لحقوا ياهل بريده تجربة الباترول

[أرمادا]

السلام عليكم ..


تجربة قيادة الباترول بجميع انواعه الآن ببريده بمعرض نيسان بطريق الملك عبدالعزيز ( المدينه سابقا ) ..

أنا توي جيت من المهرجان وجربت الباترول 400 حصان ..

ننتظر انطباعكم وآرائكم بعد التجربه

بالوفيق للجميع

[محسن اليامي]

ماشاءالله

وفي اتتظار التجربه

[الطرفيه]

جربت ابو400حصان مشاء الله قوة فخامه فعلا بطل الدروب قادم بقوة وجربت ابو 320حصان نفس الطريقه قوي جدا تنبهر بقوته تقول هذا وهو 320حصان فمابالك ب400حصان

[مقدم الطيب]

انت وش انطباعك عنه مادام انك جربته يسوى قيمته والا مايسوى يستاهل الواحد يشريه والا ندور غيره عندنا الوكاله بس شوف بعيونك مافيه تجربه . تحياتى للجميع

[مهاجر161]

هل فعلاً يستحق قيمته هذه ..

[مهاجر161]

اعتقد انه مبالغ في سعره .. مع العلم ان شركة الحمراني تجزم وتؤكد ان مواصفاته افضل واعلى من تقنية جيب التويوتا والكزس .. ولكن مشكلته الوحيده ليس بقوة ومتانة التويوتا .. مع العلم اني من المعجبين بنيسان من زمان .. خف دم

[الجندي2005]

مهما كان 300 الف ما هي قليلة ،،،،،،،،،،،،،،،،،،،،،،،،،،،،،،،،،،،،،،،

[ذئب الدهناء]

ماشاء الله ............كأن اسعارهم غاااااااااااااااااااااااااااليه

[ذيب زلفاوي]

ياخوان ماهي شروط التجربه
تكفوون ردو بسرعه انا من الزلفي وابروح بريده عندي شغل وابجربه بطريقي مع العلم ان ماعندي رخصه هل اقدر اجربه
وابي احد يوصفلي الموقع اذا جيت من السريع فيه مخرج لبريده وعنيزه تلقى قدامك اشاره اروح يمين ولا يسار ؟؟؟

[الطرفيه]

انت وش انطباعك عنه مادام انك جربته يسوى قيمته والا مايسوى يستاهل الواحد يشريه والا ندور غيره عندنا الوكاله بس شوف بعيونك مافيه تجربه . تحياتى للجميع

يستاهل الموتر موتر يبيض الوجه ويبردالكبد

[الطرفيه]

ياخوان ماهي شروط التجربه
تكفوون ردو بسرعه انا من الزلفي وابروح بريده عندي شغل وابجربه بطريقي مع العلم ان ماعندي رخصه هل اقدر اجربه
وابي احد يوصفلي الموقع اذا جيت من السريع فيه مخرج لبريده وعنيزه تلقى قدامك اشاره اروح يمين ولا يسار ؟؟؟

مشوا من بريده مادري بكرا أوعقبه يكونون في عنيزة الشروط معك رخصة

[ابودعسان]

انا جربت الفل كامل Le 1 سعره 240 الف
صراحه خبااااااال وقوه رهيبه ولا تسمع اي صوت من داخل
جنوط 20
كاميرا خلفيه
شنطه كهرب

[أرمادا]

انت وش انطباعك عنه مادام انك جربته يسوى قيمته والا مايسوى يستاهل الواحد يشريه والا ندور غيره عندنا الوكاله بس شوف بعيونك مافيه تجربه . تحياتى للجميع


الصراحه خيال .. خاصة نظام الهيدروليك ما شاء الله مثبت السياره وما تحس بالمطاب الخفيفه أبد ..

والعزم روعه انا معاي أرمادا ومعروف عزم الارمادا لكن الباترول خيالي وتعشيقات السياره سلسله ومتتابعه وبسرعه لاني ضغطت على البانزين بقوه ،

الصراحه 240 الف بالمواصفات هذي معقووله لو تقارنه بالـ vx-r أغلى منه قيمه ولا يسوى ..!!

[أرمادا]

التجربه ياخوان انتهت من بريده لكن ما أعلم وين بيروحون بعض الاخوان يقولون عنيزه

[ابوتركي666]

يوم راحت الدفرنسات قل عليه السلام

[قرم العيال]

وشلون التجربه .. كم الوقت نصف ساعه مثلأ

يمدين اواعد راعي لكزس واجرب معه هههههه

[swaswa]

يوم راحت الدفرنسات قل عليه السلام


احسن شي انهم شالو الدفرنسات
وعقبال الاندكروزر

الموتر صار مريح وفي الرمل ماشاء الله مرن ولا يتعلق
وش تبي بعد

المشكلة ان كل شي جديد نخاف منه وبعدين نكتشف انه الافضل

[جآر الثريآ]

دايما نسب كل ماهو جديد

بالتوفيق للباترول

[مخاوي القنص]

نعم وقد تمت تجربة الفئه الأولى ابو Se الف 170 و كذلك الفئه Le الفئه الثالثه ابو 240 الف في وكالة حائل الخميس الماضي وكانت تجارب ولا أروع ما شاء الله عزم ورساوه وفخامه وأناقه . . فعلا" هو بطل الدروووووووووووب . . .