انا شفي بالي فرخ حر

[المري]

السلام عليكم اخواني في منتدى مكشات اهدي اليكم هذه القصيده وعسى ان تنال على اعحابكم:



انـاشف بالي فرخ حرٍ بوسط السوق=بـغيته وعـداني قـليل الـجدا عـنّه
طـويل الـمعنّق مـغترٍ يقطع المعلوق=عـريض الـثنادي والبلا لا خذوا منّه
كـبير الـصوايد تـابعه لـلثنادي عوق=تـداريه مـن شـلّه على الدس وتحنه
وسـيع المناسم ليت عندي لمهره سوق=عـلي نـذر مـايقعد وانـا قـادرٍ فنّه
وحـش ما بعد شله على المنقله مخلوق=ولا نـقّزه راعـي المقانيص في العنّه
الا مـاحلا حـوالةٍ بـه مع الساروق=عـلى خـايعٍ زرق الـحباري يرودنّه
الـى بكّر الوسمي وجا للعشوب رموق=جـديد الـعشوب اللي من الغيث ممتنّه
وقـامت تـتل الـبدو للنجع سود النوق=تبي العشب عقب القيض ومصامخ الكّنه
طوال الرقاب اللي تشوق النواظر شوق=تـرازم تـبي الـمرباع ومفارق المنّه

[السمح]

تسلم أخوي المري على هالقصيدة الحلوة الرائعة التي تمثل حال الصقار إذا شاف الزين .. زدنا الله لا يصغرك من هالقصائد اللي تفتح النفس للقنص والبر والمطارد ..
أحييك وأرحب بك في هذه الخيمة وكذلك خيمة الصيد وجميع خيام مكشات .. وعز الله إن مشاركاتك كلها قمة ، ولا تجيب إلا علوم الرجال الطيبة ..

[عاشق الصحراء]

الله يعافيك و صح لسانك يا شاعر.
ما شاء الله بدء شعراء المقانيص يظهرون من روائعهم الله
يكثر خيرهم....و تكفى يالمري لا تحرمنا من قصائد الحباري .
و هالخرب او الدراجه متى لقيتها في اول هجرة الحباري او
في رد ت الحباري.
الله يرزقنا و جميع المسلمين بالامطار الوسمية المبكرة كما
ذكرت في القصيدة (يعني في آخر سبتمبر) وقت هجرة الكراوين:)

[هاوي مقناص]

السلام عليكم

صح السانك يالمري علي القصيده الحلوه::good: :good:: والي الامام سرررررررررر ، وامتعنا

من ما عندك يالغالي 0


ودمت 0 :good: :good: :good: :good: :good:


اقبل تحياتي :: اخوك هاوي مقناص0

[((( الحر)))]

اسعك الله صباح الجميع بالخير

عزالله انها قصيدة تسوى يالمري

وبارك الله فيك وتسلم على هالاطراء

والله الله بالقصايد الي شروى وجه راعيها
وحياك الله0

[المري]

السمح وعاشق الصحراء وهاوي مقناص والاخ الحر:


اشكركم جميعا وابشرو ان شاء الله بالخير وبالقصايد الزينه.


تقبل تحيات اخوكم: المري

[السرحان]

قصيده جميله
وكثر من هالمنوال تراه هو عزانا الوحيد
وصح لسانك

[المري]

مرحبا والله يالسرحان

وحيالله هل الدمام

صحيح هو عزانا الوحيد ولكن اطيورنا فيها ابركه والحباري والله انها كل سنه اقل .


وماعاد تقدر تشتري الطير الغالي الا انك بتقنص برى الخارج.


تقبل تحياتي : المري