مارأيكم في صيد العقاب

[ابن تاشفين]

صيد العقاب هل هو افضل من الصقور وعند بيعه هل يباع بملغ مرتفع

[*جمس79*]

بس انه يصيد اخير من ((حرار))))))))الطيور بس له عيوب 1/ان ماله خوه يعني حتا لو تدربه بس تهده يطير وانسا انه يبي يرجع 2منظره مهو بزين :good: :good:

[رحااااااااااال]

هلا اخوي بن تاشفين عساك على القوه
مثل ماقال اخوي جمس 79 تراه مايسوى ولاحتى بريال لاشكل ولا فعل تركه عنك ان بغيت للشكل او الفعل عندك الصقور
تحياتي لك
اخوك الرحااااااااااال
تفرج وشوف وانت احكم هذا شكل طير ينصاد فيه هذا حده يصيد سمك وواجد عليه :D
http://www.mekshat.com/pix/upload/images/mk00005.jpg

[*جمس79*]

الا علا طاري السمك دايم جيبونه با التلفزون يصيده هه

بس ترا ابي اقول لك ها الصوره مهي صوره عقاب هذي طول الله عمرك
صووره (((((باز))))))



9999

[الناريز]

والله ياشباب انا من اشد المعجبين بالعقاب خاصة اذا كان طاير ومعي خوي مطنوخ وفشق رقم واحد والله ماله عن القاع او يمكن على التنده .
بالنسبه لي اعتقد كل شخص يشبك طيور ما يحبه ولا يداني شوفته وهو طاير للاسباب التاليه :
1- اذا شافه الصقر وهو طاير إما ان يرتفع عنه او يقضب القاع .
2- اذا كان حومه قريب من الصقر الصقر يخاف منه ولا يهد .
وللأسباب هذي انا كرهته . مع فائق احترامي للجميع
واجو تقبل وجهة نظري :D

[محمود المصرى]

السلام عليكم ورحمه الله ياخى ابن تشفبن العقاب يمكن ان يدرب وبعض الناس يسيخدمه فى صيد الثعالب و الغزال والرانب لانه قوىويوجد منه فصائل ولا اعرف منها غير العقاب ازهبى

[Khalid AlGhamdi]

عز الله انه ملك الطيور ، يكفيك ان الصقور كلها لاشافته ماتهد

واما عن قتله فاقول اتقوا الله ، وكلٍ بيسأل عن فعايلة

قال أبو داود الطيالسي: ثنا المسعودي عن الحسن بن سعد عن عبد الرحمن بن عبد الله بن مسعود قال: كنا مع رسول الله صلى الله عليه وسلم في سفر، فدخل رجل غيطة فأخرج بيضة حمرة، فجاءت الحمرة ترف على رأس رسول الله صلى الله عليه وسلم وأصحابه، فقال: "أيكم فجع هذه؟" فقال رجل من القوم: أنا أخذت بيضتها. فقال ردها ردها رحمة لها"

وروى البيهقي عن الحاكم وغيره، عن الأصم عن أحمد بن عبد الجبار، ثنا أبو معاوية، عن أبي إسحاق الشيباني، عن عبد الرحمن بن عبد الله بن مسعود، عن أبيه قال: كنا مع رسول الله صلى الله عليه وسلم في سفر، فمررنا بشجرة فيها فرخا حمرة، فأخذناهما قال فجاءت الحمرة إلى رسول الله صلى الله عليه وسلم وهي تعرض، فقال: "من فجع هذه بفرخيها؟" قال: فقلنا: نحن. قال: "ردوهما" فرددناهما إلى موضعهما فلم ترجع .

[اعقاب]

السلام عليكم ورحمة الله وبركاته
اخواني الآعزاء
ويش العلم
خلوني في حالي :d

[الرّماي]

العقاب لاشكل ولا فعل ولا حجم اما الاخ الناريز قتل الحيوان فقط للمتعة لا يجوز فانت محاسب

[ابو عايد]

السلام عليكم ورحمة الله وبركاته

اخي هذي صور عقاب .... وفيه ناس يستخدمون العقاب لكن في اوروبا وشرق اسيا

http://www.mekshat.com/pix/upload/images8/mk1748_SWS2.JPG
http://www.mekshat.com/pix/upload/images8/mk1748_SWS1.JPG
http://www.mekshat.com/pix/upload/images8/mk1748_SWS3.JPG

تقبل خالص تحياتي // العاشق الولهان

[ريف النشاما]

أنا شاهدت فيلم وثائقي عن هذا الأمر

- في روسيا - وشكلهم مثل اللي بالصوره المدرجه في رد بو عايد

ويتحدث الفيلم عن العقاب من طق طق لسلاموعليكم

صراحتا شي خيال وأعجبني :good:

من صيده- تدريبه - قنصه - بس ياهو جثه

والمشكله إنهم يدربونه على الصيد -- وش توقعون حما م :no2: ذيب ذيب :j

وقنصوا فيه وصادوا مجمعة من الثعالب :D لأنهم يدربونه لصيد الحيوانات الكبيره والقويه مثل الثعالب
والذيابه الصغيره والحيوانا ت الأخرى من باب أولا

[مشرف سري]

طب العقاب عليك بالطيبات

[عبد المالك]

السلام عليكم ورحمة الله وبركاته

العقاب من احب الطيور لدي فهو ملك الطيور وقوي جدا و شجاعته لا توصف لايخاف و لا يرجع إلى الخلف آلة قتل حقيقية لكن مشكلته في التدريب ولا أعتقد أن تدريبه يكون مثل تدريب الصقور لقد عانيت الكثير في تدريبه و لكن دون جدوى فأرجوا منكم كل من عنده أي معلومة في طريقة تدريبه فلا يبخل علي و أجركم عند الله.

أخي ريف النشاما بالنسبة للشريط الوثائقي ممكن تعطيني عنوانه و أين يمكن الحصول عليه

أخوكم ابو عبد المالك

[طريح الهوا]

بسم اله الرحمن الرحيم

السلام عليكم ورحمة الله وبركاته

تسم يااخوي على الموضوع وانا ردي على الموضوع بقصيدة الشاعر:خالد العتيبي

ياعقاب مدري مدح والبستك وشاح

وإلا الرموز يحلها من طرقها

ياسيد الزرقا تعلي ومرواح

لن سقتها مع قبة الكون سقها

تكى بصدرك للذعاذيع وارتاح

وافلج محاديب السحايب وفقها

خل السواري عنك وانزاح وانزاح

واعلا مراقيب على الجدي وقها

مثلك ليا ستل جناحه مع الضاح

وارخى سمار الريش في معتلقها

استسلمت كل الجوارح لمن شاح

عنها وجدد من علوه رهقها

سيف ليا جرد على الصيد ذباح

وموسن ليا ناش الضوافي حلقها

اهواي نجم وكفختك بارقن لاح

وتكبيرة الميت على اللي لحقها

ومابين مخلابك وفلاج الاصباح

بيض الثنادي قبل يرهج علقها

زوعتك سيل وطعنتك عيلم ارماح

من مخلب واليا صفقها صفقها

لاملت شلت وان تواسيت وان طاح

ضلك على كبد الطريده فلقها

وإلا ليا نشت الخريشه من الراح

ماكن ربك بعد تدمي خلقها

وإليا شلعت وجالك صياح وطياح

كنك وكن اللي ذبحها وفقها

وصف الاصيل اللي ليا لز طفاح

هذي توطها وهذي فهقها

عن بعد حر ولاتقاربت سراح

وان جيت عبد اضنى الحرار وعتقها

واخطا عليك مسمي الصقر ياصاح

بالحر وانت الحر للي فرقها

وشلون حر وجذب راسه بملواح

عيشه على كف الرجال وعرقها

وانته سندك عضود وصعود وجناح

وحداد سم الطايره في شنقها

ماذلك البرقع ولاردك صياح

ومن حيث ماتبغي مع الكون سقها


وسلامتكم والله لا يهينك وتحياتي

طريح الهوا

[أبو فهد العيد]

والله ياأنا بنقل على كفي طير نفسه رديه ولاياكل الا من فطيس ..
ياخي يكفيك ان وجهه ودر.
وثانيا" تراه مايعرف يفرس"لانه غبي!!!!

[طريح الهوا]

ولد حنيضل راجع معلوماتك يالغالي

الله لا يهينك