قير التماتيك للفتك

[comابوسليمانwww]

سؤال لأهل الخبرة مامدى تحمّل قير التماتيك للباترول الفتك وقوة صبره
وهل يتحمل السحب ، وماهي المشاكل التي تواجهك منه ....
ارجوا كل من له خبره في الموضوع التكرم بإفادتنا به.
ولكم جزيل الشكر ....

[مدمن فتك]

ولله الحمد
صار له عندي اكثر من سنه واثبت جدارته واستجابته السريعه

[برايدوي عنيد]

هلابك اخوووي.........

والله توي شااري VTC تماتيك وماسحبت احد به ولاكشت مكاشيت صح بالديره بس

لكن على مايقولون انه حساس ولايبي الجر والمتل لانه يتاثر بسرعه وانه مع النفود

والشد بالنمر يحتمي ويخبط ويركبون له مبرد خاص عند العثمان اللي بتشليح بريده

والسيف للرديترات . ويمدحونه بعضهم

لكن سئلت ميكانيكي قال جاان كم جيب مركب مبرد ومخبط يعني مانفع . وان

المشكله من انه يحتمي زانت من الموديلات الجديده 2005 وطالع تلفووه وكبر المبرد حق

القير مادري اللرديتر ...


هذا مالدي ويفيدك اكثر الاخوان خاااصه سوبر vtc والبقيه من غير قصور بهم

تقبل مروري............

[comابوسليمانwww]

مشكور اخوي
مدمن فتك .... و.......بريداوي عنيد
على هالمرور والمعلومات الطيبة وماقصرتوا ..وانتظر مزيد من المشاركات .

[NissaN 1990]

القير التماتيك العايدي أنا جربته في البر مسافات طويله ماشاء الله عليه أثبت جدارته على أني قبل ما نشتري الجيب كنت خايف من أنه تماتيك فلاكن بالفعل تغيرت نظرنتي

أما من ناحية النتل مره وحده حصلت لي جيب ثقيل أثقل من الفتك كان ناشب في رباضه قويه المهم جيته بالجيب وحطيته بالدبل الثقيل وحولت القير إلى وضع عايدي وعيطته 1 وسحبته والموتر ثقيل اللي أسحبه ماهو سهل والحمد لله طلعه وما تأثر موتري وأعرف أثنين معهم جيوب نيسان فتك يقنصون عليه الربع الخالي يمدحونه وما شافو عليه شي ،،،
أتمنى لك التوفيق

[Under_net]

موديل 2005

ممتاز في البر وتم السحب والنتل وكما هو والحمدلله

المهم لازم تغير آيل الجير كل 40000 أو 60000 ماأذكر .. ضروري التغيير

[ftc]

السلام عليكم
اخوي معي فتك صارلة ثلاث سنوات عندي تماتيك
ماخليت مكان مارحتلة من نفود وبران كل مكان ماشاء الله
بس السحب قليل جدا اسحبه إلا في وقت الضروره ماشفت منه شر
وشكرا

[مقلع الرمث]

والله كان معي كذا فتك لكن اللي جاه الجور والعن موديل 2003 سحبت وكرفته والله الموتر بعته وهو سليم واللي بعته عليه الحين عنده له سنتين وهو اكثر مني جو وكرف على الموتر ويقول تمام الموتر زي العسل بالتوفيق

والسياره بالاخير تراها توافيق تحياتي لك

[N-xterra]

كان عندي 2007 قير تيبترونك والإستخدام عنيف جدا

سحب ونتل
على الخط دائما فوق ال 180
مشى معاي 164 ألف أكثرها بر
من ظمنها قطع شعبان وبحيرات
وزي الحلاوة لا غيرت له زيت ولا شيء إلين بعته

تحياتي

[tiger3000]

الله يعطيكم العافيه يااخوان

اخوي انا عندي سوبر سفاري 2003 له عندي سنتين قنصت به كثير واغلب ممشاي بران وحره ونفود ولله الحمد لم الاحظ عليه شي

اما بالنسبه للسحب ياما وياما سحبت فيه ولايهون السمر :f لمني لقيتها مقرشه سحبتها لمى اسدحها بس لاااحد يعلم علي:D :D :good2:

وبالنسبه لزيت القير كل 40 الف اغيره عند الوكاله

[comابوسليمانwww]

مشكور اخوي
NissaN 1990 واخوي Under_net واخوي ftc واخوي مقلع الرمث
واخوي N-xterra واخوي tiger3000
على مروركم الطيب وماقصرتوا بيض الله وجيهكم ...

لكن هل هذا مع تركيب المبرد ولا بدون .... وهل المبرد ضروري فعلا كما يذكر بعض الاخوان
ننتظر المزيد من المشاركات ...

[NissaN 1990]

مشكور اخوي
NissaN 1990 واخوي Under_net واخوي ftc واخوي مقلع الرمث
واخوي N-xterra واخوي tiger3000
على مروركم الطيب وماقصرتوا بيض الله وجيهكم ...

لكن هل هذا مع تركيب المبرد ولا بدون .... وهل المبرد ضروري فعلا كما يذكر بعض الاخوان
ننتظر المزيد من المشاركات ...


بالنسبه لي ماركبت مبرد ،،، وماعمري سمعت عن المبرد اللي تقول

[comابوسليمانwww]

هلا بك اخوي NissaN 1990
المبرد هذا طوّل الله عمرك يركبه بعضهم ليكون مبرّد خاص للقير ؛ لان زيت قير الفتك التماتيك يتم تبريده في رديتر المكينه ...
فبعض الشباب يقول ان الرديتر مايتحمل يبرّد المكينه وزيت القير ويقول ان هذا سبب لاحتماء القير خصوصا مع الحرارة ومع الجلد ثم يبدأ يفلت القير وقد يسبب ......لاسمح الله
لذلك هم يركبون للقير مبرد خاص ويفصلونه عن الرديتر....

وانا ما ادري عن صحة هالكلام ، ودي اذا كان فيه واحد من الاخوان خبير يفيدنا ..

[راعي النياسين]

عندي جيب نيسان تماتيك

استخدام عنيف في النفود واسخدام معقول في المدينه والحمد لله ماشتكيت من شي اللهم لك الحمد

وعلى طاري السحب انا ساحب جمس غماره وهو طافي مشيت تقريبا مسافه 6 كيلو والحمد لله سحبته زي الحلاوه ووصلته للمحطه

[شاهي نثري]

الله يعطيكم العافيه يااخوان

اخوي انا عندي سوبر سفاري 2003 له عندي سنتين قنصت به كثير واغلب ممشاي بران وحره ونفود ولله الحمد لم الاحظ عليه شي

اما بالنسبه للسحب ياما وياما سحبت فيه ولايهون السمر :f لمني لقيتها مقرشه سحبتها لمى اسدحها بس لاااحد يعلم علي:D :D :good2:

وبالنسبه لزيت القير كل 40 الف اغيره عند الوكاله

غريبه تغيير زيت القير كل 40الف
اناموتري 2005 ماشين 200000الف ولاغيرته
شكلي جبت العيدونا مادري :( :( :(

[محسن اليامي]

قير الفتك من 2002 إلى 2009 وقد أثبت جدارته

وأنا عندي 2003 صلرله 3 سنين مشاوير طويله وكل 40 ألف أبدله في الوكاله

[سوبر VTC]

غريبه تغيير زيت القير كل 40الف
اناموتري 2005 ماشين 200000الف ولاغيرته
شكلي جبت العيدونا مادري :( :( :(

اهمال تغيير زيت القير
يؤدي الى تكون رايش كلتشات و يؤدي الى عدم نظافة القير
و انسداد خارطة القير من الرايش او الكلتشات
القير لك و للزمن غير الزيت كل 40 او 50 و يعيش معك
عندنا كورولا تماتيك مشى الموتر بالزيت تقريبا 90الف
و غيرت الزيت و الفلتر قبل يوم
و لاحظ بعد كم مشوار ان الزيت الجديد تعبان شوي تقل دم متخثر
بسبب سوء نظافة القير
و الحل بعد مايمشي الموتر 10الاف باذن الله ساغير الزيت عشان ينظف :good2:

[الجني العبد]

يقولون والعلم عند الله أن قير الباترول يتحمل قدرة حصانيه تصل حتى 800 حصان ,,
فلذلك تجد أغلب المرهمات بواترول ..

[سوبر VTC]

غزار هيار
تسحب موتر مغرز
الثقيل + وضع القير على 1

بخصوص مبرد القير فالمواتر توافيق

معك Vtc ؟؟ تفضل باالدخول موضوع يهمك !! (http://www.mekshat.com/vb/showthread.php?t=155215)


لي عودة

[باثفندر]

كان عندي 2006 تماتيك سحبت عليه سيارات وعربات وجرت عليه بالبر وعلقته بنمر مسافات ،، مالاحظت اي حرارة او نقص والحمد لله اثبت أدائه ،،في حالة السحب تأكد أن يكون على الثقيل
( لا تستخدم الخفيف أبد أبد ) ودايم حاول السحب بالريوس ، وتجنب النتل السريع ،،وإذا قدرت ركب ونش أفضل .