مرض غريب

[حامل المسك 1]

سلام عليكم ياربع عندي طير مريض والمرض هوه يدمع من عينه وصخ ابيض ولا حصلتله علاج

[ابـــًًو تركـــًي]

شوف يمك من داخل البرقع في وصخ او غير البرقع
او وده للعويدي يعطيك قطره

[أبو خاااالد]

الله يشفي طيرك

وده عند البيطري او عند العويدي بالرياض وبيفيدك اكثر ان شاءالله

[7or 100]

نعم مثل ما ذكر صقار الوجه يمكن يكون وسخ من البرقع

[صدوق المخاييل]

يمكن مضايقه البرقع\ان شاالله مايشوف شر

[الطبشي]

السلام وده للفحص او عطه قطره غسيل

[دعاس]

الطير اذا مربوط وش يجيب البرقع له اتوقع ان في خنفس حاول الطير ياكله وانفضخ وطارت افرازات بعينه هاذي صارت معنا بالمقناص طبق طير على خنفس واكله والطير صاح وكف وعجز ينقز على وكره ويمسح عينه بمتنه(بمنكبه) ولاندري وش المشكله وبعدها بشوي شفنا افراز ابيض داخل العين وغسلناها بماء دافي حطيناه بالمرش ورشينا عينه وبعدها ذرينا بعينه سكرة نبات والحمد لله تعافا والعلم عند الله طيرك داخل بعينه شي مثل هالقبيل
وتقبل مروري
ابو نواف

[محمد النعيمي]

الله يشفيه

[حامل المسك 1]

مشكورين اخواني على ردود بس ياربع الطير صارله اكثر من شهيرين على هل مرض يروح ويرجعله مره ثانيه
غسلته عينه ولاجاب فايده وطير مايتبرقع في المربط

[الكايد 123]

السلام عليكم ورحمه الله وبركاته
مسيك الخير اخوي .. حامل المسك
كيف حالك ان شاء الله طيب
يالذيب طيرك ما ينفع معه الا توديه لدكتور مختص وعنده علم بالامراض
لن الي يقول برقع وغيره وانا واثق انه موب برقع لن حنا الحين في نص الربطه
والحل عند العويدي والبيطري

تقبل مروري
اخوك .. الكايد