المساعد الشخصي الرقمي

مشاهدة النسخة كاملة : اللغز التاسع والعشرون............<<اللغزمحلول>>...............( ((صاحب الحل:الناريز)))


سعد بن مطلق
09/07/2002, 01:37 AM
السلام عليكم ورحمة الله وبركاتة


من باب المشاركة ووبعد أن وفقني الله بحل اللغز الثامن والعشرون
وحسب النظام المتبع بالمنتدى أسمحولي بطرح اللغز التاسع والعشرون





بنشدك عن عذراء تضيق خاطر السالي=ولابه من يواطنها ولابه من يدانيها
لها جند يخدمونه تحت شمس وضلالي=ولالها وقت محدد من أيام ولياليها
صالح2
09/07/2002, 02:14 PM
اخوي معذب الغيد الرجال ما قال ان حلك للغز السابق صحيح .......والآ وش رايك يالسمح ؟
السمح
09/07/2002, 02:24 PM
حياكم الله ..
أخي صالح بلى اللي حل اللغز السابق هو الغالي ( معذب الغيد ) وكان حله الله يسلمك العربة التي يدفعها العامل أمامه أثناء نقل المواد .. راجع اللغز مرة ثانية وتجد هذا الكلام .. أشكرك كل الشكر على المتابعة والحرص ..

======================

معذب الغيد :
لغزك حلو ويبدو لي مهوب صعب العيال بيحلونه على طول .. صح ؟؟
عاد هالحين أنا باسألك : ليش تعذب الغيد المسكينات ما يستاهلن .. ليش ما تريحهن وتطل عليهن ؟؟ :D
رمعتي للغز الله يحييك يمكن تكون : المصيبة .. كفانا الله وإياكم الشر ، وأبعد عنا المصائب ..
صالح2
09/07/2002, 06:46 PM
اخي العزيز معذب الغيد آسف ولكني لم ارى الأخ الهيثم اشار الى ان جوابك صحيح وحقك على العين والراس.
الأخ السمح ............العفو ..
بالنسبة لرمعة لغزك يامعذب الغيد فما ادري وش رايك بالمنية نسأل الله حسن الخاتمة .
سعد بن مطلق
10/07/2002, 03:10 AM
السلام عليكم ورحمة الله وبركاتة
المشرف العزيز أشكرك من قلبي وترى النك نيم من زود مادوخوني قلت أحاول
أعذبهم لو بالأسم هههههههههههههههه وبالنسبه لرمعتك أخي / السمح أسف مالك لوى

========================
أخي صالح 2 تأمر على اللغز وراعيه

ورمعتك غير صحيحة
الناريز
10/07/2002, 12:00 PM
صح لسانك يا معذب الغيد وخذ هالرمعه وشرايك ( بالمخالفه المروريه ) وشكراُ للجميع على التواصل بهذا الموروث الشعبي وجعلكم على القوه والله
سعد بن مطلق
10/07/2002, 11:44 PM
الأخ /الناريز

مرحبابك وصح بدنك
والله يبيض وجهك
ورمعتك صحيحة
واللغز والكنترول عندك
ولاتنسى تكتب اللغز الثلاثون
الناريز
11/07/2002, 01:21 AM
صح بدنك وعندي الشايب < الوالد > يسلم عليكم ويدعيلكم بعد
ويقول ياليت الشباب الي بالكنود يصيرون مثلكم . :D
سعد بن مطلق
11/07/2002, 05:22 PM
السلام عليكم ورحمة الله وبركاتة

مرحبابك يا الناريز
وسلم على الشايب الله يحفضة ويطول بعمره والله الله بالسمع والطاعه تراه الخير والبركة
وبالنسبة للكنود والمراسلة بشكل عام أغلب الشباب موجودين على موجات القصيد والألغاز
لكن الله يفكنا من الشواحط والمخربين
واللي يكبسون ههههههههههههه