هل يفرق الدبل إذا كان عادي أو فرار ولا زر ؟ . . . أفيدوني

[عطي الله]

السلام عليكم

أنا نويت بإذن الله أشتري جيب وعندي سؤال محيرني من زمان وزادت حيرتي بعد ما فكرت أشتري برادو 2010
طبعا السيارة دبلها كهرب( فرار أو زر)


السؤال هل يفرق الدبل من كونه كهرب أو عادي من ناحية العملية وهل يفصل ولا لا وغيره ...؟

صراحة أنا سمعت كلام متناقض واحد يقول الوكالة أبخص ولايمكن تضيع زباينها عشان دبل واللي شفته يقول مايصلح مايعطي أسباب واضحة

أرجوا تفيدوني من ناحية البرادو الجديد خصوصا عن باقي السيارات عموما

وشكرا

[- النشمي -]

والله لو سؤالك عن موتر غير البرادو كان جاوبتك


اعذرني اخوي انا امتنع عن الاجابه لكرهي للتويوتا عموما

بعد ماحصدت ارواح مالها ذنب بسبب عيوبها المصنعيه ولا ابي احمل بذمتي واجاوب على اي
سؤال يخص هذه الشركه

[قطب 999]

والله لو سؤالك عن موتر غير البرادو كان جاوبتك


اعذرني اخوي انا امتنع عن الاجابه لكرهي للتويوتا عموما

بعد ماحصدت ارواح مالها ذنب بسبب عيوبها المصنعيه ولا ابي احمل بذمتي واجاوب على اي
سؤال يخص هذه الشركه

الله يرحم مزنه:alarm:

[بدوي جنوبي]

يفرق فقط فى آلية التشغيل
يعنى بدال ما تعشق بيدك
فيه جهاز يعشق كهربائيا
طبعا له عيوب ،،، مثل كثرة خراباته

ان شا ء الله بأشرح لك بالصور لكن في وقت لاحق
الحين مستعجل

بالتوفيق

[تميمي92]

معي جيب دبله فرار وله حوالي ثلاث 3 سنين خرب مره واحد وديته الوكاله برمجه بــــ450 ريال لأن الموتر طاح في جرف و الدبل علق عيا يطفئ لأن الطقه عليه وأذا أسرعت عليه والدبل شغال يطف أتمتيك


وأستخدمه قليل وقت الحاجه


بالتوفيق

[ابودعسان]

طبعا الفرق لصالح القير واسهل صيانه
مره بالنفود لقينا واحد معه vx-r 92 معلق الدبل معه والله وهو ينزل خوينا تحت الموتر وفك العصا عن الدبل وهو يفصل
لو انه زر كان بلشانين

[ابوحمزة 2009]

والله لو سؤالك عن موتر غير البرادو كان جاوبتك


اعذرني اخوي انا امتنع عن الاجابه لكرهي للتويوتا عموما
بعد ماحصدت ارواح مالها ذنب بسبب عيوبها المصنعيه ولا ابي احمل بذمتي واجاوب على اي
سؤال يخص هذه الشركه
ياخي انت وش فييييييييييييييييييييييييييييك ألاحظ اغلب ردودك مهي زينة تدل على انك متعصب
خلااااص لاترد ولا تعلم احد انك تكره تويوتا اكتم نفسك واذا الباترول عجبك فيه غيرك ما يعجبه
فيه حكمة تقول ( اهل العقول برررررررراحه)

[موتر بر]

طبعا الفرق لصالح القير واسهل صيانه
مره بالنفود لقينا واحد معه vx-r 92 معلق الدبل معه والله وهو ينزل خوينا تحت الموتر وفك العصا عن الدبل وهو يفصل
لو انه زر كان بلشانين

ابد وانا اخوك الاوتو نفس الشي حساس صغير تنزل تحت الكفر الايسر وتفكه . والحمد لله يفصل الدبل :)

[sameer_1798]

العادي أفضل لأنه ميكانيكي وماله أي علاقه بالكهرب
الزر أو الفرار لو تحدث أي مشكله بكهربته يعلق عليك (إن كان شغال وقتها يجلس شغال على طول وإن علق وانت مطفيه ماعاد يشتغل ) وعاد حلها بالبر .
دور واحد يعرف بالكهرب عشان يسويه لك .
الشيء الثاني نفسي ....... أنا ماعتبر نفسي راكب جيب إلا والقيرين جنب بعضها .

[بدوي جنوبي]

هذا الجهاز اللى يقوم بتشغيل الدبل
وسعرها غالى
يتجاوز 2000 ريال خاص بالجمس

انظر الصوره:
http://www.mekshat.com/pix/upload04/images166/mk32037_177164.jpg

2
http://www.mekshat.com/pix/upload04/images166/mk32037_188.jpg

3
http://www.mekshat.com/pix/upload04/images166/mk32037_199.jpg

دبل يدوي
http://www.mekshat.com/pix/upload04/images166/mk32037_111.jpg

[هواوي]

بالمنطق يا خوي

وش الاظمن والاقوى

شي تشغله بطرف اصبعك

او شي تشغله بيدك كلها

وباختصار والله ما فيه زي الدبل العصى

تحس بثقه

[بن سليمان]

الكهربائي اسهل استخدام واسهل فصل

[ابو خالد 1992]

غير العيوب اللي ذكروها الاخوان على ما اعتقد إذا حمي يفصل من نفسه تخيل شعورك وانت شاد عزم ومنتصف في النفود يفصل عليك صدقني راح تشب فيه

[ابو سلطان1234]

لولا اختلاف الاذواق لبارت السلع ممكن صحيح حسب ما افاد الاخوان وكلا حسب السيارة التي استخدمها لكن من واقع تجربة عندك الاكسبديشن دبله فرار ولا شفت احد اشتكى منه وانا منهم واحد فكل شي مظهره جميل يكون داخله سيء والعكس صحيح إلا من رحم الله .

[ZIAD_KSA]

يقولون اخوانا المصرين كل وقت وله ادان
خلاص زمن العادي انتهى
شف اول القير التماتيك مكروه في الدفع الرباعي ولا له سوق والان هو المرغوب
وانا اذكر قبلها القزاز اليدوي كانو يقولون انه انه افضل وبعدين اثبت الكهربائي انه اقوى واحكم في الاغلاق
الخلاصه خلك دايما مع الاغلبيه والاكثر انتشار
لا تتفق امتى على ضلال
وموفق اخوي
اما اللي يقول ما ارد على موضوع لتويوتا اقوله (( الصراخ على قدر الألم ))
والسلام

[سوبر152]

العصى وبدون فرار = ثقة في مكانها بإذن الله
اما الفرار لوكان حتى أصلي في المهمات الصعبة
يفرط

[أبو هاجوس2000]

أولاً : مع أن ما عندي الخبره الكافية في كيفية التعامل مع الدبل . بس اعتقد أن الوكاله أبخص يعني لو حطوا زر أو يدوي .
ثانياً : أشكر الأخ بدوي جنوبي على شرحة الوافي المدعم بالصور . صراحة كفيت ووفيت . وشكرآ

[ابومشخص]

الزر مافيه الا العافيه والكلام اللي مع احترامي خرابيط
انا الحين استعملت ثلاث مواتر زر
ونيت فور
وجيبين لاندكروزر
ولا اختر علي
بس احيان يعلق بتشغيله
وبالفصل فقط ولو هو مافيه الا العافية

[عطي الله]

الله يعطيكم العافية على تفاعلكم وخصوصاً بدوي جنوبي (http://www.mekshat.com/vb/member.php?u=32037)

طبعاً ما أتوقع أحد بيقول أن الكهرب أكثر عملية من العادي ومثله كون القير التماتيك أقل عملية من العادي وأن القزاز الهندل أكثر عملية من الكهرب و على هل الحال

لكن سؤالي هل تسوى ألغي من بالي أني أشتري سيارة دبلها كهرب مثل(البرادو2010) وأشتري fj لأن الدبل فرار ؟؟؟

هذا هو الي محيرني خصوصاً أن هذا أول مديل في البرادو دبل فرار

والصراحة إذا كان بيعلق ويشغلك في التشغيل والتطفية هذي مشكلة تشتري سيارة بأكثر من 130 ألف ثم الدبل الله بالخير

صراحة أنا محتار . . .

[البرااااوي]

اعرف واحد معه ايسوزو ديماكس هو وابوه واخوانه

كارفينه كرف الويل 6 سنين والدبل زين إلا قبل كم يوم طابين في وادي واشتغلت لمبه الدبل وراحوا للوكاله 150 ريال برمجه

[Abu Mashari]

وعليكم السلام ورحمة الله وبركاته

من واقع تجربه .. الافضل الدبل العادي .. اما الفرار سىء جداً

افضل ما يميز الدبل العادي انك تشغله وتفصله وانت تمشي عادي هذا للدبل الخفيف
اما الثقيل لابد انك توقف الموتر

اما الدبل الفرار لازم توقف وتحط القير على فاضي وتعشق الدبل سواء للدبل الخفيف او الثقيل
وحتى إذا انت تبي تفصل الدبل لازم توقف وتحدط بالفاضي

الصراحه عله الدبل الكهرب .. غير انه تصنف معه يعلق او ما يشتغل

[ابوصالح77]

استخر الله
شف وش يصلح لك البرادو أو الإفجي
الموتر على حسب الإستخدام فيه ناس ما تصبر معه الدبابة
الدبل الفرار بالجيوب التايوتا نادر خرابه

[أبوالمثنى]

والله يالغالي انا معي باجيرو دبله كهرب

ما يفرق عن العايدي شي الا اللهم بعض الاحيان يعلق ما يفصل تمشي عشره متر ويفصل

ولو على قولتهم الكهرب ماهوب زين كان ما حطوه في الاند 2008 وفوق والباترول الجديد

توكل على الله ولا يردك الدبل ترى البرادو من افضل سيارت تايوتا

[ابو سلطان1234]

وعليكم السلام ورحمة الله وبركاته

من واقع تجربه .. الافضل الدبل العادي .. اما الفرار سىء جداً

افضل ما يميز الدبل العادي انك تشغله وتفصله وانت تمشي عادي هذا للدبل الخفيف
اما الثقيل لابد انك توقف الموتر

اما الدبل الفرار لازم توقف وتحط القير على فاضي وتعشق الدبل سواء للدبل الخفيف او الثقيل
وحتى إذا انت تبي تفصل الدبل لازم توقف وتحدط بالفاضي

الصراحه عله الدبل الكهرب .. غير انه تصنف معه يعلق او ما يشتغل

مع احترامي يابو مشاري إلا انك ماجربت الكهرب او انك جربته على معلومة لديك وترى نفس الدبل العادي ما يفرق إلا ان هذا عصا وهذا فرار فقط .واللي عنده شك يسأل اهل الجيوب الفورد

[maged_001]

ياجماعة الخير تكفووون الززززعة عندي باترول موديل 86 شريتلة فرارات ياباني ب360 من محل قطع غيار نيسان وقالي يركب ورحت الورشة وركبتة طلعت السنه حقت الفرار أكبر من العامود تكفووون أبي أعرف وش نوع الفرار اللي يركب على باترول موديل 86