سؤال هام بخصوص الزيت ؟

[دوج 115]

السلام عليكم ورحمة الله وبركاته اما بعد المشرفين الأعزاء اخواني الأعضاء عندي سؤال بخصوص زيت محرك السياره اذا انت معود سيارتك على زيت معين واذا بغيت تغير الزيت هل يضر المحرك؟هل فيه شي اسويه قبل ما اغير الزيت؟وش رايكم بزيت غسيل المحرك ؟هل يضر المحرك ولا مايضره؟ وش افضل نوع زيت؟ وش رايكم بزيت قلف؟هل احد جربه؟ وش افضل انواع الزيوت علما بان السياره دوج نايترو واسف على الاطاله وشكرا

[المهاوش]

عليكم السلام ورحمة الله وبركاته

اخوي بالنسبة لسؤالك عن الغسيل أنا قبل كم يوم عامل غسيل للماكينة بزيت عند البناشر خاص للغسيل ..

وبعدها غيرت الفلتر والزيت ... وعن تغير الزيت أعتقد والله أعلام انه ما يضر ؟؟ وأفضل زيت الترا سفن او

سوبر جي تي .. والأخوان في هذا المنتدى أن شاء الله ما يقصروا ...

[دوج 115]

اخوي مهاوش اشكرك على ردك السريع بالنسبه لزيت الغسيل الي غسلت فيه سيارك وش نوعه ؟ويعني مافيه ضررعلى المكينه؟

[دوج 115]

للرفع للرفع

[دوج 115]

للرفع للرفع

[فارس ملهم]

نصيحة :

لا تغسل المكينة ابدا

لان الوكالة تضع فيه لزوجة ما تروح مع تغير الزيت
لكن من واقع تجربة للي يغسلون المكاين
الزيت يحترق على طول
حتى المكانيكين الفاهمين ما ينصحون الغسيل


لو بغيت تغير من زيت الى زيت ثاني ما فيه شي بس لا يفوت عن بالك ان يكون الزيت خفيف او ثقيل

[دوج 115]

اخوي فارس ملهم اشكرك على الرد الجميل والنصيحة الطيبه طيب انا كنت احط بترومين الترا7 وابي اغير واحط زيت قلف الوكاله نصحوني فيه وهو كويس بس ما ادري هو ثقيل او خفيف وياليت الله لايهينك توضحلي نوع الزيت فيهم اي واحد خفيف واي واحدة ثقيل ورايك اتوكل على الله واحط قلف

[دوج 115]

للرفع للرفع

[حزم نجد]

من ناحيتي يالغالي انا كثير غيرت نوع الزيت وما احب اثبت على نوع

واتنقل بين الترا7 و سوبر جتي فقط <<<طبعاً 30 على 50

يعني ما تروح تغير خفيف وثقيل بيأثر على طرنبة الزيت

والحمد لله ماشفت اي مشاكل

لكن اذا غيرت نوع الزيت اغير معه الفلتر

ومن طلعت على الدنيا اشتري من هالسيارات ماعمري غسلت المكينه

الى مره غسلت السلندر يوم غيرت الرديتر وهذي طبعاً ماله دخل بغسيل الزيت .

[NOYEB]

مايضر ان شاء الله يادوج

[بدوي جنوبي]

ما ذكرت الموديل
وكم ماشيه ؟

كم رقم الزيت السابق اللى متعود عليه
ويش نوعه ؟

ونصيحه لا تغسل المكينه .

بالتوفيق

[جهام القصيم]

إنتبة اتغير نوع الزيت أكيد القيلون يبي يتأثر أمزح معك , أغلب الزيوت الذي يختلف اسم وشكل العلبة والتوقع من خلل التجربة إن زيت سوبر جتي العلبة السوداء هو الافضل0

وفق الله الجميع

[دوج 115]

اخوي حزم نجد اشكرك على ردك

[دوج 115]

اخوي Noyeb واخوي جهام القصيم مشكورين ومشرفنا العزيز موديل السياره 2007 نوع الزيت الترا 7 الممشى 70000

[دوج 115]

للرفع للرفع

[ابو سلطان1234]

بالنسبة لي عن واقع تجربة كنت اغير زيت شل سوبر فقالي واحد من الاخوان بأن البناشر البنقالية وابو يمن يغيرلك زيت قديم او محروق لان العلبة سهلة الفتح وخفت والله واغسل المكينة بعلبة وحدة واحط كاسترول 20-50 وماشي معي الموتر زي الحلاوة ورحت قبل اسبوع لمحطات بترومين المشهورة هذي قالي ان كاسترول يسبب حرارة للموتر حتى لو ما ارتفع الامبير قلت يعني ؟ قال الفلبيني حط الترا7 افضل وما يحترق بسرعة قلت توكل على الله ويغسل المكينة بعلبتين كبيرة ويغير الزيت والسيفون ويفحصون زيوت السيارة كاملة وغير بعد زيت الدفرنس الامامي لقاها مويه مهوب زيت والحمدلله كل 5000 كيلو اغير عندهم نفس الزيت

[دوج 115]

اخوي ابو سلطان نصيحه من اخوك لاتغير بترومين الترا 7 ابد عند مراكز بترومين انا كل الموضوع الي مسويه عشان النقطه هاذي انا نصحني واحد من الي شغالين بمراكز بترومين قالي ان زيت بترومين الي عندهم مايمشي الا3500 وبعدين هو مشالك الزيت عشانه حق الشركه وهو نفسه نصحني بتغيير الزيت فلذلك انا وضعت هاذا التساؤل فحاول انك تغير زيتهم ولو تسالهم عن افضل زيت قالوا بترومين عشانه حق الشركه لازم يقول كذا وانا الرجال الي قالي هو يشتغل هناك ورجال فاهم المراكز ممتازة مرررره لاكن المشكله في زيتهم يحترق على طول ولا يمشى الا 3500فلذلك انا ابي اغير زيت سيارتي فحبيت اسال اخواني

[دوج 115]

اخواني الاعزاء ارجوا بالاجابه الشافية

[ذيب زلفاوي]

هههههههههه
انا كل يوم زيت وماضر موتري

[دوج 115]

ذيب زلفاوي يعطيك الف عافيه على الرد السريع وشكلي ابتوكل عاى الله واغير وبس

[moooj]

تأكد من رقم الزيت يعني خفيف او ثقيل
وهو مكتوب بدليل المالك
غير فلتر الزيت مع التغيير
لكن لا ثم لا ثم لا تغسل المكينة تحت اي ذريعة كانت
الغسيل يستخدم في ضروف خاصة كحل مؤقت لمشكلة عرضية مثل غرق السيارة ووجود رطوبة بالمكينة او دخول غبار واوساخ وله ضوابط
ما انصحك فيه ابد
تأكد من زيت المصنع وبالتوفيق

[دوج 115]

اخوي mooojالف شكر على ردك الشافي

[دوج 115]

للرفع للرفع

[دوج 115]

للرفع للرفع

[بدوي جنوبي]

اخوي Noyeb واخوي جهام القصيم مشكورين ومشرفنا العزيز موديل السياره 2007 نوع الزيت الترا 7 الممشى 70000

ما ذكرت مقدار اللزوجه ؟

الترا سفن ممتاز انصحك لا تغيره
الا اذا لاحظت انه ينقص

وتقدر تغير نوعية الزيت فى اى وقت تشاء
بشرط يكون نفس اللزوجه

يتم تغيير لزوجة الزيت تقريبا بعد 200 الف او اكثر
لكن ليس كشرط اساسي ،،، وتغيير الزوجه من درجه اقل الى اعلى .

[دوج 115]

الف شكر يامشرفنا العزيز والله يوفقك دنيا واخره انت وجميع الاخوان واسف على الاطاله

[هويدي]

بغض النظر عن انواع الزيوت الاخوان ما قصروا كفو ووفو

انصحك تشري كرتون الترا سفن 190 او 200 فيه 24 علبه

وتاخذلك كم سيفون من الوكاله اضمن

لان للأسف غالبيه المشاحم ـ الا من رحم الله ـ يبيعلك تجاري واغلى من قيمه الاصلي

والكلام ينطبق ايضاً على فلتر الهوا

[دوج 115]

اخوي هويدي اشكرك على ردك وعلى النصيحه والف شكر

[شاهي نثري]

وعليكم السلا ورحمه الله وبركاته
غير ولاعندك اى مشكله بس الافظل غيرالفلتر
افظل زيت اتوقع سوبرجتى تري اقول اتوقع
ونصيحه اخو لاحديغسل بزيت الغسيل يعدم جلدالبلوف
تغسيل المحرك
دورعلي ارخص زيت وعب المحرك وخليه شغال ساعه بعدين نزل الزيت
مرتين ثلاث علاحسب النظافه
ركب الفلتر وزيت الي تبي

[pip11]

افضل زيت عن تجربة الترا 7 وووووووو قلف لانهما الوحيدان اللذان ليسا من الزيوت المعاد تكريرها (اي من الزيوت المستعملة) وهي نصيحة من موزع زيوت ولديه الكثير من الأنواع ونصحني بهما و الترا 7 مشيت عليه 7000 كيلو ولونه ماتغير في رحلة للخليج

[ابوعليa.a.m]

يعطيك العافية

والله انا ياخوك على البركة انا والزيت

[دوج 115]

مشكورين على الرد

[faris2006]

مافيه اي ضرر ارجع لكتيب الصيانه ونظر الى الرقم اللزوجة او مايقابلة
اهم شي الرقم الي على غطاء الزيت (المكينة) نسبت اللوزوجة

[دوج 115]

اخوي فارس كفيت ووفيت وماقصرت انت وجميع الاخوان