أستفتاء: أيهم أقوى جيب الربع (العشه) ولا الربع الجديد؟؟؟؟ ((من عدة نواحي))

[مخاوي العشه]

بسم الله الرحمن الرحيم

السلام عليكم ورحمة الله وبركاته

علومكم عساكم طيبين

ياشباب أبي أسئلكم
أيهم أقوى جيب الربع (العشه) من موديل 80 ألى موديل 84
ولا الربع الجديد
من ناحية:

1- تحمل وصبر المكينه بالكر والكد
2- قوة المكينه في صعود المرتفعات سواء طريق او نفود او جبل
3- قوة الدبل الخفيف والثقيل
4- القوه في السحب او الجر


والله يجزاكم خير

سلام عليكم

[عاشق السيل]

وعليكم السلام ورحمة الله وبركاته ،،

أخوي مقارنتك غريبة جدا !! كأنك تقارن بين السماء والأرض !!!!

أنا جربت الاثنين والجديد يتميز بكلللللللللللللللل شي وخاصة اللي سألت عنها ،،

أما القديم يتميز عن الجديد برخص قطع الغيار وإنك ماتخاف عليه بالبر أبد أبد أبد ههههههههه

هذا مالدي وتقبل مروري يالغالي ....

[ابوطاقية]

بسم الله الرحمن الرحيم

السلام عليكم ورحمة الله وبركاته

علومكم عساكم طيبين

ياشباب أبي أسئلكم
أيهم أقوى جيب الربع (العشه) من موديل 80 ألى موديل 84
ولا الربع الجديد
من ناحية:

1- تحمل وصبر المكينه بالكر والكد
2- قوة المكينه في صعود المرتفعات سواء طريق او نفود او جبل
3- قوة الدبل الخفيف والثقيل
4- القوه في السحب او الجر


والله يجزاكم خير

سلام عليكم

1- تحمل وصبر المكينه بالكر والكد
ج1-المكينه الحاليه افضل من 2f من كل النواحي طبعا اقصد مكينة 4500
جواب الاسئله الباقي كلها ترجح العشه لقوة القير والدبل

[محيسن1]

وعليكم السلام
يالله حيه
والله وانا اخوك ذكرتني بالعشره القديمه اللي مع ابوشنب
وان اشهد انه حق كر وفر
واتوقع مافيه سياره تتحمل مثله
كنت اسوي به الهوايل واموره تمام بس عذروبه انه متعب بالحيل
وهذي صوره له في حايل


http://center.jeddahbikers.com/uploads/jb12748145712.jpg (http://center.jeddahbikers.com/)

تقبل تحيات اخوك ابوعبدالرحمن

[اول]

يارجال لا جيت تقومه كنك حاطه في الريوس مافيه مقارنه

[moooj]

قوة السحب بالقديم هااااااااائلة
ودفرنشات تتحمل وما تخاف عليها ولا تشيل همها
لكن الجديد اخف واكثر نشاط بالنفود
وكلا السيارتين ليست للأستعمل اليومي وكثرة المشاوير لأنك راح تمل منها
تنفع للشباب بعمر الزهور يقدر على الكر والفر مع طارة القديم وازعاجه
ويقوى قساوة الجديد وتو عضمه طري
اما حن يادهينة لا تنكبي ندور الراحة