المساعد الشخصي الرقمي

مشاهدة النسخة كاملة : استفسار عن كمبرسر الهوا مثل اللي عند البناشر؟


S.Guard
12/05/2010, 09:59 PM
السلام عليكم
http://z.about.com/d/mustangs/1/0/D/-/-/-/craftsman-air-compressor.jpg
يا اخوان انا محتاج ماطور او كبروسرهواء مثل اللي عند البناشر .. وابغاة للإستخدام المنزلي فقط اللي عنده خبره وكد جربها لا يخلينا .. كم احتاج من لتر وهل الصيني مناسب لان الايطالي غالي وافضل مكان الواحد يشتري منه غير شارع الريل لاني مريتهم ولا لقيت الا الغالي ... والسلام عليكم
Jeeper
13/05/2010, 01:37 AM
افضل شي الإيطالي . عندي واحد 10 لتر ايطالي ممتاز جدا قيمته حوالي 800 ريال. الصيني ماعرف شي عنه .
بروق الخريف
13/05/2010, 01:44 AM
الصيني ماينفع واختر الايطالي حتى لوكان غالى
S.Guard
13/05/2010, 02:47 PM
جزاكم الله خير...ولاهنتو
مخاوي الليل1
13/05/2010, 06:18 PM
السلام عليكم

عليك بمحلات الغطاس بشارع الريل
درب الصحراء
13/05/2010, 09:50 PM
من واقع تجربة

اذا كنت تبي تستدم مفك للكفرات زي البنشر

فلازم يكون سعة الخزان لا تقل عن 150 لتر

وهو ممتاز في البيت

وبتلقى في الحراج شي نظيف وجديد بسعر ممتاز
S.Guard
14/05/2010, 12:38 AM
بيض الله وجهك اخوي مخاوي الليل

تكفى يا درب الصحراء ... ولا يهونون باقي الاخوان

اذا تقصد حراج بن قاسم مافيه الا صيني ... ياليت تعطيني رايك اذا لك تجربة مع الصيني
وبالنسبه للإستخدام انا ابيه للاستخدامات البسيطه مثل تنفيخ سياره ومراتب ومكيفات البيت الخ..وما اعتقد اني باستخدم مفك كفرات..
مشكورين
بنز560
14/05/2010, 03:21 AM
اذا على التنفيخ لازم تاخذ واحد كبير وقوي علشان ينفعك
تناهيت
14/05/2010, 04:20 AM
شفت عند واحد من العيال صيني يمدحه له عنده فوق السنه ويستخدمه بمثل مال تفضلت للمراتب ونفخ الدرايش والأطارات ..........الخ وسعره على حسب ما ذكر رخيص


تحياتي
S.Guard
14/05/2010, 04:02 PM
السلام عليكم
اخوي بنز .. حسب ماقالولي اصحاب المحلات في شارع الريل ان الحجم ماله علاقه في القوه..
فالحجم له علاقه بالسعه يعني كم يقعد بنفخ بدون ما يشتغل على الكهرباء
وواحد منهم ضرب مثال اسطونة الغاز الكبيره والصغيره مافيه بينهم فرق الا في السعه...
وقالي واحد منهم اهم شيء تنتبه لمسألة الزيت وتشيك عليه باستمرار عشان البساتم ما تخرب .. لاهنت

اخوي تناهيت .. مشكور على المشاركه وشكلي باتجه للصيني لان سعره معقول جدا ( 25 لتر بـ280 ريال )
مشكورين وما نستغني عن باقي الاخوان
لن أمل من العطاء
14/05/2010, 09:25 PM
حبيبي

انا كان عندي ايطالي 25 ليتر

وجوده مثل عدمه
كل شوي توقف الى ان يعبي هواء

ما يمديك تسوي شيء الا خلص الهواء
شريته 370 ريال وبعته 400 ريال بعد ما جلس معاي سنتين (واحد مطفي النور قال ابغاه قلت له على سعر المشترى وحدي وقال موافق)

المهم

اشتريت واحد 300 ليتر
تتعب وانت تشتغل به ما بعد بدا يعبي

الصغير ما يشغل تماتيك المفكات والهواء ضعيف
بعكس الكبير

ااخذته بحول 2000 ريال

لكن احرص على الكمبروسر في بعدضها لا يتعدى ضغطه 8 بار هذا حده الاقصى
احص على 10 او اكثر
لان الكمبروسر اهم مافي الموضوع

ولا تصدق اصحاب المحلات الا من هدى الله

فيه فرق في الضغط بين الكبير والصغير وفرق واضح جدا جدا

لا تقول انك ما بتستعمل تماتيك البراغي انا مثلك بالاول قلت بس للتظيف وانتقلت نقله نوعيه من 25 الى 300 ليتر وتحس بالفرق
سوبر VTC
15/05/2010, 11:08 AM
عندي صيني ب700ريال
الان له 3سنوات و ما شاء الله
عندنا 5 مواتر و دائما ننظفه به الفلاتر
و المكينة و الغمارة
و الوضع تمام
ان بغيت صورته علمن
بدراان
15/05/2010, 11:29 AM
وعليكم السلام


دام استخداماتك بسيطة


اقترح عليك


http://img.diytrade.com/cdimg/635603/4690280/0/1195113551/air_blower.jpg



انا ماخذ منفاخ صيني بـ 30 ريال استخدمة للسياره والبيت والكمبيوتر


وماشاء الله عليه وحش http://www.mekshat.com/vb/images/icons/icon10.gif
S.Guard
15/05/2010, 05:06 PM
السلام عليكم

اخوي ((( لن أمل من العطاء ))) انا والله اللي طفا النور عندي من ردك ... يخوي زدتني حيره من جد
بيض الله وجهك ولاهنت

هلا اخوي سوووبر ... اي والله ياليت صوره وتذكرلي كم لتر اللي عندك ومن وين شاريه.. تسلم

اخوي بدران هذا عندي لاكن ما يأكل عيش ... خاصة اذا صرت توك جاي من البر وتبي تنفض السيـــاره.. تحياتي لك
هويدي
15/05/2010, 11:53 PM
اخذت واحد العام من شارع الريل صيني 30 لتر بـ 250 ريال او اقل شوي

ويشتغل ويطفا تماتيك اذا امتلى الخزان

بصراحه ممتاز وعملي بس عيبه صوته مزعج شوي

الخمسين لتر الظاهر حدود الـ 300
S.Guard
16/05/2010, 02:20 PM
السلام عليكم

هلا اخوي هويدي .. الاسعار اللي ذكرت .. هي الان للصيني اللي بدون وكيل ومن الحراج وبدون اية ملحقات...

لاهنت
سوبر VTC
16/05/2010, 03:08 PM
هذا الماطور
تحصله ان شاء الله بشارع الريل
سعته على ماعتقد فوق ال150
تنفيخ ديكور الموتر و السقف و الابواب و المراتب :good2:

http://www.mekshat.com/vb/../pix/upload01/prof009/mk53291_mmmmobibjo.jpg
S.Guard
18/05/2010, 12:35 AM
السلام عليكم

لاهنت اخوي سوبر Vtc وما قصرت
m1m2m3m4m5m6
18/05/2010, 05:59 AM
بالله كم سعر الماطور ذا اخوي سوبر Vtc
مكشاتي ون
31/07/2010, 01:45 AM
أنا هالسنه شريت ثمره نخل سكري وأرغب بماطور هواء يساعد على تنظيف التمر من الغبار قبل تجهيزه للبيع ,, وعلى فكره اللي يبي تمررررررررر يعلمنا ولا يرده الا الخاص ,, عندنا شي محطوط فيه سماد كيماوي وشي سماد طبيعي ,,, ونبي نعرض لكم الثمره بمشيئة الله