خدووش السياااره

[وليد الجريدي]

السلام عليكم اعضاء مكشات الكرام








مساكم الله بالخير









انتو عارفين السيارات ومشاكلها وكل مشكله لها حل

المشكله اللي مالها حل وتكوون تقهر الواحد وتبط الكبد المخووووش اللي بالبدي


والله انا جاني واحد ولعب بموتري في باب السايق لعب في الباب لعب والمشكله انها واضحه

ومادري وش اسوووي فيها لان المخووش بمسمار وقوويه طالعة البويه

وابي مشورتكم
والله الموتر اني كرهته ولاعاد لي نفس سووووقه
وماودي ارشه بويه تعرفوون الجيوب اذا انرشت طاح سوقهن ومادري وش اسوي

مشورتكم الله لا يهينكم

[jasser]

حياك الله اخوي وليد وان شا الله تكون بسيطه

من خلال معرفتي وخبرة بعض الاخوان اعرف انه فيه ماده تحصلها في محلات التلميع توضع فوق الخدش تماما وتترك هذي الماده تخلي البويه الاصليه تتمدد حتى تغطي الفراغات اللي في الخدش
لكن اسمها والمحلات اللي تسويها والله ما اعرفها
اما انا شخصيا اذا فيه خدوش في موتري اروح لمحلات بيع بوية السيارات واخذ لي ريع كيلو في علبه صغيره من نفس بويهة السياره ورقمها وابدا احطها على الخدوش بفرشه صغيره واتركها يوم او يومين وبعدها اخذ مادة التلميع كار واكس والمع المكان ولا كان شي حصل
لكن انتبه تكثر البويه لانها بتطلع بارزه
هذا الي اقدر افيدك به والاخوان ما يقصرون
ودمت بخير

[وليد الجريدي]

حياك الله اخوي وليد وان شا الله تكون بسيطه

من خلال معرفتي وخبرة بعض الاخوان اعرف انه فيه ماده تحصلها في محلات التلميع توضع فوق الخدش تماما وتترك هذي الماده تخلي البويه الاصليه تتمدد حتى تغطي الفراغات اللي في الخدش
لكن اسمها والمحلات اللي تسويها والله ما اعرفها
اما انا شخصيا اذا فيه خدوش في موتري اروح لمحلات بيع بوية السيارات واخذ لي ريع كيلو في علبه صغيره من نفس بويهة السياره ورقمها وابدا احطها على الخدوش بفرشه صغيره واتركها يوم او يومين وبعدها اخذ مادة التلميع كار واكس والمع المكان ولا كان شي حصل
لكن انتبه تكثر البويه لانها بتطلع بارزه
هذا الي اقدر افيدك به والاخوان ما يقصرون
ودمت بخير



يسلمك ربي اخوي جاسير
ماقصرررررت بس المشكله لو انها مخشه عايديه كان هينه
الخدوش اللي بالسياااره وبمكااان واحد عديتهن 13 خدشه ههههههههههه
والله شي يقهر لا وبعد راسمن مربع مثل اللي بالجوال حاطن خطووط بالطووول وشكله قال ماتنفع ابي اغيرها بالعرررررررررررررررررررض الله يشل يده

[ذيب زلفاوي]

رح للتشاليح

[وليد الجريدي]

التشاليح والله على ظهررررررك

[وليد الجريدي]

خلك مودب محد يقلك شي لاتتريق

[فهد 620]

اذا كان خذش بسيط ما عندك مشكله

أهم شي البدي ما تأثر

روح لشركة زيبارت متخصصين بالتلميع والشغلات هذي

صح بيقصون ظهرك بالسعر الغالي بس تحمل

تحياتي

[yukon 2000]

ادري وحاس بقهرك انا عندي نفس المشكلة لاكن علموني الشباب وقالولي ان بعض الورش تغطيها بطر يقة اسمها التنقيط لاكن ابشر اول ماحصل الكلام الاكيد انا اول من يبلغك

[وليد الجريدي]

اذا كان خذش بسيط ما عندك مشكله

أهم شي البدي ما تأثر

روح لشركة زيبارت متخصصين بالتلميع والشغلات هذي

صح بيقصون ظهرك بالسعر الغالي بس تحمل

تحياتي


لا والله ياخووك الخدش شايلن البويه معه على الصااج والمخووش واجد
انا ابي انتظر لين الاربعاء واشوفها بالطايف انشالله تزين وانا متأكد انها ماراح تزبط

[وليد الجريدي]

ادري وحاس بقهرك انا عندي نفس المشكلة لاكن علموني الشباب وقالولي ان بعض الورش تغطيها بطر يقة اسمها التنقيط لاكن ابشر اول ماحصل الكلام الاكيد انا اول من يبلغك


يسلمك ربي يالجحدلي
انا عارف التنقيط بس التنقيط مايستخدم الا للصدامات وغالبا يستخدم في البدي اذا كانت دقات صغيره ماهيب مخوووش لانو لو سواها بالتنقيط مابتجي معه لانو لازم يمشي مع الخدوش وراح يبين اذا سواها

[سوبر VTC]

رد في موضوع سابق


ساعطيك طريقتي و لعل احد الاخوان تكون فكرته و طريقته افضل
ما نستغني عن ابداعاتهم

تشري من المكتبه ريشه حقت رسم اللي راسه مثل فرشة الاسنان او مثل الفرشات حقت راعين البويه
طبعا تاخذ اصغر مقاس و بعدين تقص كل الشعر بالمقص ماعدا 7 شعرات تقريبا
ال7 شعرات تقصهن بحيث يكون طول الشعره الواحده ثلث او نص سم للجميع
ثم تجيب غراء ياباني كرتونه برتقالي سعره ب2ريال
او امريكي كرتونه ابيض بسعر 3ريال
و تحط غراء على نفس هذه الشعرات او الشعيرات
حاول تجعلها متلاصقة بعد وضع الغراء
و اذا جف او نشف الغراء تقص من هذه الشعرات من الاعلى لمسة خفيفه تقريبا 1ملم
عشان يكون الراس مدبب و هذه نقطه مهمه من اجل تنقيط البويه بالشكل الصحيح

و تروح تاخذ بويه من حقين بويات السيارات
احرص على افضل شخص مشهور بتطبيق البوية بالشكل الصحيح
عادة تجد رقم بوية سيارتك من خلال باب السواق او من خلال الاستكر بدرج السيارة...الخ
و خذه من عنده تنر و حطه بعلبه صغيرة مثل حقت مويه
و خذ قطن او قماش

بعدين تحط البوية بعلبه قطرة عيون حقت الصيدلية عشان ما تنشف البوية
لانه اذا تعرضت للهوا و انت عارف ان شغلة التنقيط تحتاج سعه صدر تقريبا نص ساعه فاكثر اذا كانت الخدوش كثيرة
الريشة تغمر راس الريشه فقط بالبوية لا تكثر عشان ما تسيل البوية
يعني كل خدش تقدره التقدير الصحيح من ناحية كمية البوية و غمر الريشة
طبعا تنقط البدي بواسطة هذه الريشة و في نفس الوقت تحط اصبعك الكبير على نفس العلبة ==> تسكر الفتحه عشان ما تنشف البوية بسبب الهوا

اذا نقطت البدي بالبوية و اخطات في مكان التنقيط او سالت البوية من مكان الخدش
امسحه بواسطة التنر==>مسحه خفيفه و لاراح يضر
و اكمل عملك حتى تنتهي

هذه الطريقة اذا طبقتها بالشكل الصحيح يطلع الشغل رائئئئئع جدا :good:
افضل من بعض الورش و الوكالات لانهم ماعندهم ذمه
و حالهم يقول ==> جلد مهب جلدك على الشوك جره :mad:

انا سبق جربت الابره حقت الصيدليه اصغر مقاس
لكنه متعبه جدا و تسيل البويه بكثره

روابط

لاهل الخبرة ماهو الحل في هذه الحالة ( خدوش في البدي ) (http://www.mekshat.com/vb/showthread.php?t=216287)

طريقة إزالة الدقشات الصغيرة (( الصدمات الخفيفة )) بنفسك (http://www.mekshat.com/vb/showthread.php?t=242152)

موفق