك مثلا المتقاعدين لنستفيد من فن ادارتهم يعينونه مدير مرور حتى يتعلمون الاميين اللي عندنا من علمهم

مثل الاستعانه بلاعب اجنبي بالكوره بالضبط ما الضير في هذا

[بواردي الدلم]

حسبنا الله ونعم الوكيل

كيف يضعون كاميرات ترصد السرعه ويعاقبوننا على تجاوز السرعه دون أن نعرف كم السرعه المفروضه على الطريق ؟

لايوجد لوحات تبين السرعه المحدده

مثلا طريق الملك فهد قد تكون هنالك لوحه في اول الطريق عند مخرج عتيقه واللوحه الأخرى عند الصحافه طيب أهل المعذر إذا ارادو أن يسلكوا طريق الملك فهد هل يقبل لهم العذر ؟؟؟؟ :(
قد يكون هنالك لوحات ولكن مختبئه خلف الأشجار:j
اليوم أنا في الرياض ومن دخلت الرياض من عند البحريه لين وصلت السويدي ماشفت إلا لوحة 5,5 على الكبري (أقصى إرتفاع ) ولم أرى أي لوحة تبين السرعه القصوى وطول الطريق وانا أمشي 70كلم عشان ماتجيني رساله :D
:director: :director: :director:
أتمنى أن يوقف نظام ساهر الماهر في صيد الرجل الفاغر ( الفاهي ) حتى يتم وضع اللوحات في كل الطرق وتكون المسافه بين كل لوحه والأخرى 2 كلم كحد أدنى وأن ترسم خطوط المشاة بشكل واضح لكي لايكون للناس حجه بعد ذلك :good2:

[التعـ King ـديل]

مااقول الا حسبي الله ونعم الوكيل

الشعب من وين يلاقيها من الاسهم ولا من الديون ولا من المرور ولا من غلاء الاسعار

[comابوسليمانwww]

والله انه متعبة .....
بعدين يبغون الناس تتحول 180 درجة مرة واحدة العالم تقطع الاشارات
وتسرع سرعة جنونية بوسط الحارات ....... ويبونهم فجأة يوقف ثانيتن قبل لايلف يمين

ان اردت ان تطاع فاطلب مايستطاع

[terke mekshat]

بعد نظام ساهر يقولون يبي يطرحون اسهم المرور للإكتتاب!!!

[راعى شاهين]

مااقول الا حسبي الله ونعم الوكيل

الشعب من وين يلاقيها من الاسهم ولا من الديون ولا من المرور ولا من غلاء الاسعارسمعت يبون يرفعون الاسهم على ساس تدفع مخالفات الساهر هههههههههههههههههه

[فهد773]

البخاخ هذا وين يبيعونه ؟؟

[terke mekshat]

8
8
8
نفس السؤال...

[لاح البرق]

ياليتها على نظام ساهر الآن ياجماعه تجيني مخالفات من غير أعلم من وين تجي و آخر مخالفه لقيتها (السير بمركبه زراعيه) وأنا أصلا ماني مزارع أو يكون لي أختصاص بالشي هذا ورحت للمرور و لقيت 2 نفس مشكلتي و ياليت عطونا لقينا اهتمام وقامو يرسلوننا من فلان و فلان و بالأخير سددتها مضطر لأني اشتريت سياره و قالو طالب بعدين و الأن علي قسائم ماأدري من وين جايه واضطريت سدادها لأني بعت و أشتريت سياره ثانيه و هالحال عندي تعبت منه و من اداره لإداره بجده ومن من حي الصحافه أرسلوني لحي السلامه للإداره العامه و مارحت لهم لسبب ان دوامي بعيد و تعرفون جده بزحمتها و بالأخير نبي نتعب و كل شوي مستأذنين مديرنا و نعطل ونتعطل لكن الله يعين و عسى من سواها أن الله لايوفقه بدنياه و لو كانت غلطه كان ماتكررت ووصلت 1100 و لقيت فيها مخالفة ارتكاب أمر محظور و ماأتذكر مسكوني وكتبوها لي , و آسف ياجماعه إذا طلعت عن نص الموضوع لكن شدني بالكلام يوم تتكلمون عن المخالفات...
ولكم مني كل التحيه و الأحترام..
محبكم لاح البرق
و بالاخير تعبت و سددت

[الشهابة]

طيب سؤال ؟!!!

الحين إذا اخذت مخالفة سرعه او عدم ربط الحزام او غيرها من المخالفات و صورتني الكاميرا .. و كانت الإستمارة منتهيه يحاسبوني عليها و إلا بس المخالفة الأولى ؟!!

حسبي الله و نعم الوكيل .. حسبي الله و نعم الوكيل ..

في اسبوعين سددنا 1100 ريال (500 + 300 + 300 ) .. و يقولون سدد و بعدين عندك 15 يوم ترفع اعتراض و لاتجينا و لا تراجعنا .. ادخل على الموقع في النت و اكتب اعتراضك .. يسمعون بالحكومة الإلكترونيه ..!!!!!

[rigidman]

البخاخ هذا وين يبيعونه ؟؟

البخاخ صار معروف في شي افضل بس غالي القطعة تكلف 500 ريال

[ابورايف]

اتفق مع صاحب الموضوع الله يعطيك العافية على هذةالملاحظة
واشكر الاخوان ايضا على الردود
اما مااردت التحدث اني اسكن بحي الشفاء بالرياض عن ذهابي للعمل عن طريق فتح مكة ارى سيارة مكروباص
تقف على اليمين بعد الاشارة الاولى طبعا واقف مافيها شي ولكن الغريب انة تارك بجانب السيارة حواجز الخاصة بالحفريات على انة يعمل صيانة للطريق او ماشبة ذلك والمكروباص لايوجد علية اي علامة تدل انة ساهر
اخواني اليس هذا غش المسلمين وهل هذا العمل يجوز
طبعا لا,,,,,,,,,,,,,,,

[المميـز]

ساهر نظام يعمل بدون رحمه لأي شخص أمامه

ولا يعرف من هو الغني ومن هو الفقير

ولا يعرف من المقتدر على تسديد مخالفة قيمتها 500 ريال

ومن لا يقتدر

تجاوز السرعه بـ 10 كيلو قيمتها 500 ريال !!!!!!!!!!!

أرى انه اول ما اشتغل نظام ساهر في الرياض جاتهم الغرررقه !!

انا لا اعترض على نظام ساهر

ولكن اقول خفف من قيمة المخالفات لأنها باليوم راح تصور الااااااف مؤلفه من المخالفين

ويجب وضع لوحات تحذيريه تفيد بأن هناك كاميرا كما هو حاصل مع الدول الأخرى