سيارات دير الصينيه

[هابكيدو]

السلام عليكم ورحمة الله وبركاته...
عندي استفسار صغينون
اكيد سمعتو عن السياره الصينيه دير ويمكن احد منكم جربها
المطلوب مايلي :
1- من هو وكيلها واين مكان الوكاله في الرياض...؟
2-رأيكم فيها خصوصا اللي جربوها أو اللي يعرف احد جربها
3 اسعارها واسعار قطع غيارها وهل هي متوفره ام لا وغير ذلك
اللي عنده علم لايبخل علينا
وللحميع مني فائق الشكر والتقدير

[هابكيدو]

وش العلم ياشباب شكل ماحد عرفها
تشبه الهايلكس موديلات واحد وتسعين تقريبا وحولها

[شاص]

حياك أخوي ..
وكيلها سلمك الله ومن يقرا له فرع بالشفا طريق المعارض على يمينك وأنت متجه للمعارض ..
من ناحية العملانية لا أظن أنها عملية وأكبر دليل الضمان اللي يعطونه على السيارة وحسب ما أذكر أنه 8شهور أو سنة إذا ماكان أقل , وسمعت أن مكاينها مكاين هايلكسات قديمة 85 وحوله لكنه مجددة , والظاهر أن مشرفنا العزيز المري له تجربة سابقة معها

[المري]

مرحبا ياأخ وشيل

أخذ العلم الوكيد

شريت العام سيارة دير موديل 2004 ديزل بقيمة 36 الف شريتها بالتحديد شهر 2 عام 1425 هــ

وقالوا عليه ضمان سنة او 60 الف المهم يوم استعملته 10 اشهر قامت تصرف الزيت وتدخن دخان اسود وكل 100 كلم

لازم اصب في المكينة 4 لتر زيت المهم وديتها الى وكيلها في الاحساء قال نرسلها الى الدمام ارسلت الى الدمام وبعد مدة قالوا السيارة

مخبطة والتصليح على حسابك قلت ليش قالوا الضمان 30 الف وسيارتك ماشية 40 الف قلت طيب وضمان سنة قالوا مافيه..

المهم تصدق اني شاريها بدون اوراق ضمان وبدون عقد وبدون اي شي عطيتهم الفلوس وعطوني السيارة!!!!


النصيحة لاتغامر فيها.. عليك بالتويوتا ..

وحاااضر لاي استفسار

اخوك / المري

[هابكيدو]

شاكر لكم اخواني الشاص..المري
عندنا صويلح الله يصلحه ناشب بحلوقنا ياخوانه يببيها
لكن عقب كلامكم يبي يهون انشالله

[اسيزو 4x4]

مثل ماقالو الاخوان الشاص والمري

والله انها ماتنفع ولا بريال وانا اعرف ناس مجربينها ومايمدحونها لابنزين ولاديزل

[الطعس الذهبي]

فيه متسوبيشي حوض موديل 2003-2004-2005 ديزل به بور قوة القوة قوة البنزين والصرفية صرفية الديزل