إرهاب الشوارع Street Terrorism

[خشيمان]

بسم الله الرحمن الرحيم

إخواني المكشاتيه

أهدي هذا المقطع لكل من يتذمر من نظام ساهر ,, ساءلاً المولى أن يحفظنا من كل شر

لن أطيل فالمقطع يتحدث عن نفسه


http://www.youtube.com/watch?v=hlUplHf3OoA

[aooa]

نظام ساهر لا يحد من الحوادث والهدف منه ربحي بحت

ولا ننسى ان من اسباب الوفيات اللي يتكلم عنها هذا التقرير هو سوء الطرق وعدم وجود محطات اسعافيه وكذلك عدم وجود طائرات اسعافيه للاسراع في نقل المصابين .. ولا ننسى ان التهور كذلك سبب في الحوادث وكذلك الارهاق ..

[الشنه]

^^^^^^^^
كلام سليم

[راع العوجاء]

بيض الله وجهك يا خشيمان مقطع متعوب عليه ولكن يعيبه وجود خلفية موسيقى مما يقلل من إنتشارة آمل من منتج هذا العمل الرهيب مراعاة ذلك وإنتاج نفس الفكرة ولكن بدون خلفية موسيقية

وتقبل مروري

اخوك
ابو سعد

.

[بارق تميم1]

نظام ساهر لا يحد من الحوادث والهدف منه ربحي بحت

ولا ننسى ان من اسباب الوفيات اللي يتكلم عنها هذا التقرير هو سوء الطرق وعدم وجود محطات اسعافيه وكذلك عدم وجود طائرات اسعافيه للاسراع في نقل المصابين .. ولا ننسى ان التهور كذلك سبب في الحوادث وكذلك الارهاق ..



صحيح ان عندنا سوء في بعض الطرق

لكن لو تمشي حسب النظام وغيرك مشى حسب النظام كان ماصاار في كل شاارع حادث وماحطو الدوله نظام ساهر من الاساس

هذا النظام هو حماايه لي ولك ولاخواننا من الحوادث الله يسلمنا من كل شر

اتمنى انك تفكر بعقلك اخي الكريم ولاتفكر بمخباتك (جيبك)

واليد الوحده ماتصفق وانا اخوك

اتمنى انك ماتكون زعلت من كلامي لكن هذا الواقع
إن اصبت فمن الله وإن اخطأت فمن نفسي والشيطان
وجزالله خير من قاام بهذا العمل الجبار
وشكرا لأخونا فاتح الموضوع

[monsixnet]

_

كلام جميل وفى الصميم :good2: ............... تشكر عليه



نظام ساهر لا يحد من الحوادث والهدف منه ربحي بحت

ولا ننسى ان من اسباب الوفيات اللي يتكلم عنها هذا التقرير هو سوء الطرق وعدم وجود محطات اسعافيه وكذلك عدم وجود طائرات اسعافيه للاسراع في نقل المصابين .. ولا ننسى ان التهور كذلك سبب في الحوادث وكذلك الارهاق ..

[دكتور بر]

الحقيقة إخراج رائع ومتميز

ولعله يغير قناعات البعض عن هذا النظام الجديد

الذي أرى أنه أداة قوية للحد من الحوادث

بإذن لله تعالى


وفق الله الجميع لكل خير

[ولد وايل..]

اخرااااااااج روووووعه..

يعيبه الموسيقى...

واحس فيه مبالغه ولو بدون مبالغه فنظام ساهر ماراح يفيد شي....


ابك ذولا مجرمين وعاالمن منجنّه!!!

ساهر ماراح يفيد بريااااااااااال...

لان كل الوفيات بالخطووووووووووووووووووط...

نحتاااج توعية بالطرق ومراقبة بالخطوووووط...

[خشيمان]

حي الله كل من مر وعلق على الموضوع

بس يا جماعة الخير ياللي تقولون ان النظام ما ينفع وفيه وما فيه
انا مثلي مثلكم مواطن طفرت من هالمخالفات
والله اني قبل اسافر للدراسه بالخارج دافع حوالي 3000 ريال مخالفات
فلا تحسبون اني مستفيد منه

ولكن صدقوني ما راح يردع الناس من السرعه الا المخالفات
محدثكم رجال لا مسك خط امشي 160 وحولها, في امريكا قبل مده ماسك خط 8 ساعات ما تعديت الــ110 لييه؟؟
مب لانه ما ودي, بس لأني داري ان عساكرهم وكاميراتهم كثر التراب
ولو مسكوني بيصكوني بمخالفه كبر راسي, بالاضافه الى انهم بيحطون علي نقاط وبيرتفع علي التأمين وبأتجربع على قولتهم
الامريكان نفسهم ما التزمو بالنظام عشان ثقافتهم ووعيهم ,, ما التزمو فيه الا عشانه صارم

في النهايه انا لدي قناعه ان الناس ما راح تلتزم بالنظام الا اذا كان صارم

هذي وجهة نظري وقد يخالفني الكثير,,

ودمتم سالمين

[سفاري959]

مشكور على المقطع ولكن اذا المرور قصده يخفف من الحوادث والوفيات خلهم يقضون على ظاهره التفحيط وهي من يستحق ان يطلق عليها لقب حرب الشوارع احنا اللي ما نسرع الا وقت الضروره القصوى يمسكونا ويخالفونا وتصل الى التوقيف والمفحط المستهتر يمسك الدائري ومعه موكب اكثر من 200 سياره يمشون فوق 200 وياويلك لو ما تفتح الطريق لهم يصدمونك وسيارات مسروقه والجميع يعرف وش ورى التفحيط من امور اعظم من هذا وغير تفحيطهم في الحواري وكم شخص راح ماله ذنب للأسف المرور وغيره لم يحرك ساكن يعني هذا اكبر دليل ان نظام ساهر فاشل وحنا اكثر المتضررين منه يا الشيبان يعني المقصد مادي بحت والأفضل ان نطلق عليه نظام سااااااااارق او فاشل مايكفي غلاء المعيشه جاي المرور بيسرق الباقي حسبي الله ونعم الوكيل عليهم

[خشيمان]

مشكور على المقطع ولكن اذا المرور قصده يخفف من الحوادث والوفيات خلهم يقضون على ظاهره التفحيط وهي من يستحق ان يطلق عليها لقب حرب الشوارع احنا اللي ما نسرع الا وقت الضروره القصوى يمسكونا ويخالفونا وتصل الى التوقيف والمفحط المستهتر يمسك الدائري ومعه موكب اكثر من 200 سياره يمشون فوق 200 وياويلك لو ما تفتح الطريق لهم يصدمونك وسيارات مسروقه والجميع يعرف وش ورى التفحيط من امور اعظم من هذا وغير تفحيطهم في الحواري وكم شخص راح ماله ذنب للأسف المرور وغيره لم يحرك ساكن يعني هذا اكبر دليل ان نظام ساهر فاشل وحنا اكثر المتضررين منه يا الشيبان يعني المقصد مادي بحت والأفضل ان نطلق عليه نظام سااااااااارق او فاشل مايكفي غلاء المعيشه جاي المرور بيسرق الباقي حسبي الله ونعم الوكيل عليهم

مشكور اخوي سفاري على المرور
وبالفعل ظاهرة التفحيط شيئ محزن ,, وماني فاهم ليه مخلينها ؟؟!

[الوشاح]

فديو جميل جدا ..
السبب الرئيسي للحوادث ليست السرعة وحدها ..بل المخالفات اثناء السير وعدم التقيد بالأنضمة ..
وساهر بالمرصاد ..

[التل الصامت]

ما شاء الله ابداع في ابداع والله المقطع حلو بس الموسيقى والله يوفقك يا خشيمان على النتبيه اللي جاء في وقته :good2::good2:

[.أبوعبدالرحمن]

اخوي الغالي خشيمان

انا من الناس اللي مأيد نظام ساهر لكن اللي انا مانيب مأيده الاستغلال اللي ماله سنع

ياخي ما ابي اتكلم عن ظروف ناس ورواتبهم اللي ما يقدرون وش يلحقون عليه اهو يسدد قرض عرسه والا يسدد القرض اللي عليه من بني عمار والا شرا شقه واجار شقه والا سيارة يوم في يده 9 ايام في الصناعية والا يلحق يسدد الغرامه قبل لا تتدبل قسم بالله انه شي يبكي


يا اخي وش المشكلة يوم انك تحط لوحة ان الشارع مراقب بالكميرات واللي تلقطه الكمرة امحطه بغرامة تمعط قلبه ، أما انه يجي يحط لي باصين ورا بعض والا يجي منخش تحت جدار مكان ظلمه والا لافز الكمرة ورا اللوحة اللي تحدد سرعة الشارع يعني ما يمديك تشوف اللوحة والا الكمرة مصورة خشتي بالله هذا نظام ...


ساهر نظام حلو لكن فيه ناس فاهمه ساهر خطأ

[محب الزويليات]

انا معك ان اسباب الحوادث السرعة و التهور
لكن فيه اشياء ثانية ماذكرها وهي مهمة
اولا / 95 بالمية من المواطنين و السكان يستخدمون السيارة في السعودية فلا بد ان تكون هناك حوادث لان الناس ليسوا على نموذج واحد
ثانيا/ ليس هناك مواصلات نقل تذكر غير السيارة
ثالثا/ الشوارع الفسيحة و الطويلة الغير منظمة

أخيرا هو جاب احصاءت من دولة غير شبيه للسعودية و جميع السكان يستخدمون السيارة في التنقل
ولو تسوي تعداد لاصدارت لرخص و تسوي نسبة بينها وبين عدد السكان راح تطلعلك النتيجة
و احذف ان الحريم مايسوقون وشف