سياره البر

[جمره]

تحيه طيبه

ماهي السياره المناسبه للرحلات البريه ؟

من حيت المتانه والقوة والصرفيه

[ساحووق]

الشرووووووووووووكي 2001

[abuktab]

الناس افكار وقناعات .. عن نفسي اذا كنت ترغب بسيارة تحوي صندوق فليدك الحوض سواء التايوتا او النيسان مع ان النيسان يتفوق بالراحه ..

واما اذا كنت ترغب الصالون فلديك الباترول .. فقط .. هذه قناعاتي ووجهت نظري .

[همس الغدير]

فـي اعتقادي لا يعلا على الجي اكس

[جمره]

الناس افكار وقناعات .. عن نفسي اذا كنت ترغب بسيارة تحوي صندوق فليدك الحوض سواء التايوتا او النيسان مع ان النيسان يتفوق بالراحه ..

واما اذا كنت ترغب الصالون فلديك الباترول .. فقط .. هذه قناعاتي ووجهت نظري .



الباترول صرفيه ولا ممتاز من واقع تجربه

[جمره]

جمس سييرا وش رايكم فيه

[m-a-z-d]

اخوي جمره لكل واحد رايه وتجربته,,
لكن من ناحية تجربتي,,ايسوزو ديماكس دفرنسين 3000 تيربو..

1ـ عندك صندوق تقدر تركب فيه شد وتحط فيه طبق وتانكي وغيره,,او تخليه فاضي..
2ـ ديزل,,يعني انس تشوف انبير الديزل..ومن واقع تجربتي اذا خلص التانكي(يعني بيطفي الموتر)
تعبي 17 ريال فقط,,ويمشي واجد..
3ـ مكينه قويه 3000 وتيربو..
4ـ ماشاء الله في النفود قوي قوي قوي جداً..يعني مايصعب عليه شي..
5ـ دبل 4×4(مع اني من النادر اشغله)..
6ـ احد الميزات انه خفيف ,,
ماشاء الله تبارك الله..

واذا عزمت فلا تاخذ غير القير العادي..واذا تبي الموديلات الجيده فارسل رساله عالخاص وابشر..
واسف عالاطاله:) ..وارجوا ان اكون افدتك..

[مدمن فتك]

باترول فتك وبس

[دسوقي]

اذا تبي الراحه خذ باترول من 88 الي 97 لانه راسي وحليل عزمه اذا انت عادي ما يهمك المطب خذ حوض شاص والله يعينك على المناقز

[بو خليفه]

جمس سييرا غمارتين حوض قصير

او سوزوكي سماري صغير وخفيف

او جيب رانجلر او سفاري ربع أو لاندروفر ديفندر

[ابومشخص]

لاندكروزر + سفاري + شاص +وهيلوكس +وددسن
والباقي جيد لكن اللي قلتهم هم الافضل

[ابومشخص]

للمعلوميه جمس وما ادراك ما الجمس
ترجع من البر بعد كم طلعه

المساعدات

الركب

الا>رعه

المقصات ........ و و و و و الخ

الجمس موتر بلد مع احترامي

صحيح عزم وممشا قوي لكن التحمل من جمبها

[عميد سامودة]

ابعد عن الامريكي وروح لاي ديره
خصوصا الجمس يهربد ومقصات ياكلها ويكسر مساعدات ووووو الخ

[علاوي المكاوي]

عندك الربع 2010
والباجيرو
سيارات ممتازة وكلها ذات جودة ومتانة عالية.
ولاتنسى الاستخارة.

[ا ب ب 8777]

انا من ناحيتي معي جمس سيرا 2002 والحمد الله وماشي معي ماشاء الله

[خنفراشي]

الـــــــشـــــــــا ص

[ابومشخص]

انا من ناحيتي معي جمس سيرا 2002 والحمد الله وماشي معي ماشاء الله


يعني بتقنعني انك ماغيرت مساعدات ومقصات الله يباركلك بموترك

انا مع اللاندكروزر ماشالله عليه تكده خمس سنين وماتغير فيه شي ولا يقرقع

[سوبر فزاع]

لا تتعدى الباترول من 97 وتحت

[majeds]

السواق اهم من السيارة

[السنع كله]

سيارة البر لها مواصفاتها اذا وجدت في اي نوع فهي عز الطلب

[راعي البحري]

للمعلوميه جمس وما ادراك ما الجمس
ترجع من البر بعد كم طلعه

المساعدات

الركب

الا>رعه

المقصات ........ و و و و و الخ

الجمس موتر بلد مع احترامي

صحيح عزم وممشا قوي لكن التحمل من جمبها
يعني هالحين الجمس السييرا الأحمر القديم مايتحمل
هو أكبر دليل على قوة الجمس وتحمله
وشركة أرامكو تستخدم السييرا في الطرق الوعرة
وبعدين اللي ماجرب غير المجرب
والياباني بترجع من البر وانت ماسك ظهرك من قساوته
ويبيلك كم يوم ترتاح من التعب
و الجمس صمم للوجيه المسافير
ياظالمين الجمس وين العداله
سواقه اللي نصف راسه مغاتير
طيبه على عمه ومن ساس خاله:D :D

[نفود حائل]

شاص + باترول = رمز القوة والمتانة

بدون تعصب

[كاشت وحداني]

هي الدعوى قناعات والسواق له دور
اعرف واحد معاه ددسن يدخل بها البران من الخرج لين يطلع في ضواحي حفر الباطن وذيك الديار وكل دربه بر في بر بشهادة احد الشباب خاواه في احدى كشتاته .

[ام صتمه 87]

اهم شي إذا صملت على شي لاتنسى الإستخارة ..

[ااابوخلف]

جيب نيسااااااااااان وبس

[راعي رانجلر]

لا جيب الا Jeep
واكيد الرانجلر للبر والطعوس والرحلات اهو اقوي وافضل

[faris2006]

كل السيارات سيارات بر انت سواق تستطيع ان تقود اى سيارة في البر

[خرطوش الصيد]

لاند كروزر وبس
شكل وقوه وهيبه

[فهد773]

هايلكس 2005 وبس

[ابوحسن ...]

سييرا الجديد

[مخاوي العشه]

جيب عشه
عيشته بالبر

[ا ب ب 8777]

G M C وبس

[سيف خنذف]

باترول شيخ النيسان

انا الحقيقه توني طايح فيه

وين عنه من زمااااااااان !

الله يرزقك

[N أبورغد N]

اكستيرا او اف جي

[ع العمرو]

جمس سييرا غمارتين حوض قصير

[يريور عيمان]

الشاص و الباترول
لا تتعداهم اذا بغيت موتر بر 100 %

[متعب السليمي]

جي اكس والا سفاري

[الليث الذهبي]

اكستيرا اوفرود قير عادي

[بحر غامد]

للأس ف الشديد مافي سياره كامله
والاقرب الباترول

[بحر غامد]

وبعدين نسيت اقول حاجه
موضوعك هذا زي الي يقول يالله ياشباب
كل واحد يقول لنا وش سيارته
لان الشباب راح يذكرون سياراتهم بتحيز
كأنهم هم الي صنعوها مع احترامي ولا أحد يزعل مني
والف الف شكر
ودمتم بود

[الزرقطوني]

الشيروكي ابداع وخفه

[غاوي قهاوي]

باترول 2010

[محطم عنيد]

من دون تعصب الربع الباترول (إذا أنت عزوبي )

وإذا متزوج صالون باترول

والشاص أنا ما جربته بس يمدحونه لكن مناقززه يروع ويهلكك

بإختصار الباترول هو سيد المواقف كلها

(ألاحظ بعض الشباب يتفاخرون بالمواتر كن هم اللي صنعوها الفخر لليابانين هم اللي صنعوا وأبدعوا)

[الليث الذهبي]

لو عندي واحد كان ماجيتك اقلب في صفحات مكشات