ونيت جمس (مصفّح 454) 1980 شد بلد للبيع

[عاشق ونيت]

السلام عليكم ورحمة الله وبركاته وبعد ،،،
ياخوان حبيت اعرض لكم سيارتي وهو ونيت مصفح 454 موديل 1980 شكمانين ماشي227 الف مشي حقيقي تانكيين بنزين كل شي فيه شد بلد مكيف شغال ومسجل بلده بعد يشتغل اللي هو الكاترج القديم الموتر شد بلد بمعنى الكلمه بوية بلاده بس اللهم لمعته ( اللي هي لمعة لوكر يسمونها )في الاحساء عند ورشة ابراهيم بحوالي 1500 ريال الموتر موظبه مكينته عند الفلبيني اللي في صناعية النسيم بالرياض عند ورشة الحربي شغله معروف ولا عليه كلام وباقي على ضمانه شهر وشوي والشهاده لله الموتر نظيف بمعنى الكلمه أستماره وفحص وتأمين كلها جديده سيم مني عدة سومات السياره استخدامي شخصيا اسافر عليه لمسافات طويله وارجع ولله الحمد والمنه مايشكي من شي رحت عليه قطر مره من المرات وسيم مني بمعارض الدوحه ب 36000 وسيم مني في معارض الخرج ب 43000 وسيم بعد من شخص فالجبيل ب 39000 ولاكان عندي نية بيع وطبعا هالسيارات مالها قيمه محدده تفرق من شخص لآخر على حسب الهاوي وعلى النظافه لذلك لاحد يسوم باقل من هالسومات لاني ماراح ابيع ان جاب السعر اللي في بالي والا موقفه ماراح يتغير بالبيت للمفاهمه جوال ( 0501505870 ) ابو مبارك





http://img105.herosh.com/2010/05/17/18054094.jpg



http://img104.herosh.com/2010/05/17/747203823.jpg


http://img105.herosh.com/2010/05/17/865459714.jpg

[عاشق ونيت]

معليش على الصور كبيرة شوي لاني ماعرفت احملها زين اعذرونا

[احمدالصالح]

تبادر بفورد f250دفرنسين تانكيين ماشي 250 الف اللون حليبي موديل 95 مجدد من الصدام للصدام

[عاشق ونيت]

لاوالله مالي بالبدل الله يرزقنا وياك

[تناهيت]

الحق حق الموتر نظيف وممشاه طيب ومواصفاته نادرة والجمس جمس


اسأل الله ان يرزقك البيعه الطيبة

[عاشق ونيت]

الله يجزاك خير اخ تناهيت

[احمدالصالح]

استخر الله وانا خوك وبادلني حرام بالله لو معي قروشه لاعطيك اياه كاش ماشاءالله تبارك الله الموتر وقفته وقفت شيخ والجمس يبين معك من وقفته بس . استخر وردلي .

[عاشق ونيت]

ههههههههه مستخير الله يا احمد لكن والله ماني حولك ولا لي رغبه بموترك والله يرزقك باللي اطيب من موتري قل أمين

[النوبل]

السلام عليكم ورحمة الله وبركاته

الموتر ماعليه كلام مع اني اشك في بويته وانا شفته في معارض النسيم انعرض في البرحه الغربيه

ونصيحه :

اذا تبي تبيع وجاد لاتعرض موترك في اكثر من مكان موتر مثل هذا زبونه 1 في الميه

والا استخدمه وبيجيك زبونه بإذن الله

والأفضل عرضه في معرض ولا تجي المعرض الا لمن يبيعون .. ولو طول
(إذا هو نضيف وعلى كلامك بيتذاكرونه الناس وبيكون معروف مكانه)

والله يرزقك البيعه الي في بالك


انا ابيع واشتري في الجمس الـ 454

وهذي طريقتي

[احمدالصالح]

ههههههههه مستخير الله يا احمد لكن والله ماني حولك ولا لي رغبه بموترك والله يرزقك باللي اطيب من موتري قل أمين
أأأأأمين والله يرزقك بالبيعه الطيبه ماشاءالله تبارم الله الف من ذكره الموتر نظيف ومايحتاج غير الجمس طيب كم حدك فيه وانا اخوك من الاخر
اذا متوفره توكلنا على الله

[عاشق ونيت]

والله حدي يا احمد ب 42000 والصامل ماراح اختلف معه لانه والله سيم مني كذا مره بهالسومه

[للغلا مشوااار]

عزالله انك صاج السيارات هذي على اللي يهويها يوصله اكثر من القيمه هذي بعد
وموترك عزالله جديد ما شألله عليه موتر والله يرزك فيه
ولو المواتر هذي ما تنباع الا انت كيفك لو عندي ما بعته والله يرزقك فيه انشألله
وتالقاء نفعت في البيع ولا في شغلك
مع تحياتي
اخوك// للغلا مشواااااار

[4800 VTC]

ما شا الله باين ان الموتر نظيف النظيف

الله يرزقك ويوفقك للبيعه الطيبه

[رآعي شآص]

كم حدك طيب فيه

[عاشق ونيت]

الحد 35000 ووالله مكلفني فوق 46 لكن الله يعين بس بطلع بعثه لامريكا وحاب اصفي اموري قبل امشي

[ايو فهد]

ابو مبارك موترك يستاهل اكثر من السومه هذي مشااالله
قبل شهرين بايعين واحد وحكومي تبع قوات الامن الخاصه
بـ47 ونفس مواصفات موترك ونفس الموديل
عسى الله يرزقك بس السعر الي في بالك ياالغالي

[عاشق ونيت]

الله يجزاك خير يابو فهد على الكلام الطيب ولاهنت على مرورك انت والاخوان

[عاشق ونيت]

السلام عليكم مبارك عليكم الشهر وتقبل الله منا ومنكم صالح الدعاء ياشباب العرض لازال جاري والسوم وصل امس من شخص بقطر 34000 والبيع قريب ان شاء الله
تحياتي
بالتوفيق

[ابو مرداس]

الله يرزقنا ويرزقك

[عاشق ونيت]

السياره ياخوان لازالت موجوده والعرض لازال قائم والسوم عليها هالايام هذي بـ 31500 من شخص زارني فالبيت وجرب السياره
الله يوفق الجميع لما يحبه ويرضاه للمفاهمه / 0501505870 ابو مبارك

[جنرال المدينه]

ما شاء الله
هذي صوره له مسغره

http://www.mekshat.com/pix/upload04/images197/mk180041_333333.jpg


http://www.mekshat.com/pix/upload04/images197/mk180041_111111.jpg


http://www.mekshat.com/pix/upload04/images197/mk180041_222222.jpg

[عاشق ونيت]

الله لايهينك ياجنرال المدينه ويرحم والديك عن النار ويجزاك خير وبعد الله يزوجك ان شاء الله ههههه
تسلم يدينك ماقصرت تعبتك لاهنت على المرور

[ملح والزاد]

مشاء الله تبارك الله

[كاتم الشكوى]

ما شاء الله على النظيف
الله يرزقك البيعة الطيبة

[عاشق ونيت]

الله يجزاك خير شاكر لك هالمرور الكريم

[ابو الجموس]

قير عادي ولا تماتيك ؟

[خوي السفر]

لاتعليــــــــــــــــــــــــــــــــــــــق

[عاشق ونيت]

قير عادي ولا تماتيك ؟


لا قير عادي

[أبو طارق100]

الله يرزقك بالسعر الي يرضيك

[عاشق ونيت]

الله يرزقك بالسعر الي يرضيك


حياك الله يابو طارق ولاهنت على هالمرور الكريم
تحياتي لك

[عاشق ونيت]

للرفع رفع الله مقداركم

[عاشق ونيت]

تم بيع السياره خارج الموقع الله يبارك لراعيه ويعطيه من خيره ويكفيه شره