فصل عداد المسافة المقطوعة بالسيارة،،،،،،دعوة للمناقشة

[ذيب عالية نجد]

السلام عليكم ورحمة الله وبركاته
أخواني المكشاتية هذا الموضوع الذي بكل أسف عاده بدأت تأخذ بالإزدياد حالياً من قبل بعض الناس الذين لا يضيرهم فصل العداد وغش المسلمين بل وأصبحوا على سبيل تبرئة الذمة بالقيام بتحديد فترة الفصل بشهر وشهرين وثلاثة ظناً منهم ببرائة ذمتهم المشكلة على من يلعبون على الناس أم على خالقهم سبحانه
لاأقول هنا إلا حسبي الله على من يفعلون هذا الفعل ويغشون المسلمين
ملاحظة: كتبت هذا الموضوع في هذه الخيمة ظناً مني بوصول هذا الموضوع لأكبر عدد ممكن من الناس وللمشرفين الحق في نقله في أي خيمة حسب التخصص

[عبدالله الموسي]

موضوع جدير بالنقاش


وأتمنى ان الواحد لو غلط مره لايكرر الغلط

والغش حرام

ومن يحاسب عليه الله عز وجل


والله يتوب علينا وعلى جميع المسلمين


اشكرك اخوي

[طحنون]

خله يفصله علشان يفصلونه بعدين شر فصله ناس ماهمهم لا ضمير ولا يعرف انه راح يحاسب على كل صغيره وكبيره
بعدين ذالشريطيه اعوذبالله من اشكالهم الحقيره كنهم يهود ياسبحان الله اشكالهم عليها غبره معروف
شكله والله اني مره بالسوق مع صديق لي وقلتله شوف الرجال اللي جنبنا شكله شريطي قال والله انك صادق هاذا صاحب معرض اسمه فلان بن فلان تكفى خلنا نمشي جاني احباط من المكان اللي هو فيه

[خالد العمراني]

وعليك السلام ورحمةالله وبركاته
صدقت والله ياخوك

الواحد أذا شراء الموتر جديد
بدل مايدعي الله أنه يستر عليه ويبارك له بموتره
أول ورشة ويفصل العداد
وبعدين يجية واحد يصدمه وتتسمكر السياره وهذا اللي ماينفع به طب
ويعني لو زادة سعرها بالبيع كم ألف بتغنيه


شكراً لك أخوي على هذا الطرح

[راعي النون]

الله يعطيك العافيه اخوي على الموضوع اللي والله مان في بالي


المشكله الحين تروح للمعارض تلقى موتر موديله 2003 وماشي 25000 يعني واااضح والله انه مفصول لاكن الناس اللحين صار يغش الناس ولا يبي ينغش


لاكن وجهت نظري بالموضوع ... انه مثل ما تكذب وتغش الناس اعرف وتأكد بل اجزم انك نفسك تبي تنغش بأي موضوع كان سياره بيت ....

[نفود حائل]

المشكلة ان بعض الناس يفصلون العداد بحجة انهم يبون الموتر يسرع اكثر

وخاصة الشاص والربع والهايلكس تاقف السرعة على 157 ك

واذا فصله ياصل200 او اكثر


وهذا عذر اقبح من ذنب

[الدوسي الاصيل]

الله يهديهم ويصلحهم ويتوب عليهم من المعاصي


هذا غش واضح ولا يفيد التبرير ولا توضيح الفتره

[ابوطاقية]

هذا غش واضح والله المستعان
الله يهدى ويصلح شباب وشابات المسلمين اجمعين

[ابو مكازي2002]

اما انا مره من المرراريت رجعة طبلون موتري بترول قديم ويوم جيت ابيعه علمت الي ابي ابيعه عليه وقلتله تراني مرجعه وطلعتها من ذمتي لله الحمد ولا عدتها من ذيك المره بس انا ما اييد الي يرجع العداد او يفصله لانه ما تفرق الف او عشر الف
تحياتي

[ابوسليمانM]

لاحول ولاقوة الا بالله
لاكن سؤال لكل من فصل العداد ايهما افضل انك تفصل العداد لغرض الزيادة البخيسة عند البيع
ام سيئة تكتب لك في غش الناس قد ثبت عن رسول الله صلى الله عليه وسلم أنه قال : « من غشنا فليس منّا »

[escape_man]

اول شي وانا اخوك .. الواحد لابد يكون دقيق ولايثق باي شخص خاصة عن البيع والشراء .. الفحص دائما من حقك ..

واقول لهالاشخاص الي استعجلو الثراء ان بركة العمر والصحة ماتكون الا بالحلال .. تدخل بطنك وبطن عيالك السحت علشان الفين ولا ثلاثة ماتدري تتمرغ فيها بالدنيا ولا تورثها غيرك ..

قال صلى الله عليه وسلم: "أيها الناس إن الله طيب لا يقبل إلا طيباً"

وقال صلى الله عليه وسلم: ((إن الله قسم بينكم أخلاقكم كما قسم بينكم أرزاقكم وإن الله يعطي الدنيا من يحب ومن لايحب ولايعطي الدين إلا من يحب فمن أعطاه الله الدين فقد أحبه لا والذي نفسي بيده لايسلم أو لايسلم عبد حتى يسلم أو يسلم قلبه ولسانه ولا يؤمن حتى يأمن جاره بوائقه قالوا: وما بوائقه؟ قال: غشمه وظلمه ولا يكسب عبد مالاً حراماً فيتصدق به فيقبل منه ولا ينفق فيبارك فيه ولا يتركه خلف ظهره إلا كان زاده إلى النار إن الله لا يمحوا السيء بالسيء ولكن يمحوا السيء بالحسن إن الخبيث لا يمحوا الخبيث)).

[ساري 111]

ناس مرضى ..
لو الواحد يفكر بعقل الغالب مايضر السياره الممشى عند البيع اذا ماجاه صدوم
يعني تحصل سياره ماشيه 10 الاف وسياره ثانيه نفسه ماشيه 60 الف
تحصل فرق السعر بسيط خصوصاً سيارات تويوتا
مايسوى الواحد يحط بذمته شي عشان الفين او ثلاثه .. بس عندك ناس ماتخاف الله

[برايدوي عنيد]

السلام عليكم.... هلابك اخوووي.

الموتر اللي يفصل كثاار لكن وين اللي يقوول الصدق ويعلم بعضهم يقوول كم شهر بس

الشهر تقدر تمشي به 2000 كم وتقدر تمشي 10000 كم .

لكن الواحد مايصدق العداد يناظر تحتي الموتر والاشياء الاستهلاكيه

امس شاايف موتر يقوول مااشي 99 الف والظاهر معهن 200 الف بعد الموتر شكله جاايه

جلد وصحراء والنظيف بين من وقفته ...

لكن ممكن يجيك موتر ممشاه شوي ويكون موديله قديم بس النظيف يبين


تقبل مروري.........

[عاشق الحجاز1]

الله المستعان اسال الله سبحانه لنا ولهم الهداية
كل ابن ادم خطاء وخير الخطائين التوابين والواجب علينا الانكار على من يقوم بمثل هذا العمل لان السكوت عنه دليل رضى به ومن بعد ذلك يستمرأ ويضاف لحقوق المهلك على المستهلك

[ذيب عالية نجد]

الشكر والعرفان لكل من شارك في هذا الموضوع
تحياتي لكم