في الطريق قصص و مواقف مرت بك ( و دعوة صادقة لمساعدة الآخرين )

[بر الوالدين]

السلام عليكم ورحمة الله وبركاته


أسعد الله أوقاتكم بكل خير


في الطريق أياً كان و أين كنت و تواجدت سواء في السفر أو داخل المدينة


لا بد و أن يصادفك شخص متعطل بسيارته أو معه عائلته يطلب العون و المساعدة . . . .


عند رؤيتك لهذا الموقف ؟؟؟ كيف تتصرف ، ، ،، ، ، وهل تساعد من طلب منك مساعدته


تعالوا خلونا نسولف عن مواقفكم ؟؟؟ وهل تؤيد ذلك ؟؟؟



الرسول صلى الله عليه وسلم يقول :-
(( مازال الخير في امتي حتى قيام الساعة))


.

[بر الوالدين]

منقول


انا ايضا حصل لي موقف مشابه


كنت راجع من الشرقية على طريق الرياض .. وجاء وقت صلاة المغرب ...

نزلت من الطريق الجانبي عشان نصلي وكان معي الوالده وزوجتي وابنائي


المهم لما نزلت على جانب الطريق كان فيه رمل لما دخلت الرمل باعتباره منطقه سهله الا غرزت السيارة فجأة فيها وكانها حفرة


حاولت بالسيارة ومافي فايدة والظلام بدأ يحل علينا ... بصراحه خفت على اهلي


اشرت للسيارات علها تساعدني .. وبسرعة توقف صاحب جمس


ثلاثة شباب ماشاء الله تبارك الرحمن .... كان في سيارتهم ونش


قالوا لي ابعد اهلك وخلنا نربط سيارتك ونسحبها .. وفعلا تم ذلك ..


والله يا جماعة ما انتظروا حتى اقولهم كلمة شكرا .. لانهم شافوا اهلي معاي وعلى ابتعدوا


الله يجزاهم خير ويستر عليهم دنيا واخره يارب


الدنيا بخير وانا اخوك

[دكتور بر]

طرح مميز

مشكور عليه أخي الحبيب

المواقف كثيرة والتي تثبت أن الناس بخير ولله الحمد

وخصوصاً في الكشتات البرية التي الحاجة فيها أشدُّ من غيرها

يستحق التقييم الأعلى


http://www.mekshat.com/vb/../pix/upload03/images124/mk17809_12222bg2.gif http://www.mekshat.com/vb/../pix/upload03/images124/mk17809_12222bg2.gif http://www.mekshat.com/vb/../pix/upload03/images124/mk17809_12222bg2.gif http://www.mekshat.com/vb/../pix/upload03/images124/mk17809_12222bg2.gif http://www.mekshat.com/vb/../pix/upload03/images124/mk17809_12222bg2.gif


لي عودة لموضوعك قريبة بإذن الله

[بر الوالدين]

مرورك شرف دكتور تقييمك على العين والراس

ياليت تفاعل الجميع كي أصل لـ الهدف

اللذي من أجله تم طرح هذا الطرح

[برق العارض]

مشكور على موضوعك القيم واذكر مره كنا رايحين انا وواحد من خوياي على سيارته المهم ونلقا راع ذيك الدينٌا يؤشر على الطريق قلنا بنوقف نشوف وش مشكلته عشان نساعده ولقينا مشكلته مامعه مفتاح عجل او عفريته ما اذكر بالضبط لان السالفه قديمه شوي المهم ساعدناه وحنا قاعدين نفك الكفر الا صوت سياره فيها شي يسحب في الارض مقبله علينا بنفس الطريق اللي نصلح الدينا فيه والتفتنا الا ذاك الجيب اللي يبعد عنا تقريبا 200متر يسحب مقطوره اللي يشيلون فيها العفش والعزبه زي صندوق السياره وانطلقت وحده من كفراتها وكانت منطلقه باتجاهنا بسرعه يمكن 60كم في الساعه :eek: كنا بننحاش عن طريقها بس الحمدلله مرت بجنبنا بحوالي 5متر والحمدلله سلمنا منها :D ولا كان يحصل لنا مالا تحمد عقباه وركبنا الكفره وشكرنا راع الدينا . ومشينا ولقينا راع الجيب يدور كفرة المقطوره لانها نزلت عن الطريق في ارض كلها شجر كبير وصغير ودورناها انا وخويي ولقيناها وعطيناه كفرته ومشينا ارجو ان تحوز على رضاكم القصه وشكرا .:)

[قناص*07]

واجد القصص
قبل شهرين كنت بالديسه وبكرنا الصبح وافطرنا وثمين تغدينا وراحوا الشباب يعبون ماء ورجعوا الساعه ثلاثه تقريبا
حسيت نفسي ضايق وقلت باخذ فره لاخر الوادي وارجع مين يخاويني.............. خاواني اكبر اخويانا ومشينا وبعد 500 متر لقنا ذاك الهايلكس اللي مغرز وعاد هو ماهو بصاحي محمل عفوش تكفيه شهر وعايله 3 حريم وماشاء الله 5 اطفال
المهم وقفنا وسحبناه لين طلع بعد حول 1000 متر او اكثر.

قلنا له وين تبي هالحين قال اب اعود دربي ثاني ........ ايييييييييييييييييييييييييييه ياليل ما اطوالك هيا اربط الواير واسحب وشل ابوك وحط اخوك و تقريبا كيلو وشوي لان الارض كلها غراز لين وصلنا الماء وسارة الارض عزاز وقويه تركناه ومشينا.

[محب شبة النار ـــ بريدة ـــ]

ماشاء الله موضوع مميز

[فا رس]

فى ساعه متأخره من الليل والطريق لايوجد به حركه فى هذا الوقت

واذا بشخص يأشر على الطريق السواق السنافيى الشهم وقف

لهم كلن شباب وماهن الا العافيه اتدرون ايش كانت قصتهم

ثلاث اشخاص معهم مريض حالته تستدعى نقله بأسرع

وقت للمستشفى شكرا

[بر الوالدين]

كفو والله يالنشاما

عندما تهم لمساعدة الآخرين و تطلب الأجر وهو هدفك

قد تحتاج من يساعدك يوماً من الأيام

و الله يوفقنا وإياكم يالله يارب

[سد الحريق...]

مشكور أخي الحبيب والواقف كثيره ونا اذكر لكم مره وناجاي من الرياض متجه يم الحريق ديرة العز والطيب انا اسوق وامي الله يرحمه قدام ماتت وهي تدعي لشاب اللذي انقذها اهي وحرمتي وبنتين وقفت عند بقالة في حوطة بني تميم في حي الفرعه وكان موقف جنبي راعي ددسن الله يذكره بالخير وانا معي جمس صالون موديل 99 وقفت ودخلت المخبز وطلبت خبز وظهرت ورحت البقاله اشتري اغرض وكان راعي الددسن موقف قبلي بس مانزل من السيارة ويوم دخلت البقاله ولا انا اسمع صياح بناتي الصغيرات واطلع اشوف الا راعي الددسن ماسك البنغالي وطاقه وطارحه على الارض وامي تبكي وحرمتي مثل وبناتي مرتاعات ويبكون واسئل امي وش فيكم يقولن البنغالي ركب السيارة بيسرقنا بس يوم سمع الصراخ هذا الشاب جا وفتح باب الجمس وصار مقفله البنغالي ويحاول ولا قدر ويدخل يده يم القزازه ويضرب البنغالي على وجهه بقس وصب الدم من البنغالي وبنتي الصغيره فتحت القفل للولد ونزل البنغالي وضربه وطرحه على الارض وجلس عليه ويعطيه من البقوس لين داخ البنغالي واجي انا واكمل عليه واتصلنا على الشرطه وجت بئسرع وقت وركبو البنغالي وقالو ميد راعي الددسن اركب معنا قال بجي بسيارتي قالو وش يثبت انك بتجي قال بعطيكم اثباتي وبجي وراكم ورحنا يم المركز الشرطه الا راعي الددسن فيه دم وثوبه متشقق وندخل انا وياه على الظابط خفر ونقوله القصه ويسئل الظابط البنغالي انت مسوي كذا قال لا مافي سوي ويعطيه كف قال مسوي قال لا ويعطيه كف ثاني قال مسوي قال ايوا وكان ثالث ايام عيد الفطر وانا ذاهب للحريق لاحضر زفاف وكان راعي الددسن من الحريق وشكره الظابط وخرجنا من المركز وسلمت عليه وركب سيارته وانا بكبت سيارتي وتقولي امي وقف الشاب وقله يجي يم بابي واوقف الشاب واقول ميده رح يم باب الراكب ويروح وتسلم عليه امي وتقبل رأسه ويقبل رأسها وامي كبيرة في السن ولا تقدر تنزل من السياره الا بمساعده وتحلف امي على الشاب ان يأخذ الي بتعطيه وتعطيه 2000 ريال ويحلف انه مايئخذ منها ولا ريال وتحلف امي ولا فيه فايده ولا خذ شي ومشينا للحريق والتقينا في العرس وناديته جنبي وتعشينا وهو جنبي وقمنا من العشاء وغسلنا وودعته قلت انا ماشي للرياض قلت تامرني شي قل والله ماتروح ارتح توك جاي من خط و المجالس في البيت فاضيه تعال انت والاهل ونم عندنا ونروح الصبح نفطر و نتمشى اوريكم الحريق وواذا جاء الظهر تغدينا وصلينا العصر توكل على الله والله يحفظك بس الحين ماتمشي ليل والطريق كله ابل قلت والله عندي ظروف والوالده عندها مراجعه وخت رقم جواله ومشيت للرياض وانتهت السالفه وهذا الشاب (عبدالله بن راشد بن ابرهيم الهويدي)الله يحفظه ويخليه لعين ترجيه..

[رساويxp]

والله قصصكم تبين شهامتكم

وجازت لي قصة سد الحريق
اما انا مالي الى الحين لاتذكرت قلت < بس ذكرون :p

[سد الحريق...]

مشكور يا رساوي

[قناص*07]

مشكور أخي الحبيب والواقف كثيره ونا اذكر لكم مره وناجاي من الرياض متجه يم الحريق ديرة العز والطيب انا اسوق وامي الله يرحمه قدام ماتت وهي تدعي لشاب اللذي انقذها اهي وحرمتي وبنتين وقفت عند بقالة في حوطة بني تميم في حي الفرعه وكان موقف جنبي راعي ددسن الله يذكره بالخير وانا معي جمس صالون موديل 99 وقفت ودخلت المخبز وطلبت خبز وظهرت ورحت البقاله اشتري اغرض وكان راعي الددسن موقف قبلي بس مانزل من السيارة ويوم دخلت البقاله ولا انا اسمع صياح بناتي الصغيرات واطلع اشوف الا راعي الددسن ماسك البنغالي وطاقه وطارحه على الارض وامي تبكي وحرمتي مثل وبناتي مرتاعات ويبكون واسئل امي وش فيكم يقولن البنغالي ركب السيارة بيسرقنا بس يوم سمع الصراخ هذا الشاب جا وفتح باب الجمس وصار مقفله البنغالي ويحاول ولا قدر ويدخل يده يم القزازه ويضرب البنغالي على وجهه بقس وصب الدم من البنغالي وبنتي الصغيره فتحت القفل للولد ونزل البنغالي وضربه وطرحه على الارض وجلس عليه ويعطيه من البقوس لين داخ البنغالي واجي انا واكمل عليه واتصلنا على الشرطه وجت بئسرع وقت وركبو البنغالي وقالو ميد راعي الددسن اركب معنا قال بجي بسيارتي قالو وش يثبت انك بتجي قال بعطيكم اثباتي وبجي وراكم ورحنا يم المركز الشرطه الا راعي الددسن فيه دم وثوبه متشقق وندخل انا وياه على الظابط خفر ونقوله القصه ويسئل الظابط البنغالي انت مسوي كذا قال لا مافي سوي ويعطيه كف قال مسوي قال لا ويعطيه كف ثاني قال مسوي قال ايوا وكان ثالث ايام عيد الفطر وانا ذاهب للحريق لاحضر زفاف وكان راعي الددسن من الحريق وشكره الظابط وخرجنا من المركز وسلمت عليه وركب سيارته وانا بكبت سيارتي وتقولي امي وقف الشاب وقله يجي يم بابي واوقف الشاب واقول ميده رح يم باب الراكب ويروح وتسلم عليه امي وتقبل رأسه ويقبل رأسها وامي كبيرة في السن ولا تقدر تنزل من السياره الا بمساعده وتحلف امي على الشاب ان يأخذ الي بتعطيه وتعطيه 2000 ريال ويحلف انه مايئخذ منها ولا ريال وتحلف امي ولا فيه فايده ولا خذ شي ومشينا للحريق والتقينا في العرس وناديته جنبي وتعشينا وهو جنبي وقمنا من العشاء وغسلنا وودعته قلت انا ماشي للرياض قلت تامرني شي قل والله ماتروح ارتح توك جاي من خط و المجالس في البيت فاضيه تعال انت والاهل ونم عندنا ونروح الصبح نفطر و نتمشى اوريكم الحريق وواذا جاء الظهر تغدينا وصلينا العصر توكل على الله والله يحفظك بس الحين ماتمشي ليل والطريق كله ابل قلت والله عندي ظروف والوالده عندها مراجعه وخت رقم جواله ومشيت للرياض وانتهت السالفه وهذا الشاب (عبدالله بن راشد بن ابرهيم الهويدي)الله يحفظه ويخليه لعين ترجيه..



والله ونعم فيك وفي اخونا عبدالله بن راشد بن ابرهيم الهويدي وترى قليل من مثله
بس ما زال بإذن الله الخير في شبابنا ترى باقي النخوه ما راحت من قلوبهم

[مطيعيس]

انا عن نفسي للأسف مايمديني اوقف لأني اكون داااعس واذا بوقف اوقف بعده بــ3 كيلو

[بر الوالدين]

أخونا الغالي / سد الحريق عز الله إن ما وردته إنه فخر للجميع بقيادة القرم الهويدي

و هذا يثبت إن أبناء البلد بهم خير و موقفه موقف شجاع

و الحمدلله اللي سخرهـ و إنتظر بالسيارة

يستاهل و الله كل تقدير

[هوى الشرق]

موضوع جميل جدا يتعرف الواحد على الاخطاء والاخطار التي ممكن تواجهه
هل من مزيد من القصص والروايات ؟

[سد الحريق...]

ياشباب وين القصص
وانا دقيت على راعي القصة امس وعلمته اني كتبت القصة في مكشات وقال مايحتاج
بس يقول بسجل في منتدى مكشات وبقراها وقلت اقراها وشف كان عندي خطاء عدله وسلامتكم...

[اسير الغضا]

مرتن من المرات كانت موتري بالورشه ومعي موتر اخوي كنت امشي بأمان الله والمنطقه به نفود وارض فاضيه كبيره
ودايم ادخل به واختصر الدرب بدال مااحيوط للمعلوميه كانت الساعه 2الظهر برمضان ودرجة الحراره بالحيل مرتفعه
والرمل حار(وكان موسم التمور(يعني الوقت اللي يسمونه طباخ التمر من شدة الحراره)وكفرات الموتر بلد(سواطير) ويابسات بالحيل
وادخل واغرز تغريزة توحش انا شايفن نفيستي ومتعود كثير على المواقف والتغاريز فلذالك ماخفت واكثر من مره ادخل المكان ذا وبحكم ان بيتنا مب بعيد بالحيل
نزلت ولا الرمل حار وش اسوي ونسم الكفرات اللي ورا15 ونا صايم والعرق يتسبب ورجلي راحت ملح وانا ارقص الموتر مادريت الا وحدا الكفرات ينسم بقوه وشوي ولا مابه هوا ابد
انا صايم وعطشان وتونا بعز الظهريه وموسم طباخ التمر بعد وين اللي متعود على الغرازات راحت كل ذي مالي الا انتظر الفرج ويمر راعي شاصي ويبحلز بي قلت بس جانا الفرج مادريت الا وهو سافطن وماشي (ايه وانا اخوك ماتلام حر وصايم وتونا على الفطور ) وتمر سياره ورا سياره مااحد عنده نيه ياقف وانا عطشاااااااااان الا ويجي راعي فرد محمل بشنطته تمر ومعه عاملين
وقف وسلم وقال خن نطلع موتر قلت يابن الحلال وشوله الكلافه الموتر مبنشر والجو حار وصايمين
قال ماعليك العاملين كفار خلن اكرفهم ويمين يساروحاول ماقدرنا والسبب ان الكفر مبنشرو ماش الرجال وده يفزع طيب يابن الحلال موترك ماتساعد وش نسوي قال انا ادبر لك موتر قلت والله ماتعب روحك بس وودن للبيت قريب قال اركب
واول ماوصلت البيت واشرب لترين مياه من العطش ماهنا صوم ابموت لي حول ساعتين راص بالشمس المهم وجيت عقب التراويح نفخت الكفر وطلعت الموتر


وعقبه كل ماشفت موتر مغرزه اقف عنده عرفت المعاناه ومريت به
وموضوع شيق اخوي

[ابو سلطان1234]

الله يحيي كلا باسمه :
اذكر قبل شهر تقريبا طلعت لنفود الزويليات اللي صوب الحاير على طريق الخرج على اذان المغرب انا وعديلي ومعه بزارينه المهم صلينا المغرب جنب الخط ونزلنا معي اكسبديشن وندخل داخل النفود نتمشى طلعت فوق طعس وانزل إلا جيب فكس ار مغرز وجنبه عايله جالسه وابوهم يحفر الجيب مايل على جنبه اليمين يوم شاف نور السيارة وهو يوقف والله انهم خافوا شوي لكن ماوقفت عندهم تعديتهم شوي ووقف ورى الجيب وانزل السلام عليكم قال وعليكم قلت سلامات قال معكم واير ولا ونش والرجال شوي خايف السيارة مظلمة وليل بعد وانا اشغل اللمبة الداخلية إلا السيارة مليانه بزارين يوم تطمن وقرب يمنا وانزل اخذ الواير واشبكه بموتره واجي قدامه واسحبه شوي شوي حتى نزل واستوى ووقف اي خدمه اي شي قام يدعيلنا ونخليه ونطلع برا شوي وننتظره يطلع يوم طلع للشارع ونطلع حنا بعده صارت سبحان الله روحتنا علشان نسحب الرجال ونرجع . وسلامتكم

[محمد-الرس]

هذا الكلام له أكثر من 13 سنة يوم كنت صغير يمكن 5أو 6سنوات ما أذكر....السالفه.
كنا ماسكين خط مسافرين من الرياض لمكة المكرمة وانتم تتعرفون ان المسافة حول ال950 كلم
الزبدة وحنا ماسكين خط نمشي ونمشي كان معنا الموتر الجبار جمس مديل 88 اللي مكينته 450
المهم أخوي الكبير قال لأبوي وقف وقف كلنا انهبلنا ويقول فيه شرارة تطلع من تحت السيارة
وأنا اتذكرها شرار كثير المهم سفط الوالد على يمين ونزلنا باسرع ما يمكن والا الوالد الله يحفظه
مثبت أسيام الظاهر على الشكمان لا يطيح أو شي ما أدرى وشوله-وبعدها فكوها الاخوان وكملنا الطريق
----------------

السالفة الثانية....

كنا راجعين من مكه للرياض بموتر 88صالون- وشوي نحس فيه سخونة بأرضية السيارة وكل مالها تزيد
المهم سفطنا على جمب الطريق ونشيك على الكبوت ما فيه شي -
تدرون منين الحرارة ---من خزان البانزين - الله ستر كان رحنا فيها المهم أخوي الكبير فتح غطاء البنزين وإلا مليان هوا كثييير ونسمع صوت تششششششش وبانزين يتبخر بعدها نسمناه لين ما فضى الهوا وكملنا الطريق للحين ما ادري وش سخن الخزان .
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

[بر الوالدين]

بيض الله وجيهكم يالربع و ما قصرتوا

و الحقيقه من خلال طرح و سرد القصص ( مساعدة الآخرين في الطريق )

هناك و الله فوائد تم إستنتاجها و يجب أخذها بعين الإعتبار

مثلاً في قصة الأخ الغالي / سد الحريق يجب عليها إن نستنتج منها عدة تحذيرات

يجب عليك أن لا تترك المفتاح على السيارة ( سواء تشتغل أو طافية ) عند وقوفك لجلب بغض الأغراض

تسانك محتد و نزلت و الموتر شغال ( خلك عجل )

لا تقف إلا في محطة مليانه مسافرين ( العوائل )و تسان المحطة خاليه ،: بانزين و أمش



هناك الكثير و راح نعرفه في سرد قصص الأخوان ( لمساعدة الآخرين )

[ابوحمد 2009]

مشكور اخوي على الموضوع الراائع؟؟..!!

والله انك صادق ياليت كل شبابنا كذا؟؟..!!

تقبل مرورري

[الربذي]

مشكور أخي الحبيب وانتهت السالفه وهذا الشاب (عبدالله بن راشد بن ابرهيم الهويدي)الله يحفظه ويخليه لعين ترجيه..

والله ياعليه جراءه هالبنقالي الخسيس المفروض طلعتوا عيونه هالكلب راكب يبي يسرق السياره بالحريم ولا مقفل الباب عليه بعد جت سلامات اغاثكم الله بالشاب الطيب
زين فزع لكم بالوقت المناسب ولا يمدي لاسمح الله حاصل شي قهره يبقى مدى الحياه ولوتشوي ابو بنقلا بالنار وهو حي ماطفا اللي بقلبك عليه واسهل الامور انه يهرب بالعائله ويسوي حادث ويمكن يروحون فيه .هو قلعته لكن الابرياء

[الحريقي..]

السلام عليكم ورحمة الله وبركاته
القصه ياخوي سد الحريق صحيحه ولا فيها اخطأ بس والله كلفت على عمرك رحت وكتبت القصه والتفاصيل وماباقي منتدى الا وحطيت القصه فيه بس ماقصرت وماقصرت بعد ع الترحيب ومشكوووووووووووور الف مره

[دربيل تبوك]

مآدري آنآ فهمت آنه آلشآب آللي بآلقصه هو (آلحريقي)

هو آللي آنقذ آلعآئله صح وآلاخطآ؟

عمومآ لو كآن هو آلشخص ويقرآ كلامي

كل آلكلام مآرآح يوفيك حقك.. ذيب ولد ذيب

آحييك ولك مني آن آقبل رآسك

ودعوة بظهر آلغيب

وفقك آلله ...

مهمآ كتبت آعتقد آنه لم تكتشف بعد تلك آلحروف في آللغة آلعربيه آلتي نستطيع رصفهآ بجوآر بعض لتكون كلمة شكر.. لتسعفنآ بآن نقدم آلشكرآلذي يليق للآبطآل آمثآلك آنت يآ(آلحريقي)

[هويدي]

كفو والله يالحريقي بيض الله وجهك دنيا وآخره

وشباب المسلمين كلهم فيهم الخير والبركه

ما انسى فزعتهم واستنفارهم يوم تغرق الرياض الغرقه الاخيره
المرور متكين بسياراتهم عند الميكف والشباب بوسط مناقع الماء الملوث بكل مايخطر ببالك ينظمون السير بثيابهم لدرجه بعضهم مسكر الخط بسيارته ونازل يحول الناس لطريق سالك .

والمفترض اللي معه جيب ما ينزل الواير من موتره .. يدق عليك اخ ولا عزيز او تصادف عائله متعطلين بوسط الشارع

والمواقف واجد بفضل الله لان خيالي واسع :) ان شفت عزوبي حطيت نفسي مكانه وان شفت عائله تخيلت اهلي ورده فعلهم بمثل هالموقف ـ الله يدفع البلا عن المسلمين جميعا
مافيه الا موقفين فيهم اكشن

الموقف الاول سحبت مراهق مغرز بالثمامه وعقبه حرمت الا للضروره او وجود عائله
ابو الشباب صدمني ـ متحمس وداق ريوس ـ وقالي اطلع للشارع نحتري المرور !! شوي اخوياه شبو عليه ومشا وهو ما اقتنع ..

الموقف الثاني كنت وواحد من الربع بالنفود في ساعه متأخره من اللي يوم نزلنا مع احد العروق لقيت ناس متثرين كل واحد بجهه اللي يولع بكشاف واللي بولاعه واللي يصفر .. يوم وصلتهم قالوا حنا مغرزين من العصر دقينا على الدفاع المدني وامن الطرق والشرطه والاسعاف ومحد جانا واثناء حديثهم وشرحهم ( كلهم يحتسون ) نقز واحد منهم بأعلى صوته قال عطشااااااانييييييييين ابيهم يسكتون ابنزل الترمس قلت تبون مويه .؟ رد خوينا اللي يقول عطشانين وشاركه من معه بصوت واحد (لا نبي دخااااااااان ):) يعلم الله هذا اللي صار :: اذا عرف السبب بطل العجب
مالكم بالطويله واثر الربع معطبينها الله يصلحهم لقينا بطلين فاضيه مدفونه جمب الشبه وريحتهم تعايط
خفت اسحبه يصدمن زي الاول او يتسبب بحادث لاسمح الله وبعد مشاورات مع خويي قال خلنا نعس السواق كانه صاحي طلعناهم .. سولفنا معه الرجال مضبوط وعن الشكه خليناه يبرح ويدف علشان كان باقيبوه حثال يروح . طلعته وتعمدت اني اهج لدرب غير الدرب المؤدي للخط كأختبار أخير لمستوى الكحول

وسامحونا على الاطاله وركاكة الاسلوب

[راعي طفات]

قبل يومين كنت طالع من الدوام بدري وقبل الديرة بشوي لمحت ددسن مغرزة بعبارة بجوار الطريق لكنه تحت شوي

كان فيه حرمتين واقفت قدام السيارة وحدة بعيدة شوي = البنت وماسكة الجوال ... والثانية - الأم - بين السيارة والخط ولاهي الي أشرت ولا الي جلست

بعد ماتعديت العبارة ديورت لهم ووقفت خشم الموتر بخشم موترهم ونزلت وطلعت الواير وشبكته بسيارتي وسيارتهم

الأم الله يحفظه ويستر عليهم تقول سواقنا غشيم تعني البنت قلت مايخالف بسيطة وهم واقفين عند السيارة قلت للأم خليه تسوق وتعشق بالأول

كان فيه مسحاة محاولين يبرحون للسيارة لكن الكفرات مليانة ومغرزين بنهاية البطحاء وعلى طلعة ومحملين أغراض بالصندوق وشكله خايفة عليهن لايطيحن

عشقت الريوس وبدون دبل سحبتهم وطلعت سيارتهم والصراحة البنت ماهي غشيمه أول ماطلعت ووقفت وقفت .

فكيت الواير والأم الله يجزاه خير ماغير تدعي وهذا أكبر مكسب لي وغاية مرادي .

مشيت وانا أناظرهم بالمراية لين مشو وهم يبارون الخط لأنهم بمنطقة قريبة من الديرة وصعب انهم يمشون مع الخط المزفلت

شكلهم من قرية ولا بدو حول الوادي

والله يكتب الأجر والمثوبة

ومثل هالموقف ماذكرته رياء لاوالله لكن لأن الواجب يحتم على الشخص الوقوف بمثل هالمواقف وتقديم المساعدة بأي طريقة كانت .

وفقكم الله وأبعد عنكم المواقف الصعبة وسخركم لمساعدة الغير

شكراً على الموضوع الجميل والمواقف المشرفة

[أنا الذي...]

مشكور صاحب الموضوع على هذا الموضوع
أنا مريت بتجارب كثيره ماره أنا أساعد وماره يساعدوني
أذكر ماره طالع العصر أتمشا وأصور وديرتي بها رمل كثير وما دريت عن حالي إلا وانا مغرز حاولت أطلع مشي فايده نسمت الهواءبعد مشي فايده إلى راعي أبو شنب(شاص)يوقف خلفي وينزل القلص(الواير)ويقلصني.
وماره كنا رايحين أنا والرابع وفي الطريق انفجر التاير(الكفر)ووقفنا ما عندى العده لتبطيل التايروالوقت ليل إلا واذاك راعي الأفلون يوقف ويعطينى العده وبطلنا التاير وركبنا اسبير.
وغيرها الكثير من القصص

[DEVICE]

مشكور اخوي

[الحريقي..]

مآدري آنآ فهمت آنه آلشآب آللي بآلقصه هو (آلحريقي)

هو آللي آنقذ آلعآئله صح وآلاخطآ؟

عمومآ لو كآن هو آلشخص ويقرآ كلامي

كل آلكلام مآرآح يوفيك حقك.. ذيب ولد ذيب

آحييك ولك مني آن آقبل رآسك

ودعوة بظهر آلغيب

وفقك آلله ...

مهمآ كتبت آعتقد آنه لم تكتشف بعد تلك آلحروف في آللغة آلعربيه آلتي نستطيع رصفهآ بجوآر بعض لتكون كلمة شكر.. لتسعفنآ بآن نقدم آلشكرآلذي يليق للآبطآل آمثآلك آنت يآ(آلحريقي)



صح عليك انا الحريقي
وماقصرت كفيت ووفيت

[الحريقي..]

كفو والله يالحريقي بيض الله وجهك دنيا وآخره

وشباب المسلمين كلهم فيهم الخير والبركه

ما انسى فزعتهم واستنفارهم يوم تغرق الرياض الغرقه الاخيره
المرور متكين بسياراتهم عند الميكف والشباب بوسط مناقع الماء الملوث بكل مايخطر ببالك ينظمون السير بثيابهم لدرجه بعضهم مسكر الخط بسيارته ونازل يحول الناس لطريق سالك .

والمفترض اللي معه جيب ما ينزل الواير من موتره .. يدق عليك اخ ولا عزيز او تصادف عائله متعطلين بوسط الشارع

والمواقف واجد بفضل الله لان خيالي واسع :) ان شفت عزوبي حطيت نفسي مكانه وان شفت عائله تخيلت اهلي ورده فعلهم بمثل هالموقف ـ الله يدفع البلا عن المسلمين جميعا
مافيه الا موقفين فيهم اكشن

الموقف الاول سحبت مراهق مغرز بالثمامه وعقبه حرمت الا للضروره او وجود عائله
ابو الشباب صدمني ـ متحمس وداق ريوس ـ وقالي اطلع للشارع نحتري المرور !! شوي اخوياه شبو عليه ومشا وهو ما اقتنع ..

الموقف الثاني كنت وواحد من الربع بالنفود في ساعه متأخره من اللي يوم نزلنا مع احد العروق لقيت ناس متثرين كل واحد بجهه اللي يولع بكشاف واللي بولاعه واللي يصفر .. يوم وصلتهم قالوا حنا مغرزين من العصر دقينا على الدفاع المدني وامن الطرق والشرطه والاسعاف ومحد جانا واثناء حديثهم وشرحهم ( كلهم يحتسون ) نقز واحد منهم بأعلى صوته قال عطشااااااانييييييييين ابيهم يسكتون ابنزل الترمس قلت تبون مويه .؟ رد خوينا اللي يقول عطشانين وشاركه من معه بصوت واحد (لا نبي دخااااااااان ):) يعلم الله هذا اللي صار :: اذا عرف السبب بطل العجب
مالكم بالطويله واثر الربع معطبينها الله يصلحهم لقينا بطلين فاضيه مدفونه جمب الشبه وريحتهم تعايط
خفت اسحبه يصدمن زي الاول او يتسبب بحادث لاسمح الله وبعد مشاورات مع خويي قال خلنا نعس السواق كانه صاحي طلعناهم .. سولفنا معه الرجال مضبوط وعن الشكه خليناه يبرح ويدف علشان كان باقيبوه حثال يروح . طلعته وتعمدت اني اهج لدرب غير الدرب المؤدي للخط كأختبار أخير لمستوى الكحول

وسامحونا على الاطاله وركاكة الاسلوب


ووجهك وماقصرت هذا حق وواجب

[فطوم باك]

يعطيك الف عافية

[بر الوالدين]

بيض الله وجيهكم

كسبتو الأجر في معاونة كل محتاج

و فعلاً كل صاحب جيب يحرص على وجود الواير معه

[بر الوالدين]

عاد هاليومين حر :s و حراره


و لزوم تكون القرامه حاضرهـ :)


بالتوفيق يا أخوان


عصر الجمعه طلعت لمشوار ضروري ، المهم هذا راعي الفورد و الظاهر موتره مفور


جيت وراه على أساس بدفه بطلعه على الخدمه


المهم و ينفز راعي الهمر وهو اللي يدفه ما شاء الله عليه


و مشاء مسافه طويله دافه لين وصله للمحطه حتى إننا في زحمة إشارة و المحطة يمين بمسافه


يعني تخيل درب راعي الهمر يسار وعطل نفسه وراح يمين و الريتيرن مهب قريب و زحمة سيارات


و شمال الرياض يعني عند أعمال طريق الملك عبدالله


و الله يقويكم شباب

[بر الوالدين]

أهلاً و سهلاً بالجميع


و ياهلا و الله فيكم


( ( ( نعود من جديد و بعد مرور سنه و 4 أيام على الموضوع ) ) ) الله يالدنيا



نعود إليكم ، و خلال هذهـ الأيام يشتد الحر و الزحمات


إما إنك تصادف أحد متعطل سواء كان ( عزابي أو معاهـ عائلته )


و تصادف أيضاً العمال اللي يتشغلون تحت حرارة الشمس < < < وهي دعوهـ لتقديم لهم أي مشروب بارد ، تؤجر .




. . . . مرهـ أخرى و في إنتظار مداخلاتكم و تجاربكم و مواقفكم و نصائحكم فأهلاً لكم جميع







.

[.أبوعبدالرحمن]

والله وانا اخوك المواقف كثيرة

لكن مرة على طريق الشرقية وقفنا نصلي المغرب يوم صلينا جينا نبي نمشي قال الموتر هذا محلي غرزنا يمين يسار ولا فيه فايده

نسمنى الدبل الثقيل ولا فيه فايدة و وطلع ولد عمتي على الخط وتوقف لنا تريلة ثلاجة قال بساعدكم لكن 200 ريال

فتهاوش هو وإيا ولد عمتي ودقينا على امن الطرق والله يعطيهم العافية ما كملنا 15 دقيقة الا جانا العسكري وسحبنا وطلعنا


و لي عودة إن شاء الله

[بريداوي اصليm]

الحريقي
بيض الله وجهك
رجال من ظهر رجال
فزعتك تدل على شهاتمك وطيب اصلك
الله يجعل ماسويت بموازين حسناتك
وياليت كل الشباب مثلك كان الدنيا بخير
تقبل تحيتي

[قــــنـــاص عـــنــيـــزة]

اشكر اخوي بر الوالدين على طرح هذا الموضوع الشيق والمفيد...
اشكر كل من طرح قصته وساهم في إنجاح هذا الموضوع وتفاعله...
اشكر اخوي [الحريقي] جزيل الشكر على موقفه البطولي
وهذا يدل على شهامته وحسن تربيته
ومهما قلت لن اوفيه حقه...
تحيتي ومودتي للجميع...
قــــنــــاص عنـــيـــزة...

[محب الخيال]

لا هنت برك الله فيك

[بربنجي]

صراحة انا زمان كنت اوقف لاي شخص يأشر احاول اساعدة قدر الامكان وخاصة لما نروح للثمامة المخيم اوقف للعمال السودانيين اعتقد اكثرهم رعاة غنم او يشتغلون في المخيمات حراس
وبعدين صراحة حذرني اكثر من شخص لا توقف لاحد يمكن تطيح لك بشخص سكران ولا حرامي لا سمح الله
وتدخل في متاهات انت في غنى عنها
وانصح نفسي وانصحكم اذا شفت مكان فيه غراز لا تغامر وتدخل فيه عارف انكم بتقولون نصيب لكن الانسان ياخذ بالاسباب والحافظ الله
حتى لو تروح مسافه اكثر اريح من اني اغرز وقوم عاد احفر واردم واسحب وتقعد ساعة او اكثر وتقول ذيك اللحفظه يا ليتيني ما جيت من الغراز
والله يحفظكم ويرعاكم

[كهربان]

كنت ماسك خط القصيم في الليل انا وخويي رايح للزلفي ..
وفي نص الخط الا راعي ذاك الكابرس متعديني ومسرع ..
شوي ويوم تعداني بمسافه ليست بعيده الا وموتره يروغ يمين ويسار وبقوه ..
قلت ياساتر وش اللي صار وش جاه هل الكفر ضرب او العكوس او انه يفحط ..
المهم اني هديت ويوم قربت وناظرت زين الا هالثلاث النياق واقفات في نصف الخط ..
والوانها مجاهيم سود كنها فحم وكانو مكبتنين في نص الخط ولا فكروا يتحركون مغير ينتظرون فريسه ..
المهم واقرب منها والحقها بالسياره وبالبواري واطردها برا الخط ..
ويوم طلعتهم الا والقى باقي القطيع مبركين جنب الخط يمكن عددها خمسين..

المهم واقوم واتكي عندها لاترجع للخط وكنت قبلها بمسافه قد مريت على سياره امن الطرق وهي تسير بشويش مثل العاده واقعد انتظر لين وصلوا واوقفهم ..
وش عندك قلت شوفوا البعارين قالوا وينها قلت شف هناك جنب الخط .. يوم شافها قال الله لايربح راعيهم جزاك الله خير وماقصرت ..

الحمدلله اللي الله فكنا منهم وفك غيرنا .. والحقيقه انا ناسي وش اللي طلعهم على الخط مع وجود الشبك هل كانو بجنب الجسر ام ان الشبك مقطوع ..
لكن المهم انها جت سلامات ..

احسنت برالوالدين على الموضوع ..

[بر الوالدين]

الله يجزاك خير أخوي كهربان على تصرفك النبيل و إنتظارك عندها لا ترجع للخط ثانية

ولا أحد يشوفها خاصة إن لونها سود ماتنشاف




.

[ياما نسيت]

السالفة هذي صارت لأخوي

قبل سنتين اخوي جاي من الرياض الى المدينة معاه فورد كان معاه امي واخواتي بنشر عليه الكفر قبل القصيم وماكان معاه الا الاستبنه الصغيرة اللي تجي مع الفورد الامريكي ركبها ومشى عليها ومايقدر يسرع والليل حل

يقول اخوي تعداني راعي فورد معه عائلة وشوي وهو يهدي ويدق بوري لأخوي ويأشره يبغاه يوقف

اخوي خاف في البداية لكن يوم شاف ان معه عائلة وقف
طلع الرجال سنايدي ورجال ولد رجال

بدون كلام راح لشنطة سيارته وفتحها ونزل الاستبنه حقته الكبيرة واعطاها اخوي
اخوي يقول له انتظر اركبها وامشي معك الى اقرب محطة واشتري وحدة وارعطيك الاستبنه حقتك وهو رفض طيب يابن الحلال عطني رقمك يسير اردها لك رفض رفضا قاطعا يقول انا ديرتي قريبه وعدي وصلت لها وانت مشوارك بعيد ( المدينة )

ومن ذاك اليوم الى اليوم وامي تدعيله وتذكره بالخير

الله يجزاه خير ويفرج عنه كرب الدنيا والأخرة

[ABO ZAIN 29]

جزاءكم الله الف خير

[ابو عمررر]

يعطيكم العافية

[alrsash911]

جزاك الله خير بر الوالدين موضوع شيق ومفيد


موضوعي .. قبل تقريباً 10 سنوات ماسك الخط من القصيم للرياض بعد ما أقبلت على ساسكو الي بعد المجمعة الوقت تقريباً بعد المغرب الا اشوف بالمرايه سيارة تمشي فوق المعقول يعني تقريبا190 والمنعطف حق ساسكو خطير ونا أمسك يمين حيل لأني توقعت شئ بيصير المهم يوم تعداني بسرعته أخذ المنعطف الأول وبعد ما دخل بالمنعطف الثاني الا ما اشوف الا غبار كأنه جدار ولعت العالي ما أشوف لين تعديت الا السيارة ناشبه بالحديد الي فوق العبارة يعني لاصقه من قوة الضربه القزاز تفجر .. الخط شبه فاضي كنت بنص الاسبوع ونزل الا المفاجأة رجال كبير معه بناته 2 وثلاث أطفال والشغالة على سيارة سيدان مكسيما بعد ما أسعفتهم وتطمنا عليها كلهم سالمين الا جروح بسيطه من جراء تفجر القزاز قلت للرجال وين رايح قال الرياض قلت وش رايك انا لحالي وبناتك هالحين سالمين وعيالك وراك ما تخاوين بدل ما يجون الناس ويجعلونك فرجه قال توكلنا على الله ونزل عفشهم وشيلهم معي بسيارتي وأتصلنا بأمن الطرق وعطاهم معلومات عنه وجواله وسرينا للرياض طبعاً مرينا مركز اسعاف على الطريق تطمنا عليهم وقاموا بالواجب ونزلتهم بالنسيم وسريت


سألت الرجال قلت ياخال انت مسرع سرعه جنونيه .. قال والله ما أدري هذي سيارة ولدي وأنوار الطبلون طافيه ومدري كم امشي مشغل المكيف واسولف مع اعيالي مدري كم امشي ... وسلمتكم

[abdulaziz_1414]

الله يعطيك العافيه

[برق البشاير]

موضوع رائع ظهرت فيه صور جميلة من الشهامة .
والحقيقة أنه لا تردد في مساعدة العوائل على أي حال . أما الآخرين فبحسب الحال وما يظهر !! لأن بعض الأشكال تجلب الريبة !! وأما إن كانت معي عائلة فالحقيقة لن أفكر بالوقوف لأحد ـ غير العوائل ـ في الليل والطرق المقطوعة قليلة العابرين . والواقع أن قليل الشر يجعل المرء لا يندفع دون نظر في تقديم المساعدة . ومن القصص السلبية وقد دونت بالجهات الأمنية تفاصيلها . أن رجلاً شهماً طيباً وجد رجلين ـ ولي تحفظ على إطلاق وصف الرجولة عليهما ـ وقد وقع عليهما حادث مروري في منطقة مقطوعة أعطب سيارتهما ، وسلما منه .فتوقف لها الشهم ،وعرض عليهما المساعدة بتوصليهما إلى مكان آمن ، فركبا معه ،وبعد مسافة قصيرة كانت أسرع المكافأة على شهامته من الرجلين مسدس يدفع بمؤخرة رأسة ( لف يمين .. أخرج عن الخط .. سر من هنا .. قف .. انزل ). طرحاه أرضا بليل دامس وخطفا سيارته . والحقيقة تكشف بعد ذلك أنهما من مروجي ومهربي المخدرات . النظرة السلبية التشاؤمية غير مطلوبة ويجب الا نمتنع عن المساعدة بناءً على أوهام وتوجس دون دليل مادي أو تفرس صائب ، ولكن لا تندفع لكل أحد دون نظر . لعلي خرجت عن الموضوع ، ولكن حسبي أنه ذا صلة .

[وحيد الليل404]

مشكووووووووور على الموظوع المميز

[رسمال]

موضوع جميل لعله يحيي فينا الشهامة التي مع الأسف تكاد تنقرض
قبل كم يوم كنت راجع من العمل واذا بي اشاهد امرأة كبيرة بالسن بالقرب من عيادات ومستشفى الحرس تحاول الذهاب إلى مكان ما الا انها تبدو في قمة الاعياء والتعب فضلا عن انها على ما يبدو لا تعرف اين تذهب ... وبينما انا افكر وانا واقف عند الاشارة في طريقة للوقوف ومساعدتها واذا بضابط صغير السن من الحرس قد توقف وامسك بعكازها ويحاول ان ياخذها إلى المكان الذي تريد فاعتقدت انه ابنها فتوقفت واخذت اراقب الموقف واذا بشاب يأتي وياخذ المرأة المسنة ... فوالله اني حسيت بالفخر أن أرى من يقف في عز الحر والزحام لمساعدة الآخرين فجزاه الله خير

[الدبل الرابع]

موضوع يستحق المتابعه وتسجيل الشكر لمن يستحقه والله لايضيع اجر من احسن عملا

[دروب العارض]

روى مسلم في صحيحة :

عن أبي سعيد الخدري قال : بينما نحن في سفر مع النبي - صلى الله عليه وسلم - إذ جاء رجلٌ على راحلة له قال : فجعل يصرف بصره يميناً وشمالاً فقال رسول الله - صلى الله عليه وسلم - : ( من كان معه فضلُ ظَهرٍ فليعد به على من لا ظَهر له ، ومن كان له فضلٌ من زاد فليعد به على من لا زاد له )

التعليق على الحديث :

الظَّهر : هو كل ما يُركب من الدواب كالخيل والبغال والحمير ويلحق به وفى حكمه ما استحدثه الناس فى عصرنا من وسائل نقل ومواصلات حديثة كالسيارات وغيرها. وفضل الظهر أى ما وجد منه وزاد على حاجة المرء.

وأشبّه هذا فى عصرنا بمن يركب سيارة منفرداً وفى سيارته ثلاثة مقاعد فارغة والناس من حوله يسيرون على أرجلهم أو يقفون أوقات طويلة فى انتظار وسيلة مواصلات غالية كسيارات الأجرة أو رخيصة ولكنها مزدحمة واستعمالها قد يشوبه شئ من الامتهان مثل أتوبيسات النقل العام.

والنبى - صلى الله عليه وسلم - يأمرنا ويحثنا أن نجود بما معنا من فضل ظهر على من لا ظهر له

....

اعتذر عن الاطالة

في تقديري ان هناك سؤال يجب ان يطرح وهو :

لماذا اصبحت الناس تتخوف من نقل او مساعدة الاخرين ..؟؟

[الوافي.]

اوقف واحتسب الاجر على الله

والله لا يحطك بموقف مثله ولا تلقى من يعاونك

[محمد آل مغيرة]

الله يسلم الجميع ويعطيكم العافية الحقيقة مواقف تشرف
وحصل لي موقف أموت مانسيته ورغم ماحصل لا يمكن أمر وأشوف واحد متعطل وأخليه وخصوصا اذا كان معه عائلة
الموقف :
قبل يمكن تسع سنوات طالع من طريق الخرمة بإتجاه السريع (الرياض- الطائف) قبل المغرب بنص ساعة الا هاك الشايبين مبنشر عندهم كفر وقفت وعيالي معي لأني شفتهم شيبان , أول مانزلت وشفتهم أنقبض سبحان الله قلبي منهم سلمت عليهم ... سلامات ياعم عسى ماشر ؟
قال شوفت عينك مبنشرين ولا قدرنا نرفع السيارة
قلت بسيطة أناأغير البنشر بس ابعدوا عني شوي عطوني مساحة , وأنا أبيهم يبعدون عني حتى يكونون قدام عيني
المهم واحد منهم ياما جا من يميني ياما راح من يساري أقلقني
وأنا عيني على ظله على السيارة وقلبي يرجف متوجس منهم
والله لا يوريكم الا الرجال أشوف ظله يوم رفع ايديه وأوما على راسي بشيء معه ,وأنا أقحص (أنط) وتجي في ظهري وأنا تجيني هاك القوة العجيبة وأتداوس أنا وياهم وأحوسهم حوس بفضل الله ومعونته لي وأتوطاهم لين داخوا الثنين
وتوقف السيارات ويتقفل الطريق ويفزعون العالم , وقلبوا علي الناس قاموا يتباكون وواضح عليهم الطق والدم وشيبان وأنا شباب وأقنعوا كل من وقف اني معتدي عليهم وحادهم وقاطع عليهم الطريق ووووو
وأنا يا مسلمين هذا اللي حصل وهذا اللي صار هذولا يكذبون مافيه فايدة وبدو الناس يصدقونهم ويبون يفكونهم من يدي ,, وأروح لموتري وأجيب مسدسي والله يارجال يقربني أو يقربهم ان تخرج روحه ولا أفكهم الا في يدين الشرطة
وبلفعل جت الشرطة ورحنا للقسم طلع على هالشايبين بلاغات عدة مسوينها مع ست حالات قبلي في أماكن متفرقة من الطريق
ورغم ماحصل لازلت أساعد الناس ولكن بحذر شديد

[دروب العارض]

اخوي محمد


اخطأ في حق نفسا اولا وحق من استرعاك الله اياهم ثانيا وهم عائلتك


والله ما وقف ومعي عيالي .... يجيهم غيري ويساعدهم


اوقف اذا صرت لوحدي او معي اخويا اما عيالي معي فلا والف لا ..لان الامور ربما لا تحمد عقباها ..


نسأل الله عز وجل الا يكلنا الى انفسنا وان يكفينا شر من به شر .


والحمدلله الذي انقذك منهم ...


اخير اذا الواحد معه عائلة لا يفر يمين والا يسار الا والربع مربوط برجله والحافظ الله اولا واخيرا


ــــــــــــــــــــ
اذكر في حادثة وقعت معي وانا قادم من مكة الى الرياض ليلا ومعي اسرتي


كنت امشي في الطريق واذا بسياره من خلفي وبمسافة بعيدة تقريبا تكبس بالانوارة وكأنها تريدني ان اتوقف حقيقة لم اتوقف وواصلت السير ..هذه السيارة عرفتها بعد اقترابها مني لانني كنت قد تجاوزتها في الطريقة وهي سيارة أمن الطرق .. مع أنه واصل يكبس بالانوار ولم اتوقف مع معرفتي لها ..حتى اقبلت على محطة في الطريق وتوقفت عندها وشوي الا هذا امن الطرق بجنبي .. طلب الاثبات والاستمارة .. المهم قال ليش ما وقفت وانا اكبسلك .. رديت عليه ..هو كل من كبسلي اوقفله .. اذا تبيني اوقف وعندي مشكلة شغل سفتي الدورية وقفني لكن تكبس واوقفلك ما اظن عاقل يبي يوقف .. المهم الرجل حس انه غلطان واعطاني ارواقي وتوكل على الله ..
موقف طريف .. لكن يجب الحذر من كل احد


الله يكون في عون الجميع

[محمد آل مغيرة]

[QUOTE=دروب العارض;7080696]
اخوي محمد



اخطأ في حق نفسا اولا وحق من استرعاك الله اياهم ثانيا وهم عائلتك


والله ما وقف ومعي عيالي .... يجيهم غيري ويساعدهم


اوقف اذا صرت لوحدي او معي اخويا اما عيالي معي فلا والف لا ..لان الامور ربما لا تحمد عقباها ..


نسأل الله عز وجل الا يكلنا الى انفسنا وان يكفينا شر من به شر .


والحمدلله الذي انقذك منهم ...


اخير اذا الواحد معه عائلة لا يفر يمين والا يسار الا والربع مربوط برجله والحافظ الله اولا واخيرا


ــــــــــــــــــــ
الله يجزاك بالخير شكرا على النصيحة الطيبة الله يبارك فيك
الأمر الآخر أنا ما وقفت إلا يوم شفت بياض لحاهم كبار في السن
وعلى طول طرى علي الوالد الله يشفيه ويطول بعمره
ولكن الإنسان يتعلم مما يمر به مواقف
والله يرحم والدي ووالديك عن النار

[smjsmj]

كنت راجع إلى ينبع من المدينه واثناء الطريق نزلت الى طريق جانبي يودي إلى قريه فيها مسجد و اثناء وجودي بقرب المسجد حوالي الساعه الثانيه عشر مساء وكان معي عيالي, المهم جو اثنين شباب و قفوا وذهبوا لبارد الماء و بعد قليل جاء شاب ومعه زوجته وطفل صغير معاه مشكله في التنفس ويريدون الذهاب لمستشفى بدر ولكن سيارتهم ارتفعت حراراتها فطلب مني الفزعه, فتوكلت على الله وركبتهم ورا واهلي واطفالي حشرتهم عندي قدام وذهبت بهم لبدر و نزلتهم عند المستشفى و ضيعت شوي في بدر للوصول لطريق ينبع السريع و لكن الله يسر و دلوني شباب حصلتهم جالسين على جانب الطريق و سلامتكم

[بر الوالدين]

هذا موقف حصل لي

كنت في جدهـ تحديداً ( في سوق الميناء ) أنا و العائله ( زوجتي و بناتي )

كان الوقت بعد صلاة العشاء نبي نرجع للفندق

جيت بشغل ما إشتغل الموتر ( يقول هذا مكاني )

يبيله إشتراك : : : : : طبعاً ما معي إشتراك

كان الجو رطوبه و حر و بناتي يصبن عرق من الرطوبه و الحر :D سبحو

وما لقيت أحد ولا أحد وقف و كنت فاتح الكبوت

وجاني واحد لازلت أتذكرهـ و أدعي له شقردي و شهم ( شروا من يقراء )

وقف وسألني معك إشتراك < < < الجواب : لا ، وقال : آسف حتى أنا : ما معي

المهم الرجال : ركب و إستأذني و راح ؟؟؟؟؟





شوي إلا الرجال جاي . . . . . . و جايب معاهـ الإشترك ( توهـ شاريه جديد بكيسته :eek:)

و إشركنا الموتر و إشتغل

( ترك الإشتراك معي و رفضت إلا ياخذ حقه و في المقابل هو أيضاً رفض بالمرهـ )

وقال هذا هديه لك مني يمكن تحتاجه و ادعي تراي توي متزوج




.

[الضوء الرقمي]

تفاعل رائع من الاعضاء مع الموضوع
بارك الله فيكم

[O.S.7]

موضوع رائع مشكووور على الطرررح

[مطنوخ قطر]

فعلاً موضوع مميز وهام جداُ وجميعنا معرضين للمواقف على الطريق, جزا الله
صاحب الموضوع خيراً وجعلنا واياه بارين بوالدينا وخادمين لأمتنا اااامين.. المواقف كثيره ولكن هنا راح احكي لكم سالفة حصلت مع واحد من ربعنا كان جاي من الكويت, ويوم تعدى الخفجي عند اخر محطه من جنوب وهو اللي يشوف الشايب اللي يشر على الخط ومعه عجوزه,وقف الرجال عندهم جزاه الله خير وركبهم معه,وكان وقته بعد صلاة العشا تقريباً وعليهم هوا وبرد, الحاصل ان رفيقنا وسيع صدر وسوالفة طيبه,قام ياخذ ويعطي مع الشايب والشايب ماهو يمه,مهموم ويبدو ان احواله مصلَحه, يوم تعدوا السفانيه تقريباً بعشركيلو قال الشايب لرفيقنا ترى لفتنا اللي نبي ننزل عندها قربت, يوم وصل اللفه قال له الشايب جزاك الله خير يبوك حنا بننزل هنا, رفيقنا تعجب شوي,المكان مقطعه وبرد,قال للشايب وش منزلكم هنا؟ وين مكانكم وبوصلكم,قال الشايب اهلنا مع هاللفه وماهم بعيد, قام صاحبنا وقال لابد اوصلكم مكانكم ماني مخليكم في ذالليل,قال الشايب موترك يمكن يغرز وتعطل,المهم الرجال لف ومسك الطريق البري ,وسيارته مرسدس صالون,الله ستر ووصلهم مكانهم وقاموا يدعون له بأن الله يوصله سالم لهله ويكافيه شر الطريق,,, مشى رفيقنا لين وصل الطريق (طريق الخفجي-الدمام السريع), مسك الطريق متجه للدمام, يوم اقبل على كبري الجبيل ويامر الله وينقلب الرجال على سرعه تجاوز200كم, ويتقطع المويتر 200 قطعه من شافه قال الله يرحم اللي فيه (انا شفت الموتر بعد الحادث لاني كنت في الدمام وجيت على اتصال رفيقنا)........ياجماعه صدقوا او لاتصدقوا الناس اللي وقفوا على الحادث يقولون الله يرحم اللي فيه وهو واقف مافيه شي ,يقولهم انا اللي في الموتر ياناس وذالناس ماهم مصدقين....سبحان الله عمل المعروف ودعاء هاللي وصلهم بعد الله,,,, الزبده منذاالسالفه ان حنا ياجماعة امة خير امه حيه وفيها بركه وعسى الله يديم المعروف (طبعاً مع الاخذبالحيطه والحذر من بعض الاشخاص اللي تفزع لهم) ودمتم.

[عتيبي الدمام]

اشهد بالله ان هذا طبعا يااا هل الخليج

[ابوضيف الله]

انا يااخوان تعطلت بطريق حرض الساعه 2 الظهر بعز الحر امر الله ويضرب كفر والسيارة تلعب بي واطا لي صيخ مدري حديدة المهم انشق الكفر الثاني والله البلشة ومعي عيالي شوي الايوقفون شباب معهم جيب سلامات الله يسلمك قلت له السالفة كذا كذا الله لايهينكم ياشباب انتم تيسروا اذا شفتوا سطحة ارسلوها لي قال راعي السيارة ابد ويحرم الرجال الا تاخذ موتري وامش الحدود باقي عليها حدود 90 كيلو وفيها محطة خذلك غرفة وارسل لنا سطحة ووكل الله حنا نجيك يارجال حول بدل ويقوم الرجال ويطلق طلاق الا اخذ موترة وامشي قلت له ياابن الحلال قال خذ الموتر ورح المهم امري لله واخذ موترة وامشي وانا مالي وجه ماكلني الحيا ومتفشل المهم خذيت واحد من الكفرات معي واروح للمحطة واخذ لي غرفة وانزل عيالي واغير الكفر عند البنشري مالقيت لي الاكفر مستعمل وارجع للرجال والقاهم واقفين ميتين من الحر وانا ماخذ لهم موية وعصيرات باردة ونركب الكفر ونمشي واخذ رقمة واسمه والله يااخوان انا كل ماقمت وجلست اني ادعي لهم بس اللي انا مستغربة واحد متعطل بخط وتجي وتقول له خذ موتري وامش ماتعرفة ولايعرفك ولاتاخذ رقمة ولااسمه ولاتدري هو صادق والا كاذب
لكن الحمد لله الدنيا فيها خير وعيال الحلال كثار قعدت اسولف معه قلت له ياخي انت غريب قال لي ليه قلت انت عطيتني موترك وقلت لي امش ولاترجع لي انا بحمل السيارة بسطة واجيك وش دراك اني صادق ماني كاذب وش دراك اني ماني سارق السيارة قال حنا شباب وماعلينا خوف مثلك انت معك عايلة وعقالي وشاربي مهي على رجال لوشفتك بالوضع هاذا ولافزعت لك عيب على اني اشوفك وامشي واتركك ولوانك لحالك ماوقفت بس معك عايلة المهم اني انا وياه على تواصل الى هالحين والله اني ماانسي جميلة فيني وفي عيالي لين اموت

[بر الوالدين]

عز الله يبو ضيف الله إنك سنع و كفو و تذكر للرجال اللي موقفه معك لحد اللحين وما نسيته ولا حتى أعتبرته موقف حصل و إنتهى زمانه بل إنه لازمك لحد الآن

و الرجال اللي ساعدك عز الله إنه يستاهل الشحم و الدسم

[كحيلان تميم]

قريت كل الردود وكل سالفه احلى واجمل من الثانية فيها من العبر ..

بصراحه لو معي حريم ماراح افكر اوقف لاي احد .. ثانيا موب اي واحد تشوفه تساعده بعضهم بصراحه تخاف ..

[لامبالي]

صار لي قصه
ايام العزوبية كنا مسافرين من تبوك الى الجنوب مع واحد من الشباب راعي لومينا .
اللومينا رايحه فيها الانوار والبطارية ومامعنا اشتراك وعلى كذا ماشين . السواق الله يهديه يسرع في الطريق يوم خرجنا من ينبع ترتفع حراره السيارة ونوقف . الساعه 2 في الفجر دقينا على امن الطرق جانا العسكري وشفيكم قلنا السيارة ارتفعت حرارتها زي منت شايف نبغى مويه نعبي الرديتر واحنا نعبي المويه تخرج من الرديتر وماندري عنها ان فيه قطع في الللي الكوصل من الرديتر للمحرك اسفل السيارة
ونمشي وترتفع مرة ثانيه , ونوقف على مدخل قرية الرايس الساعه 3الفجر ولا احد وقف اشترت لواحد كداد لقيناه خخارج من البلدة وش فيكم نبغى مساعدة نبغى زيت ونبغى موية من القرية قال لنا مقفلين ولا يفتحون الا الساعه 8 الصبح يوم خميس
(السيارة ماتحتاج زيت فل زيت بس المشكله في المويه واحنا ماندري وش السالفه )
المهم نوقف راعي تريله بنزين ويدخلنا القرية ونروح اقرب بنشري وندق عليه بابه ههههههه الساعه 5 الفجر الناس قد صلت , مافتح لنا ويقابلنا راعي وايت صغير وش فيكم يا شباب الشارع فاضي ولا فيه احد قلنا والله نبغي نروح اقرب مكيانكي يشوف وشفيها السيارة ترتفع حرارتها ىثواني وارجع لكم ويوقف الوايت ويرجع لنا على كابرس وياخذنا ونجلس نلف في القرية ندور زيت وندور موية ,
اوخوينا اللي في السيارة وصلتهم امن الطرق وشغل لهم السيارة وعبى لهم الرديتر موية ووصفناهم بمكاننا وجونا عند مسجد وميكانيكي عند اول القرية عبينا السيارة اربع علب زيت على اللي جوتها ههههههه ونعبي السيارة موية ثاني مرة ونغير السواق ونتوكل على الله يوم خرجنا من الرايس والا نفس الحكاية ونوقف قلنا خلاص يبغالها سطحه ونجلس نتفاصل مع السواقين كل واحد يحط سعر من عنده وطفشانين وقرفانين مانمنا
ويجي راعي دينا محمل براميل وزيت يوم شفناه ويدق لنا بوري وش فيكم ياشباب قلنا الحرارة مرتفعه السيارة يبغالها سطحه راح وقف قدمنا واحد من الشباب يقول وش يبغي الملقوف هذا خلوه يفارقنا
نزل راعي الدينا وجلس يفحص السيارة والبطاريه والاسلاك والخراطيش قال بس خلاص هذي هي المشكله اللخروطوش الاسفل منقطع من حراره المكينة ويروح يقصه ويضبطه ويولف لنا اسلاك للمروحه عشان نشغلها اذا احترت السيارة (المروحه ماتتشتغل تمتك ) يولف الاسلاك ويدخلها جوه السيارة اذا احترت المكينة نشبكها وتشتغل المروحه واذا بردت نفصل الاسلاك
طبعا الزيت خرج من الصوف حقت المكينه حتى انعدمت المكينة من الزيت . والرجال يشتغل واحنا نتفرج ماندري وش نسوي ويرجع الدينا ويشرك السيارة ولم عدته حاولنا نعطيه فلوس حلفنا عليه قال والله ما اخذ شي بس ادعو لي واعطانا الاشتراك
الله يجزاه خير
خوينا بعد ماقال وش يبغي الملقوف هذا غير نظرته وصار يدعي له طول الطريق
هذي قصتنا
مايستفاد منها
1 التشييك على السيارة قبل السفر
2 اختيار الرفقه الطيبه
3 تعلم ابجديات التشييك على السيارة ومعرفه العطل قبل التصرف من راسك
4 لاتستحقر اي شخص ممكن هو افهم منك في السيارات

[ربوشي]

اولا اشكر اخونا الهويدي الي ساعد خوينا في الحريق واقوله بيض الله وجهك وجعله في موازين حسناتك سالفتي على الدائري بعد السفارات في الرياض فيه واحد متعطل ومعه عائلته ووقفت له وقال ابي بنزين واطلع للمحطه واجيب له بنزين والا عطاني 500 وقلت والله ما اخذها والله مااخذتها والثانية طفى موتر الوالد عند المرور الي على الدايري ومعي اهلي والوالده والا هذاك الي ياجر الدبابات جزاه الله خير قالي خذ موتري ود اهلك للبيت وتعال وقلت له يمكن العب عليك قال انا عطيتك الموتر ومعك عايله لو لحالك ماعطيتك والثالثه طالع من القصيم وعند المحطه قالي واحد وصلني للمجمعه قلت حياك قلت له تبي شي من البقاله قال ايه ابي سنكرس وعصير ليمون ومارس قلت بصلي واجيك قال صل قدام قلت له لا المهم وديتهوماش خايف منه ضخم الرجال ونزلته وسالت واحد من المجمعه معي في الدوام قالي علمته باسمه قالي انت خبل هذا فيه قل صح الحمدلله بعدها خلاص

[صياد العاصمه]

شكراً لصاحب الموضوع

وشكراً للهويدي وغيره من الشباب الي فيهم خير


مره صاحبي راجع من الدمام وكان لحاله .. تعب بالطريق ونزل على الخط بسرعه ووقف .. كان وراه سياره فيها ٢ الله يجزاهم خير .. نزلو له وفتحو الباب وشافو انه مايقدر يسوق .. كان باقي على الرياض تقريباً ٢٠٠ كيلو .. واحد منهم ساق سيارت صاحبي ووقفو عند بيته بالرياض الله يرحم والدينهم ويسخر لهم

[خشكاري]

سنة من السنين كنت مسافر في عز الشتاء من الشرقية للباحة ومعي حرمتي وولدي عمره شهر .. وحول حلبان بمسافة فتحت قزاز السايق لثواني ويوم جيت بقفلها عيت تتقفل .. أضغط الزر فوق تحت ياولد مافيه فايدة .. ومع المحاولات إلا وصوت ذيك الطقة وهي تنزل القزازة داخل الباب يعني القزاز صار مفتوح كامل .. وبرد جامد يالربع ينتف الوجه والموتر ماشي والبزر عمره شهر مايتحمل وآخر الليل لا والله النكبه .. قلت ياولد ماني موقف الا بمحطة .. المهم مشيت حول 90 كيلو ووقفت بالمحطة وكانت فاضية حتى الهندي زابن عن البرد وقفت تحت النور ونزلت العدة .. وبسم الله بديت أفك داخلية الباب الديكور .. وشوي إلا وراعي ددسن فيه اثنين شباب .. وقف جنبي وقال سلامات يالأخو قلت الله يسلمك مافيه شي بسيطه روح الله معك .. شوي الا والراكب نازل وجاي يمي .. وانا على طول أدخل يدي تحت المرتبه وأحطها على الفرد بدون ما أسحبه .. وهو شاف الحركه ووقف مكانه .. والله يالربع ما شكلهم راعين فزعه وخاصة أنه يشوف إن معي عايله الموتر مهوب مظلل .. وأنا أصيح عليه أنت ما تسمع قلت لك بسيطة توكل على الله .. وهو يرجع من مكانه ويركب الددسن .. وعشق ومشى على هونه وأشوفه يكلم خويه السايق .. يمشي على اقل من مهله وأنا عيني عليهم وبنفس الوقت شغال أفك الباب .. وهو يلف من ورى المحطه وينصاني من الجهة الثانية ومطفي نوره المره ذي ..!! ياولد الله يستر !! وقتها قلت مايبغالها كلام هالمره .. وأنا أسحب الفرد وأعلق على البوري قلت يغدي الهندي يصحى وأقلها يشهد لو صار شي .. وانا اوقف على رجلي مواجههم بالفرد مشرع بيدي .. وبس شاف الحركة ذي وهو يردها باثنين ويدوس حرام ماشفت الا غبرته .. ولا تطمنت لين شفته أبعد .. شوي الا الهندي جاي يفكرني بعبي بنزين .. والحمد لله الله فكني شرهم .. وفكيت ديكور الباب والهندي جزاه الله خير ساعدني وراح جاب لي خشب ورهمته بحيث أرفع القزازة وألزها بالخشب علشان تثبت مكانها .. وزبطت وكملت طريقي وانا والله ماعاد أحس بيديني ووجهي من قوة البرد ..

هذي سالفتي يالربع والحمد لله والفضل له وحده ثم للسلاح رد كيد الاثنين راعين الددسن اللي من أشكالهم والله يالربع أنهم مهوب مضبوطين وفيهم بلى .. وسلامتكم ..

[خشكاري]

وهذا موقف ثاني قديم حصل لي في عز أيام المراهقة عمري حول 18 كنت رايح الجبيل لمخيم عمي .. ولقيت واحد متعطل و يأشر بشماغه .. وقفت إلا وهو رجال كبير عمره حول 40 .. سلامات قال الكفر منصلخ وكفر الاستبنه بعد منصلخ .. قلت أبشر بالفزعه وشلنا الاستبنه وانا أدق فلشر وأعكس الطريق للمحطة تبعد حول 5 كيلو .. يوم وصلنا قال مامعي فلوس !! قلت ولا أنا مامعي الا 20 ريال وانا صادق ايام الفلس .. ونحاول بالهندي ويالله عطانا كفر مستعمل بالعشرين .. المهم مشينا شوي إلا الرجال يقول أنت والله ماقصرت و شكلك ماتقصر وودي أنك تجي معي وأنا عزوبي ومدري أيش !!! المهم الوصخ قام يقط كلام انا فهمته ..!! حرام بالله يالربع ارتفع ضغطي وماصرت أشوف .. حذفت الموتر جلد يمين الخط لاشعوريا والله وجلنط خليته يلصق بالباب وسحبت مفتاح موتري ونزلت له بالعجرى .. فتحت بابه قلت انزل ياخسيس انزل لعنة الله على هالوجه .. وهو يتمسكن وانا آسف لاتفهمني غلط وانا مدري أيش .. أقول أنزل ياللي فيك ياللي .. انواع السب .. وانا والله حاط فبالي وقتها انه اكبر مني لاكن كبدي ولعت نار عليه .. المهم نزل وأفتح الشنطه وأنطل الاستبنه حقته .. والملعون باقي له وجه يقول كمل جميلك وصلني موتري .. وأتحمى بكل قوتي وأرنه بوحده بالعجرى على راسه حطيت بها حرة الاوله والتاليه وطاح من قوة الضربه ولا طرى له يقاوم أبد .. وانا اسب وألعن فيه منغبن على حركته الخسيس ومنغبن على العشرين إللي دفعتها للكفر 20 ايام الفلس كنها الفين عندي ..
وإلى يومكم هذا يارجاجيل كل ما اتذكر الموقف والله إني أنغبن في داخل نفسي وتاكلني كبدي على الموقف .. وسلامتكم

[بر الوالدين]

قريت كل القصص اللي بعد ردي

سالفه لامبالي وخويكم اللي يقول لصاحب الدينا وش يبي هالنلقوف
والله نفروض انه اعتذر منه قدامكم مع دوعته له بالطريق

وسالفه ربوشي الله فكك من الخبل اجل سنكرس

خنشكاري الحمدلله على السلامه وحلبان منطقه كثير نسمع عنها سوالف مهي طيبه

وابوال 40 يالله حسن الخاتمه

اخونا صياد زين اللي سخر الله لخويك اجواد مهم حراميه كان نهبوه

[الاشهب 507]

مواقفي كثيره مره وحده يساعدوني الناس
وعشر اساعده وتستمر الحياه يوم لك ويوم عليك
المهم أنا عندي خبره في الكهرب والمكنيكى واعرف للسمكره
الي تمشي حال وتضبط المنضر العام للبودي
المهم كل ماشفت واحد متعطله مروحته ولا شيء احاول
اولف له اي شيء يمشيه لين يضبط وضعه ومره ضبطت لواحد
مروحه تماتيك على الكهرب طبعن ماهي اول مره اضبط مثل هذي الشغلات
وباسلاك كويسه جودته وتتحمل الحراره لكن مره والانسان ماهو معصوم
من الخطى ضبطت للرجال مروحته واشتغلة والطريق مهجوره
السيارات فيه قليل ونادره المهم ضبطت له الشغله لكن
اثار السلك الموجب إلى أنا موصله فيه قرصه خفيف ماانتبهت لها
المهم والكل يعرف ان بودي السيارات سالاب ابعدهى مشى الرجال وراي
وبعد كم كيلو إلى وهو يدق الفلشر وياشر لي بشماغه معى القزاز
وقفت ووقف وراي المهم إلى وهو نازل على بعجره اطول مني
ونغير تفاهم أنا فكرت بيحطه للكبوت لين حطه المره الاوله يوم وقفني
المهم الاسلاك إلى مديته له خليت تشبيكه يدوي بليد منغير فاصل بس.
سلكين تضرب في بعض والمهم تعرفون تتولد حراره إذا التمس السالب
والموجب حراره عاليه كلكم تعرفونه المهم اهو شبك السلك ويوم جاء بيفصله
احترق ابهامه من الحراره وزعل الرجال وصرني وانا غافل قلت ليه يابن الحلال
وهو ينافخ الانسان ماه معصوم من الخطاء ومن ذلكلام المهم على خفله
صفكني بلعجره صفقه ماهي بلسهله على يدي اليسار وانا عندي مشكله صحيه
إذا عصبت ادوخ وارتجف ومقدر اتصرف المهم كسر العجره على يدي وجلست
في عز الشمس لمدت تقربن نصف ساعه مقدر اشوف قدامي وارتجف
كني في واحد حاط عليه ثلج المهم ويوقف واحد من اخوياي يعرفن
ويوقف سيارت ويشيلني ويركبن في موتري لين هو يعرف أني اخاف على موتري
ويجلس بالي مشغول طول الوقت إذا أنا بعيد عنه المهم وعلى الطواري
ويطلع كسر مضاعف وانا مالي ذنب ومن طبعي لسبب صحي من يوم اناصغير
أين مستحيل امد يدي على احد واصبر واتحمل مايجيني لين إذا عصبت
مقدر اتصرف وادوخ ومقدر اشوف قدامي واحس ببروده شديده
في جسمي وهذا جزا فاعل الخير لكن قدر الله وماشاء فعل
ومن بعده موقف لحد واذا وقفت اعطيه العده إلى يحتاج وماتدخل
في شيء بكيفه هو حر في موتره
الاشهب 507

[turkiq]

مواقفي كثيره مره وحده يساعدوني الناس
وعشر اساعده وتستمر الحياه يوم لك ويوم عليك
المهم أنا عندي خبره في الكهرب والمكنيكى واعرف للسمكره
الي تمشي حال وتضبط المنضر العام للبودي
المهم كل ماشفت واحد متعطله مروحته ولا شيء احاول
اولف له اي شيء يمشيه لين يضبط وضعه ومره ضبطت لواحد
مروحه تماتيك على الكهرب طبعن ماهي اول مره اضبط مثل هذي الشغلات
وباسلاك كويسه جودته وتتحمل الحراره لكن مره والانسان ماهو معصوم
من الخطى ضبطت للرجال مروحته واشتغلة والطريق مهجوره
السيارات فيه قليل ونادره المهم ضبطت له الشغله لكن
اثار السلك الموجب إلى أنا موصله فيه قرصه خفيف ماانتبهت لها
المهم والكل يعرف ان بودي السيارات سالاب ابعدهى مشى الرجال وراي
وبعد كم كيلو إلى وهو يدق الفلشر وياشر لي بشماغه معى القزاز
وقفت ووقف وراي المهم إلى وهو نازل على بعجره اطول مني
ونغير تفاهم أنا فكرت بيحطه للكبوت لين حطه المره الاوله يوم وقفني
المهم الاسلاك إلى مديته له خليت تشبيكه يدوي بليد منغير فاصل بس.
سلكين تضرب في بعض والمهم تعرفون تتولد حراره إذا التمس السالب
والموجب حراره عاليه كلكم تعرفونه المهم اهو شبك السلك ويوم جاء بيفصله
احترق ابهامه من الحراره وزعل الرجال وصرني وانا غافل قلت ليه يابن الحلال
وهو ينافخ الانسان ماه معصوم من الخطاء ومن ذلكلام المهم على خفله
صفكني بلعجره صفقه ماهي بلسهله على يدي اليسار وانا عندي مشكله صحيه
إذا عصبت ادوخ وارتجف ومقدر اتصرف المهم كسر العجره على يدي وجلست
في عز الشمس لمدت تقربن نصف ساعه مقدر اشوف قدامي وارتجف
كني في واحد حاط عليه ثلج المهم ويوقف واحد من اخوياي يعرفن
ويوقف سيارت ويشيلني ويركبن في موتري لين هو يعرف أني اخاف على موتري
ويجلس بالي مشغول طول الوقت إذا أنا بعيد عنه المهم وعلى الطواري
ويطلع كسر مضاعف وانا مالي ذنب ومن طبعي لسبب صحي من يوم اناصغير
أين مستحيل امد يدي على احد واصبر واتحمل مايجيني لين إذا عصبت
مقدر اتصرف وادوخ ومقدر اشوف قدامي واحس ببروده شديده
في جسمي وهذا جزا فاعل الخير لكن قدر الله وماشاء فعل
ومن بعده موقف لحد واذا وقفت اعطيه العده إلى يحتاج وماتدخل
في شيء بكيفه هو حر في موتره
الاشهب 507


لاحول ولاقوة الا بالله
والله رحمتك ياخوي .. وش ذا الحالة!!
مثل هذا كان المفروض تبلغ عنه وتاخذ حقك منه

[الاشهب 507]

المشكله معرف عنه اي شيء
حتى شكله ماكنت ملقي له بال
اسلم عليه وقلبي ماهو حوله
والله يرحمك ويرحم ولديك
الاشهب 507

[الاشهب 507]

الحاله إلى عندي بذكره بشكل عام لتكون مفهومه الصوره
ا. وهو مرض نادر وقليل الانتشار نادر جدا بكل ماتعنيه الكله
ولله الحمد
هي عباره عن تقص في هرمون معين لاذكر اسمه بلضبط لكن
على ماعتقد هو الكفيين الطبيع في جسم الانسان
وهو المسول عن التحكم في الاعصاب
وقد ينقص عند الانسان منذولادته وعند نقص
لايستطيع الانسان التحكم بلشكل المطلوب في حركات جسمه
وايض هناك سبب اخر هو اضطراب خلاياء الدم احمرى والبيضاء
فيتسبب ذالك في انخفاض حرار الجسم بشكل ملحوظ
ممايأدي إلى الرعش وسببه هو عدم القدرت الكفيه
للتحكم في الاعصاب فيستنفر الجسم لضخ الدم في جميع
الاطراف بشكل عشواءي وهو خلل هرموني خطير في بعض
الحالات المتقدمه وهذا المرض نادر جدنا ونسبه قليله ولله الحمد
لدرجت ان. اكثر من 97% من الناس لا يعرفه اساسن واكثر الاطباء
ايضن لندرته وقلت ولم يعرف له سبب معي ولكن هناك بعض الحبوب
التي تساعد الجسم على التحكم في خلاي الدم ويخفف قليل من المعانات
ولكن هو في كل الاحوال هو عباره عن مرض من الامراض العصبيه
النادره ولله الحمد والله يكفيكم شره وشكر كل مرض خبيث
وهناك الكثير من الامراض والحالت غير المفهومه ولم يكتشف لها علاج
معين وأذا اراد الله فيه علاج جديد قد يكون هو الحل بعد الله سبحان وتعالى
لكن لم يتم طرح في السوق حتى الان ليعرفوا مدى فعاليته وماهي اعراضه
الجانبيه أنا هذى الكلام إلى فهمته من الدكتور لينه تكلم بكلام كثير وفيه
مصطلاحات انقلبزيه ولاتينيه لم افهما ولكن هذى ماتضح لي
من كلامه والله واعلم
الاشهب 507

[Daym]

الله يشفيك ويكتبلك الصحة والسلامة عاجلا غير آجل

[الاشهب 507]

امين وكل مسلم يشتكي
من اي مرض اوهم الكرب
او اي شيء يضايك ان الله
يشفيه ويزيل همه ويعينه على
عبادة وحده لاشريك له
الأشهب 507

[صياد العاصمه]

السالفه ذي اليوم


الساعه ٨ اتصل علي نسيبي مغرز قبل خريص ب ٢٠ كيلو تقريباً

جاهو واحد شرواكم بيساعهده وغرز معه

اتصلو على امن الطرق وللاسف قالو لهم بنجي .. بعد ساعه رجعو واتصلو عليهم وقالو انتم مو تبعنا

المهم وقف راعي سطحه وسحب نسيبي و طلعت السياره باقي الرجال الثاني للحين يحاولون يطلعون سيارته ( وقت كتابة القصه ) ولله الحمد شباب البلد فيهم خير .. كل شوي موقف واحد

دعواتكم

[سعود501]

السلام عليكم

هذا مرة كنت امشي بطريق خريص الساعه 5 الفجر وكنت ماشي بخط الخدمة شوي والا اشوف فورد ماركيز نازل منها رجال يشر واوقف له واشوف وش عنده والله ويجيني يقول تكفا يخوك مقطوع بنزين ومعي عوايل قلت اركب مشينا نجيب لك بانزين شوي يوم ركب ورحنا للمحطه ونلقاها مقفله قلت نبي ناخذ لنا كم لفه الين يفتحون المحطات قال ما ورانا شي قلت له واهلك اللي بالموتر الرجال قال اي اهل انا لحالي !!! الوكاد مشيتها ما دققت شوي الا والرجال يطلع حشيش من جيبه ويقول يالله عاد نبي نلف لنا زقاره الين يفتحون !!!!!!!! والله وانا واوقف علا طول واقوله حول اذلف انزل ما يفهم وعيا ينزل وقال ماني نازل الا عند موتري وامشي طبلون الموتر ابي الفكه وحنا رايحين لموتره يقولي انا بياع اي خدمه ومدري وش وانا ساكت مارد عليه الين وصلته موتره يوم نزل قال دامك فاضي رح جب لي بنزين وتعال قلت ابشر بس وش تعبي انت {ابيه ينتظر لو شوي ) الوكاد وانا انصا اقرب دوريه واعلمه بالعلم كله والله ما امداني اروح اشوف وشصار عليه الا وهم قاشينه بالدوريه ومن بعد هالسالفه حرمت اوقف لاحد لا داخل الديره ولا خارجها

[راشد7]

السلام عليكم

هذا مرة كنت امشي بطريق خريص الساعه 5 الفجر وكنت ماشي بخط الخدمة شوي والا اشوف فورد ماركيز نازل منها رجال يشر واوقف له واشوف وش عنده والله ويجيني يقول تكفا يخوك مقطوع بنزين ومعي عوايل قلت اركب مشينا نجيب لك بانزين شوي يوم ركب ورحنا للمحطه ونلقاها مقفله قلت نبي ناخذ لنا كم لفه الين يفتحون المحطات قال ما ورانا شي قلت له واهلك اللي بالموتر الرجال قال اي اهل انا لحالي !!! الوكاد مشيتها ما دققت شوي الا والرجال يطلع حشيش من جيبه ويقول يالله عاد نبي نلف لنا زقاره الين يفتحون !!!!!!!! والله وانا واوقف علا طول واقوله حول اذلف انزل ما يفهم وعيا ينزل وقال ماني نازل الا عند موتري وامشي طبلون الموتر ابي الفكه وحنا رايحين لموتره يقولي انا بياع اي خدمه ومدري وش وانا ساكت مارد عليه الين وصلته موتره يوم نزل قال دامك فاضي رح جب لي بنزين وتعال قلت ابشر بس وش تعبي انت {ابيه ينتظر لو شوي ) الوكاد وانا انصا اقرب دوريه واعلمه بالعلم كله والله ما امداني اروح اشوف وشصار عليه الا وهم قاشينه بالدوريه ومن بعد هالسالفه حرمت اوقف لاحد لا داخل الديره ولا خارجها
تذكر في كل مره إن هذا العمل ماهو للمتعطل...
وحتسب الأجر .....ممكن هذا البلاغ الي قدمته خير وأجر لك.

[اليامي قطر]

انا طالت عماركم واعوذ بالله من انا

حصل علي حادث قبل 3 سنوات تقريبا كنت شاري لي سياره

نظيف بمعنى الكلمه وشكله جذاب ونادر في الديره وكنت فرحان بالموتر

واتمشى به ومااخلي به شارع من الفرحه والوناسه والله واشوف هاك الموتر

يولع لي النوور واوقف له .. كيف الحال يارجل ؟ الموتر للبيع ؟ لاوالله .. اهاااا !!

واحرك للبناشر ابي اصلح الاستبنه وانا اصلح الكفر ويجيني واحد وقال المزيوون للبيع

قلت اذكر الله وماني بايع وضحك وقال لاتخاف البلد مليان مواتر احلى من موتركـ

للمعلوميه : كلهم يجون من الجهه اليسرى يعني جمب الموتر الايسر

وخلصت من البنشر واروح البيت لكن المصيبه قبل اجي البيت

صار معاي مثل النعاس الخفيف ودعمت ماصوره اللمبه حقت الشارع وينعدم الرفرف الايسر

مع القزازه والبانه ووالكفر وضرب راسي بالقزازه وصار معاي نزيف

وجلست برا الموتر مثل السكران لاني واعي ولامصاب واشوف السيارات اللي تمر علي

مايوقفون يخافون تركبهم القضيه فالشرطه واجلس بمكاني مايعادل الساعه

لكن وقف رجل شهم بمعنى الكلمه الله يحفظه وهو كان مسافر لكن وقف عندي وشالني على سيارته

وانا ملطخ بالدم وسيارته توسخت بالدم وشال سيارتي من الشارع وعطاني المفتاح ووصلني البيت

رغم محاولته يوصلني المستشفى لكن انا رفضت والحمدلله على كل حال

والسياره صار فيه عين الى اليوم والليله ويجيها حوادث

واخر ماجاها الليله صدمني سوداني من الخلف والحمدلله على السلامه

[الحربي 591]

انا طالت عماركم واعوذ بالله من انا

حصل علي حادث قبل 3 سنوات تقريبا كنت شاري لي سياره

نظيف بمعنى الكلمه وشكله جذاب ونادر في الديره وكنت فرحان بالموتر

واتمشى به ومااخلي به شارع من الفرحه والوناسه والله واشوف هاك الموتر

يولع لي النوور واوقف له .. كيف الحال يارجل ؟ الموتر للبيع ؟ لاوالله .. اهاااا !!

واحرك للبناشر ابي اصلح الاستبنه وانا اصلح الكفر ويجيني واحد وقال المزيوون للبيع

قلت اذكر الله وماني بايع وضحك وقال لاتخاف البلد مليان مواتر احلى من موتركـ

للمعلوميه : كلهم يجون من الجهه اليسرى يعني جمب الموتر الايسر

وخلصت من البنشر واروح البيت لكن المصيبه قبل اجي البيت

صار معاي مثل النعاس الخفيف ودعمت ماصوره اللمبه حقت الشارع وينعدم الرفرف الايسر

مع القزازه والبانه ووالكفر وضرب راسي بالقزازه وصار معاي نزيف

وجلست برا الموتر مثل السكران لاني واعي ولامصاب واشوف السيارات اللي تمر علي

مايوقفون يخافون تركبهم القضيه فالشرطه واجلس بمكاني مايعادل الساعه

لكن وقف رجل شهم بمعنى الكلمه الله يحفظه وهو كان مسافر لكن وقف عندي وشالني على سيارته

وانا ملطخ بالدم وسيارته توسخت بالدم وشال سيارتي من الشارع وعطاني المفتاح ووصلني البيت

رغم محاولته يوصلني المستشفى لكن انا رفضت والحمدلله على كل حال

والسياره صار فيه عين الى اليوم والليله ويجيها حوادث

واخر ماجاها الليله صدمني سوداني من الخلف والحمدلله على السلامه


وراك ما تعلمنا وش هو الموتر ذا هههههه ملقوف صح
ماشاء الله تبارك الله ويعطيك خيره ويكفيك شره

[اليامي قطر]

وراك ما تعلمنا وش هو الموتر ذا هههههه ملقوف صح
ماشاء الله تبارك الله ويعطيك خيره ويكفيك شره

هههههههههههههههههههههههههههہَ

الموتر. .. المليح اللي بالتوقيع

جي اكس الفين قير عادي

[الاشهب 507]

حلك عندي
عطني رقمك
على الخاس واراسلك
واتس واعندي الطريقه
كيف تبعد العين عن موتر
نهاءين باذن الله وانا جربته
على موتر والى يومك مافيه
مخشه حتى لو صغيره الحمد لله والمنه
والموتر كان معيون في الوجهيه
وكل اسبوع وانا مغير وجهيه صار يوقف
في الورشه اكثر من البيت حاولت اخليه واقف
مانفع انصدم وهو واقف
انت ارسل لي رقمك وامرك سهل وبصيط جدا
ومراح تتكلف بشيء وان شاء الله معاد يجيه
مخشه وحده باذن واحد احد الطريقه طويله
ويبغاله شرح لك سهله باذن الله
الأشهب 507

[الاشهب 507]

حلك عندي
عطني رقمك
على الخاس واراسلك
واتس واعندي الطريقه
كيف تبعد العين عن موتر
نهاءين باذن الله وانا جربته
على موتر والى يومك مافيه
مخشه حتى لو صغيره الحمد لله والمنه
والموتر كان معيون في الوجهيه
وكل اسبوع وانا مغير وجهيه صار يوقف
في الورشه اكثر من البيت حاولت اخليه واقف
مانفع انصدم وهو واقف
انت ارسل لي رقمك وامرك سهل وبصيط جدا
ومراح تتكلف بشيء وان شاء الله معاد يجيه
مخشه وحده باذن واحد احد الطريقه طويله
ويبغاله شرح لك سهله باذن الله
الأشهب 507

[خشكاري]

مواقفي كثيره مره وحده يساعدوني الناس
وعشر اساعده وتستمر الحياه يوم لك ويوم عليك
المهم أنا عندي خبره في الكهرب والمكنيكى واعرف للسمكره
الي تمشي حال وتضبط المنضر العام للبودي
المهم كل ماشفت واحد متعطله مروحته ولا شيء احاول
اولف له اي شيء يمشيه لين يضبط وضعه ومره ضبطت لواحد
مروحه تماتيك على الكهرب طبعن ماهي اول مره اضبط مثل هذي الشغلات
وباسلاك كويسه جودته وتتحمل الحراره لكن مره والانسان ماهو معصوم
من الخطى ضبطت للرجال مروحته واشتغلة والطريق مهجوره
السيارات فيه قليل ونادره المهم ضبطت له الشغله لكن
اثار السلك الموجب إلى أنا موصله فيه قرصه خفيف ماانتبهت لها
المهم والكل يعرف ان بودي السيارات سالاب ابعدهى مشى الرجال وراي
وبعد كم كيلو إلى وهو يدق الفلشر وياشر لي بشماغه معى القزاز
وقفت ووقف وراي المهم إلى وهو نازل على بعجره اطول مني
ونغير تفاهم أنا فكرت بيحطه للكبوت لين حطه المره الاوله يوم وقفني
المهم الاسلاك إلى مديته له خليت تشبيكه يدوي بليد منغير فاصل بس.
سلكين تضرب في بعض والمهم تعرفون تتولد حراره إذا التمس السالب
والموجب حراره عاليه كلكم تعرفونه المهم اهو شبك السلك ويوم جاء بيفصله
احترق ابهامه من الحراره وزعل الرجال وصرني وانا غافل قلت ليه يابن الحلال
وهو ينافخ الانسان ماه معصوم من الخطاء ومن ذلكلام المهم على خفله
صفكني بلعجره صفقه ماهي بلسهله على يدي اليسار وانا عندي مشكله صحيه
إذا عصبت ادوخ وارتجف ومقدر اتصرف المهم كسر العجره على يدي وجلست
في عز الشمس لمدت تقربن نصف ساعه مقدر اشوف قدامي وارتجف
كني في واحد حاط عليه ثلج المهم ويوقف واحد من اخوياي يعرفن
ويوقف سيارت ويشيلني ويركبن في موتري لين هو يعرف أني اخاف على موتري
ويجلس بالي مشغول طول الوقت إذا أنا بعيد عنه المهم وعلى الطواري
ويطلع كسر مضاعف وانا مالي ذنب ومن طبعي لسبب صحي من يوم اناصغير
أين مستحيل امد يدي على احد واصبر واتحمل مايجيني لين إذا عصبت
مقدر اتصرف وادوخ ومقدر اشوف قدامي واحس ببروده شديده
في جسمي وهذا جزا فاعل الخير لكن قدر الله وماشاء فعل
ومن بعده موقف لحد واذا وقفت اعطيه العده إلى يحتاج وماتدخل
في شيء بكيفه هو حر في موتره
الاشهب 507

لا حول ولاقوة إلا بالله .. أنت ماغلطت يالنشمي .. أجتهدت باللي قدرت عليه .. والشخص ماله حق ينزل بالعجره لأنك منت مستقصده .. والحمد لله جت سلامات .. وأجرك على الله وأسأل الله أن يشفيك ويعافيك ويوفقك لكل خير ..

[مطر وسم]

هذي قصه غريبه وعجيبه يمكن محد يصدقها حصلت لي



مره طلعت لوحدي من الرياض متجه للقصيم قبل حوالي سنه حصلت واحد مع عائلته متعطل على الطريق منصلخ كفر سيارته ولا معه استبنه ونفس سيارتي بالظبط عطيته الاستبنه وركبها قالي الحقني للمجمعه اشري لي كفر واعطيك الكفر حقك قلت لا مابيها خذها لوجه الله اهم شي تمشي قبل الليل معك عائله



المهم مشيت كملت طريقي وقبل ما اوصل بريده 40 كيلو بنشر كفر سيارتي وابتلشت ماعندي ستبنه هههههههههههه



سبحان الله محد يصدق ولا انا صدقت ولا هو بعد صدق اللي عطيته استبنتي اللي معه العائله مر من عندي شافني ووقف حول من سيارته وجاء لمي قالي وشفيك قلت الكفر بنشر علي وجلسنا نضحك على الموقف وقال هالمره انا بفزعلك وفكينا الكفر وراح صلحه ورجع لمي وركبنا الكفر ورجع لي استبنتي الاوله لانه شرى كفر جديد



سبحان الله من كان يصدق اني افزعله واتبرعله بكفر سيارتي ويبنشركفر سيارتي ويصادفني ويفزعلي نفس الشخص



لكن من يفعل الخير بنيه صادقه يحصله بأذن الله



ودمتم سالمين

[الاشهب 507]

والله هذى الزمن
غير سار يخوف
اليوم الله يجيركم من كل شر
في واحد سكران الله يكرمكم
في بلجرشي وانا رايح ابها
وفيه بنات ضعوف واقفين عند
بوفيه والبوفيه كله يمنه واجانب
بس وش يسون مطرين ويمكن
عندهم ضروف ويجي السكران
ويلاحقهم ويتكلم بكلام مايرضي
لاعدو ولاصديق ويقول قربوا
ولابس ملابس الله يكرمكم بس
شكل عليه مدري كيف هو
وانا الوحدي السعودي واليمنه الخونه
واقفي يتفرجون مفيهم رجال قدر يمنع
وانا مب يدي حيله وفيه وحده تناضر فيني وش اسوي
اتصلت بلشرطه محد حولك واعلق البور ابغى
الفت انتبه السكران وعلشان افك الحريم إلى أنا
باموت غبنه مقهر واحسست بلحقاره والدناه إذا لم
اقوم باي شيء لو اريح ضميري بس ان سويت شيء
والتفت لي السكران ويحذف علي وانت بكرامه نعاله
ويقلب علي وصوت الحرمه الكبيره تدعي لي
طبعني مدري كيف أنا قدرت اتماسك وما اطيح
واكتم الموتر وادق بلصدام ويطيح ذلحين
شوف وش سووا الخونه ابو يمن واشكاله
فزعوا كلهم علي واتصل على الشرطه وحاله
طاريه يابن الناس يبن الحلال محد حولك
كنهم يقولن لك تصرف وبعده نجيك
وبعد 20 دقيقه تقرين توصل الدوريه وتسحبني
وتسحب السكران معي بالحقكم بموتر مافيه امل
والله وعلى قفص الدوره واقول لهم السالف
قالوا ماقصرة بس ماتطلع إلى بكفاله
وين احد يكفني معرف احد ولا احد يقرب لي
أنا من اهل النماص قالولا مافيه إلى كفاله
والله ويوم درى ولد المره إلى تدعي لي
واخوى البنات ويجي لم المركز قبل لايدخلوني
التوقيف وما قصر طلعني على كفالته
والحمد لله اهم شيء ريحت ضمير المفروض
اتصرف احسن من كذا بس المهم أني سويت
الي اقدر عليه واجري على الله
الأشهب 507

[الاشهب 507]

معليش غلطنا
غلطه قويه مره
توي ملاحضه
غلطه قويه عكسنى
خرايط المملكة قصدر
أنا رايح للباحه ؤقف في بلجرشي
لين كنت افكر في ابها وتداخلت
الافكار وجات في السالفه
اعتذر على الخطى الفادح
الأشهب 507

[اليامي قطر]

ماقصرت يالاشهب سويت الواجب الله يكفينا الشر

[الفاينل]

موضوع شيق المواقف كثير مشكلتي ماقدر اشوف متعطل وامشي
على قولت الشباب خبل والله يكتب لنا ولكم الاجر بذكر الغريبه منها

اخر موقف
كان اطرف موقف والله واغرب موقف قبل اقل من شهر لكن مابذكره عشان الاجر

اذكر مره قبل كم سنه جاني اتصال الفجر ان اخوي الله يرحمه دخل المستشفى
واطلع له مستعجل ومتوتر وبعد ٢٠٠ كيلو احصل واحد متعطل على الخط واوقف
واسحبه ويعلم الله اني مسرع وهو ماغبر ياشر بيده يوم دخلت به المحطه قال ياخي
انت متهور قلت لاوالله بس مستعجل قال وليش توقف قلت لقافه

موقف ثاني
على طريق الوادي والساعه بعد ١٠ في الليل والله معي عايله واحصل شياب متعطلين
واوقف قلت سلامات وش اخدمكم به والله رد علي واحد قال بعض الفزعات تنكب صاحبها
اقولكم خبل

موقف اخر
طالع البر رايح لشباب واتفاجى بسياره سيدان في البر ومغرز واوقف عنده والله في الليل
قلت شنكارك ورا ولا قدام قال شكرا مابي مساعده قلت يالحبيب ماحد بيجيك في ذا المكان
حتى اذا لك خوي مستحيل يوصلك قال انت تفهم مابي منك شي واروح عنه شوي واوقف بعيد
وارجعله قلت يمكن يغير رايه وانا بعد ابي اخوياي قال انت وراك بلا بتروح ولا كيف
واعشق واقرص له ماسمعت الا سبه

[اليامي قطر]

موضوع شيق المواقف كثير مشكلتي ماقدر اشوف متعطل وامشي
على قولت الشباب خبل والله يكتب لنا ولكم الاجر بذكر الغريبه منها

اخر موقف
كان اطرف موقف والله واغرب موقف قبل اقل من شهر لكن مابذكره عشان الاجر

اذكر مره قبل كم سنه جاني اتصال الفجر ان اخوي الله يرحمه دخل المستشفى
واطلع له مستعجل ومتوتر وبعد ٢٠٠ كيلو احصل واحد متعطل على الخط واوقف
واسحبه ويعلم الله اني مسرع وهو ماغبر ياشر بيده يوم دخلت به المحطه قال ياخي
انت متهور قلت لاوالله بس مستعجل قال وليش توقف قلت لقافه

موقف ثاني
على طريق الوادي والساعه بعد ١٠ في الليل والله معي عايله واحصل شياب متعطلين
واوقف قلت سلامات وش اخدمكم به والله رد علي واحد قال بعض الفزعات تنكب صاحبها
اقولكم خبل

موقف اخر
طالع البر رايح لشباب واتفاجى بسياره سيدان في البر ومغرز واوقف عنده والله في الليل
قلت شنكارك ورا ولا قدام قال شكرا مابي مساعده قلت يالحبيب ماحد بيجيك في ذا المكان
حتى اذا لك خوي مستحيل يوصلك قال انت تفهم مابي منك شي واروح عنه شوي واوقف بعيد
وارجعله قلت يمكن يغير رايه وانا بعد ابي اخوياي قال انت وراك بلا بتروح ولا كيف
واعشق واقرص له ماسمعت الا سبه

اسمح لي اخووي في بعض تصرفاتك

يقول لك المثل مازاد عن حده انقلب ضده

ماهو كل من شفته وقفت له الناس هالايام فيهم الصاحي والخبل والسكران

والمرجوج وبعض الفزعات يمكن تضرك انت لاسمح الله او توقف عند واحد ماهو بصاحي

ومعه سلاح مهما كان نوعه وتلحق منه ضرر ولا احد معك

ف يجب عليك توقف عند واحد دون واحد بعد ماتشوف الرجل وتشوف وضعه

هذي نصيحه مني لكـ :) وللجميع

[الفاينل]

اسمح لي اخووي في بعض تصرفاتك

يقول لك المثل مازاد عن حده انقلب ضده

ماهو كل من شفته وقفت له الناس هالايام فيهم الصاحي والخبل والسكران

والمرجوج وبعض الفزعات يمكن تضرك انت لاسمح الله او توقف عند واحد ماهو بصاحي

ومعه سلاح مهما كان نوعه وتلحق منه ضرر ولا احد معك

ف يجب عليك توقف عند واحد دون واحد بعد ماتشوف الرجل وتشوف وضعه

هذي نصيحه مني لكـ :) وللجميع



بيض الله وجهك كلامك صحيح
ولكن وش تقول الله يسترنا
دايم الوم نفسي ولا اخفيك طحت في مواقف زعلتني ولكن الله يعلم بنيتي ويخارجني
والله ساعدت واحد وتوقفت بالشرطه لانه كان مطعون وبغيت البسها والله ستر
ومره ساعدت شباب وشافوني لوحدي قالو نطقطب عليه والحمدلله الله انتقم لي منهم

[اليامي قطر]

بيض الله وجهك كلامك صحيح
ولكن وش تقول الله يسترنا
دايم الوم نفسي ولا اخفيك طحت في مواقف زعلتني ولكن الله يعلم بنيتي ويخارجني
والله ساعدت واحد وتوقفت بالشرطه لانه كان مطعون وبغيت البسها والله ستر
ومره ساعدت شباب وشافوني لوحدي قالو نطقطق عليه والحمدلله الله انتقم لي منهم

اجل انت بنفسك جربت مايحتاج انصحك :)

الله ييسرها لك ياارب

[يكفيني نظرة]

سوالف شيقه والله يكتب الاجر لصاحب الموضوع ولجميع من كتبوا قصصهم ومن ساهم بمساعده لمتعطل او محتاج ..

[تربة الشمال]

الحمد لله الذي هدناء لفعل الخير بالنسبه لي اناء كم مره احصل ناس متعطلعين خارج المدينه علئ طريق سريعه لاكن علئ حسب شكل محتاج المساعده مثلاً عائله او شخص معه اطفال او عسكري وحتئ بعض الاجانب ولله الحمد قمة بمساعدتهم والحمد لله لم اواجه اي مشكله من احد حيث اني اذ نويت مساعدة احد اتوكل علئ الله واجعلهاء خالصتاً لوجه لله سبحانه وتعالئ حيث ان الناس نفسه في يوم من الايام يحتاج مساعده

[بر الوالدين]

زانت علومكم يالربع

الفاينل / أنت خطير هههههههههههه أجل شنكارك

[LampLamp]

ماشاء الله

[LampLamp]

مشكور والله يعطيك العافية

[حصاد الوشم]

بيض الله وجهك كلامك صحيح
ولكن وش تقول الله يسترنا
دايم الوم نفسي ولا اخفيك طحت في مواقف زعلتني ولكن الله يعلم بنيتي ويخارجني
والله ساعدت واحد وتوقفت بالشرطه لانه كان مطعون وبغيت البسها والله ستر
ومره ساعدت شباب وشافوني لوحدي قالو نطقطب عليه والحمدلله الله انتقم لي منهم


طيب عطنا هالسالفتين

:D:good2::good:

[ام الدجيجات]

السلام عليكم ورحمة الله وبركاته
القصه ياخوي سد الحريق صحيحه ولا فيها اخطأ بس والله كلفت على عمرك رحت وكتبت القصه والتفاصيل وماباقي منتدى الا وحطيت القصه فيه بس ماقصرت وماقصرت بعد ع الترحيب ومشكوووووووووووور الف مره

هههههههههههههههه
أجل مراقبه

[ام الدجيجات]

الحريقي

بيض الله وجهك
رجال من ظهر رجال
فزعتك تدل على شهاتمك وطيب اصلك
الله يجعل ماسويت بموازين حسناتك
وياليت كل الشباب مثلك كان الدنيا بخير

تقبل تحيتي

الحريقى ماهو هو اللى أنقذ العايله
العايله عايلة الحريقى وهو كتب قصته
ركزو ياخى
اللى أنقذه كتب إسمه جزاه الله خير
بس وش هالجرأه بالبنغالى
وليش ماجاته الحرمه من وراه وخنقته أعتقد سهله
لعن الله أبو مجناه اليهودى

[ام الدجيجات]

سنة من السنين كنت مسافر في عز الشتاء من الشرقية للباحة ومعي حرمتي وولدي عمره شهر .. وحول حلبان بمسافة فتحت قزاز السايق لثواني ويوم جيت بقفلها عيت تتقفل .. أضغط الزر فوق تحت ياولد مافيه فايدة .. ومع المحاولات إلا وصوت ذيك الطقة وهي تنزل القزازة داخل الباب يعني القزاز صار مفتوح كامل .. وبرد جامد يالربع ينتف الوجه والموتر ماشي والبزر عمره شهر مايتحمل وآخر الليل لا والله النكبه .. قلت ياولد ماني موقف الا بمحطة .. المهم مشيت حول 90 كيلو ووقفت بالمحطة وكانت فاضية حتى الهندي زابن عن البرد وقفت تحت النور ونزلت العدة .. وبسم الله بديت أفك داخلية الباب الديكور .. وشوي إلا وراعي ددسن فيه اثنين شباب .. وقف جنبي وقال سلامات يالأخو قلت الله يسلمك مافيه شي بسيطه روح الله معك .. شوي الا والراكب نازل وجاي يمي .. وانا على طول أدخل يدي تحت المرتبه وأحطها على الفرد بدون ما أسحبه .. وهو شاف الحركه ووقف مكانه .. والله يالربع ما شكلهم راعين فزعه وخاصة أنه يشوف إن معي عايله الموتر مهوب مظلل .. وأنا أصيح عليه أنت ما تسمع قلت لك بسيطة توكل على الله .. وهو يرجع من مكانه ويركب الددسن .. وعشق ومشى على هونه وأشوفه يكلم خويه السايق .. يمشي على اقل من مهله وأنا عيني عليهم وبنفس الوقت شغال أفك الباب .. وهو يلف من ورى المحطه وينصاني من الجهة الثانية ومطفي نوره المره ذي ..!! ياولد الله يستر !! وقتها قلت مايبغالها كلام هالمره .. وأنا أسحب الفرد وأعلق على البوري قلت يغدي الهندي يصحى وأقلها يشهد لو صار شي .. وانا اوقف على رجلي مواجههم بالفرد مشرع بيدي .. وبس شاف الحركة ذي وهو يردها باثنين ويدوس حرام ماشفت الا غبرته .. ولا تطمنت لين شفته أبعد .. شوي الا الهندي جاي يفكرني بعبي بنزين .. والحمد لله الله فكني شرهم .. وفكيت ديكور الباب والهندي جزاه الله خير ساعدني وراح جاب لي خشب ورهمته بحيث أرفع القزازة وألزها بالخشب علشان تثبت مكانها .. وزبطت وكملت طريقي وانا والله ماعاد أحس بيديني ووجهي من قوة البرد ..

هذي سالفتي يالربع والحمد لله والفضل له وحده ثم للسلاح رد كيد الاثنين راعين الددسن اللي من أشكالهم والله يالربع أنهم مهوب مضبوطين وفيهم بلى .. وسلامتكم ..

قصه مرعبه أنشهد إن فيهم البلا والحمدالله اللى أنجاك منهم
وكثير نسافر من بلادنا إلى السعوديه برا فكيف ناخذ معنا سلاح مش ممنوع بالجمارك لويفتشون على الأقل ناخذه حمايه لناااااا

[ام الدجيجات]

وراك ما تعلمنا وش هو الموتر ذا هههههه ملقوف صح
ماشاء الله تبارك الله ويعطيك خيره ويكفيك شره
هههههههههههههههههههه
لابالله راح فيهاااا

[الكشات وافى]

أيضا أستمتعنا بالقراءه

للرفع ولسماع المزيد :good2:












.

[nayf01]

موضوع رهيب

انا كنت جائي لرياض مع خط القصيم قبل السريع
ومعي زوجتي دوبنا متزوجين يعني تونا عرسان
وعلى ملف رويغب لقينا شخص يشر لسيارات ومعة شنطة سمسونائت صغيره
وقفت عنده قال ابي الرياض
قلت اركب
حولت زوجتي من المقعد الامامي وحطيتها في الخلفي وركب معي قدام
وحين وصلنا الرياض حلفت عليه بالعشاء ورفظ
قلت اوديك محل ما تبي ورفظ
وقال يكفيني انك شلتني من مكان مقطع لي اكثر من ساعتين ما حد وقف لي

ذيك الايام مافيه خوف
اما هذه الايام افلقني كان وقفت عنده

[dogs120]

جزاك الله عنا كل خير على طرحك الطيب
وجعل كل ما خط هنا فى ميزان حسناتك
دمت بحفظ الرحمن

[.ابومالك]

السلام عليكم
مساكم الله بالخير
المواقف والمساعده كثيره لكن منها
قبل اكثر من 15 سنه
كنت معزوم علي مناسبة بالرياض
وكان الوقت مثل الان حر وقايلة شديده
فـ مشيت من بريده الساعة 12 ظهرا حتي اصل الرياض العصر واتقهوي عند اختي وبعد المغرب اذهب للرياض .
بين الغاط والمجمعه شاهدت رجال كبير بالعمر من 65 الي 70 سنة ياشر وفاتح كبوت السيارة ( السيارة لومينا او امريكي صغيرة )
فـ اخذت يمين ووقفت وارجعت السيارة بالريوس حوالي 250 م والرجال جاي لمي يركض . عندها فتحت القزازة اليمين .
قال بعفوية السيارة خربانة ومعي المرة لها موعد بالرياض وتاخرنا اذا ممكن تاخذ المرة معك وتوصلها الرياض قلت لة بدون تفكير سم انت تامر . بعدها استرجعت كيف تركب معي لوحدها
فتحت الباب وناديتة ياعم المرة تروح معي لحالها قال اصبر شوي وهو يركض لسيارتة .
حاولت اشاهد من بسيارتة لكن الكبوت مفتوح ولا استطيع رؤية من بداخلها نزل من سيارتة شاب عمره حوالي 18 سنه ونزلت الحرمة فـ قربت سيارتي لهم
فقال لي الرجل الكبير تكفي موعدها الساعة 3.5 العصر وكانت الساعة 1.20
توكلنا علي الله ومشينا وكانو عطشي ومعي لاندكروزر والثلاجة مليانة ماء ولله الحمد قال لي الشاب لنا حوالي ساعتين ماوقف لنا احد سالتهم من وين قال من الزلفي
بعد تفتيش بنبان سالت الشاب اي مستشفي جاوبت امة قالت الملك فيصل التخصصي
الساعة 3.15 العصر وانا امام باب العيادات وكان فية سرا سيارات
قلت للشاب معكم جوال قال لا سالتة ابوك معه قال نعم اعطيتة الجوال واتصل علي والده وخبره انهم وصلو للمستشفي
قلت للشاب شوف العيادات امامكم ممكن تكونو اسرع مشي واسال حراس الامن وين العياده
ذهب مع امه ثم عاد نزلت القزازه قلت عسي ماشر
ف مد يده وبها نقود قال امي تدعيلك قلت ناد امك ارجعكم من مكان ما اخذتكم وانا اضحك
ومشيت ولا ادري ايش صار عليهم 0
وسلامتكم

[الحربي حاتم]

مواقف وقصص جميلة ، الله يستر على عباده المسلمين من أهل السنة والجماعة فقط لاغير

[اورنس الشمري]

من ضمن المواقف مرة أيام ما كنت طالب ب 2004 متغرب عن اهلي , قمت لصلاة الفجر وصليت يوم جت الساعه تقريبا فوق الست (كنا شتاء) وبرررررد وهدوء رحت لم السياره وانا انصدم بموقف يخوووف , لقيت حرمه طلعت من ورا سيارتي هي خافت وانا خفت , قالت لي :ابيك توديني لبيت اختي (بحي ثاني ) ولدها مات !! تقول هالكلام وترتعد وانا ارتعد من الموقف , قلت انتي شلون طالعه من بيتكم بهالوقت ,, صراحه شكيت بالموقف ولا احط بذمتي شي ,, قلت عندك اخو ولا طفل ولا شايب او اي شي يركب معنا لو ابوديك قالت لا !
قلت وين بيتكم قالت هذاك يمار مهو بعيد ,, قلت يا اختي روحي لبيتكم لياما يجي رجالكم ولا لياما تطلع الشمس على الاقل .
بصراحه لو هي عجوز والله لوديها , لكنها بنت وذليت على سمعتي وسمعتها .
الموقف هذا ما ادري ليه ما انساه !

[حفراوي 3]

اذكر اني ساعدت شاب صغير وسيم تعطيه ابو 18سنة كاشخ معه تشارجر جديد وقفت له الساعة 11 بالليل وكان واضح على وجهه الارتباك والخوف والصراحة ما الومه كنا على طريق رماح الرفيعة بالتحدين بين رماح والعمانية وقفت عنده سلام يالاخو ورد السلام بتلعثم من الارتباك اللي فهمته منه ان مقطوع بنزين ركبته معي ومن حسن حظه معي جركل فاضي كبير بالكامري وكانت اقرب محطة لنا ( الجدعانية ) للي يعرفون الطريق الوكاد رحنا وعبيت بنزين له وحنا راجعين فهمت منه انه رايح للخفجي ومنها للكويت وانه اول مرة يجي للطريق هذا ويقول انا واحد قالي فيه محطات وهو يقول مافيه محطات والحقيقية فيه محطتين الجدعانية والغنيمية وواحدة تحت الانشاء لكن شكله ما انتبه للطريق وعبينا سيارته بنزين بعد ماعبيت له مد لي مبلغ مالي لاني ساعدته لكن انا واعوذبالله من كلمة انا رفضت المبلغ وكان بدافع الاجر والولد ماشاءالله باين من وجهه انه ولد نعمة الله يزيده ويرزقه ويخليه لاهله والصراحة وقفت له خوفي احد غيري يوقف له ويصير له شي لاسمح الله وتعرفون طريق رماح الحفر اغلبهم مجرمين ومشفرين راعين حبوب مؤجر الدور العلوي حق راسه وهذا ولد صغير الله اعلم بحاله وانا لا اعمم لكن الاغلبية الوكاد شغل سيارته ولحقته للمحطة وفلل سيارته ودليته طريق الخفجي على اساس مايضيع وانا كملت طريقي لحفرالباطن وياما ساعدنا ولكن قلت هذة القصة على اساس الواحد يمشي مع طريق يعرفه , وسلامتكم

[راعي الصقلاوي]

اذكر مره طلعت من الديره مشوار اتفضى واوسع صدري واذا حرمه تأشر لي وقفت .
قالت وين تروح يا وليدي ؟
جاوبتها انتي وين تروحين ؟
قالت لي مدرسة البنات اليتيمات في مدينة عمان اطلعتها معي وكان معها كرتونه فيها فواكه .
والحرمه ما تعرف وين المدرسه لانه اللي كان يوديها المدرسه لاجل تشوف بنتها توفي .
واولاده يشتغلون في المملكه العربيه السعوديه وما يعرفون وين المدرسه .
المهم صرنا نسأل لين ابن حلال دلنا على المدرسه حين وصلنا قالت لي هاذ هي المدرسه .
دخلنا ساحة المدرسه وحملت لها الكرتونه ورحنا لغرفه كان يطلع منها صوت حريم اذا هي غرفة المعلمات .
حطيت الكرتونه جنب طاوله وحين هميت اطلع من الغرفه تفاجأت بحرمه على الباب رجعت للخلف وتعذرت لها
اذا هي مديرة المدرسه قلت للمديره اكتبي لها عنوان المدرسه ورقم التلفون على ورقه لاجل ما تتغلب وقت ما تحب تزور بنتها .
وحذرتها انها تتطلع بسيارات التاكسي ذات اللون الاصفر قلت لها اطلعي في الباص اريح لك وتندلين المدرسه اسرع .
طلبت مني اتونى واطلعت محفتها ودها تعطيني اجرة نقلها .
قلت لها : ما اطلعتك معي وجبتك للمدرسه لاجل الدراهم اعطيهم لبنتك افضل .
استأذنت من المعلمات والمديره لاجل ارجع للديره وحين طلعت من الغرفه سمعت الحرمه تدعي لي بالخير .

[بر الوالدين]

عوداً على بدء من جديد

منقول

مره كنت بدرب الرياض متجه لمكه معي الاهل
المهم بنشرت السياره وحاولت ارفعها
بالعفريته ولكن كانت عفريتتي صغيره
احترت في امري وكان الوقت بعد العشاء ظلام
وقفت علي الشارع اشر لكل من مر ولكن
لا حياة لمن تنادي
وبعد فتره ليسة بالبسيطه وقفت سياره ترلا بدون
أن اشر لها ونزل سائقها سوداني وسألني اي خدمه
قلت له بماهو حاصل لي
الرجل اخرج عفريتته ورفع سيارتي وفك الكفر وركب
الاستبنا واخذ عدته ومشي دعيت له دعوات اخ لاخيه
ولكن يشهد الله علي من يومها وانا ندمان لأنني لم اكافئه
بمبلغ من المال وكلما تذكرته دعيت له وداخلني الندم

[بر الوالدين]

( منقول )


قصه حصلت لي

شخص ساعدني في استخراج فاتورة (سكرتي ) ولو ما طلعتها كان سياتني عقب من رئيسي . كان عام 1408
وشخص ساعدني في نقلي من عملي الى عمل ثاني من عام 1412
وكم شخص ساعدوني في ارجع مبلغ مالي كان معي وسقط مني عام 1414 تقريباً
والله انني ادعو لهم من هذا الوقت الى الان كل ماتذكرتهم او مريت اماكن تذكرني بهم

جزاهم الله عني كل خير