المساعد الشخصي الرقمي

مشاهدة النسخة كاملة : جـمـس ابـو فـخـيـذات ( ابو رفارف ) 454 مـوديـل 90 !!! ... × صـور


منصور بن محمد
15/05/2010, 01:34 AM
بسم الله الرحمن الرحيم


السلام عليكم ورحمة الله وبركاته


لا هنتم يالربع ...


كان عندي قاعده في الاستشاره ولكن ورطتني هالقاعده :(


هـي


( أجعل التجارب لك استشاره )


هالقاعده خسرتني كثر شعر راسي :D


واقول


حكمت الملوك الاستشاره


ماندم من استشار ولا خاب من استخار


اليوم وانا في المعارض ادور لي سياره تخدمني في البلد والسفر والبر <--- راعي مقناص وراعي طرقه اخوكم ;)


المهم والقى هاك الجمس الحوض اللي قعدت عنده حول الساعه عشان يجيبون بنزين ويشغلونه !!


واناظر ولا والله الموتر كنه جازلي وادق سلفه واقضب الخط ولا عليه كلام !!


ولكن الكلام اللي عليه يجمد الشارب هو مشورتكم


الجموس ماقد شريتها ابد


جمس حوض 454 موديل 90 ابو رفارف


شبيه ذا


http://www.rofof.com/img4/5wsaul15.jpg
بس مهوب مهبط :)


القير تماتيك
ودبل ارضي
مرشوش كامل
حاطن فيه جي بي ار و كنود :D


المكيف شغلته حول النص ساعه مارتفع عداده عن النص


يبي فيه راعيه 18500 !!
ماشي حروت الـ 200


استخدامي طبعاً في البر


هل نوعية هالسياره تخدمني في البلد والبر والخط !
شلون قطع غياره هل هي متوفره !
و .. و ....


وبظهر الحوض عليه استكر
نادي ملاك الجمس الحوض ;) :D
في إنتظاركم يالربع ....


اخوكم
ابو عقاب
منصور بن محمد
15/05/2010, 02:07 AM
تــكــفــووون يالـنـشـامـا

هلي ياربعي
بيكال فيبر
15/05/2010, 02:47 AM
الموتر ماعليه كلام بس اذا هو بالصوره مهبط ماله سنع واذا هو شد بلاده

خذه والجمس ماعليه كلام يستحمل وبر ومقناص وخطوط وبلد ويفيدونك الاخوان الي خبرتهم اعلا مني

((تـ ح ـياتي))
منصور بن محمد
15/05/2010, 03:03 AM
الموتر ماعليه كلام بس اذا هو بالصوره مهبط ماله سنع واذا هو شد بلاده

خذه والجمس ماعليه كلام يستحمل وبر ومقناص وخطوط وبلد ويفيدونك الاخوان الي خبرتهم اعلا مني

((تـ ح ـياتي))


ابيض وجه يابعد حيي

الموتر لونه ابيض

ولكن للتقريب جبت هالصوره من النت !

الله يجزاك خير ياغناتي

وننتظر باقي الربع
العشة
15/05/2010, 03:07 AM
تبي شوري ابعد عن الامريكي خاصة اذا راح عليه ا كثر من خمس موديلات

خرابات ومشاكل انت في غنى عنها

خلك على عطايا الله الياباني كد ومد
قطب 999
15/05/2010, 03:30 AM
زين للديره ولا يبعد عن القار والا يبي يعطيك من الاخلاق الرديه
ذيب المسآري
15/05/2010, 03:50 AM
18500 غالي

خذلك سفاري 97 وتحت دامك راعي مقناص
الله ابصر
15/05/2010, 04:04 AM
انا اقول اصرف النظر عنه لان هالنوعيه من السيارات ممكن تقعد فالورش اكثر مما تقعد عند صاحبها
ولا يغرك ان مكيفه زين وممشاه زين لان الحين بعض الشريطيه اللي ما يخافون ربهم(البعض وليس الكل) يعدل فالموتر ويطلعه لك مثل جنيه الذهب وبعد ما تشتريه يطيح في كبدك ولا تدري من وين الخلاص

انا شوري لك اذا عندك استطاعه زود قريشاتك شوي وخذلك موتر سيدان كامري ولا اكورد موديل حديث من 2004 وطالع وان كانك تبي الكشتات والروحه والجيه خذلك هايلكس ولا ددسن واذا تقدر خذ هايلكس الشكل الجديد دبل تراه ممتاز
classica
15/05/2010, 04:14 AM
تكفى يولد الخال لاتشتريه ..الامريكي مافيه خير ..صح ان عليه عزم بس ماينفع..

انا مالي ذيك الخبره ترا ..بس اشووف الشعب يهجوون عنه ..


وبعدين مبين على راعيه انه معربجه <<<مطيحه

خذ لك سفاري ..
NissaN 1990
15/05/2010, 09:11 AM
أخوي أبو عقاب الجمس مايبي له مشاور معروف وماعليك من كثر الكلام أنا مجرب الياباني والأمريكي وكلها عندي الآن بسراحه الأمريكي مافيه موتر مثله بس يبي له ورشه متخصصه وتشتري له قطع أصليه وأنسى متى زينته ،،،
مافيه مثله بالخط راحه ورساوه وبالبر نشاط وقوه والدبل الثقيل شرط ماتعشقه بس تأكد هل مكينته 454 شد بلد أو لا لأن يمكن يكون مرهم والمرهم يمكن مايعيش ،،،، اللي أعرفه الأشكال هذي ماتجي شد بلد إذا ماهي شد بلد دور لك على موتر مثله بس يكون مكينة وكالته و إن شاء الله ماراح تندم ،،،،
sa-z71
15/05/2010, 12:20 PM
أخوي أبو عقاب الجمس مايبي له مشاور معروف وماعليك من كثر الكلام أنا مجرب الياباني والأمريكي وكلها عندي الآن بسراحه الأمريكي مافيه موتر مثله بس يبي له ورشه متخصصه وتشتري له قطع أصليه وأنسى متى زينته ،،،


مافيه مثله بالخط راحه ورساوه وبالبر نشاط وقوه والدبل الثقيل شرط ماتعشقه بس تأكد هل مكينته 454 شد بلد أو لا لأن يمكن يكون مرهم والمرهم يمكن مايعيش ،،،، اللي أعرفه الأشكال هذي ماتجي شد بلد إذا ماهي شد بلد دور لك على موتر مثله بس يكون مكينة وكالته و إن شاء الله ماراح تندم ،،،،

بحكم خبرتي بالجموس هذا الكلام اللي مابعده كلام

مثل ماقال تأكد إنه شد بلد
الجمس مهما كان موديله إذا جاك مصيون لا تبعد عنه
واللي أنت بتشري موديله 90 يعني لا بد تحرص أكثر

وعسا لله يكتب لك اللي فيه الخير
لن أمل من العطاء
15/05/2010, 12:21 PM
ااذا كان مثل اللي بالصورة
فهذا ما يجي 454 شد بلد
وانما يكون 350 او 305 بوصه
الجندي2005
15/05/2010, 01:35 PM
دامك راع بر عليك باليابان وفر من الجمس فرارك من الأسد ،،،،،،،،،،،،،،،،،،،،،،،،،،،،
الضيم
13/08/2011, 04:35 AM
اقول ,,,, دامه داخل (راسك ) ,, لا تشاور

ولا تحرم نفسك منه ,, خذه وجرب لك فتره ,, واذا طاب الخاطر ,, مليون من يشتريه وتراه مرغوب

وبالنسبه للسعر كانه نظيف فهو يستاهل ,, بس لا تقطع شفك وانا اخوك
التعـ King ـديل
13/08/2011, 04:56 AM
الموتر طيب وماعليه كلام .. لكن شهرين الى اربع شهور وبتمل منه لانه ماينفع موتر رسمي .. كانك تبي الشور لاتبعد عن الربع نيسان من 97 وتحت
ذيب الفاو
13/08/2011, 07:53 AM
ياخوي ياحبيبي ياصديقي ياعزيزي
نصيحه اخويه (ابعد عن الامريكي)
والله لتقابله كل يوم مكوع بالورشه
وعليك بالنيسان مثل ماقالوا الاخوان
والله البترول من 97 وتحت سواء ربع او اربع ابواب انه دواء للبر
نصيحه من مجرب (جرب الجموس والنياسين) وبالتوفيق ياأخي العزيز ..
صحراء الدهناء
13/08/2011, 11:32 AM
الياباني وبس كد ومد

اما الامريكي يبغى واحد يداريه
الخفاره
13/08/2011, 12:06 PM
اخي العزيز مافيه جمس 90 ابوفخوذ على قولتك 454 نزل موديل واحد اسود مصفح اس اس فقط لاغير الموتر هذا مرهم 454 كلام يجمد عالشارب
بدوي جنوبي
13/08/2011, 12:19 PM
موضوع قديم

يغلق