تثبيت محول كهرب داخل هايلكس

[ابوسليمانM]

السلام عليكم ورحمة الله وبركاته
حبيت اشاركم في هذا المنتدى الأكثر من رائع وان شاء الله أفيدكم
أول موضوع هو تثبيت محول الكهربا في هايلكس ويمكن تركيبة في اي سيارة بشرط توفر مكان مناسب
طبعاً هاذي أول صورة وهي للفيش وتم تثبيتة في غطاء الفيوز تحت الدركسون نظرا لسهولة وقلة تكلفة تغييره
http://www.fekrh.com/up/uploads/thumbs/fekrh-com36f8270b98.jpg
صورة أخرى
http://www.fekrh.com/up/uploads/thumbs/fekrh-com756b07105d.jpg
وهاذا مفتاح التشغيل (تكلفة المفتاح تقريبا 4ريال) وبالإمكان أن تضع مفتاح مماثل للوكالة
http://www.fekrh.com/up/uploads/thumbs/fekrh-com594d8d4f47.jpg
هاذا مكان المحول وضعته خلف الديكور قرب الدعاسات مع إمكانية تغيير قوة المحول
http://www.fekrh.com/up/uploads/thumbs/fekrh-com89c109c27a.jpg
وهاذي صورة للتوصيل ويظهر الفيوز احتياطاً لو حصل التماس
http://www.fekrh.com/up/uploads/thumbs/fekrh-comef9c4581be.jpg
وهاذي صورة الفيش في وضعية التشغيل وتظهر ألمبة شغالة

http://www.fekrh.com/up/uploads/thumbs/fekrh-comb732875283.jpg (http://www.fekrh.com/up/uploads/images/fekrh-comb732875283.jpg)

اعتذر عن اي تقصير في الشرح وارحب باقتراحاتكم طبعا الشغل شغل يدي ومستعد لاي استفسار موعدنا في موضوع ثاني لاشرح مازودتة على سيارتي
تقبلواتحياتي

[ابو حمود 511]

ماقصرت اخوي وجزاك الله خير

[|_عاشق البراري_|]

يياهلا والله يابو سليمان
مشكور على الشرح الوافي

ياليت تعرضلنا اسم المحول وطريقة التركيب وش يحتاج لان معي هايلوكس 2008 وابي اركب بوه محول

[(ابو عبدالله)]

مشالله

بس ممكن تقول وين شريت الفيش وخاصه ان فيه لنبه

[ابوسليمانM]

ابو حمود شاكر مرورك
اخي ابو عبد الله الفيش نفس الفيش المدمج مع المحول فكيتة وركبت بدالة مروحة

اخي عاشق البراري المحول الي انا مركبة صراحة ماادري وش اسمة وجاني هدية وفية افضل منة لانة بنضري انة مش حالك عاد انت وفلوسك وحاجتك لكمية الكهرب
طريقة التركيب من عيوني بس لما يتوفر لي وقت
وطبعاً التركيب هاذا مبدئي لاني ابي اغير المحول واغير مكانة

[فيصل التميمي]

ماشاء الله تبارك الله ياليت تحط لنا ياخوي موضوع تفصيلي عن طريقة التركيب

[الفارس الاسود]

ماشاء الله

بس ماقلت لي ويش له كل هذي المفاتيح
http://www.fekrh.com/up/uploads/thumbs/fekrh-com594d8d4f47.jpg
وشكرا

[rigidman]

وعليكم السلام ورحمة الله وبركاته

ماشاء الله عليك شغل نظيف جدا

الله يهنيك .

[502المميز]

موضوع حلو وطريقه رائعه
عندي محولين ورا المرتبه باخذ واحد وركبه
ازين من جلسته وراء المرتبه
تقبل تحياتي
ومروري

[دوج 115]

شغل مرتب وحلووووووووو

[أبويعقوب]

ماشاء الله فكره حلوهـ وعمليه جدا..

بس حبيت اذكرك اخوي ان مكان الفيش الافضل انك تغيرهـ لعده اسباب :

الاول انه اذا كنت تسوق ما تقدر تشبك فيه شي لانه بيضايقك وانت تسوق ..

الثاني ان البلاستيك الي مركب فيه الفيش موب مدعم ابد يعني لو طقه قويه شوي تخاف ينكسر البلاستيك ..

يعني لو انك حاطه مكان واحد من هالفصالات اتوقع افضل ..

بالنسبه لمكان الجهاز حلو بس لو تدعه بشداد ثاني ازين ..

ويعطيك العافيه ع هالموضوع ..

[على وضح النقا]

ما شاء الله و الله الفله

[ابوسليمانM]

اخوي ابو يعقوب باقي المفاتيح واحد لماطور الهوا والثاني لمحول الكهرب والثالث مافية شي

ماشاء الله فكره حلوهـ وعمليه جدا..

بس حبيت اذكرك اخوي ان مكان الفيش الافضل انك تغيرهـ لعده اسباب :

الاول انه اذا كنت تسوق ما تقدر تشبك فيه شي لانه بيضايقك وانت تسوق ..
=الفيش بعيد ماحصلت منة مضايقة
الثاني ان البلاستيك الي مركب فيه الفيش موب مدعم ابد يعني لو طقه قويه شوي تخاف ينكسر البلاستيك ..
البلاستيك مرن ضد الكسر
يعني لو انك حاطه مكان واحد من هالفصالات اتوقع افضل ..
حبيت ابعدة عن مكان وضع البيبسي اوالماء
بالنسبه لمكان الجهاز حلو بس لو تدعه بشداد ثاني ازين ..
الى الان ماانهيت التركيب كان تركيبة مؤقت
ويعطيك العافيه ع هالموضوع ..
شاكر لك

[ابوصالح77]

عساك على القوة وننتظر المزيد:r

[ابوسليمانM]

عساك على القوة وننتظر المزيد:r
حياك الله
ابشر من عيوني

[قولد]

بارك الله فيك

تقرير مميز ننتضر المزيد

[ابوسليمانM]

هلابك قولد
لاكن تفوقت علي بتثبيت المحول

[aah911]

ماشاء الله تبارك الرحمن شغل مرتب
يعطيك الف عافيه اخوي على الطرح

[الدوسي الاصيل]

يعطيك العافيه