انتبهووووا من النصابين اللي بالمعارض

[أبوغيث 2003]

السلام عليكم ورحمة الله وبركاته


قبل مدة عرضت بالمنتدى موضوع لبيع سيارة مصدومة على هالرابط


http://www.mekshat.com/vb/showthread.php?t=274651 (http://www.mekshat.com/vb/showthread.php?t=274651)


وهذي صور الموتر



http://www.mekshat.com/pix/upload03/images148/mk117628_fdfg.jpg


http://www.mekshat.com/pix/upload03/images148/mk117628_dfhfdh.jpg



المهم تم بيع الموتر


ولكن قبل تقريبا اسبوعين


راعي الموتر شاف موتره بالمعارض مصلح


سلم على اللي كان راكب الموتر وقال كم السوم


قاله 43
خوينا قال الموتر جاه صدوم؟؟


قال اللي راكب الموتر أبد على الشرررررررررط


شغل وتوكل على ربك الموتر نظييييييف مره


((المشكله الشاصي مايل ومركب رديتر هايلكس دفرنس والمكينه مايله يعني الموتر ماتضمنه ولا تروح به للبيت))
طبعا خوينا تهاوش معه وقال له الموتر كان معي قبل وجايه ثلاث صدمات بالوجه وصدمه بالباب والموتر قبل كان مليان حكات وصدمات خفيفه


الرجال بدى يلف ويدور ثم قال تبي تشتري ولا توكل


حسبي الله عليه


يا اخوان الموتر المستعمل موب مضمون عشان كذا انتبهوا وافحصوا الموتر


والله يحمينا واياكم

[Abo-ibrahem]

حسبي الله عليهم ياما ناس واجد لعب عليهم

والله يجزاك خير على التنبيه والحرص واجب

[دوج 115]

فعلا الشريطيه الله يكفينا شرهم الذمه عندهم بالفلوس ومايهمهم غير انه يبع واذا سالته قال على الشرط وهي السياره معدومه فذلك لازم يفحص السياره عند الشراء

[ثلبوتي]

في حقين الكمبيوتر اللي في بريده بالزاويه اسمه اظن الامتياز او الانجاز او المتميزون حول ها الاسم صراحه انصحكم فيهم كشفوا لي سمكرة وكالة
يوم تشوف الموتر تراهن عليه مع اني خبير يوم وديته لهم قالو هنا مسمكر وجحد صاحبه
وقال تعال اقنعك ورانا اشياء خلته يحشر صاحب الموتر
وغيره فحص دفنرس قير لا تعتمد عليهم احس ماعندهم سالفه افحص الزيوت حقت السوائل

[راعي الطلعات]

حسبي الله عليهم

[مآإآإآجد]

كل شي هالوقت صار نصب في نصب


من امن العقوبة أساء الأدب

[NissaN 1990]

صدقت الشريطيه اللي بالمعارض يغشون غش ماهو طبيعي قليل تلقى اللي صادق ونيته سليمه عموماً حتى بعض الوكالات نسمع أن الموتر إذا أنصدم سمكروه وباعوه على أنه وكاله وهو بالفعل وكاله بس يكون جته حكه أو صدمه خفيفه يسمكرونه و يبيعونه على أنه جديد ،،،،،

[ابومحيميد]

خخخخخخخ

شين وقوي عين

ياكثرهم الشريطية النصابين

والله اني كرهت المعارض بسبتهم

الواحد مايقدري يشتري موتر مستعمل الا من واحد يعرفه ولا فك لك جديد وارتح منهم

[هاوي موتري96]

ياجماعه والله ان واحد من العيال بايع هوندا 2002 في المعارض قبل اسبوعين تقريبا المهم بايع السياره ماشيه فوووق 300 ولقاها في المعارض مرجعين عدادها 130 ومخلينها ماشيه 200 وشي
حسبي الله ونعم الوكيل

[محمد الظاهري]

عندنا في السوق
الكذب يمشي اكثر من الصدق
الله يكفينا شرها
ونصيحه لي اخواني
الي يبي يشتري سياره
يروح يفحصها
الفحص تراه 200ريال بس

[عاشق الجهامه]

ياخوان كلهم كذابين وواحد من الربع يدور شاص لقى شاص موديل 2007 عليه 85000
وزاد 500 وباعه وقال الجييب فيه شي في صدمات ولا نطيف قال مرررررررررررره الجيب وكاله مافيه ولا شي المهم شرا الجيب وقبل يدفع الفلويس قال ابروح افحصه قال الشريطي خلاص راحوا عند البريدي
وفحصه والله طلع فيه نون ومايعلمون
الدبل مفكوك والدفرنس مغير والسياره ماشيه 118 الف وفاصل العداد عند 65000
حسبي الله عليهم
لاحد يشتري سياره الا يفحصها عند البريدي او العضيب عند البريدي الفحص كامل 350 فحص من غير البدي 200 او 250

[sameer_1798]

الحمد لله على سلامة خويك
ياخوي طالما انكم ماتبون احد يصلحها ويستعملها كان بعتوها تشليح وأسقطت لوحاتها
وبعدين شيء طبيعي إذا الواحد صلحها وتعب فيها يستعملها ويمكن ماتناسبه ثم يعرضها للبيع لأي سبب .
لكن سالفة الرجال أنه يقول ابد ماتسمكرة هذا الحرام .
يفترض انه يقول هذا الحديد قدامك وعينك ماتغشك جربها وافحصها وشاور من تعرف .. وإن أحد سئله عن سمكره أو صدم يعلم باللي يعرفه ويقول الصدق ..

[أبوغيث 2003]

نورتوا الموضوع يا مكشاتية


الحمد لله على سلامة خويك
ياخوي طالما انكم ماتبون احد يصلحها ويستعملها كان بعتوها تشليح وأسقطت لوحاتها
وبعدين شيء طبيعي إذا الواحد صلحها وتعب فيها يستعملها ويمكن ماتناسبه ثم يعرضها للبيع لأي سبب .
لكن سالفة الرجال أنه يقول ابد ماتسمكرة هذا الحرام .
يفترض انه يقول هذا الحديد قدامك وعينك ماتغشك جربها وافحصها وشاور من تعرف .. وإن أحد سئله عن سمكره أو صدم يعلم باللي يعرفه ويقول الصدق ..

الله يسلمك

بالنسبه للتشليح حنا بعنا الموتر تشليح لكن بدون ما نسقط اللوحات وشكل راعي التشليح صلحه


:::::::::::::

حكم كتمان عيوب السلعة


سماحة الشيخ محمد بن صالح بن عثيمين (http://www.mekshat.com/Authors/View/Fatawa_Counsels/2124/)

البائع إذا كان يعلم أن في السيارة عيباً بيّناً ولكنه يخفيه بذكر عيوب كثيرة وهمية فإن هذه الطريقة محرمة؛ لأنها غش ظاهر، ولا يجوز للإنسان أيضاً أن يقول للمشتري: أبرئني من العيوب التي تجدها فيها وهو يعلم أن فيها عيباً معيناً لم يذكره. أما إذا كان لا يدري عنها؛ مثل أن يكون قد اشتراها وباعها قبل أن يعلم ما فيها من العيوب فلا حرج عليه حينئذٍ أن يقول: أبرئني من كل عيب تجده فيها، فإذا أبرأه فلا بأس . ولا حق للمشتري حينئذ في الرجوع لو وجد عيباً.
وخلاصة الجواب: أن من علم عيباً في سيارته أو غيرها مما يبيعه فإن الواجب عليه تبيينه للمشتري، ولا يحل له أن يخفيه بأي أسلوب كان . وإذا تم البيع والبائع قد أخفى العيب فإن للمشتري حق الرجوع ولو أنه قد التزم بعدم الرجوع ما دام البائع كتم العيب وهو عالم به . أما إذا كان جاهلاً بالعيب وشرط على المشتري أن يبرئه من كل عيب يجده فهذا جائز، ولا حق للمشتري في الرجوع حينئذ .

[العابر2222]

يا اخواان سوالف الشريطية كثيرر

واحد من العيال معه كابرس 2004 التي زد جايبه من الكويت المهم الموتر رايح فيها
ماشي فوق 400 بحكم دوامه في الشرقية وهو من اهل الرياض ورايح جاي

احترق مرتين الموتر مرررة القيرر ولع وهو على الخط ومرة الظفيررة من غير الصدمات الي جته ما فيه جنب ما جاه حقه الديكورات متكسرره المراتب متفككه الموتر والله يا اخوااان ما يسوى ريال

الرجال طببه المعارض قال ماني بايعه تحت مقرفون ببيعه في الساحه وبعلم الي بيشرية كل شي المهم الرجال كان متوقع بالكثير 10 الآف المهم جاه شريطي قال الموتر وش فيه قال كذا وكذا وكذا قال الشريطي تبيع بــ 22 الف استغرب الرجال قال نصيبك وباعه

بعدها بفترة نزلت انا وهو المعارض ندور كابرس له بحكم دوامه للخطوط ونشوف هذاك الموتر الي نفس لون موتره يلمع وش زينه وقفه ولمعه المهم ونجي طايرين يمه ويجي راعي المعرض قلنا كم موديل الموتر قال 2004 وش نوعه قال التي زد كم ماشي قال 80 الف قلنا كم السعر قال 36 الف يقول الموتر جديد استخدام شايب المهم وخووي يفتح الباب اول ما فتح الباب عرف فتحة باب موتره وهو يفك الباب ويجي يعدي لم الوحه الا الموتر موتررره الي باعه رايحن فيهاا

وخويي يطيربه ويشده بحلقه انت ما تستحي ويتجمعون الناس والشريطيه .... ويجلس يصيح بعلا صوته يا ناس يا عالم بياخذون حلالي .... حلالي وانا حرر ...

[كيبك كبك]

الله يجزاك خير

انا قد صارت معي في النسيم بايع باث فيندر 2004 جايه رفرف وطرف الكبوت

ورسلت واح من العيال للمعرض نسيت والله اسمه المعرض الرجال يعرف الموتر ورقم الوحه

المهم دخل المعرض وسئل عن الموتر وقال على كم الموتر قاله مسيوم 57 وانا بايعه 40 المهم قاله جايه صدوم قال لا نظيف الموتر وهو جايه رفرف وكبوت

[ابو سلطان1234]

حسبنا الله ونعم الوكيل فيهم هذا واحنا بدولة إسلامية النصارى ما سووها

[هويدي]

حسبي الله عليهم

هل تعلم ان الشريطي يتفاخر ويتباهى امام زملاه الشريطيه بالغش

ترجيعه العداد زي سلام عليكم عندهم

والحلوف ارخص من التراب الله يصلحهم ولا يؤاخذنا بما فعل السفهاء منا

[نديم السهر]

اكثر الغش والنصب بمعارض السيارات

اهم شي الفحص لاتاخذ كلام صاحب السياره مهما كان

[على وضح النقا]

الله يعين و الله تخوبرت من ذا الشريطيه يجون بعقد نكاح ويقول انا معتاز وشف توني متملك و ابي دراهم نصابين
لا كن فيهم ناس رجال قول فعل ما يغشك

[moooj]

منهم المؤمنون واكثرهم الفاسقون
لا يرقبون في مؤمن الا ولا ذمة
قاتلهم الله انى يؤفكون
الله لا يسامحهم ولا يبيحهم
الله لا يربحهم ويجعل ما يأكلونه من اموال الناس نارا في بطونهم في الدنيا قبل الآخرة
هؤلاء هم سبب منع قطر السماء
وهم سبب كل بلاء ينزل بالمسلمين هم ومن سار على شاكلتهم من الذين يأكلون اموال الناس بالباطل
في عام 1992 شارين سيارة موديل 91 ويحلف الشريطي ايمان مغلظة ما جاها شيء
وبعد كم يوم رحنا نوزن اذرعة قال الي بالميزان راح اسوي الي اقدر عليه لكن يمكن ما تنوزن لأن الشاص منطعج وملحم من اكثر من مكان
نصيحة للي بيشتري من هالنصابين يفحص في ورش بعيدة عن المعارض
لأن اغلب ورش المعارض اصحابها شريطية وياخذون عمولة غير قيمة الفحص من الزبون
باختصار احنا امام غش منظم
اشكر صاحب الموضوع
واشكر الأخوة الذين تفاعلو بالردود التي اثرت الموضوع

[لكزس مكشات]

أكبر معرض بالنسيم غشاااااش( معرض البدري )وعلى عينك ياتاجروكل العالم تدري عنه بس ماقدر أحد يوقفه عنده أكثرمن حراج
بالسوق وعنده محرجين شكلهم يسحرونك الين تشتري الموتر انا أتكلم
من تجربه والله ضحكوا علي باعوني موتر تحت الحراج كانوا
يزيدون عليه وانا مدري وش السالفه صغير سن ومستعجل في اموري
كلها وبعدين اكتشفت لعبتهم وعرفت ان سيارتهم مقلوبه بالكامل
حاولت أرجع الموتر عليهم بس قاموا يمرمطوني ويقولون بناخذ منك الموتر بأقل ب15 الف مير والله وأوكل امري لله وازين خردتهم الي هو جيب توضيب مكينه وتوضيب قير وغيره كثير كلفتني اكثر من 20 الف ريال طلع علي الموتر ب110 الف وقيمته الحين بالسوق 65 الف
ادري اني أتحمل جزء من الخطأبسبب حسن نيتي وتصديقي للعالم الحراميه والله يعوضني بابرك منه وانا وياهم يوم القيامه كلن بياخذ حقه

[سوبر مكشات]

بخ عالموتر ببخاخ احمر

وماعليك منه

بس ترا مالي دخل

[قطب 999]

حسبي الله عليهم

هل تعلم ان الشريطي يتفاخر ويتباهى امام زملاه الشريطيه بالغش

ترجيعه العداد زي سلام عليكم عندهم

والحلوف ارخص من التراب الله يصلحهم ولا يؤاخذنا بما فعل السفهاء منا

التركيبه السكانيه تحكم في كثير من الامور وضعف الوازع الديني

[الربذي]

شين وقوي عين

ياكثرهم الشريطية النصابين

والله اني كرهت المعارض بسبتهم

الواحد مايقدري يشتري موتر مستعمل الا من واحد يعرفه ولا فك لك جديد وارتح منهم:good2:

[majeds]

الله الهادي

[النايف999]

انا جيت اشتري لاخوي سياره واسأل صاحب المعرض فيها شي قال لا افحص بدي وكاله ... وبعد التدقيق لقيت الباب الخلفي مرشوش وموب خبره مني لكنه ووواضح جدا
وهذا اللي عرفته ويوم قلت له الباب هذا مرشوش قال واذا صار مرشوش وش فيها

شف الوقاحه الكذب عيني عينك ..

[باث2001]

اخوي فك فاي هونداي اتش ون وكالة 2002
وبعد مامشى فيه اكثر من 200 الف كيلو في ثلاث سنوات بدت الخرابات
واكثر شيء يهرب ماء ولا ندري من وين التهريب !!!
المهم بعته له بالرياض ( احتفظ في اسم المعرض )
وكان الموتر مغير راس المكينة مرتين
وفيه حكات والماء مازال التهريب فيه بس مافيه صدوووووم ابد
وفيه دخنة إذا مشى بس الله لا يوريكم
وهو واقف مايدخن << يستحي
المهم هبل فينا ذا الفان
بعنااااااااااه والحمد لله
وصاحب المعرض علمناه بكل شيء
ووريناه فواتير الصيانه عند الوعلان
وبعد كم يوم
وحنا برمضان
جيت انا وزميلي بنشتري فان لسواقهم
لقينا السيارة مع شريطي
واسأله عن السيارة
قال مافيها شيء !!
واكرر عليه ثلاث مرات ويقول مافها شيء
قلت له انا اللي فاك السيارة وكالة واعرف كل شيء فيها
عصب الشريطي وسحبني خويي من عنده
ولحقني واحد وسألني عنها وعلمته كل شيء

الخلاصة : اذا لم تستحي فاصنع ماشئت !
ما استحى من الله كيف بيستحي من الناس ؟؟

[مغلي]

الله يستر
فيه سياره عرضها صاحبها من شهرين وقايل انها انظف سياره بالرياض ومبالغ بسعرها 10 الآف زود عن سعرها الحقيقي
وعدادها ممتاز (12 الف كل سنه )...((مع اني معاد اصدق العدادات)) ... وحاط سبب البيع انه يبي سياره مثلها بس موديل اجدد بسنه فقط واحلى شكل منها

المهم

لم يبيع الى الان
واعاد عرضها وقال السبب في البيع يبي سياره عائليه كبيره

فهل هالادمي شريطي ... او صادق وانا شكي ليس بمحله

[vxr99]

رح للصناعيه وشف ورش الورشه فيتها كذا موتر وتلاقي شخص واحد صاحبها
ابد شريطي وللمعلوميه الان فيه في الحاير مثل الاحواش لبيع السيارات المصدومه متهوب للبيع قطع للبيع بحالتها ثم تصلح وتنزل للمعارض وياكثرهم من هو عايش على هالفكره
عسى الله يحمينا وياكم منهم

[تناهيت]

أكبر معرض بالنسيم غشاااااش( معرض البدري )وعلى عينك ياتاجروكل العالم تدري عنه بس ماقدر أحد يوقفه عنده أكثرمن حراج

بالسوق وعنده محرجين شكلهم يسحرونك الين تشتري الموتر انا أتكلم
من تجربه والله ضحكوا علي باعوني موتر تحت الحراج كانوا
يزيدون عليه وانا مدري وش السالفه صغير سن ومستعجل في اموري
كلها وبعدين اكتشفت لعبتهم وعرفت ان سيارتهم مقلوبه بالكامل
حاولت أرجع الموتر عليهم بس قاموا يمرمطوني ويقولون بناخذ منك الموتر بأقل ب15 الف مير والله وأوكل امري لله وازين خردتهم الي هو جيب توضيب مكينه وتوضيب قير وغيره كثير كلفتني اكثر من 20 الف ريال طلع علي الموتر ب110 الف وقيمته الحين بالسوق 65 الف

ادري اني أتحمل جزء من الخطأبسبب حسن نيتي وتصديقي للعالم الحراميه والله يعوضني بابرك منه وانا وياهم يوم القيامه كلن بياخذ حقه





هذا المعرض له صولات وجولات من الننصب والاحتيال والى يومك وانا اسمع عن مشاكله فيجب الحذر منه ....لي سالفه معه من اكثر من 16 سنه والحمد الله قدرت اخالص نفسي منهم ........
على العموم يا شباب احذرو من بدو سوريا وابو يمن تراهم متأصلين في المعارض واغلبهم يلبس لبس سعودي ويحاول يتكلم باللهجه نفسها وما يصيدهم الا الباخص ويتعاملون مع اغلب المعارض على البيع بنسبه وهاتك يالنصب ...والدليل شف اذا قفل السوق تلقى كل 3 او اربعه متجهين لمعرض واحد يدخلون سياراتهم ..والمشكله اذا سألته في البرحه عن الموتر قال الموتر له معي سنه ومن هالكلام ..:mad:

تحياتي

[بواردي الدلم]

حسبي الله على هالغشاشين

في رمضان قبل خمس سنوات شريت كامري وانتم خابرين رمضان المعارض بالليل بعد التراويح

المهم عربنت الموتر وراعيه ولد صغير عمره تقريبا 17 سنه وشكله ضعيف وعلى نياته المهم اسئله الموتر فيه شيء قال والله مافيه شيء ابد في البدي بس فيه بعض الخرابات من فحمات وغيرها وصفايه المهم خذت الموتر ولا فحصته ويوم جاء اليوم الثاني إلا الموتر متغير علي شكله ماهوب اللي شريت لا من لون ولا من وقفه قال راعي المعرض هذا هو بس الليل يعطيك لون ذهبي وبالنهار كشميري ورقم اللوحه نفسه بس إني عرفت إنه ماهوب موتري من رقم الشاص لاني سجلت الأول ويوم طابقته لينه متغير

يعني بالعربي يشيلون اللوحات على موتر نظيف وبعد مايحرجون عليه ويلصق بظهر أدمي يركبون اللوحه على الموتر الخايس عندهم لذلك إنتبهو لرقم الشاص الموجود بالباب والإستماره

[عاشق الكمب]

لا حول ولا قوة الا بالله

[أبو هاجوس2000]

لا حول ولا قوة إلا بالله . نصيحة أخوية اللي يبي يشتري سيارة مستعملة يحاول يأخذها من معرفة يعني صديق أو زميل بالعمل أو تلقاها وافقة بالحي اللي ساكن فيه عند واحد تعرفه . أضمن بأذن الله . وأشكر الأخ بواردي الدلم على هالمعلومة اللي كنت ما أعرفها ويمكن ما تخطر ببال أي شخص .

[بدوي جنوبي]

اذا جاك الشريطي وانت بوسط الحراج
وقالك ابى اجرب السياره
اطلب منه عربون
بتشوفه يبدأ يتهرب منك

[Ra3e aljeep]

مشكوووووووووور اخوي على الموضوع المهم جداً
الاخوه في كل مدينه يا ليت يذكر افضل ورشه للفحص في مدينته
على شان يقدر اي واحد جاهل في امور الشراء الفحص عند الورشه ويسلم من الغش
وانا في الرياض اذكر لكم كما ذكر احد الاخوه ورشة البريدي بجوار معارض النسيم
لوتقول للشريطي افحص عند البريدي تجيه جلطه هههههههههههههههه
البريدي يفضحهم فضح والله ماعليه من اكبر شنب
عنده فنيين واجهزه تروع الشريطيه
بالتوفيق للأخوه جميعاً

[abumae]

حسبي الله على هالغشاشين

في رمضان قبل خمس سنوات شريت كامري وانتم خابرين رمضان المعارض بالليل بعد التراويح

المهم عربنت الموتر وراعيه ولد صغير عمره تقريبا 17 سنه وشكله ضعيف وعلى نياته المهم اسئله الموتر فيه شيء قال والله مافيه شيء ابد في البدي بس فيه بعض الخرابات من فحمات وغيرها وصفايه المهم خذت الموتر ولا فحصته ويوم جاء اليوم الثاني إلا الموتر متغير علي شكله ماهوب اللي شريت لا من لون ولا من وقفه قال راعي المعرض هذا هو بس الليل يعطيك لون ذهبي وبالنهار كشميري ورقم اللوحه نفسه بس إني عرفت إنه ماهوب موتري من رقم الشاص لاني سجلت الأول ويوم طابقته لينه متغير

يعني بالعربي يشيلون اللوحات على موتر نظيف وبعد مايحرجون عليه ويلصق بظهر أدمي يركبون اللوحه على الموتر الخايس عندهم لذلك إنتبهو لرقم الشاص الموجود بالباب والإستماره



حسبي الله ونعم الوكيل هذي من جد قوية الله لا يوفقهم

والي يبي يفحص بالدمام يروح لورشة سهم يفصفصون السيارة وب 150 ريال

[ولد وايل..]

حسبي الله على هالغشاشين

في رمضان قبل خمس سنوات شريت كامري وانتم خابرين رمضان المعارض بالليل بعد التراويح

المهم عربنت الموتر وراعيه ولد صغير عمره تقريبا 17 سنه وشكله ضعيف وعلى نياته المهم اسئله الموتر فيه شيء قال والله مافيه شيء ابد في البدي بس فيه بعض الخرابات من فحمات وغيرها وصفايه المهم خذت الموتر ولا فحصته ويوم جاء اليوم الثاني إلا الموتر متغير علي شكله ماهوب اللي شريت لا من لون ولا من وقفه قال راعي المعرض هذا هو بس الليل يعطيك لون ذهبي وبالنهار كشميري ورقم اللوحه نفسه بس إني عرفت إنه ماهوب موتري من رقم الشاص لاني سجلت الأول ويوم طابقته لينه متغير

يعني بالعربي يشيلون اللوحات على موتر نظيف وبعد مايحرجون عليه ويلصق بظهر أدمي يركبون اللوحه على الموتر الخايس عندهم لذلك إنتبهو لرقم الشاص الموجود بالباب والإستماره



هههههههههه اما بالليل ذهبي والنهار كشميري هههههههههه

الشريطي مسووي فيها تلاعب اللوان ههههههههههه

[الربذي]

المصيبة ان الشريطي الوقح ماتعرفه ويقول لك انه يدورسيرهويفههمك انه مواطن صالح وليس شريطي ياكثر مواقف الشريطيه في الغش معي يااااااااااااالمشكلة احذر منهم ويطلعون لي

[االكريزي]

الله يكفينا شرهم

[امطاااار1418]

باختصار اشتر جديد وريح بالك لوتسلف

[ابن حلاسه]

واحد من الاخوان طلع له باترول ربع 2001 جديد على وقته وبعد استعمال 7 سنوات وبعد ما مشى فوق 400 الف اكتشف ان باب السواق مسمكر علما بانه لم يسبق لاحد ان استخدم موتره نهائيا

[خالد الفالح]

ياخوان كلهم كذابين وواحد من الربع يدور شاص لقى شاص موديل 2007 عليه 85000
وزاد 500 وباعه وقال الجييب فيه شي في صدمات ولا نطيف قال مرررررررررررره الجيب وكاله مافيه ولا شي المهم شرا الجيب وقبل يدفع الفلويس قال ابروح افحصه قال الشريطي خلاص راحوا عند البريدي
وفحصه والله طلع فيه نون ومايعلمون
الدبل مفكوك والدفرنس مغير والسياره ماشيه 118 الف وفاصل العداد عند 65000
حسبي الله عليهم
لاحد يشتري سياره الا يفحصها عند البريدي او العضيب عند البريدي الفحص كامل 350 فحص من غير البدي 200 او 250

يالحبيب ممكن تقولي كيف عرفة انه ماشي 118 ابغى اعرف فيه جهاز يكشف الممشى
الحقيقي عند البريدي مع تحفظي على البريدي
اما العضيب فهم ساس النصب والغش

[شمالات نجد]

الحمد لله على السلامة والباقي يهون

يا جماعة الخير ما أقول إلا يا زين الجديد

سلام

[أبوغيث 2003]

للرفع

للفائدة وأخذ الحيطة والحذر

[عمر العصيمي]

الله يستر من هالشريطيه وغيرهم من الي يغشون

[صقر مبرقع]

وانت صادق كثير ناس شريطيه ماتخاف ربها

[escape_man]

المال الحرام وانا اخوك ولو هو ريال. اذا دخل بجوف مسلم افسد تعاملاته كلها حتى مع نفسه. هذول الله يهديهم مايجهلهم العقوبة لكن خلاص, اغواه بليس بان ماله لقمة الا عن هالطريق مثله مثل الي يطيح بالمخدرات وهو عارف انها طريقه للموت.

[شاووش]

الله يكفينا شرهم

[Lover gmc]

احمد ربي على العافيه

فعلا الشريطيه مايخافون الله

كان لي تجربه معهم : دخلت معرض سآلت عن سييرا 2008 ماشي 80 استغربت من ممشاه لان البدي دمار لو تدقق فيه
والبدي النظيف والوكاله له نظره ما احد يقدر يسويها , طبعا معروف هالشي عند الكل , خصوصا هالسييررا الجنوط فيه ممخشه يقول مسيوم ب 58 رخيص مره , يقول مافيه الا طعجه بسيطه بالشاص ومعدله ولا فيه اي مشكله غيرها
سألت الشريطي صاحب المعرض ( يقول والله وانا اخوك راعيه جابه المغرب ولا ادري عن شي فيه ابدا ) قلت ايه هين انت تشوف السياره من مسافه كيلو تعرف هي مرشوشه ولا لا , المهم قلت بودي الموتر لمعرض يصير قريب لي ابيه يشوفه , قال لا .. قلت ليش ؟ قال خله هو يجي ؟ قلت لا مب جاي انا باخذه وبفحصه عند اللي ابي , وانا وياه شوي لمين اخذته ومعي واحد من المعرض , المهم يوم شافه صاحب المعرض ( اللي قرريب لي ) اول ماطلع من الغرفه رجع قلت وش فيك رجعت ؟ قال رجعه ولاتاخذه لو يقولك بـ 30 الف , قلت وش فيه طيب ( لاني كنت ابي واحد استخدم ماهمني لو فيه شوي رش ) قال كله مرشوش ههههههه ووراني الرفرف يقول شف مسماره ماهو موجود ! يقول حتى لو بحلف الممشى ملعوب فيه , قلت اجل مشكور وماقصرت , ورجعته

[أبوأسامه...]

شكرا على الموضوع المميز

الاول شريت فورد وراعيه مطوع قالى مافيه إلى كرسي القير

وشيته على كلامه وأكتشفت انه من جلد البدي منعدمه وكراسي المكينه (انا شرتها بدون فحص لئني مستعجل )
وخسرتني 1500 ولازانت كل انواع المشاكل بها بعتها بعد اسبوووع والاسبوع بالورش


..اعرف واحد يسوولف يقول بعت كامري 2004 ماشيه 230000ألف كلم وبعد اسابيع دخلت المعارض الرياض إلى هذا موتري وأجيه واسئله سيم -السعر مني ذاكره- المهم منقص العداد 80000كلم وتهاوش هو والشريطي .... القصص كثيره بس الي يشري سياره يدقق على قرائة العداد الي بورقة الفحص وطبقه على العداد حق السياره

[تميم2222]

الشريطيه هذولا مخلوقات غريبه؟؟ ماعنده مشكله. يمكن يوصل انه يبيع دينه. كله. عشان مكسب 500 ريال نسال الله العافيه.

[FaisalA]

اي سوق فيه نصابين وفيه محترمين وهم قله قليله للاسف

[ibrahim_20]

رحم الله والديك

[YUKON_GMC]

الموديلات اللي من خمس سنوات وقبل الواحد طبيعي يتوقع يكون فيها سمكره ويجب ان تحط في باله انها مسمكره حتى لو قال الشريطي نظيفه


لكن الواحد ينغش في الموديلات الجديدهـ 2011 و 2012 لأنه ماتوقع السمكره خصوصاً لما يقول لك الشريطي نظيفه وعلى الشرط


قبل اسبوع لاقي ددسن غمارتين مكيف يحرجون عليها والناس متجمعين عند المكينه والكبوت ويزاودون على ان الموتر جديد

ويوم قمت ادقق في الرفرف الخلفي والصندوق والباب الخلفي الا كله مسمكر ولكنه شغل نظيف ولايميزها الا الخبير بالسمكره

[معاذ العلي]

أنا مره ببيع باترول 2000 نيسان سلق . المهم الشاهد أنهم ركبوا معي يجي لهم 5 أنفار والله يالربع كلهم شرطان ابو وجه اشهب وشنب طويل . المهم أنهم جو وقالوا لي تبيع ب17 الف يا خي اتق الله وش هالسوم المهم ركيوا معي على حسب انهم بيرفعون السعر طلعوا يسولفون عندي ووكنهم ما يعرفون بعض ابد وانا صدقت المهم واحد منهم يحلف بالله انه جاي من المدينة يبي يشري الموتر وانا بحايل المهم جيت بعد فتره لللسوق الا هم بعضهم شفتهم متجمعين بمعرض واحج اثريهم اخويا الله يقطعهم

[الربذي]

عندهم حيل ويضحكون على انفسهم والله مثل
دخلت سيارتي ولا اعرف وقتها كم سعرها 15ولا 30 المهم جاني واحد وحلف انه مبيوع مثلها امس ب11 وهو سايمها ب15 وانه مزود عن السعر 4000 لان موتري نظيف على حد زعمه الظالم وبعتها عليه ب15500 وانا فرحان اني بعت باكثر من ابو 11 وهذي ال4500 اني محافظ عليه ولا لو ماحفظت كان بعت بهاسعر احسبني ربحان وطلعت خسران فوق عشرة الاف
لقيت صاحب معرض اعرفه قلت بعت سيارتي الفور رنر قال كم قلت ب15500 قال ليه رخيصه بالحيل اخبر موترك نظيف قلت حلف لي انها مبيوعها اختها امس ب11 قال اي والله صادق بس كانت مقلوبه وعلى سطحه واشتراها راع التشليح فلان ب11 لو وقفتها بالمعرض بعتها لك ب30000 وانا الي انقهر واغتم وشوفوا كيف ضحك على هالشرموطي وانا وقتها اعمر والله اني ادور العشرة والعشرين مطفر مااملك الريال راتبي مايصفي منه الا 1800 ريال تروح باسبوع واتحسب عليه كل مااشوفه
شوفوا وش صار الي يحلف انها مبيوعه ب11 فعلا لكنها مقلوبه قلبه خفيفه نفود وبيعت وهي على السطحه فعلا ب11 شراها مشلح سيارات
وسيارتي قيمتها 27الى 28 الف
رحت بعد مده لقيتها فعلا تسام ب25 وشفته اكثر من مره عليها اذا سكر المعرض راح عليها واذا فتح وقفها للبيع انا انقهرت عليه ويحلف ان هذا سعرها وانه مزود على نفسه مساعده لي لاني كنت اعمر واثاريه يضحك على وبيعتي غبن وضحك دعيت عليه من كل قلبي وحصل كما دعيت عليه لاني كم مره شفتها عليها وشاريها مني وحالف بالله سبحانه على الكذب وتغرير بي وبيع غبن .
شف حلف انه مبيوعه ب11 بس ماوضح انها مقلوبه وبزعم نفسه المريضه انه صادق ماكذب شفتهم حيلهم
البعض يحلف انه كل قطعها وكاله فعلا مشتري القطع من الوكاله
البعض يطق القزاز ويحلف انه ماطقها الشاقوش يقصد القزاز
\البعض يحلف انه ماطقه الشاكوش وهو صادق قصده انه مشتري رفرف جديد او كبوت وصابغه وهذي منتشره
البعض يقول لها معي وقت طويل وهو يكذب توا اشتراها من كم يوم بس مانقلها من اسم راعيه وهي منتشره بكثره

نصيحة ذهبية لاتثق باحد لو ما مشت الا اقل من الف انا لاقي انترا تصلح وهي ماتعدت 1700 كم فقط
ولاقي هلي تسمكر وهي فقط ماشيه 370كم فقط فقط موديل 2012
افحص كلها 200 ريال احسن من بخسارة2000 لان البعض يكره موتره شاريه غالي على انه سليم 100ب100 ويطلع مسمكر او موضب ويكره اذا كنتم مثلي كل ماشفته احسه يهاوشني واكره حتى الطلعه عشان مااشوفه

[ابو ثنين]

حسبي الله ونعم الوكيل

[سيف الظفير]

الشريطي يبيع اهله بـ 200 ريال عادي جداً لا تستغرب ولا تتوقع منهم طيب

نصابين وحرامية واكبر من يكذب على وجه الارض

تعدوا نصابين الجاهلية والكذابين في الاحتيال والنصب والغش والتدليس

ومعهم حتى مراكز الفحص فيه اتفاقيات مع بعض كبار تجار السيارات والشريطية


شريطي كنت اعرفه نصحته بتقوى الله وترك الكذب في البيع والنصب على المسلمين


يقول وأخلي مربح 30 الف كل شهررررر !!!!!!!!!!!!!!


وهذا هو على قده أجل كبار الشريطية اللي مسوي لوبي او مافيا بالمعارض وموزع المرتزقة في كل زااوية كم دخله شهرياً من الكذب والحرام والغش


ترجيع عدادات و و و و و

الان بالمعارض يرجع عداد السيارة 50.000 كيلو وهو يضحك لانه آمن من العقوبة

[شاهين12]

مافيه حماية مستهلك
ولا الوكالات بعد قطع الغيار تختلف اسعارها من فرع الى فرع .
الله يرحمنا برحمته .

[ذئب اليل]

الله المستعان

[كاشت بالبر]

حسبي الله عليهم

يالله يارب انك تخلي فلوسهم اللي ياخذونها من الناس بالغش والتدليس والنصب والاحتيال
يصرفونها على علاج أمراضهم

امين يارب

[منزلي الصمان1]

اللهم مالك الملك ياواحد يااحد يافرد ياصمد أسألك باأسماءك الحسنى وصفاتك العلى أن كل من انفق سلعته كاذبا غاشا أن يكون ربحه خسارتا في صحته وأهله وولده معجلا في الدنيا غير مؤجل وكل سعة له في المال ضيقا وحسرتا وكمدا في نفسه وان يكون صدره اضيق من خرم الأبرة يتمنى الموت ولايدركه آمين آمين,,