شوف اش سويت الى اليوم

[القفار]

مشكله عويصة: وهي تأخير التشغيل بالصيف فقط أما في الشتا ما يتأخر هذا اللي مجنني السيارة جمس موديل 96
غيرت بواجي واسلاك بواجي وطرمبة بنزين وصفاية بنزين وفلتر هوا وديلكو وبطارية وما زالت نفس المشكله


فحصت بالكمبيوتر قالو بخاخات


نضفت جميع البخاخات وكلها ماشاء الله زي الحلاوة بس وش السبب ماني عارف.
هل من احد يشووووووووور علينا؟؟؟

[ziran]

السلام عليكم
اخوي القفار شيك على اصابع البطاريه
تحياتي

[القمعاني]

أخي الفاضل مع قلة خبرتي .. لكن هل فحصت كتاوت طرمبة البنزين .. هذا الكتاوت له مشاكل كثيره .

[نيسان 807]

اخوى المشكلة عندك بالكهرباء
شيك بترتيب
1 - فيوز السلف موجوده فوق ركبتك اليسار
2- أصابع البطارية
3- دقمت السلف

موفق خير

[بدوي جنوبي]

جرب الخطوات هذه :

افتح السوتش وانتظر حتى يطفئ جرس الانذار
شرط يكون الباب مسكر

ادعس على الابنص للاخير وارفع
ثم دق سلف

بالتوفيق

[المخبر]

ممكن وزن ديلكو

كان معي يوكن 99 دق سلف مايشتغل من اول نقره

يتأخر شوي

المهم فكيت الكبوت وفريت الديلكو شوي

وزبط الموتر من اول نقره

[القفار]

اشكركم جميعا على المرور وجاري تطبيق نصائحكم الله يرعااااااااااااكم
على فكره لما يشتغل يطلع دخان اسود من الشكمان
اخوي المخبر كيف اعرف مكان الدلكو وشلون افررررررررررره؟؟؟؟

[ابومازن2]

يبغاله اولا شد اسلاك السلف ثانيا يبغاله وزن اذا احتاج
تحياتي لك

[ساري 111]

كد صارت لي نفس المشكله تقريباً قبل عشر سنوات

فصلت لي فوق راس المكينه الأيمن على مااعتقد انه حساس هواء او كربون وضبط الموتر

[القفار]

شكرا لكم جميعا على التعاون
اليوم ان شاه الله الصنااااااااااعيه واطبق مشورتكم
لان حقين الكمبيوتر ما عطوني حل
والبعض ما يعلمك وش المشكلة
لقيت لي مكنيكي يقول عطني 1500 واحل لك المشكلة

قلت تهبا ما تشوف ريال والمكشااااااااااااتيه موجودين