بنزين ابومنديل والعجب العجاب..!!!

[خالدالقبيلي]

السلام عليكم ورحمة الله وبركاته


وصبحكم الله بالخير الجميع


ماتركب سيارة من هالأيام إلا تلقى المناديل حولك من كل جهة على الطبلون وتحت عالجنب
المهم ياجماعة الخير أنا لاحظت شغلة مهمة أنه هالبنزين ابومنديل تعبيه اليوم وبكره الا هو طاير !!!!!!


أنا قلت أعبي من المحطات الكبيرة والمعروفة وفعلاً حسيت بفرق شاسع


أبيكم تجربون وتعطوني رايكم


مع تحياتي

[ذيب صعافيق]

لا وأزيدك من الشعر بيت الملاحظ أن المحطات الي تعطي مناديل تديره عماله وافدة وفي المناطق الي الرقابة ظعيفة--؟؟؟:hot:

[ساري 111]

والله بالنسبه لي وضع البنزين مضبوط ماكد لاحظت فرق

يمكن سيارتك فيها مشكله

وشي سيارتك ؟؟؟

[سالم11]

محطات الدريس بنزينهم نظيف والمكائن نظيفه وهم الأفضل

[عبدالعزيز-1]

في شمال الرياض مايعطونا مناديل

الله يرحم ايام السويدي يوم كنت اعبي فل ويعطوني 4 كراتين

[هويدي]

فعلاً بعض المحطات بنزينهم يورررر ( يخلص بسرعه )

خصوصاً اللي على الخطوط بعضهم يطلع ريحه قاز مع الشكمان

[مقلع الرمث]

عند مقبره النسيم من جهه الغرب فيه محطه تعبي بنزيم ب 15 يعطيك اكلينكس وانا اعبي بعض الاحيان يعطيني 4 كلينكس

والسياره تمشي 550 كثر خيرها

[ساري 111]

يطلع ريحه قاز مع الشكمان

هذي انا لي فتره ملاحظها .. بس مافرق معي صرف البنزين

لدرجه بعض الاحيان تحس انك حول طياره من ريحه القاز

تتوقعون ياجماعه فيه ضرر على المكينه من القاز ؟؟

[كاشت...]

ما أتوقع أن كلامك أخوي ينطبق ع جميع المحطات . . .
أنا أعبي من المحطات الشركات ..
ومحطة تعطي مناديل ..
ما فيه فرق أبد .. نفس الكيلوات

[NissaN 1990]

أنا أعبي من محطات البنزين اللي تديرها شركات كبيره مثل وقود ولتر والدريس والتسهيلات ،،، أظمن من اللي تديرها عماله وافده ،،

[أبوغيث 2003]

عند مقبره النسيم من جهه الغرب فيه محطه تعبي بنزيم ب 15 يعطيك اكلينكس وانا اعبي بعض الاحيان يعطيني 4 كلينكس

والسياره تمشي 550 كثر خيرها


انا اعبي من نفس المحطة

والبنزين مضبوط

[شاص2007]

للمعلوميه سعر القاز نفس سعر البنزين الفرق هلله

[نجم الصداوي]

أتمنى بعدين يصير تشوف البنزين مثل المغذي اللي في المستفشي.. أبيض في أبيض.. وهو يصب وأنت تتفرج عليه مدرررررعــم ( منطلق بقوة) هــــاج للتــانكي ( متجه للتانكي) من شان نظمن فعلا إن البزين أصلي..أمــا والحالة هذه ..فلا تتعجب إن إكتتشفت يوما نه مخلوط من تانكي المحطة خرروع :)>>> لأن الخورع قوي ..قويرية وحدة تساوي ذرة يورانيوم*****

[نسيم الشوق]

تأكدوا من الموضوضوع وبلغو شركة ارامكو هي المسئوله عن التوزيع الداخلي والخارجي والموظوع يهمها ويهم المجتمع وان لا نسمح للوافدين باللعب علينا

[ابوخالد2004]

الله يخليلنا الديزل لامغشوش ولاشي
عاش الديزل
قولو معي

[هبــ حريملاااء ـبوب]

السلام عليكم ..

انا كان عندي رانجلر 2002 وعبيت من محطه وعقبها طلعت الثمامه وطول الطريق وهي تقطع وتدخن !!!
ومن بكره ما ردني الا الوكاله وغيروا نص المكينه جابوها طلب اخذت اسبوعين والقيمه 17000 ريال
بس اشوى انها على الضمان وما خذوا الا 250 زيت وفلتر وخلافه ..

عموما غير محطات الدريس الجديده لا تدور اضمن وانظف .. القديمه لابد من تسرب الماء والغبار ..

[نسيم الشوق]

يا اخوان التسرب وارد والغش من الوافدين وارد والله الموضوع مهم وخطير ولابد انا نتعاون في كشف تلاعب الوافدين ان كان هناك تلاعب وان كان تسرب برضه يلزم صاحب المحطه باصلاح الخزانات واي واحد تحدث معه مشكله من البنزين يرجع لنفس المحطه اللي عبا منها ويحملهم المشكله اللي حصلت في سيارته ومن باب الاحتياط اطلب فاتوره لاثبات انك عبيت من عندهم ارجو ان نشارك بالآراء لنقضي على الظاهرة السيئه والله المستعان

[الفارس الاسود]

السلام عليكم

بنسبه اخوي للبنزين واحد وكل اناس تشهد انه واحد مايتغير اما 91 او 95
وبنسبه للمناديل تعبي وتحصل على منديل مجاني
افضل من نك تعبي وتحصل على اللباي باي (يعني اقلب وجهك)

فيه فرق وفي ذالك تكسب ريالين حق المنديل

[فارس ملهم]

سمعت مثل هالكلام

بس اتوقع شي نفسي

مجرد توقع ليس الا ...

[فارس ملهم]

سمعت مثل هالكلام

بس اتوقع شي نفسي

مجرد توقع ليس الا ...

[فيضة الجوعي]

يأخو يمكن يفرق معك إذا كنت تسرع لأنه مع السرعه تزيد الصرفية

[جيبي جايزلي]

والله لا تستغرب اي شي هاليومين الاجانب مستميتين ولا يهمهم اي شي هذا ان وجد اللي يخوفهم
انا عن نفسي اعبي من التسهيلات احس انها اضمن من المحطات الثانيه
وابعد كل البعد عن المحطات القديمه واللي من شكلها تحس انها دمار وخراب

[برسيه]

بلا وسوسة..

[بواردي الدلم]

أنا أعبي من محطات البنزين اللي تديرها شركات كبيره مثل وقود ولتر والدريس والتسهيلات ،،، أظمن من اللي تديرها عماله وافده ،،

بالنسبه لمحطة التسهيلات اللي في الخرج طريق العيون هذي صار لي فيها موقف كرهني في التسهيلات كلها

وقفت وعبيت ب20 وبالعاده يعبي التانكي فلل المره هذي ماتعدى النص قلت يمكن انا مخرف

رجعت له اليوم الثاني وقلت له عب بعشرين ويوم خلص برضو ماتعدى النص صار الهندي مايصفر العداد وياكثر اللي توهقو وتخيشو قلت طيب ياصديق عب التانكي الثاني بعشرين ويوم عباه علمته انه نصاب وإني كافشه وقام يصيح ويقول انا مسكين مافي سوي كدا مرا تاني انا موسليم :D

طبعا قلت له انا ماراح اعطيك إلا عشرين عشره عن امس وعشره عن اليوم << هنا لغز من يقدر يحله منكم :D

[فيصل التميمي]

لايكون لك محطة معينة في الحي اي محطة تقف عندها عب بنزين صار عندها منديل او ماصار

[نوماس1]

عاش الديزل عاش بس ما يعطوننا منديل محطات الديزل لاني اعبي فل ب 20 والمنديل من 30 وفوق بس ترى الديزل سهل يغشونه بما ما تدي؟

[شمالات نجد]

يا أخوان الغش حاصل وفيه ناس منلدغه منه فلا تقولون عب من اي محطه

بالنسبة لي محطات الدريس وإذا ما لقيت نفط وإذا انحديت على محطه ما اعرفها أعبي حق التوصيله فقط

سلام

[ابن علوان]

بلا وسوسة..

من جد احس ان الموضوع وسواس مايمديهم يغشوه بقاز لانهم اثنينهم نفس السعر
توكلوا على الله وعبوا او تعاملوا مع محطات ترتاحون لها وريحوا بالكم وخلاص

[هاوي موتري96]

الله يستر علينا من هالتجار ماتدري وين الي يخاف الله من الحرامي

[خالدالقبيلي]

اشكركم على الردود اخواني

بس انا لاحظت اني بنزين ابومنديل يطير طيران وبنزين محطات الشركات يبطي

ولذلك وجب التنبيه

واللي مو مقتنع بالفكرة يرخي رياله عند ابومنديل

يعطيكم العافية ربي

[renegade]

بالنسبه لمحطة التسهيلات اللي في الخرج طريق العيون هذي صار لي فيها موقف كرهني في التسهيلات كلها

وقفت وعبيت ب20 وبالعاده يعبي التانكي فلل المره هذي ماتعدى النص قلت يمكن انا مخرف

رجعت له اليوم الثاني وقلت له عب بعشرين ويوم خلص برضو ماتعدى النص صار الهندي مايصفر العداد وياكثر اللي توهقو وتخيشو قلت طيب ياصديق عب التانكي الثاني بعشرين ويوم عباه علمته انه نصاب وإني كافشه وقام يصيح ويقول انا مسكين مافي سوي كدا مرا تاني انا موسليم :D

طبعا قلت له انا ماراح اعطيك إلا عشرين عشره عن امس وعشره عن اليوم << هنا لغز من يقدر يحله منكم :D

توك تدري إن التسهيلات أكثر عمالها حرامية :D ؟

[نسيم الشوق]

الله يجزاك خير لا نقعد توسوس بالناس ان كنت متأكد من كلامك خلك راعي موقف وبلغ ارامكو عن ها المحطه ولا تكتفي بالتنبيه والتشكيك

[alwssam6]

والله بالنسبه لي وضع البنزين مضبوط ماكد لاحظت فرق

[بو خالد77]

الاحظ بسيارتي بالفترة الاخيرة ريحة قوية وغير معتادة من الشكمان

[ولد وايل..]

عاااااااش عااااش عاااااااااااااش


يالبى الديزليه بس.....


انا اعبر بمحطة شرق غرناطة جديده يديرها يمانيه بـ 15 منديل

واعبي فل واخذ خمس مناديل لعانه ههههههه

وماعليها صرف طبيعي...