الله يجزاكم خير عندي طير يستاهل ادور علاجه ضروري

[ابو زهور]

يالربع الله يرضالي عليكم عندي طير طيب بالحيل وريشته ترها انقطعت دورت اخوه هل سنه في الشبات اللي جات ولا حصلته والطير فيه وضحه صغيره في عينه اليمنا وعينه اليسار الوضحه اكبر والله لو مايستاهل اسال عن علاجه ماسالت اللي عنده علاج مجرب وفعال ياليت يالحقني فيه وجزاكم الله الف خيرر

[أبو خاااالد]

الله يشفي طيرك ان شاءالله

وده عند العويدي وان شاءالله تشوف علاجه

وان شاءالله يفيدونك الاخوان اكثرر

[الكايد 123]

الله يشفي الطير

[ابو فهاد0]

وده عند العويدي يمكن يلاقيله حل ان شاء الله
والله يشفيه

[دعاس]

وده للعويدي انشاء الله تستفيد وفي ناس يطحنون سكرة النبات ويذرونها بعين الطير ويقولون استفادوا
ابو نواف

[ابو زهور]

العويدي فين محله انا في الكويت

واللي رد الله لا يهينه

[عايض الدرعان]

الله يشفيه انشاءالله

[NAWAFQ8]

السلام عليكم
العويدي بالرياض
وبالكويت مافي المستشفى الي فيها خير ولاتوديه مستشفى الهمل اذا تبي نصيحتي
وان شاء الله الاخوان يفيدونك واذا احد يعرف رقم العويدي من الاخوان انا افضل انك تتصل عليه وان شاء الله يعطيك العلاج لطيرك

[الطبشي]

الله يكون في عونك

[ابو زهور]

الله يبيض وجيهكم ولا هينكم بس بعد نبي احد مجرب علاج لانه يقول ان لقحت ولا ماظرها الجمل

يعني بنجرب عليه كل علاج ان فادت ولا الطير قد ذاك حاله

[ابـــًًو تركـــًي]

الله يشفي طيرك

[طير الهقاوي]

وعليك السلام ورحمة الله وبركاته

اخوي يا ليت توضحلنا سبب الوضحه الي جت طيرك

هل هي من البرقع
او من حشره
الى اخره ياليت تقولنا عشان افيدك وجني خاص عشان ارد عليك
مع تمنياتي لطيرك وطيور الاخوان بالسلامه
اخوك طير الهقاوي

[حمد العذبي]

مثل ما يقولون الاخوان عندك العويدي بالرياض
مع ان هالمرض صعب جداً!!

[ابو زهور]

الطير ياخوان والله انه اول طير يطلع على الحبارى لو كان معاه عشرره والحبارى في الروض طلع قبل كل الطيور وجناح فارط في الطيار والطير اطلس بحر اللي يجي ظهره صافي وذنبااه ممسوح كله بدون دق يعني فعل وصوره هده رفيقي ارداف على حبارى وحول فيها ومن بعدهاااااا معاد شاف خير قام يدش بمرض ويطلع بمرض من قلاع لين كوكسيديا من كوكسيديا لي تسكير مجاري التنفس الاكيد انه الحين بوضحه في عيونه الثنتين وحده صغيره والثانيه كبيره وعسى الله يشفيه


ومشكورين ياخوان على الردود

[شنقاري]

لاحول ولا قوة الا بالله

عسى الله يشفيه

وفيه ناس ماتذكر الله اذا شافو طير فعله طيب او ريشته طيب

[ابو زهور]

ماقصرتو وماقصر اللي قال جرب سكر نبات بجربه وعسى ان في الامر خيره

[محمد النعيمي]

الله يشفي طيرك

[دايركت]

السلام عليكم ورحمة الله
اخوي انا عندي لك علم وانا ابي اعرف الوضاح اللي بعيونه من متى اول شي
وبقولك شغله يمكن اكثر الجماعه اللي هني مايصدقون
انا قبل عندي طير طلعت فيه وضاحه بعينه وجيت لصقار وعلمته وقالي الطير فيه قلاع وانت ماتدري عنه قلت شلون يعني قال عطه كورس قلاع وعطيته وطاب الطير
بس الوضاح اللي في طيري كان صغير ومهب مبطي
عاد انت الحين انا انصحك تعطيه كورس قلاع وان مانفعه مايضره
ونشالله اكون فدتك

[ابو زهور]

السلام عليكم ورحمة الله
اخوي انا عندي لك علم وانا ابي اعرف الوضاح اللي بعيونه من متى اول شي
وبقولك شغله يمكن اكثر الجماعه اللي هني مايصدقون
انا قبل عندي طير طلعت فيه وضاحه بعينه وجيت لصقار وعلمته وقالي الطير فيه قلاع وانت ماتدري عنه قلت شلون يعني قال عطه كورس قلاع وعطيته وطاب الطير
بس الوضاح اللي في طيري كان صغير ومهب مبطي
عاد انت الحين انا انصحك تعطيه كورس قلاع وان مانفعه مايضره
ونشالله اكون فدتك

لا هنت على كل حال وعطيته كورس قلاع مع مضاد حيوي ولا نفع

[البراء آل عثمان]

هذا رقمي ارجوا الاتصال

0555563011

البراء ال عثمان
جامعة الملك فيصل -كلية الطب البيطري -عيادة الطيور

[مخااااوي]

الله يشفي طيرك وطيور المسلمين ويحمي طيورنا من كل (عين) ومرض...
ياخوي بنصحك لوجه الله وان شاء الله بتنفعك ياليت اذا مانفع مع طيرك اي علاج
تجمع اخوياك اللي طلعو معك بنفس المقناص وتقهويهم واذا مشو تآخذ باقي بيلاتهم
وفناجيلهم وتحطهن بسطل مويه وتآخذ المويه وتسقي وترش الطير
(طبعاً بدون علم اي احد منهم) (العين حق) وتقبل خالص تحياتي,,,,,

[وشــــام]

طيرك يحتاج الى فيتامينات وخاصة فيتامين أ واذا ما نفع بع الطير على اي واحد من اخوياك اللي تعزه و بأي قيمة وان شاء الله يبي يطيب اذا هي عين وترجع تشريه منه

الله يوفقك لكل خير

[قلب ذيب]

الوضحه مالها علاج !
فهو مرض يحول السواد في عين الطير الى بياض .
وعندما تتحول مقلة العين الى بياض يصعب علاجها .
والله اعلم .

[ابو زهور]

الله لا يهينكم ماقصرتو وعلى الله الفرج

[راعي شوق]

اخوي السلام عليكم انا عندي طريقة ومجربة على طير واحد من الربع ونجحت
اغسل عين الطير بماء وملح وان شاء الله تطيب