عذراً يابطل الدروب أردتك ولكن

[أبو أسامة]

السلام عليكم ورحمة الله وبركاته

مساء الخير للجميع .......

أخواني الأعزاء كتبت هذا الموضوع من شيء يشعل النفس حراً .....

القصه /
ذهبت اليوم لوكالة نيسان الحمراني بالرياض من أجل التقديم على شراء الباترول الجديد بطل الدروب وبعد الإنتظار ومشاهدة أحد الشباب الصغار وهو يرقص وأنواع الهياط هو وزملائه مراهقين فرحاً بعد أن وضعو على أحد سيارات الباترول بطل الدروب الفئة (أس إي 3 ) في المعرض لوحة مباعة وإصرارالفتى المشار إليه بعاليه متأثر بخطابات العمل الرسمية هههههههههه هو وأمه على أخراجها من المعرض كي لا تتعرض للأذى من الزوار ( شاريته له أمه ) الله يبارك له فيه ويعطيه من خيره ويكفيه شره ،
وبعد طول القصة إنتظار الموظف حتى يعود ........ صارت من قص ألف ليلة وليلة ..... جاء البشير ( بالصدمة ) ....
قلت له أنا جايك من طرف أبو فلان (واسطة) عشان أبي أخذ بطل الدروب الفل أوشن أبو 240000 ريال ، قالي وقف أرتفعت قيمته الحين بـ 247000 ريال ، قلت الله يعين طيب عجل على هذه هي أوراقي كاملة ...... أخذ الأوراق وربع ساعة يحسب يمين يسار المهم قالي القسط يبي يطلع عليك دامك بدون دفعه أولى بـ 4835 ريال قلت صار ، وقالي كامل المبلغ راح يكون 381000 ريال !!!!!!!!!!!!! هنا الصدمة ليش الزيادة الكبيرة هذه يعني 134000 سلامات ...... وين ........ شافني عصبت حب يهديني بكلمة أنه 43000 من الزيادة تبي تروح لشركة التأمين ....... لا والله السرقة مهي بتأمين ......

على العموم بعد الطمع الزايد من الوكيل ألغيت فكرة بطل الدروب وحتى أي جيب جديد من راسي أحسن لي أن أرجع على القديم دامني أعرف أسوي صيانته بنفسي...... واللي يخبر لي شاص نيسان موديل 86 أو 87 حتى ولو هو منتهي أنا ناوي أجدده لو يكلفني الكثير أقل شيء موتر بر والصغيرة تقوم بالازم داخل البلد .... وله سعية ودعوة بظهر الغيب بتالي الليل .....

والسلام عليكم ورحمة اله وبركاته

[Cyber]

والله انك كفو

يارجال اي 381 يعني كامل يطلع عليك 400 الف ياساتر

قديمك نديمك لو الجديد اغناك

كلها سيارات تروح وتجي بس حنى نكلف على انفسنا فوق طاقتها عشان سياره

والله يرزقك من واسع فضله

[مدمن.]

لالالالالا تعليق

[hamido]

الله يستر يارجال بكر لانشوف الكورلا بمية الف الناس يحسبون المواتر دلت تمسك قيمته وبالواقع السيارات كل مالها بغلا

[سطام vip]

بسم الله الرحمن الرحيم

والله انك عرفت لهم اخوي ابو اسامه

صراحه هذا خبال ماهي اسعار

والا موتر ب380 الف ابطب فيه البر

ياخوك سو مثلي انا حاط للبر جيب صغير مكفيني وزياده

وللبيت والعائله والسفر ماركيز فورد والحمد لله مريح بالي

كلنا نحب الزين بس الشي بالعقل

ومثل ما تفضلت اخوي شوف لك جيب من الموديلات القديمه

ضبطه وجدده والله انه ابرك من هالجدد الي كلها حساسات وخرابها واجد

والله يكتب لك الي فيه الخير

دمت بحفظ المولى

[أبو فيصل 99]

يا أخي الله يهداك بس لو تشريك أراضي أصرفلك من هالحديد

وإذا انت ناوي طق لك سوبر سفاري 2009

سعيد أخو مبارك

[الشقردي 999]

الله يرزقك باالي يسرك

[ملقاط بن جمر]

معقوووول
؟؟؟

[سوبر مكشات]

موجود باترول ربع موديل 2000 مقلوب 2006 عليه Ls1

الرجال يقول رحت فيه وجيت ولابه خلاف

كانك تبيه راسلن عالخاص

[دوج 115]

يارجال( لايكلف الله نفس الا وسعها )والله ماحد الله اشتري باترول واقساط ويطلع علي بملغ وقدره ولو يجي لك تكسي اوبنقالي يصدمه لك والله ان تصيح عليه يارجال كله جيب كله يادي نفس الغرض سواء 400 الف ولا 40 الف

[مجالس الرجال]

ابو اسامه الحمد لله إنك رجعت لرشدك وهونت
وانا خابر اللي يتدين تلقاه بعمارة او ارض ولا احد يعيب عليه اما سياره وبعد هي فوق الحاجه
اتهمه بعقله وبعدين يجيلك راعي كسره ويكسر موترك بهالشارع ويقول انا مسكين وانت اردى منه

[الربذي]

وعليكم السلام خيرة ان شاء الله يالغالي ابو اسامه ليش ماتفكر بالارمادا تراها ماهي قليلة شر 360حصان

[rigidman]

زين ما سويت والله يرزقك من واسع فضله

الصراحة انا اطبق على نفسي المثل اللي يقول مد رجليك على قد لحافك

اطيب تحية

[moooj]

380 الف يعني ثلاث سيارات اكسبدشن EL الطويل كل واحد يشيل ضعف حمولة (البطل):D
حبينا النياسين يوم هي حولنا باسعارها :good:
اما اليوم مالك غير الأمريكي :good2:
واذا للبر خذلك مستعمل وبقيمة قسط (البطل) بترده جديد:eek: :good2:

[Abu Saad]

خيره يرجال.
تدين فلة او ارض ابرك ...
واذا مظطر تدين سيارة قيمتها من المية وفيها ..
تتيح لك سوبر فتك 2005 او 2006 كاش قيمته من دون المية ابرك لك من الدين.
الله يوفقك.

[majeds]

ابو اسامه في اعلان شاص باترول بدوره وارد عليك موديله 2004 الظاهر 4500 بخاخ

[منتظر الجديد]

والله يا اخ ابو اسامه ... مبلغ القيمة غريب اتوقع والعلم عند الله أصلن مو متوفر بالتقسيط وعشان كذا ... عطوك هالسعر .... مثل قولة تبي ولا ماعندنا

لأنه لسى بدري نازل صعب يتقصد

ولكن اعرف واحد اشترى فكس ار 2010 بالتقسيط من البنك الأهلي و الزيادة فقط 24 الف ريال فقط لاغير مع التأمين ...

[عبدالله الموسي]

على العموم بعد الطمع الزايد من الوكيل ألغيت فكرة بطل الدروب وحتى أي جيب جديد من
راسي أحسن لي أن أرجع على القديم دامني أعرف أسوي صيانته بنفسي...... واللي يخبر لي شاص نيسان موديل 86 أو 87 حتى ولو هو منتهي أنا ناوي أجدده لو يكلفني الكثير أقل شيء موتر بر والصغيرة تقوم بالازم داخل البلد .... وله سعية ودعوة بظهر الغيب بتالي الليل .....


اقسم بالله انك احسنت التصرف واحمد ربك وارفع يداك الّي فكك من هذهِ النكبة

وشوله سيارة بـ 380 الف وبتطلع عليها البرار والله هبال لا وبتاخذها اقساط كمان
ناهيك عن الخطرية التي تتعرض لها اثناء المسير..


لاكن الله يرزقك بالّي يطرب بالك يالغالي

ودمت بسعادة وراحت بال وبدون دين

[بدوي جنوبي]

وعليكم السلام خيرة ان شاء الله يالغالي ابو اسامه ليش ماتفكر بالارمادا تراها ماهي قليلة شر 360حصان


التاهو 365 حصان :good2:
وتبدأ اسعاره ب 124 الف


يالله يبو اسامه الخيره في ما اختاره الله
الله يرزقك من واسع فضله


بس بصراحه قويه من بطل الدروب 2010 الى
شاص نيسان 86 :D


بس ما الومك انصدمت من واقع بطل الدروب :eek:


بالتوفيق عزيزي



اتجه لاى فرع وخذ مجله للتاهو فيها جميعا الموصفات والفرق بينها

المحرك لجميع الفئات واحده لا يوجد اى اختلاف
المحرك فورتيك 5300 v8 بقوه 365 حصان عند 5400 دورة فى الدقيقه
بعزم قدره 5.5 نيوتن متر
مع نظام التحكم فى الوقود فى حال اذا ما احتجت للقوه مثل الطرق الرئيسيه
يُبطل نظام التحكم فى استهلاك الوقود عمل اربع اسطوانات(بساتم )
اذا اجتجت لزيادة قوه عند زيادة التسارع مثلا او عند صعود طريق فيه ارتفاع
يعاد تشغيل الاسطوانات الاربع مره اخرى ويعمل المحرك ب 8 اسطوانات
لانه يحتوى على كمبيوتر 32 بت للتحكم بالمحرك الى ابطال وتشغيل الاسطوانات
بناء على اوامر اجهزة التحسس ،،، ويتم تشغيل الاسطوانات الاربع او ابطالها دون
الاحساس بذلك

النظام هذا يساعد على توفير :
14.7 لتر لكل 100 كلم فى المدينه
و 11.2 ليتر لكل 100 كلم على الطرقات السريعه هذا فى طرازات الدفع الثنائي (بدون دبل)

و 15.7 ليتر لكل 100 كلم فى المدينه
و 11.2 ليتر لكل 100كلم على الطرقات الرئيسيه فى طرازات الدفع الرباعى (دبل)


القير كل الفئات ب 6 سرعات مع overdrive ،،،
مع نظام السحب / القطر
(الزر اللى موجود في القير وعليه رسمة عربه قلص ).


مبروك مقدما :good:

[بدوي جنوبي]

تاهو ltz
http://www.syadh.com/vb/imgcache9/17353.gif

http://www.syadh.com/vb/imgcache9/17354.gif

http://www.syadh.com/vb/imgcache9/17355.gif

http://www.syadh.com/vb/imgcache9/17356.gif

http://www.syadh.com/vb/imgcache9/17357.gif

http://www.syadh.com/vb/imgcache9/17358.gif


تاهو lt


http://www.alsquor.com/images/pictures/2009_07/985/Picture%200061.jpg
http://www.alsquor.com/images/pictures/2009_07/986/Picture%200081.jpg
http://www.alsquor.com/images/pictures/2009_07/987/Picture%200071.jpg
http://www.alsquor.com/images/pictures/2009_07/988/Picture%200091.jpg

http://www.marinafm.net/up/up3/105e38e6af.jpg (http://www.marinafm.net/up)


طبعا الفرق الجنوط والشبك الأمامي وشاشة الملاحة وبعض الميزات ويتفوق ltz


بلا مفخره بلا بطل دروب

[ابوطاقية]

الله يعوضك خير ان شاء الله
بالنسبه لشاص 86 انا شايف قبل يومين بساحة الشفاء واحد للبيع بس للاسف ماسئلت عن قيمته

[جلمود الحره]

وين راحت حملة خلوها تصدي!!!ِ:mad: :mad: :mad: :mad:

[مقلع الرمث]

الله يكون بعونك من بطل الدروب 2010 الى باترول وموديل بالثمانينات:p

الله يرزقك بواحد مثله وانا قبلك:D

[سالم11]

الله يرزقنا واياك من واسع فضله ونشري بيت وسيارة

والله يكتب لك الخير حيثما كنت والحمد لله على ما قضى وصدقني كل هذا خير لك باذن الله حسبى الله على الظالمين جشع ما بعده جشع وطمع ما فيه أي ليونه وسماحه في البيع والشراء للمواطنين

أشير عليك تدور لك سفاري ابورفارف سود 2009 أو 2008 وان حصل تاخذ وارد عمان يطربك في البر ومكينة 4800
والا التاهو دبل موتر بر وخط وراحة

والله يدبر لك ما فيه الخير

[أبو أسامة]

الأخ سايبر
ماعليك زود
وصدقت
وجزاك الله خير وياك

الأخ مدمن
شكراً على المرور

الأخ حميدو
صدقت والله يغنينا بحلاله عن حرامه إن شاء الله

الأخ سطام في آي بي
صدقت وهذا اللي راح أسويه

الأخ فيصل 99
صدقت ولكن أزعجوني الزملاء وعيال العم يقولون راتبك طيب وأنت راكب جيب قديمه لين أقنعوني أشتري جديد ، وبالنسبة للسوبر 2009 سعيد أخو مبارك طريقة الحسبة المالية واحدة الله لايربح الظالم

الأخ الشقردي 999
جزاك الله خير وياك

الأخ ملقط جمر
نعم شيء لا يصدق

الأخ سوبر مكشات
الله يرزقكم من واسع فضله لكن ياخوك مالي في المرهم ....

الأخ دوج 115
صدقت

الأخ مجالس الرجال
بالسبة للأرض أبشرك أملك وبالسبة للعمارة أملك لي شقة لكن إزعاج الزملاء والأقارب وكثرة كلامهم عن الراتب وعن الجيب النيسان الـ86 اللي معي لين أقنعوني ببيعت الـ86 والتوجه للحمراني عشان بطل الدروب لكن إن شاء الله إنها خيره ..

الأخ الربذي
جربت الأرمادا على 2006 وأعجبني لكنه كان بدون دبل وكبير على العائلة زوجة وطفلين والنفس ماترتاح إلا على الباترول .... رغم معرفتي الشديدة بعدم وجود أي أختلافات مكانيكية بين الباترول الجديد أبو 320 حصان والأرمادا لكن الباترول عندي شيء ثاني أصالة وذكريات قرابة الـ16 سنة .....

الأخ راجيد مان
صدقت

الأخ موووج
الأولى صدقت
الثانية عداك العيب لكن لا والله ما أبي الأمريكي .... وعسى الله يهني أهله به ......
الثالثة صدقت

أبو سعد
إن شاء الله
صدقت
وياك وكل مسلم

الأخ ماجد أس
جزاك الله خير على البحث
لكن موديل 2004 لو تعطل ما عرفت أسويه والموديلات القديمة أشتغلها بنفسي وأعرفها قطعه قطعه ..

الأخ منتظر الجديد
ماتدري وين العلم الأكيد مع هالحر!!!!!!!!!
وبالنسبة لراعي الفكس آر الله يبارك له بحلاله ........

الأخ ولد الحويطات
الحمد لله
صدقت
وياك وجزاك الله خير

الأخ بدوي جنوبي
لا تعرض لي مزايينك ( التاهو واليوكن ) مالي فيهن بد
إن شاء الله وجزاك الله خير وياك

قويه على الظالم(وعلى اللي المزعجين اللي بالي بالك ) حاجتي للجيب بس للبر فقط وبالنسبه لشاص الـ86 يقضي لزومي ويرفع رجلي وأنت بكرامه عن جيوب الخلق وأعرفله قطعه قطعه وأصلحه لو بغيت بنفسي وموترهم لهم وراتبي لي ......
الله يوفق الجميع

الأخ بدوي جنوبي
لو تعرضه من هنا إلى أن يشيب راسي مافكرت بالأمريكي يانيسان ياتايوتا .......... الموتر أبيه للبر فقط أنت تفهم وإلا لالالالا هههههههههههههههههههههههههههه

الأخ أبو طاقية
جزاك الله خير والجميع
ياليت تحدد أي مكان من الساحة اللي بمعارض الشفاء علشان أطمر لهم اليوم .........

الأخ جلمود الحره
راحت مرواح جدي ...... مع إزعاج اللي حولي ..........

الأخ مقلع الرمث
شفت كيف الدنيا هههههههههه لكن الـ86 مثل ما ذكرت سابقاً
وياك وكل من يحب الباترول لكن بأسعار معقولة ماهو أدفع 400000 على حديد مجمعته شركة نيسان أو حتى غيرها وأطلع به بر والله حسبته بيطلع على مع أقساطهم بـ300000 أو 310000 لكن الشيء اللي يقهر التأمين يأخذ مني 43000 وإذا صار حادث قوي لاسمح الله سواءً أنا المخطىءفيه أو الطرف الآخر وتضرر الموتر بشكل كبير وشافت شركة التأمين أن أصلاح الموتر أغلى من قيمته بعد الإصلاح يعوضون الحمراني فرق القيمة بين السيارة بعد الحادث وقيمته قبله وأنا أطلع منها بصفر بعذر أني لم أدفع دفعه أولى ( حتى ولو فيه دفعه أولى كم بيردون لي 10000 مثلاً ) والأقساط اللي كنت أدفعها لهم بقولون هذه قيمة الإيجار الشهري يعني أطلع من المولد بلا حمص ولا حتى فول لكن الحمد لله اللي فكني منهم ....


الأخ سالم 11
جزاك الله خير وياك
طاح من راسي جيب جديد ....... خله لهم
والتاهو مالي فيه بد
وياك وكل مسلم
وجزاكم الله خير جميعاً

[الحرالاشقر]

السلام عليكم

الظاهر مع هالاسعار
وتركيز شركات السيارات على البيع بالتقسيط لان مردودها اعلى بكثير

بنرجع لخلوها تصدي
بجد ماتسوى هالزياده

وترا الراجحي تقسيطه عالي بعد بس كثير من الناس مادوه يفكر فيها
يوقع وخلاص

[طويق 2010]

380 ألف قيمة ثلاث سيارات وهي :
1- سوبربان 2010 بمبلغ 150 ألف ( للعائلة )
2- قراند ماركيز 2010 بمبلغ 100 ألف لبو العائلة
3-جيب شاص للبران 2010 بمبلغ 120 ألف
4- 10 آلاف تصدق بها وتلقاها قدامك

حنا صراحة نكلّف على أنفسنا بأشياء ما لها داعي وبالتوفيق للجميـــــــــــــــع

[أبو أسامة]

الأخ الحر الأشقر

وعليكم السلام

صدقت والله

[معهم]

لاحولا ولاقوة الابالله

[صلفان.نجد]

المثل النجدي يقول (مد لحافك على قد رجليك).

[مسريان]

380 ألف قيمة ثلاث سيارات وهي :
1- سوبربان 2010 بمبلغ 150 ألف ( للعائلة )
2- قراند ماركيز 2010 بمبلغ 100 ألف لبو العائلة
3-جيب شاص للبران 2010 بمبلغ 120 ألف
4- 10 آلاف تصدق بها وتلقاها قدامك

حنا صراحة نكلّف على أنفسنا بأشياء ما لها داعي وبالتوفيق للجميـــــــــــــــع

رد مقنع جدا
يخليك تقنع من حديد مجمع باسعار فلل ...................

الياباني حده مائه وعشرين الف واكثر منها بسبب الناس اللي ما تفهم وتشري ..
اللي مخلي الياباني منتشر في السابق سعره وجودته اما الوقت الحاضر فهو فقد هاذي الميزتين يعنى لاسعر ولا جودة مثل السابق!!!!!!!!!!!!!

[الربذي]

لكن الشيء اللي يقهر التأمين يأخذ مني 43000 وإذا صار حادث قوي لاسمح الله سواءً أنا المخطىءفيه أو الطرف الآخر وتضرر الموتر بشكل كبير وشافت شركة التأمين أن أصلاح الموتر أغلى من قيمته بعد الإصلاح يعوضون الحمراني فرق القيمة بين السيارة بعد الحادث وقيمته قبله وأنا أطلع منها بصفر بعذر أني لم أدفع دفعه أولى ( حتى ولو فيه دفعه أولى كم بيردون لي 10000 مثلاً ) والأقساط اللي كنت أدفعها لهم بقولون هذه قيمة الإيجار الشهري يعني أطلع من المولد بلا حمص ولا حتى فول لكن الحمد لله اللي فكني منهم ....

وجزاكم الله خير جميعاً
هذا الكلام فعلا حصلت لناس حتى بعضهم ماباقي الا ثلاث شهور ويخلص تقريبا من تقصيدهم دافع لهم قيمة الموتر وعليه لتامين ويوم بقي عليه حول العشرة وهو يصدم طبعا ماهمه شي سلم وكان ماصار له شي ويفكر بموديل السنه لان سيارته لها حول خمس سنين وانهم راح يعوضونه جديد لكن يوم جاهم قالوا له مافيه تعويض وش وهو ينجن الرجال قال والي ادفع لكم فوق اربع سنين مع التامين قالوا له هذا اجار السيارة
قدامك حلين ياتترك السياره وخلاص ننزل عليك الاقساط المتبقه حول عشرة وراحت عليه يعني طار عليه مبلغ وقدره

يااخوان تصدقون التامين الي ندفعه من جيوبنا يروح لوكيل السيارة ماهو لشخص وهذا ظلم في ظلم عنده مليارات وهو يقتتات من رواتب الكادحين ..واحد يتسائل انت الي حطيت الحبل برقبتك وبرضاك بل تستعجله بسرعه تكتيفك

[NissaN 1990]

القسط يبي يطلع عليك دامك بدون دفعه أولى بـ 4835 ريال قلت صار ،



بسراحه بالغت واجد كل هذا قسط والله حرام أعرف واحد من العيال ماخذ بيت حلو مساحته كبيره أقساط عن طريق البنك بأقل من كذا بكثير عموماً الحمد لله إنك صرفت النظر


وبالنسبه للشاص فيه واحد عنده شاص نيسان موديل 1990 نظيف وزين للبر مركب له كفرات ومنجده وراشه رشه حلوه إذا بغيته أنت أرسلي على الخاص واللي غيرك ما راح أرد عليه ،،،،،

[Bader-M]

سبب يرجع الى ارتفاع اسعار السيارات وخاصه اليابانية
لسببين
الاول
نزول صرف العمله(الريال) خلال الثلاث سنوات نقص سعر الريال الى 25-30 % تقريبا متاثر بالدولار
الثاني
التقنيات الجديدة التي زودت بها المركبات و كذالك المواصفات التي ترفع من قيمة السيارة

يعني بطل الدروب لو كان الريال قوي مثل قبل اربع سنوات
كان الفل كامل يطلع عليك 190 الف ريال يزيد او ينقص شوي

تحياتي اليك

[ابوعبدالله 22]

ياخي اذا تبي تأخذ موتر اقساط .. لاتاخذه اقساط من الوكالة لانها تاخذ نسبة عالية (فوائد)

خذ لك قرض من بنك اصرف لك واشتره كاش من الوكالة او من معرض جديد .

وموفق ..

[سعد777]

كبه في وجيهم الله لا يوفقهم

[SE.3500]

أنا شايف أمس شاص نيسان موديل 88
مكينته فتك 2002 وعليه هدرز ومراوح وفلتر وفيه تانكي ماء 400 لتر وعليه كفرات بالون
شايفه عند محل السنيدي الي على الدائري الشرقي
هذا عز الطلب يا أبو أسامة توقفه عند الباب وإذا جا وقت الكشتات شغل وامش

[abu fares]

إذا فلنسميه

سارق الجيوب


بلا بطل الدروب بلا خرط فاضي



حسبنا الله ونعم الوكيل على هالهوامير

[ابوعليa.a.m]

لاااااااااااااااااتعليق

[باوزير]

خذ برادو 6 سلندر او باترول 2009 ابو رفارف سود افضل الياباني الموجود و سعره معقول

[RB3_2010]

نفس ما صار لي

جيت بطلع جي اكس ار 2009 قبل سنه لقيته ب 185000 عند عبد اللطيف جميل
وكل اوراقي جاهزه وقالي القصد 3500 وبيطلع عليك ب 250000

وهونت
ومانقول الا حسبي الله ونعم الوكيل والله انهم ماكلين الناس اكل

[القناص]

تأكد من هاتفهم المجاني 8002445555 عن الاسعار
أكيد فيه خطأ من الموظف في الحمراني

لاني مريتهم قبل فترة وطلع الموتر ب 324 الف تقسيط
والقسط 5400

وفقك الله للأصلح

[الماضي الدفين]

تأكد من هاتفهم المجاني 8002445555 عن الاسعار
أكيد فيه خطأ من الموظف في الحمراني

لاني مريتهم قبل فترة وطلع الموتر ب 324 الف تقسيط
والقسط 5400

وفقك الله للأصلح


والله غالي جداً

زيادة عن الكاش حوالي 75 الف
والله مهيب بسيطه
احسن شي اني اجمع القسط اللي ناوي اعطيهم اياه او ادخل به جمعيه لين اجمع قيمه سياره واشتريها كاش
وفي الوقت الحالي اتعبر باي سياره

[فلاجكو]

خيره وماتدري وين الخير فيه ...

[باك]

كثيرة والله , اصبر وخذ اطلق منه كاش

[منتظر الجديد]

ياجماعة فيه خطأ

الحسابات للأيجار بالتمليك أو الأقساط

فيها دفعه أولى ودفعه أخيره ...إلخ

أرجو التوضيح من أخونا صاحب الموضوع

[aboeyade]

معروف عن نظام التأجير ياخذ 10% كل سنه ( تزيد أو تنقص قليلاً حسب البنك أو الشركة)

يعني إذا أخذته على 5 سنوات راح تكون أرباحهم 50%:f من قيمة السيارة

طبعاُ النسبة راح تكون على المبلغ اللي أنت تقسطه فقط ( يعني إذا دفعت دفعه ماراح يكون عليها أرباح)

أما بالنسبة للأخ اللي يقول الفكسار أخذو زيادة 24 ألف , فأكيد إنه دافع دفعه جامدة والأقساط على سنه أو سنتين فقط

[faris2006]

الحمد لله على السلامة
400000ريال قيمة بيت
انا شريت تاهو وقفته عن البيت كل ما اطلع اشوف في دقشة صدمة
الان له سنة تحت المظله

[التعـ King ـديل]

دائما متحاملين على الحمراني والنيسان

الحين بطل الدروب يوم طلع عليك ب 381 جيت وكتبت موضوع

طيب وش تقول في جي سياحي قيمته وكاله ب 145 الف وبالاقساط

طلع علينا الموتر اجمالي ب 272 الف

[ملك الإحسآس]

النيسان دايم غالين تصدق حسبوا على واحد معه مكسيما بـ 190 ألف !!!!!

[تربو]

افشل وكيل من واقع التجربة الحمراني فاشل بدرجة ماتصورنة

[ذgggق]

والله اني ماصدقت ان سعره هذا لين سئلت واحد من الشباب


ياخوان وش السالفه تويوتا ونيسا يتسابقون على ال 300 الف ؟؟ اعوذ بلله

[االكريزي]

الله يعين
000000000

[قرم العيال]

عليك بـ 86 ابرك

[ابن صقيه]

والله انك كفو

[القاع البارد]

خير ماسويت والله

[راعي النياسين]

زين سويت الحمراني حرامي حسبي الله ونعم الوكيل

توكل على الله وطق لك سوبر 9 ابرك لك مجرب ومعروف ويكفي دفرنساته

[سفاري959]

والله يا اخوي ابو اسامه استغرب من كلام انا ما اشكك في كلامك اتوقع ان الموظف غلطان ويا كثر ما يغلطون موظفين الحمراني واسأل واحد من سنوات يتعامل معهم والشي الثاني قالك سعره كاش ارتفع وصار 247ماهو صحيح انا امس عندهم وسألت عنه سعر الفل 240 واذا تبي تشتري وصامل راسلني على الخاص وانا اجيبلك الخصم اللي اقدر عليه هذا اللي اقدر انفعك فيه وربي يوفقك لكل خير

[حزم نجد]

الحمراني وعبداللطيف كلهم غالين ومقطعين جلودنا بأسعراهم
ولافيهم خير وهذا الواقع المر الي لازم تعرفونه ,,وما ادرى من هذاك إلى ولده,,

طيييع شوري يابو اسامه

انا مثلك كنت بطلع من عبداللطيف ونفس وضعك انصدمت من الفوائد وطلعت من عندهم

ورحت الله يطول بعمرك على طاعته وبعت سيارتي وجابت لي مبلغ محترم حليل

وجمعت الفلوس الي معي واخذت قرض بسيط وبفوائد بسيطه

وشريت لي موتر امريكي للديره والسفريات من الموديلات الجديد بسعر بسيط

وشريت لي باترول 97 بخاخ قير عادي بحدود 35 وضبطته ماكلفني 3000ريال

ومرتاح وعايش زي الحلاااوه

واترك عنك هالكائنات الرخويه الي ما تشبع من رفع الاسعار والفوائد

[العبقري 2008]

لا تعليــــــــــــــــــــــق ,,!!!

[أبو فيصل]

والله انك كفو

يارجال اي 381 يعني كامل يطلع عليك 400 الف ياساتر

قديمك نديمك لو الجديد اغناك

كلها سيارات تروح وتجي بس حنى نكلف على انفسنا فوق طاقتها عشان سياره

والله يرزقك من واسع فضله

جزاك الله خير على الكلام الزين

[أبو فيصل]

380 ألف قيمة ثلاث سيارات وهي :
1- سوبربان 2010 بمبلغ 150 ألف ( للعائلة )
2- قراند ماركيز 2010 بمبلغ 100 ألف لبو العائلة
3-جيب شاص للبران 2010 بمبلغ 120 ألف
4- 10 آلاف تصدق بها وتلقاها قدامك

حنا صراحة نكلّف على أنفسنا بأشياء ما لها داعي وبالتوفيق للجميـــــــــــــــع

أحسنت جزاك

[أبو فيصل]

380 ألف قيمة ثلاث سيارات وهي :
1- سوبربان 2010 بمبلغ 150 ألف ( للعائلة )
2- قراند ماركيز 2010 بمبلغ 100 ألف لبو العائلة
3-جيب شاص للبران 2010 بمبلغ 120 ألف
4- 10 آلاف تصدق بها وتلقاها قدامك

حنا صراحة نكلّف على أنفسنا بأشياء ما لها داعي وبالتوفيق للجميـــــــــــــــع

أحسنت و جزاك الله خير

[برسيه]

الله يعينك ويعينا

[قرقور الأول]

و الله انكم تضحكون الواحد...

[عبدالرحمن1980]

يارجال اذا كنت مصمم خل البنك يشتريه ويقسطه لك الحرامي اكبر حرامي

[مخاوي القنص]

لا تعـــــلـــــيـــــــق ،،،،،

[سوبر مكشات]

الفرج بيد الله

الله كريم

الله يرزق كل واحد مايريد


بيت سياره واللي يبي

الله كريم جواد
حليم رحيم

[ماجد القرشي]

أنا جيت عبد اللطيف بخصوص البرداوtxlسعره 136 ألف قلت لهم بعطيكم 50 دفعه
قال طيب حسبها قال القسط 2100ريال ودفعه أخيرة 30 قلت يعني كم يطلع عليه
قال 190 قلت سلام عليكم
إذا أبي آخذ خذ من البنك وأشتريه كاش لأن صراحه مكسبهم ضربه

[dodge-ram]

والله انك صادق

اصلاا ليش تاخذلك جيب بـ 240000 وترووح تكسره في البر والله حرام