وش عيوب الشروكي؟

[الفهد88]

الاخوة الاعزاء
السلام عليكم ورحمة الله وبركاته
أشتريت الاسبوع الماضي جيب شروكي وابغي اعرف عيوبه ومشاكله حتى اتجنبها
وشكرا

[السالمي]

دامك شريت وانتهيت ماقول الا الله يعطيك خيره ويكفيك شره

وانا مجرب الشروكي وصورته شفها في التوقيع

استهلاكه في البنزين قليل وفي النفود خذ ولد يعجبك ومايحرجك ابد

الليوم والله اني مشغل المكيف وطالع فيه للنفود وحرارته على الربع والدبل شغال

شف انت اذا ابتعدت عن الـ 8 سلندر ماعليك ان شاء الله

حتى لو جا في موترك حاراه بأمكانك ترهمله مراوح كهرب او تركب مراوح اضافيه

وراح تنتهي المكله

[datsun 1984]

أسمع يا أخوي الفهد88 الشروكي موتر خطوط وصرفيته ممتازه وعزمه قوي و شكله جميل لاكن يبي واحد محافظ ولا يجورعليه أبدا وإلا يبي ياكلك أكل بالخراب لأنه حديده فاشل دفرنساته قيره دبله كراسي المكينه كراسي القير وأنتبه لا يقطع من البنزين وإلا تخرب طرمبة البنزين ولا تاخذبه بطانيج قويه لانه يطيح عامود الكردان وشيك على كراسي المكينه وخاصه الي على اليمين جهة السواق ترا دايم يخرب وناظر دورة الماء بالمكينه وترافيه ميزه من بد السيارات الا وهي إذاعلكته وعطيته البانزين يخرب بمكانه على طول وعلى ما قالو سريع سريع ولا تحرص على الكشتات بعيييييييييييييد ترا يوهقك 0000000000000000000والسلام :type: :) :rolleyes: :( :mad:

[شروكي_كحلي]

السلام عليكم

اخي الفهد انا عندي شروكي اسبورت مهب جراند شروكي...
الشروكي خذ ولد يا رجل ممتاز جدا...من البانزيل والقوة والخفه..

لكن اركد عليه في البر يعني الارض لا تضربه من تحت بكثره لأنك راح تتعب من خراب الجبنات في الماكينا والبككس وخراب الجبنات يسبب خرير الزيت من الماكينه....مو مثل الباترول الى ما يهمه الضربات.:)

شروكي وبس


وشكرا

[ديفون]

اخواني عندي شيروكي ليبرتي موديل 2012 لاحظت عند تشغيل المكيف صوت ونه لما اعشق الجير . هل هي طبيعية ام لا . وشكرا لكم

[Ra3e]

موتر لطب بوسط النفود وشاف ماحولك احد طفا عليك ههههههههههههههههه

بس مانختلف ان به حقه من قوه وعزم عزمه خذه شيخ عز الله يطررببك ,,

[abo naser 1]

السلام عليكم

الشروكي بعد تجربة مكينة قير 100% كتحمل عيبة بطنة دفرنساتة وتعليقة و والعواميد والحرات والرجة ولا تلعب في الكهرب خله على بلدة

[لسان الحقيقة]

الموتر عزمه قوي وخفيف كنك تسوق سيدان , وصرفية البنزين ممتازة ..
العيوب كل السيارات فيها حقها من العيوب لكن اللي يحضرني انه يقرقع ويتفكك ولا قفلت معه طفى عليك ولا عد اشتغل الا بالورشة ..

[داري غالية]

كنت من ملاك الشروكي موديل95 واستمر معي 14 سنهلم اشتكي منه طيلة بقائه معي الا من الدفرنس الخلفي حيث غيرته مرتين رغم انني من المتوسطي المحافظة على السياره ومشت معي521000كم

[كحيلان تميم]

طق لك باترول وريح مخك وش لك بالغثى

[ريان2002]

طق لك باترول وريح مخك وش لك بالغثى

الموضوع من عام 2005 وتم رفعه عام 2013
وجيت ترفعه الحين لواحد سأل عام 2005 ؟