افضل سماعات للسيارت واقواها

[ابونايف77]

السلام عليكم

ياشباب تكفون انا شكلي تعبتكم من كثر ما اسألكم
عندي يوكن وابغى اغير السماعات كلها بالسيارة من الى
وابغى افضل واقوى السماعات واللي غيرها قبل كذا يقولي وين المحل مع العلم اني بالدمام

الله يعطيكم العافية لا تبخلون علي وعلى اي شخص عنده نفس السؤال

اهم شئ تكون السماعات قوية وصااااااااااافية وعلملية وتركب مكان الاولى بدون قص ولعب بالسيارة


تكفون اللي يعرف محل يذكر لي الوصف لاهنتوا جميعا

[عبدالله الصالح]

والله انا ركبت سوني 190 فولت

والله لهن حوالي شهر من ابدع مايكون ولاهب غالياة

[ابونايف77]

الله يعطيك العافية على الرد السريع يالغالي لكن ما قلت لي وين ركبتها انا ابي المحلات بالدمام او بالرياض اذا مافي بالدمام

190 حلو حلو جدا بس انا لقيت كنود وباينير قوة 280 فولت عاد ما ادري لكن العامل قالي كذا وسعرها 230 ريال

واحس انها مو قوية ابغى شئ الصوت فيها واضح وفيه نقاوة غير طبيعية حتى لو رفعت الصوت يبقى الصوت واضح وصافي

[ابونايف77]

وينكم ياشباب؟

[بنز560]

اخوي الافضل في السوق الكنود والبايونير واذا انت تبغى الصوت قوي وصافي لازم تشتري مضخم

[ابونايف77]

يا اخوان الله يرضى عليكم

وين المحلات الزينة بالدمام او بالرياض

مو مشكلة اشتري اي شئ بس يتحقق المطلوب

[المهاوش]

شوف السماعات الكنود والبايونير ممتازة .... وتركب معها امبلفير ... ويكون يتحمل قوة السماعات ...

والأفضل تروح لشركة سوني عندهم فنيين يشوف الأفضل لك ... او انه يركب للسيارة سستم كامل والله صوووووت رائع جداً ...

موفق للخير

[ابونايف77]

وين مكان شركة سوني ؟؟؟

[فيصل الذيب]

انت في اي مدينه عشان نعرف نوصفلك اي واحد

[ابونايف77]

انا بالدمام

[بنز560]

اذا انت في الرياض رح لم الغرابي

[ابوحمزة 2009]

ركب سستم صووت (اوفرات وسماعات والله شي خيااااااااااااااااااااااااااااااااااااااال

[ابونايف77]

اذا انت في الرياض رح لم الغرابي

ماهي مشكلة اجي الرياض واروح الغرابي بس تعرف مكان بالتحديد ويكون شغله نظيف

[ابونايف77]

ركب سستم صووت (اوفرات وسماعات والله شي خيااااااااااااااااااااااااااااااااااااااال

ابو حمزة تكفى دلني على محل تعرفه ويكون ثقة وماعندي اي مشكلة اسوي اي شء بس يكون شغل يستاهل

وكم بتكون التكلفة على التقريب يعني

[ابونايف77]

افا
مافي احد يعرف لي محل زين يعني المكشاتية ما عمرهم غيروا سماعات او ركبو سستم صوت

تكفوووون الفزعه ترا لي اسبوع مسجل السيارة طااااافي والسبب السماعات

[ابونايف77]

ولا زلت انتظر اهل الخير
هههههههههههههه

ياشباب

[1231]

ياخوي لاتركب سماعات كبيره وتزعج الناس عند الاشارات والشوارع بصوت الاغاني .

[ابونايف77]

ياخوي لاتركب سماعات كبيره وتزعج الناس عند الاشارات والشوارع بصوت الاغاني .


الله يجزاك كل خير

ياعزيزي مو كل من ركب سماعات يبي يزعج الناس على قولك عند الاشارات ؟؟!! وهؤلاء لايمثلون الا انفسهم فقط

انا مو من النوعية اللي تعرفهم انت الحمد لله واثق من نفسي ولا ازكي نفسي ولكن لو تقرا الموضوع بروية كان عرفت السبب واعيده لك طال عمرك ان السماعات خربااااانة ولا ابغى اركب اي كلام فحبيت اسال الشباب

عموما نصيحتك وصلت وعلى يكتبها بميزان حسناتك

[1231]

جزاك الله خير على حسن ردك.

وانت ادرى بالشي هذي بعض الشباب يدورون اقوى سماعات وسستم صوت وبالنهايه عشان يسمعون الي بالشارع ويزعجون خلق الله.


شاكر لك.

[ابونايف77]

الله يعطيك العافيه بس مثل ماقلت لك والله انا مو النوعيه اللي ترفع الصوت وتسبب الاذيه للناس بالعكس اكره هالسوالف

وانت نصحتني الله يعطيك العافية وكانت من قلب صادق منك اشكرك


واتمنى الافادة ياشباب عن المحلات اللي تركب سماعات الى الان ماحد افادني بشئ وانا منتظركم