افضل تانكي ماء للباترول

[comابوسليمانwww]

السلام عليكم ..
اخواني ناوي ان شا الله اركب تانكي ماء لموتري (باترول صالون 2004) وين احصل افضل تانكي
واحترت بين الواقف خلف المرتبه او المنسدح واريد استفيد منكم ومن خبرتكم .
وماهو افضل مقاس ..

[ابوصالح77]

المتنسدح لا يقربك أبداً
والواقف ممتاز
وفيه المربع ممتاز الطوال والإرتفاع متساوية تقريباً وأما العرض فهو عرض السيارةطبعاً
كان أغراضك واجد ركب واقف
والمقاس حسب إحتياجك (من 70 إلى 100 لتر)
ومن وجهة نظري الألمنيوم أفضل
بالتوفيق
عقبال ما تكشت بنا نجرب التانكي(((ههههههههههه))

[برايدوي عنيد]

هلابك اخوي ....

بالنسبه لي مركب تانكي المنيوم من السنيدي منسدح و الحمدلله ازين شي

شايل العزبه والاغراض الباقيه ...

وترى كثر ماياخذ من اغراض حسب ترتيبك انت للعزبه والاغراض

تقبل مروري ............

[ابوفهد2001]

الواقف ازين ياحبيلك

وتراي خابرلك واقف كانك تبيه عطن خبر على الخاص وتراوه يجيله 90 لتر

"ابوسليمان قعره"

[comابوسليمانwww]

حياك الله ابوصالح 77 وابشر بالكشته بس خل اركب التانكي
واشكرك بريداوي عنيد على المشورة الطيبة ..
وابوفهد اسألي عن سعره كم يسوى .
" ابوفهد عنكبوت "

[سوبر VTC]

غالب ربعي
لنفس الباترول
حاطينه سدح و ميزته باي لحظة ينزلونه :good2:
و اذا كنت تبي تركب طبق فهو ممتاز مع التانكي السدح
هالحين مع اخوي تانكي سدح و خلفه الى الباب طبق
ينزل المراتب الوسط و يصير فراش نوم
حج و قضاء حاج :good2:
انصحك بالسدح
موفق

[بدراني جلاجل]

وعليكم السلام شاكر لك اخوي ك ق ل على الموضوع
والله اني محتار مثلك الي يقول واقف احسن
والي يقول سدح والى الحين وانا محتار
والله يكتب الي فيه الخير
تقبل مروي يالغالي

[جهام القصيم]

أنصحك اتركب سدح اسهل في التعبئة ولا يأخذ حيز كبير أكثر من 7 سنوات تأنكي سدح 145 لتر 100%

[عادل404]

السلام عليكم اخوي يالي تسال عن التانكي انا اشور عليك بالتانكي المنسدح وهذا عن تجربه صحيح سعره فيه زياده شوي لكنه عملي جدا اولا من ناحيت اذا كنت ترغب تركب طبق فانه يتساوى مع المراتب اذا صفتهن ثانيا ما ياخذ حيز من شنطة الموتر ثالثا والاهم تقدر تحط عليه اغراض ثابته مثل ارواق مركاة دافور فراش صغير الواقف ياخذ عليك جزء من الشنطه من غير فايده بعدين كمية الماء بالتانكي نفس الي بالواقف غير ذلك شكله اوذف بعدين ما يحتاج تثبيت اذا ركب هو يثبت نفسه بالحفره الي خلف المرتبه ارجو اني افدتك,,,

[شاهي نثري]

وعليكم السلام المنسدح

[comابوسليمانwww]

مشكور مشرفنا الغالي سوبر Vtc
والاخوان بدراني جلاجل و عادل404 و جهام القصيم و شاهي نثري .
على المرور وهذه المشورة الطيبة والله اني كنت منب مقتنع بالمنسدح وبعد كلامكم غيرت رايي..

وجزمت ان شا الله اخذه وبدون تردد واذا كنت اخوي (بدراني جلاجل ) تبين اخذلك واحد معي ابرك الساعات ..

[صباح القايله]

انا اوفق اخواني انك تخذا مسدوح على الشنطه كله ازين وينظم قشك كن مافيه تانكي

[Abu Saad]

خذ المنسدح افضل بمراحل من الوقف لانك تقدر تسدح المراتب وتكون مساوية له لو بغيت تنوم بالسيارة.
فصلته عن المميز بصناعية الدايري المنيوم سميك وقواطع 9 خانات 140 لتر بـ850 ريال .

[comابوسليمانwww]

مشكور اخوي
Abu Saad واخوي صباح القايله على المرور وماقصرتوا ..

لكن هل الالمنيوم يتحمل لو تركب شي ثقيل عليه او لو نام شخص فوقه كما ذكر بعض الاخوان الي قالوا انه يتساوى مع المرتبة الثانية اذا صفطت ويصير سرير هل يتحمل ؟..

[Abu Saad]

يتحمل وزود .

[همس الغدير]

مشاء اللــه تبارك اللــه
اتوقع ميكانيكين الرائسي افضل اقل اهتزاز

[ابوعليa.a.m]

الي أعرف
الي يكون على مستوى اعرتفاع المراتب

[كشات عنيزة]

يا ابوفهد ابغاء التانكي الواقف

اذهو عندك وهذا جوالي 0504897773

[د/فهد]

تبي رايي؟
انا كنت مركب سدح بالباترول ومع الاستعمال والتحميل عليه انطلق واح من القواطع والله لا يوريك من الازعاج
غير كذا الثقل على السيارة يكون حمل الماء على اخر السيارة وتحس بالثقل طبعا الكلام الاخير ماكنت مقتنع فيه؟
الى ان جربت الواقف!!!!!!
طبعا كنت اقول المنسح احسن عشان انا فيه ولا مرة نمت
الان جربت الواقف والله افضل ولا الفرق وركبت طبق صار ياسلام

[حزوبر]

السلام عليكم
أخي الكريم إذا أنت تسأل عن الأفضل فلا شك أن تانكي الستيل هو الأفضل على الأطلاق ، ولا يعيبه غير سعره، فقيمته فوق الألف ريال يصل 1800 لكن كد ومد، ولا يتغير فيه الماء لو يجلس سنه
الألمنيوم درجه ثانيه

[عاشق النفود 111]

بصراحه احترنا طيب التانكي السدح الي عند السنيدي يتحمل لو احط عليه حدود 100 كيلوا
من خيمه و عزبه ووو

وش رايكم عندي خيمه البيرق 4*4 بصراحه تأخذ حيز لو ركبت الواقف مع طبق بتدخل الخيمه تحت الطبق ولا يحتاج ترفيع وزيادة طول ارجل الطبق..؟ او تنصحوني بالسدح .؟
أرجوا إفادتي

ولكم مني خالص الشكر.. وتقديري لطارح الموضوع

[ابوزياد]

يا اخوان يعطيكم العافية , ممكن احد عندة صور عن التانكي.

[-GMC-]

السلام عليكم كم مقسات التانكي

[ذئب الخليج]

التانكي المنسدح ممتاز جدا

[ابوعلي العجمي]

يالربع لاهنتو ممكن صور لتانكي مركب تراي ادخل من الجوال