باترول يسحب لاند ولاند يسحب باترول؟؟؟

[عاشق الحوض99]

بسم الله الرحمن الرحيم
السلام عليكم
وجدنا بعض المواضيع عن باترول يسحب لاند أو لاند يسحب باترول
فما بها شخص معه لاند مايعرف يسوق غرز جاء واحد معه سيارة تتحمل السحب وسحبه وطلع شيئ طبيعي مئة في المئة
وماهو قوة سيارة بل معرفة وخبرة من سائق من أهل البر
وهواء كفر، به مثل يقول:


السيارة له:15%
السائق له:50%
هوا الكفر :20%
والى اخره:15%


بعدين انتم اطفال تتهاوشون على سيارات:confused:
وشكرا:good2: :good2: :good2: :good2:

[b.l.z 2007]

والله انك صدقت وانا ما ادري ليه متعصبين بعضهم تراها كلها حديد لا راحت ولا جت والناس كلن وذوقه ....

[مخاوي البر9]

هههههههههههههههههههههههههههههههه.................. ..
سلط الله على ابليسك ضحكتني مررررررررررررره
أشكرك أخوي على الموضوع الفكاهي

[GX-R 2001]

اي والله انك صادق وكرهت المواتر بسبتها آللاند والباترول

[نفود حائل]

كلامك صحيح 100%

بس اعطي السواق 70% من قدرة السيارة

وبالنسبة للي يتخانقون ويتهاوشون اغلبهم صغار بالسن

[هويدي]

يكبرون ويعقلون ...

[تربو]

انا ما كرهن بخيمة السيارات الا هالمواضيع
ياناس الى متى اتمنى من المشرفين حذف مثل هذه المواضيع
وانذار صاحب الموضوع (لان مثل هاذي المواضيع تولد العصبية والشحناء ما الله بها عليم)

[لواء العز]

وش الساااااااااااالفه

[ساري 111]

بعدين انتم اطفال تتهاوشون على سيارات


لاتشره يااخيي بعضهم اطفال ..

[_دربيل_999]

ياجماعة الخير وش بلاكم على الورعان:p
هذا طبع الورعان يتهاوشون من خلقة الدنيا.
بعدين وش حاسدينهم عليه يتهاوشون على مواتر ونصهم حتى السيكل ماحصل له..http://www.mekshat.com/vb/images/icons/icon10.gif

تراي امزح

[بو خالد77]

الله يهدي الجميع...

[ابو شكاع]

يقول لي اخوي انه مرة من المرات كان بوسط النفود ...
يقول مادريت إلى ذيك الددسن الغمارة الكسرة ...تدردع دردعة ...يالله تمشي
مع شباب من أهل المنطقة ...يقول يلعب بها بالنفود لعب
على قولتك ياخوي هي على السائق
والسيارة جزء من بعض
شكرا لك

[طحنون]

ايام قبل قبل لا تصير عندنا دراهم كنا نكشت على دداسن وهيلكسات وونيتات وكلها بدون دبل
حتى بدون كفرات اسبير وبدون مفتاح عجل ونغرز ونطلع ولا احتجنا لا اي صاحب جيب
اما الحين جيل هاليام ابوه يشتريله جيب لكزس وسيارات جديده وتلاقيه مهايطي يركب كفرات بالون ويلمع الكفرات ومطول شعره ولابس غتره ماادري منين جايبها فيها جميع الوان الطيف
واذا جاء يتكلم يسوي نفسه ابو العريف وتلاقيه مايعرف حتى يشغل الدبل ولا يعرف شي بالميكانيكا

[SRAAAB]

الله يصلح الحال
سبحان الله وبحمدة
سبحان الله العظيم

[الشوكيss]

الله المستعان هذا حال الدنيا


والكسبان هو الوكيل وشركات التصنيع


المثل يقول الخيل من خياله


صحيح فيه بعض الفروقات في بعض الاضافات الترفيهية لكن مالها دخل في التغريز في النفود

[السنع كله]

البخص عن دبل

[BATH 2003]

كلام صحيح 100% :good:

تقبل تحياتي

[ذيب زلفاوي]

يارجال كورلا قدام عيني وصل اماكن ماوصلتها الجيوب والسواق اذا صار فاهم مايرده شي
( بس يوم طلع لقى الصدامات طايحه هع هع )

[القمة العالية]

وأنت الصادق يا غالي تكثر مثل هالمواضيع على الاجازات , ونهاية الأسبوع لأن أهاليهم يسمحون لهم يدخلون على النت , وحنا نبلش بسوالف الاطفال

[مجالس الرجال]

الله يخلف بعض الاعضاء اللي فوق هم من الصغار وكأنه ماله ردود بمواضيع الهوشات