نداء لخبراء ترهيم الثلاجات والكهرباء

[الحناش999]

اخواني اعضاء وزوار هالمنتدي الشامخ اللي احبة دائما وغالبية من فية اهل صدق وشهامة بدون مجاملة واللة
الموضوع هو انني ارغب في تركيب ثلاجة الجيوب التي بين المقاعد من موديل 92 الى 97 على جيب ربع تويوتا مراتبة مفصولة وقد رايت موتر مرهمها لكن مادري هل هي سبق وان احد ركبها وهل تركيبه يكون عملي وتبرد زين وياليت الي قد جرب هالشغلة يفيدنا ويوصف لنا متخصص بترهيمه في الرياض ولة خالص الدعاء وتقبلو تحياتي

[البتار2011]

يفيدونك ان شاء الله الاعضاء .....(( ما عندي علم بها ))

[ابوسعودد]

حياك الله اخوي
فيه عند الطمره ثلاجه مقاس 18 لتر او مقاس 25لتر قيمتها تقريبا من 1500ريال الى 1800ريال على الولاعه مباشره
من وجهة نظري افضل واكبر حجم واسرع في التركيب ولا تحتاج ترهيم ولاشي وتستطيع انك تستخدمها استخدامات اخرى وفي سياره ثاني وتشيلها معك لو بعت الموتر حتى اذا طفيت الموتر تكون شغاله ماهي مربوطه في تشغيل السياره وتشغيل المكيف
لانك لو بتركب ثلاجه مثل الجيوب اللي ذكرت اعتقد انك تحتاج كمبروسر اكبر من غير تخريم في البدي وتحتاج تمديد في مواصير للفريون من تحت السياره ولا راح تسلم من مشاكل مستقبلية واحسب كل شي لحاله كم راح يكلفك

( اوفر + اسرع + اجود + اميز + مرونه + اكبر حجم ) كل هالمواصفات راح تلاقيها في اقتراحي لك

افتح هالرابط ويعطيك اختصار لكلامي
http://www.mekshat.com/vb/showthread.php?t=77654

[الحناش999]

اللة لايهينك يابوسعود
انا عندي علم بالطمرة وغيرها لكن ودي بشد البلد لان منظرها زين وقد شفتها مركبة على جيب ربع وازيدك من الشعر بيت انها بجنبك مايحتاج تنزل وتطلع عشان تاخن اوزازة الموية